10. இனிமை தருமா முதுமை

-10-

     Golden years by choice, not by chance, என்பதனால் ஒழுக்கமான நடைமுறையில் வாழ்வியலை மாற்றிக் கொண்டால், முதுமையில் தனிமையும் இல்லை, கொடுமையும் இல்லை. முதுமை எப்போதும் இனிமையை என நம்பிக்கையுடன் நீங்களும் சொல்லுங்கள்.

அதெல்லாம் சரி..  பிறந்தவர்கள் நிச்சயமாக ஒரு நாள் இறந்து தானே ஆக வேண்டும். என்றாலும் இறக்கும் வரையில் வாழ வேண்டும் அதை விட மற்றவர்களுக்கு தொல்லை தராதபடி இருக்க வேண்டும்.  அதையும் விட இறந்தபிறகும் வாழ வேண்டும் என்பதை மனதில் கொண்டு ஒவ்வொரு நாளும் பயணித்தால், ஒழுக்கமான வாழ்க்கை முறை கடைசி வரை நம் கூடவே இருக்கும்.  அது சரி.. அதுக்கு என்ன செய்ய வேண்டும் என யோசிக்கிறீர்கள் புரிகிறது. அதை சொல்வதற்கு தான் இந்த பகுதி.

     பொருளாதார தேவைகள் நிதி சம்பந்தமாக தனியாக இன்னொரு நூலில் சொல்கிறேன். எனினும் அது தொடர்பாக வசதி உள்ளவர்கள் உயில் எழுதி வைப்பது, அதை பதிவு செய்வது, அதை எப்படி காப்பது என்பதை இன்னொரு வாய்ப் பில் சொல்கிறேன்.

     இப்போ என்ன செய்ய வேண்டும் என சொல்கிறேன் குறித்துக் கொள்ளுங்கள். எத்தனை ஆரோக்கியமாக இருந்தாலும், இன்றைய வாழ்வியல் சூழல்களில் நோய்களும் அதற்கு ஏற்ப நோய் எதிர்ப்பு மருந்துகளும் வந்தாலும், நோயில் அனுபவிக்கும் காலம் கொடுமையானது. நமக்கு மட்டும் அல்ல நம்மை கவனித்துக் கொள்ளும் குடும்ப உறுப்பினர்களுக்கும், அல்லது முதியோர் இல்லத்தில் இருப்பவராக இருந்தால், அந்த இல்லத்தின் நிர்வாகிகளுக்கும் என்பதை புரிந்து கொண்டு அதற்கு ஏற்ப நடந்து கொள்ள வேண்டும்.

     குடும்பத்தில் உள்ளவர்களுக்கு மருத்துவ வறுமை வராமல் இருப்பதற்கும், உடன் இருப்பவர்களுக்கு மன ரீதியாக, பண ரீதியாக, தொல்லை தராமல் இருப்பதற்கும். வாழும் உயில் (living வில்) என உள்ளது. ஏதாவது ஒரு காரணத்திற்காக தவிர்க்கமுடியாமல் மருத்தவ படுக்கையில் இருந்துவிட்டால், தொடர்ந்து வாழவிருப்பம் இல்லை என முன்வந்து எழுதி வைக்கும் உயில் தான் இந்தக் வாழும் உயில். அதாவது வாழும் காலத்திலேயே இப்படி எழுதி வைப்பது என ஒரு முறை இதனை AMD (Advanced Medical Directives) என்று சொல்லுவார்கள். இந்திய அரசியல்அமைப்பு சட்டத்தின் சரத்து 21 படி கண்ணியமாக வாழ்தல் என முறையில் இது தொடர்பாக 2018 ஆம் ஆண்டு உச்ச நீதிமன்ற தீர்ப்பில் தெளிவாக உள்ளது என்பதை தெரிந்து கொள்ளுங்கள்.

     இது போன்ற தேவைகள் எல்லாம் எங்களுக்கு இல்லை என்று நினைப்பவர்கள், உடல் உறுப்புகளை மரணத்திற்கு பிறகு என தானமாக கொடுத்து விடுங்கள். அரசு நிர்வகிக்கும் natto மற்றும் sattoவில் பதிவு செய்து கொள்ளுங்கள். இதில் விழிகள், சிறுநீரகங்கள், இதயம் நுரையீரல், கல்லீரல், கணையம், தோல், என அணைத்து உறுப்புகளையும் தானம் செய்யலாம். இது போல உடல் உறுப்புகளை தானம் செய்பவர்களுக்கு சில மாநிலங்களில் அவர்கள் உடலை அரசுமரியாதையுடன் நல்லடக்கம் செய்வார்கள். சாதாரண நிலையில் இருந்தால்கூட இது குடும்பத்திற்கு கிடைக்கும் கௌரவம். இன்னொரு உயிருக்கு வாழ்வுகொடுத்த புண்ணியம் என மனம் உவந்து தானம்தர பதிவு செய்து கொள்ளுங்கள்.

     இது செய்யலாமா? நமது இந்து தர்மத்தில் இப்படி செய்வது சரியா என்ற கோணத்தில் சிலர் சிந்திக்கலாம். அவர்கள் பெரியபுராணத்தில்வரும் கண்ணப்பர் வரலாற்றை நினைவில் கொண்டு வர வேண்டும். தின்னன் என்ற வேடுவன் தன் கண்ணை எடுத்து அப்பி  செய்த முதல் கண்தானம் அது தானே. இப்படி செய்திகளை மேற்கோள் காட்டமுடியும் என்றாலும் உணர்வுபூர்வமாக சிந்திக்க இடம் கொடுக்காமல்,  அறிவு பூர்வமாக சிந்தித்து  முடிவு செய்ய வேண்டும்.

     உடலை கூறு செய்து விடுவார்களே, இது வேண்டாம், என்ற எண்ணத்தில் இதற்கும் வாய்ப்பு இல்லை என்று நினைப்பவர்களுக்கு இன்னொரு வாய்ப்பும் இருக்கிறது. இறந்த பிறகு முழு உடலையும், தாமே முன்வந்து தானம் செய்து விடலாம். இது மருத்துவகல்லூரி மாணவர்கள் படிப்பதற்கு மருத்துவதுறையின் ஆய்வுகளுக்கு நமது முழு உடலையும் தானமாக கொடுத்து விடலாம். இதனால் மருத்துவதுறைக்கு நாம் செய்யும் ஒரு பங்களிப்பாக இருக்கும். இதிலும் மதம், சமயம், சடங்கு சார்ந்த உணர்வு பூர்வமான சிந்தனைகள் நமக்கு முன்வந்து நம்மை முடிவு செய்ய விடாமல் தடுக்கலாம்.

     பெரியபுராணத்தில், திருமூலர் வரலாற்றை நினைவில் கொண்டு வாருங்கள், சில பசுமாடுகளுக்காக, தன் உடலை கொடுத்து மூலன் உடலுக்கு உயிர் கொடுத்தது தமிழர் புராணம் சொன்ன செய்தி தான்.

     பகவத் கீதையில், (2.22) உடல்மீது பற்றுக்கொள்ள கூடாது என சொல்வது இதே சிந்தனையை நமக்கு நினைவு படுத்தும் விதமாக இருக்கும்.அதனால் உணர்வு பூர்வமாக சிந்திக்காமல், அறிவு பூர்வமாக சிந்திதால், இருக்கும் போது மட்டும் அல்ல, இறந்த பிறகும் வாழலாம்.

     இதுவரை என்னசெய்ய வேண்டும் என பார்த்தோம். இனி முதுமையில் என்ன செய்யகூடாது என்பதை பார்க்கலாமா? அட இதுவும் முக்கியம் தானே என்று சொல்றீங்க புரிகிறது.

     கீழே விழுவது என்பது முதுமையில் இயல்பாக வருவது.  இதற்கு காரணம் பல இருந்தாலும், இது தவிர்க்கமுடியாது அதனால் கவனமாக இருக்க வேண்டும். வெளியே செல்லமுடியாமல் முது-வயது நிறைம்பியவர்கள் tiles, marbles போன்ற தரை தளங்களில், இருப்பவர்கள் வீட்டில் khatauவகை காலணிகளை வீட்டில் போட்டுக் கொள்ளலாம். இதனால் வேகமாக நடக்க முடியாது என்றாலும் நடப்பதற்கு ஒரு பிடிப்பை தரும்.

     யாரையும் பணத்திற்காகவோ, அல்லது வேறு செயல்வடிவங்களுக்காவோ, நம்பி விடாதீர்கள், குடும்பத்தில் இருக்கும் பெண்பிள்ளைகள் என்றாலும் கூட distance ல் வைத்தே நட்பும் உறவும் இருக்க வேண்டும் என்பதை நினைவில் கொல்லுங்கள். இதை தான் வானபிரஸ்தா வாழ்க்கை நமக்கு சொல்லி தருகிறது.     

     யாரையும் நம்பிவிடகூடாது என்பது எவ்வளவு முக்கியமோ அதை விட முக்கியம் யாரிடம்இருந்தும் எதையும் எப்போதும் எதிர்பார்க்காதீர்கள். “என்னப்பா சாப்பிட்டீர்களா?” என்று பிள்ளைகள் கேட்கவில்லை என்று கவலைப் படாதீர்கள். அவர்கள் கேட்க வேண்டும் என்று எதிர்பார்க்காதீர்கள்.

to get the book CLICK here

     நான் அனுபவஸ்தான், எனக்கு இல்லாத அனுபவமா என்று நீங்களே முன் வந்து யாரும் கேட்கவில்லை என்றாலும்கூட ஆலோசனை சொல்லாதீர்கள். உங்களிடம் கேட்டால்மட்டுமே ஆலோசனை சொல்ல வேண்டும். உணர்ச்சி பொங்க எனக்கு தெரியும்,  என ஆலோசனை சொல்லி பிரச்சனைகளை விலைக்கு வாங்கி கொள்ளாதீர்கள்.

     பொருளாதார ரீதியாகவோ, அல்லது, சமூக அந்தஸ்தில் உயர்ந்த நிலையில் இருப்பவர்களாக இருந்தால், அடுத்தவர்களுக்கு உதவி செய்வது வழக்கம், அப்படி நீங்கள் செய்யும் உதவிகளை வெளியே சொல்லி விளம்பரம் செய்து கொள்ளாதீர்கள். நற்பணிகள் செய்கிறீர்கள் என்றால், வாழ்த்துக்கள், அதை அமைதியாக செய்யுங்கள். 

     அடுத்தவர்களுக்கு கடன் கொடுக்காதீர்கள். திருப்பி தருகிறேன் என்று சொன்னாலும் இதற்கு முன்னால் வாங்கிவிட்டு நேர்மையாக திருப்பி கொடுத்தவர் என்று எதையாவது காரணம் சொல்லி கடன் கொடுக்க வேண்டாம். இல்லை கொடுத்துதான் ஆக வேண்டும் என்ற நிலையில் இருந்தால், அது திரும்பி வராது அல்லது திரும்பி வராவிட்டால் பரவாயில்லை என்ற மன நிலை இருந்தால் தாராளமாக கொடுக்கலாம். இப்போ சும்மா தானே நம்ம கிட்ட இருக்கு. அடுத்த வருஷம்தான் தரேன் என்று சொல்கிறாரே என்ற மனநிலையில் ஏதாவது முடிவு எடுத்தால், அது தவறாகவே முடிந்து விடும் என்பதால், கவனமாக இருக்க வேண்டும்.

     முதுமையிலும் கொஞ்சம் tech savyஆக இருப்பவர்கள், friendship app  போன்றவற்றில் பதிவு செய்து கொண்டு நேரத்தை கழிக்கிறேன். பொழுதை போக்குகிறேன் என்று உங்களை இணைத்துக் கொள்ளாதீர்கள். இதுபோல அறிமுகம் இல்லாத நட்புகள், முகம் பார்க்காத நட்புகள் உங்களுக்கு உறுதியாக நன்மையை செய்யும் என்று நம்பி விடாதீர்கள்.

     நான், “இதை அப்பவே அப்படி செய்துஇருந்தால்..” என பழையகால வாழ்க்கையில் வாழதீர்கள். அது நம்மை சுகமான சிந்தனையாகவே இருந்தாலும் அது நம்மை சோகத்திற்கு அழைத்து செல்லும்.  “நாளை என்ன நடக்குமோ.. இது வைத்துக் கொண்டு எத்தனை நாட்களை இப்படி ஓட்டுவது” போன்ற எதிர்கால சிந்தனைகளை அடிக்கடி மனக்கண் முன் கொண்டு வறாதீர்கள். அது உங்களை வாட வைத்து மகிழச்சியை பறித்துக் கொண்டு செல்லும். அதனால் எதிர்மறை எண்ணங்களுக்கு எப்போதும் “no” சொல்லி விடுங்கள்.

     எல்லாவற்றிக்கும் “ஆமாம்” சொல்லி விடாதீர்கள். மற்றவர்கள் விரிக்கும் வலையில் விழாமல் இருப்பது தான் புத்திசாலித்தனம். அந்த வலை அன்புவலை  அல்லது பாச வலையாக இருந்தாலும், yes  சொல்ல வேண்டிய இடத்தில் no சொல்லும் படி உங்களை உடல் மற்றும் மனதளவில் தயார் படுத்திக் கொள்ளுங்கள்.

     அடுத்தவர்களுடன் எப்போதும் உங்களை ஒப்பீடு செய்து கொள்ளாதீர்கள் என்ற வழக்கமானகுறிப்பை சொன்னாலும் நிறைவாக சொல்ல வருவது இது தான். Age is just a number living is an art என்பதை புரிந்து கொள்ளுங்கள். வயதாகி விட்டது, அல்லது முதுமை வந்து விடபோகிறதே என்று அச்சம் கொள்ளாதீர்கள்.  வந்தால்வரட்டும் முதுமை என வாழ பழகினால், முதுமை, 

எப்போதும் இனிமையே தரும் என்பதை அழுத்தமாக மனதில் பதிய வைத்து Bold to live in Golden years, not old என நம்பிக்கையுடன் இருங்கள். நல்வாழ்த்துக்கள். 

.... end...

9 இனிமை தருமா முதுமை

-9 –

               எல்லாம் சரி தாங்க. இந்த வயதான காலத்தில், சாதாரண உடல் நிலையில் இருப்பவர்கள் ஒரு நாள் வாழ்க்கை முறையை எப்படி கழிக்கலாம் என்று ஒரு பட்டியல் போட்டு கொடுத்தால் எப்படி இருக்கும் என நினைத்து தான் இந்த பட்டியலை போட்டு தந்து உள்ளது. இதை இப்படியே தான்  செயல்படுத்த வேண்டும் என்ற அவசியம் இல்லை என்றாலும் உங்கள் குடும்ப சூழல் வாழ்க்கை முறை என்பதற்கு ஏற்ப இதனை தேவையான பகுதிகளில் மாற்றிக் கொள்ளலாம்.

Mindscaping& Activities for Seniors:விழித்து இருக்கும் நேரம் தினமும் காலை 5.30 மணி முதல் இரவு 10.30 வரையில்.

5.30               காலைக் கடன் கழித்தல்

 

6.00               தோட்டம் வேலை

தோட்டமே இல்லை என சொல்லாதீங்க.. வீட்டில் செடி வளர்க்க முடியும். அடுக்கு மாடி வீடாக இருந்தாலும், வெயில் இல்லாமலே வளரும் செடிகள் பல இருக்கிறது. அது பற்றி தனியாக இன்னொரு புத்தகத்தில் சொல்கிறேன்

1.30                   யோகாசனம்/பிராணாயாமம்

சோம்பல் காரணமாக, அல்லது வேறு காரணமாக இதை தவிர்க்க நினைப் பவர்கள் முத்ரா மட்டும் உட்கார்ந்த இடத்தில் இருந்து செய்யலாம். அது பற்றி இன்னொரு புத்தகத்தில் தனி யாக சொல்கிறேன்.

 

7.30               காலை உணவு

                       மிதமான காலை உணவு

 

8.00               செய்திகள்

செய்தி தாள்  பழக்கம் இல்லாதவர் கள் இணைய செய்திகளை பார்க்கலாம்

 

9.30               வழிபாடு

ஒரு குளியல் போட்டு விட்டு வழிபாடு செய்ய ஒத்துக்கலாம்

11.30              மதிய உணவு

                      மிதமான மதிய உணவு

 

12.30              மூளை திறன் பயிற்சி

                      செஸ் விளையாட்டு

                      Suduko

                      Colouringbook painting

2.30               குட்டி தூக்கம்

இது அவசியம் தேவையில்லை எனினும்  சோர்வாக இருப்பவர் களுக்காக, மற்றவர்கள்,

1) புத்தகம் எழுதலாம்,

2) blogs  போடலாம்,

3) சமூக வலையில் பதிவேற்றம் செய்யலாம்.

4) புத்தகம் படிக்கலாம்.

5) podcast  போடலாம்

6) புதியதாக கற்றுக் கொள்ளலாம்.

 

4.30               நடை பயிற்சி

6.30               வழிபாடு

இரவு உணவு தவிர்க்கலாம்  முடியாதவர்கள் வழிபாட்டிற்கு பிறகு மிக மெதுவான உணவுகள்

7.30               சமூக வலையில்.

9.30.              புத்தகங்கள் வாசிப்பதுஅல்லது இசை கேட்பது

10.30              படுக்கைக்கு செல்லலாம்.

இத்துடன், வருடம் ஒரு முறை தேவையான Master Health Checkup, Regular screening. 

to get the book CLICK here

எந்த சோதனைகள் அவசியம் என்பதை உங்கள் குடும்ப மருத்துவர் சொல்லுவார்கள். 

இதில் குறித்து சொல்லப்பட்ட எல்லாமே ஒரு சராசரி குடும்பத்தில், சாதாரண நிலையில் உள்ள வயது நிரம்பியவர்களுக்காக,  இது எல்லோருக்கும் பொருந்த வேண்டும் என அவசியம் இல்லை. அவரவர் குடும்ப சூழல், மற்றும் வாழ்வியல் முறை மருத்துவ தேவைகள் என இவைகளை கொண்டு தேவையானதை கூடிடியோ குறைத்தோ மாற்றிக் கொள்ளலாம். எல்லாமே  மாறுதலுக்கு உட்பட்டது தான் என்றாலும், கட்டாயம் தொலைக்காட்சி வேண்டாம். இரவு உணவும் தவிர்க்க வேண்டும் என்பதில் உறுதியாக இருங்கள்.

குறிப்பாக Minimalist Living என்பதில் நிலையான உறுதியில் இருங்கள்..

 

.... contd...

8. இனிமை தருமா முதுமை

-8-

               இதெல்லாம் வாங்கிக் கொள்ளுங்கள் என்று சொல்றீங்க சரி.. ஆனால் இப்போ நான் நல்லா தானே இருக்கேன் எனக்கு எதுக்கு இதெல்லாம், தேவையில்லாமல் செலவு செய்து கிட்டு, வேற ஏதாவது நல்லதா சொல்லுங்க  என்று நீங்கள் கேட்கலாம். உங்களுக்காக தான்  வயது நிறைந்தவர்களுக்கு அவசியம் தேவைப்படுகின்ற சில உபகரணங்களை சொல்கிறேன். இவைகள் உங்களிடம் இருந்தால் அதை பயன்படுத்திக் கொள்ளுங்கள். இல்லை என்றால் வாங்கிக் கொள்ளுங்கள். இது பற்றி தெரியவில்லை என்றால் தெரிந்து கொண்டு, தேவைப்படும் போது வாங்கிக் கொள்ளுங்கள்.  சென்ற பகுதியில் முதியவர்களுக்கு தேவையான aap பற்றி தெரிந்து கொண்டோம். இப்போது முதியவர்களுக்கு அவசியம் தேவைப்படும் gadgets  பற்றி தெரிந்து கொள்வோம்.

• Walking Support Stick: தனியாக நடக்க இயலாதவர்கள் கட்டாயம் வைத்துக் கொள்ள வேண்டியது. தனியாக நடக்க முடியும் என்பவர்கள் கூட கௌரவத்திற்கு வைத்துக் கொள்ளலாம். இத்திலேயே டார்ச் உடன் வரும் walking support stick  இருக்கிறது அதை பயன்படுத்திக் கொள்ளலாம். இதை வைத்துக் கொண்டால் வயதாகி விட்டது என்பது பொருள் அல்ல. நடமாடுவாதற்கு பயன்படும் ஊன்று கோல்  அவ்வளவு தான்.

• Magnifying Glass / Reading Lamp: வயது நிறைவடைந்து வரும் சூழலில் நரை, திரை, மூப்பு, என சொல்லும் திரை கண் பார்வையில் வருவது தவிர்க்க முடியாது.  இப்போது இருக்கும் screen time அதிகமாக இருப்பதால் இது ஒரு வித அழர்ச்சியை கண்களுக்கு தந்து விடும். அதனால் அவசியம் ஒரு eye lubricatorவாங்கிக் கொள்ளுங்கள். கண்கள் உலர்ந்து விடாமல் இருக்க இது அவசியம்.  Cataract போன்ற அறுவை சிகிச்சை செய்து கொண்டாலும், கண்ணாடி அணிந்து கொண்டு இருந்தாலும், magnifying glass ஒன்று வாங்கிக் கொள்ளுங்கள். இது படிப்பதற்கு மட்டும் அல்ல பல சமயங்களில் உதவியாக இருக்கும்.

• 

  to get the book CLICK here

  Motion Sensor Lights: வீட்டில் எந்த வித மாற்றமும் செய்யாமல் இப்போது கிடைக்கும் motion sensor bulb களை வாங்கி கொள்ளுங்கள். முக்கியமாக bathroom  பகுகிகளில் இது தேவை. காரணம் நினைவு இல்லாமல் lights on  அல்லது off  செய்யாமல் விட்டு விடும் போது, வீட்டில் உள்ள மற்றவர்களின் ஏச்சு பேசிச்சுக்கு ஆளாகாமல் இருப்பதுடன் மீன்காத்தன செலவையும் குறைத்துக் கொள்ளலாம். Bathroom பகுதிகளில் மட்டும் அல்ல, தனி வீட்டில் உள்ளவர்கள் corridarபகுகிகளிலும் போட்டுக் கொண்டால், ஆள் நடமாட்டம் வந்தால் தானவே விளக்கு ஒளிர்ந்து வெளிச்சம் கிடைக்கும் என்பதால், இது பாதுகாப்பாக இருக்கும்.

• Tablet/Smartphone: screen timeஎன்பது இப்போது தவிர்க்க முடியாத ஒன்றாக மாறி விட்டது செல் போனை ஆறாவது விரல் என்று சொல்லும்படி எப்போதும் உடனேயே இருப்பதால் அதை செல் போன் அல்ல செல்ல போன் என்று விளையாட்டாக பேசும் அளவிற்கு இதன் உபயோகம் அமைந்து விட்டது. இது சரியா தவறா என்பதை விட இதை தவிர்க்க முடிவதில்லை என்பதே உண்மை.  செய்திகள் படிப்பதாக இருந்தாலும் சரி, படங்கள் பாட்பதாக இருந்தாலும் சரி, பாட்டு கேட்பதாக இருந்தாலும் சரி, கையடக்கத்தில் உள்ள மொபைல் போனை ஒதுக்கி வைத்து விட்டு, பெரிய திரை கொண்ட tablet வாங்கிக் கொள்ளுங்கள். Smart phone ல் என்ன வெல்லாம் செய்ய முடியுமோ அது அத்தனையும் இதில் செய்யலாம். குறிப்பாக கண்களுக்கு strain  குறைவாக கொடுப்பதற்கு இது மிகவும் அவசியம்.

•  S-Mat (Water Drain Mat): வயது நிறைந்தவர்களுக்கு வரும் முதல் பிரச்சனை கீழே விழுவது தான். குறிப்பாக பாத்ரூம் போன்ற பகுதிகளில் இதற்கு வாய்ப்பு அதிகம் உள்ளது. Rails போன்ற கம்பிகள் இருந்தாலும் உட்கார்ந்து எழுந்தால் கூட தரையில் வழுக்கி சிக்கல் ஆகிவிட வாய்ப்பு உள்ளது. எத்தனை தான் சுத்தமாக இருந்தாலும், இதை தவிர்க்க முடியாது. அதனால் s mat என்று சொல்லக் கூடிய தண்ணீரை சேர விடாமல், வழுக்காமல் இருக்கும். உங்கள் பாத்ரூம் size  அளவு எடுத்துக் கொண்டு அதற்கேற்ற அளவில் வாங்கிக் கொள்ளலாம். இதை நாமே போட்டுக் கொள்ளலாம் என்றாலும் உங்கள் தேவைக்கு அல்லது வசதிக்கு ஏற்ப வீட்டில் வந்து போட்டு கொடுப்பவர்களும் உண்டு. அதனால் கட்டாயம் இதை வாங்கிக் கொள்ளலாம்.

• Smart Bulbs & Fans: முன்னாடி தானே சென்சார் bulb பற்றி சொன்னீங்க இது என்ன smart bulb என்று கேட்காதீர்கள். Sensor bulb ஆள் வந்தால் தான் தானே ஒளிரும்.   ஆனால் இந்த smart bulb நீங்கள் சொல்லும் நேரத்திற்கு ஒளிரும். சொல்லும் நேரத்திற்கு தானே அமர்ந்து விடும். இது குறிப்பாக, வீட்டு வாசலில், அல்லது பூஜை அறையில்  என தேவையான இடத்தில்  போட்டுக் கொள்ளலாம்.  Automation, என தானே நம் வசதிக்கு ஏற்ப இருப்பதால், அவசரமாக செல்வது தவிர்க்கப்படும். பொறுமை நிதானம் தானே வந்து விடும்.

• Cleaning Robot: நாம் இருக்கும் வீடு அளவில் சின்ன வீடாகவோ பெரிய வீடாக இருந்தாலும், வீட்டை பெருக்கி துடைத்து சுத்தம் செய்வது என்பது பெரிய வேலையாக போயிடும். இது உங்கள் வேலையை சூலபாமாக்கி விடும். குறித்த நேரத்தில், குறித்த நாளில், தானாகவே வீட்டை பெருக்கி சுத்தம் செய்து துடைத்து கொடுத்து விடும் என்றால் உங்களுக்கு வசதியாக இருக்கும் இல்லையா. அதுக்கு தான் இந்த robot

• Alexa / Google Home: கொஞ்சம் பண வசதியுடன், தனியாக இருப்பவர்கள், வேலைக்கு ஆட்கள் இல்லாமலே, பேசுவதற்கு துணை இல்லாமலே humanized robot வாங்கி வைத்துக் கொள்ளலாம். அது கொஞ்சம் கூடுதலாக செலவு ஆகும். அதே போல ஒரு சில குறிப்பிட்ட வேலைகளை மட்டும் செய்யக் கூடிய ஒரு சாதனம் தான் alexa. சில ஆயிரங்களில் கிடைக்கும்  தனியாக வாழும் வயது நிறைந்தவர்களுக்கு இது அவசியம். வெளிநாடுகளில் உள்ள பிள்ளைகளிடம் போன் எடுத்து கூட நம்பரை தடவி பேசுவதற்கு பதில் ஒரு சொடக்கில்    பேச முடியும்.

• Therapy Band / Hand Exerciser: உடற்பயிற்சி செய்யுங்கள், நடை பயிற்ச்சி செய்யுங்கள் என பலவாராக சொன்னாலும், மூட்டுகளுக்கு என தனியாக பயிற்சிகள் செய்வது பொதுவாக குறைவு.  இந்த கால் மூட்டு மட்டும் அல்ல உடலில் உள்ள மற்ற இடங்களில் உள்ள மூட்டுப் பயிற்சிகளுக்காக இந்த thera band வாங்கி கொள்வது அவசியம் இது பயிற்சி செய்வதற்கு எளிதாவதுடன் , கூடுதல் சிரமம் இல்லாமல் பயிற்சி செய்ய கூடுதல் நேரம் பயிற்சி செய்ய உதவியாக இருக்கும்.

• Electric Kettle: வெந்நீர் அல்லது சூடு தண்ணீர், தேவைப்படும் வயது நிறைவு அடையும் போது மட்டும் அல்ல எப்போதும் என இருந்தாலும், சில நிமிடங்களில் சூடு தண்ணீர் பெற இது அவசியம்.  இது சூடு தண்ணீர் மட்டும் அல்ல டீ போடுவது பால் காய்ச்சுவாது என சில அடிப்படை வேலைகளை கூட செய்து கொள்ள முடியும் என்பதை புரிந்து கொள்ளுங்கள்.

• SOS Pendant/Emergency Alarm என்பது, எப்போதும் தேவை. Pepper spray அது - இது,  என எத்தனை இருந்தாலும் இது அடுத்தவர்களின் கவனத்தை கொண்டு வர, இது அவசியம். இதற்கு என தனியாக aap இருந்தாலும் அது வேறு சில சிக்கல்களையும் கொண்டு வரலாம். சிக்னல் கிடைக்காமல் போகலாம். போனே  திருடு போகலாம். அதனால் இதை வைத்துக் கொள்ளலாம். ஒரு கீ செயினில் கூட மாட்டிக் கொள்ளலாம்.

• Waist / Elbow / Knee Support:இது போன்ற support எப்போதும் வைத்துக் கொள்வது நல்லது. பொதுவாக, பாதிப்பு வரும் போது தான் இது போல பயன்படுத்த சொல்லுவார்கள் அல்லது பயன்படுத்துவோம். ஆனால் இது போன்ற support பாதிப்பு இல்லை என்றாலும், முன் ஜாக்கிரதைக்குஇதை பயன்படுத்திக் கொள்வது தவறு இல்லை.

     இதே போல Adjustable Commode Chair, Pedicure Foot Spa, Blood Pressure & Glucose Monitor, Heating Pad, Pill Organizer Weighing Machine, Yoga Mat / Meditation Cushionபல gadgetகள் இருக்கிறது, உங்கள் தேவைக்கு ஏற்ப  தேவையானதை வாங்கிக் கொள்ளுங்கள். இது எதற்கு அவசியம் இல்லாமல் என யோசிக்காமல் நேரமும் வாய்ப்பும் கிடைக்கும் போது வாங்கி பயன்படுத்திக் கொள்ளுங்கள். 

.... contd...

7. இனிமை தருமா முதுமை

  

-7-

     வயதாகி விட்டதா? என பலரும் தங்கள் அனுபவத்தில் கேட்டு பழகிய செய்திகளை தொகுத்து சொல்லுவார்கள்.  நீங்கள் சின்ன வயதில் எதை செய்ய வேண்டும் என நினைத்தீர்களோ அதை செய்ய பழகுங்கள்  என வயதானவர்களை engaged  ஆக வைத்துக் கொள்ள இப்படி சொல்லுவார்கள்.  இதில் பல விஷயங்கள் கேட்பதற்கு சுவையாக இருக்கும் ஆனால் நடைமுறைக்கு வருமா என்றால் ஒரு கேள்வி குறியாக இருக்கும். உதாரணமாக, ஓவியம் வரைந்து பழகுங்கள் என்று சொல்லுவார்கள். இது சாத்தியமா. ஓவியம் வரைய canvas  வாங்க முடியுமா. பல வண்ண பூச்சுக்கள், இப்படி வாங்க முடியுமா. அதை வரைய இடம் இருக்குமா? வரைந்ததை என்ன செய்ய. வீட்டில் இடத்தை அடைத்து கொண்டு என வீட்டில் உள்ளவர்கள் திட்டுவார்கள். இப்படி பல சிக்கல்கள் இருக்கிறது.

     அப்படி என்றால் எதையுமே செய்ய கூடாதா என்று கேட்க வருகிறீர்கள் புரிகிறது. இதற்கு தான் கால சூழலுக்கு ஏற்ப வாழ பழக வேண்டும் என்று பல முறை என்னுடைய புத்தகங்களில் சொல்லி  இருக்கிறது.  நம்மை நாம் engaged  ஆக வைத்துக் கொள்ள வேண்டும் என்பதில் மாற்றுக் கருத்து இருக்க யாருக்கும் வாய்ப்பு இல்லை. ஆனால் அதை எப்படி செய்வது  என்பதில் தான் பலருக்கும் பல கருத்துக்கள் இருக்கும்.  மூளை பயிற்சி இருக்க வேண்டும் அப்போது தான் மறதி வராமல் இருக்கும் என்று சொல்லுவார்கள். அதற்கு தான் இது போன்ற உத்திகளை சொல்லி நம்மை பழக்குவார்கள். குழந்தைகளை விளையாட சொல்வதும் இதற்கு தானே. 

     மன பயிற்சி செய்வதற்கு தான் தியானம் யோகா, பிராணாயாமம் போன்ற பயிற்சிகள்.  உடல் பயிற்சி செய்வதற்கு தான் stretching மற்றும் warm up  பயிற்சிகள்.ஜீரண உறுப்புகள் பயிற்சி பெறுவதற்கு தான் அளவான சத்தான உணவுகள்  சிந்தனை வலுப் பெற வேண்டும் என்பதற்கு தான் படிப்பதும் பகிறவதும், என ஒவ்வொரு நிலைக்கும் ஒரு வகை பயிற்சி.

     சரி இதை எப்படி செய்வது எப்போது செய்வது இந்த டிஜிட்டல் உலகில் இதெல்லாம் சாத்தியமா என்ற கேள்வி உங்களுக்கு வரலாம் அதற்கான சில வாய்ப்புகளை பகிர்ந்து கொள்வதற்கு தான் சில குறிப்புகளை தருகிறேன்  முயற்சி செய்து பாருங்கள். ஏற்புடையதாக இருந்தால் மற்றவர்களுடன்,  பகிர்ந்து கொள்ளுங்கள் 

to get the book CLICK here

     நாம் விரும்பியோ விருப்பம் இல்லாமலோ டிஜிட்டல் மயத்திற்கு நம்மை தயார் படுத்திக் கொண்டு விட்டோம். இதை தவிர்க்க முடியாது என்றாலும் அதற்கு ஏற்றபடி நம்மை நாம் மாற்றிக் கொள்ள முடியும் அல்லவா      எல்லோரும் செல்போன் பயன்படுதூக்கிறோம். அதுவும் ஸ்மார்ட் போன் பயன்பாடுகள் வந்த பிறகு, ரீல்ஸ், youtube ஸ்டோரி என எதையும் விடுவதில்லை.  இதனால் பொழுது போகலாம். ஆனால் உடல் மற்றும் மன நலம் முன்னேற்றம் ஏற்படுமா என்றால் கேள்விக்குறியுடன் தான் பதில் கிடைக்கும் இல்லையா.? எதற்கு எடுத்தாலும் ஒரு app இருக்கிறதே அதை பற்றி தான் சொல்ல போகிறேன்.  முத்தியவர்களுக்காக சில app களை பரிந்துரை செய்கிறேன். சரி பார்த்துக் கொள்ளுங்கள். இதில் சில உங்களுக்கு தெரிந்து இருக்கும் அல்லது பயன்பாட்டில் வைத்து இருக்கலாம். பலருக்கு தெரியாமல் இருக்கும் அவர்கள் தெரிந்து கொள்ளட்டும் என பட்டியலிட்டு காட்டுகிறேன். இவை எல்லாம் உதாரணத்திற்கு தான் இது மட்டுமே இல்லை இது போல பல app  உள்ளது என்பதை புரிந்து கொள்ளுங்கள்.

     ஓவியம் வரைதல் வண்ணம் தீட்டுதல் இவை எல்லாம் மூளையை engaged ஆக வைத்துக் கொள்ள உதவும் உத்திகள் தான் அதற்காக mycolouringbook என்ற app  போன் அல்லது tablet இல் பதிவிறக்கம் செய்து கொள்ளுங்கள். இதில் கொடுக்கப்பட்ட படத்தில் அல்லது நீங்கள் விரும்பும் படத்தில் வண்ணங்களை தீட்டலாம். இது சின்ன குழந்தைகள் செய்வது போல தோன்றலாம். ஆனால் இது உங்களை active ஆக வைத்துக் கொள்ள உதவும். அப்படி வண்ணம் தீட்டிய படத்தை pinterestஉங்கள் சமூக வலை பக்கங்களில் பதிவேற்றி  மற்றவர்களுடன் பகிர்ந்து கொள்ளுங்கள்.

     இதில் ஏற்கனவே உள்ள படங்கள் தானே இருக்கிறது நானே படம் வரைய முடியாதா என யோசிப்பவர்கள் white board app பதிவிறக்கி அதில் உங்களுக்கு விருப்பமான படம் கலர் வரைந்து அதை பகிர்ந்து கொள்ளலாம். ஆன்லைன் வழியாக மற்றவர்களுடனும் பகிர்ந்து கொள்ளலாம். Apowermirrorஎன்ற app வழியாக இதை செய்ய முடியும்.

     முளை பயிற்சிக்கு செஸ்போன்ற விளையாட்டை விளையாடுங்கள். கூட விளையாட யாரும் இல்லை என யோசிக்க வேண்டாம்.ai உடன் விளையாடலாம். இது நினைவு திறனை வளர்க்கும். முடிவு எடுக்கும் திறனை ஊக்குவிக்கும். கவனத்தை கூர்மையாக்கும். உடன் விளையாடுபவர்களின் மன நிலையை புரிந்து கொள்ள முடியும். தினமும் ஒரு முறையாவது விளையாடுங்கள்.

     உங்களுடன் பேச யாரும் இல்லையா. அல்லது உங்கள் பேச்சை கேட்க யாரும் இல்லையா. வருத்தப்பட வேண்டாம்  உங்கள் எண்ணங்களையும், உங்கள் அனுபவத்தையும், அல்லது நீங்கள் மற்றவர்களிடம் என்ன சொல்ல வேண்டும் என விரும்புகிறீர்களோ அதை குரல்  வழியாக  பேசியோ அல்லது பாடியோ podcast இல் பதிவேற்றம் செய்யுங்கள். இது உலகத்தில் உள்ள பலருக்கும் சென்று சேரும். உங்கள் சோக கதைகளியும் பகிர்ந்து கொள்ளலாம் என்றாலும் உலகத்தில் உள்ள அனைவராலும் கேட்கபடுவது என்பதால், மற்றவர்களுக்கு பயன் உள்ளதாக பகிர்ந்து கொண்டால் சமூகத்திற்கு உங்கள் பங்களிப்பும் கிடைக்கும் அல்லவா?

     உங்களுடைய documents , சொத்து பத்திரங்கள், fixed deposit receipt insurance policy bond  இவைகளை படியாக எடுத்துக் கொண்டு, அவைகளை digital locker என்ற app இல் பதிவேற்றம் செய்து கொள்ளுங்கள். இது பாதுகாப்பானது இது அரசு தருவது. ஆதார் என்னுடன் தான் உள்ளே நுழைய முடியும் போன்ற பாதுகாப்பு உள்ளதால், இதை பயன்படுத்திக் கொள்ளலாம்.

               குறிப்புகளை எடுத்துக் கொள்ள சிந்தனைகளை எழுதி வைக்க நீங்கள் பயன்படுத்திக் கொள்ள google keep app  பதிவிறக்கம் செய்து கொள்ளலாம். இதில் text, photo, doodle, list, reminder  என எதையும் வைத்துக் கொள்ளலாம். இது google படைப்பு என்பதால் நம்பிக்கையுடனும் பாது காப்புடனும் பயன்படுத்திக் கொள்ளலாம்.

     டைரி எழுதும் பழக்கம் உள்ளவர்கள் அல்லது எதையாவது எழுதி வைக்க வேண்டும் என நினைப்பவர்கள், உங்கள் நினைவலைகளை பகிர்ந்து கொள்ள விரும்புபவர்கள் இவர்கள் google blogger  இல் private  ஆக மாற்றிக் கொண்டு தனிப்பட்ட  பக்கத்தை உருவாக்கி கொல்லல்லாம். இது ஒரு டிஜிட்டல் டைரி போல இருக்கும்.இதில் வீடியோ, ஆடியோ, போட்டோ, text என  எதுவும் பகிர்ந்து கொள்ளலாம்.  இது ஒரு google படைப்பு என்பதால் நம்பிக்கையுடனும் பாதுகாப்புடனும் பயன்படுத்திக் கொள்ளலாம்.

     பொது நிகழச்சிகளில் பங்கு பெற  பொதுவாக முதியவர்களுக்கு வாய்ப்பு கிடைக்காது. அல்லது எங்கே என்ன நிகழச்சி நடக்கிறது என்பது கூட தெரியாமல் இருக்கலாம். ஆனால் அந்த நிகழச்சிகளில் பங்கு பெறுவது என்பது அது நடக்கும் இடம் அழைத்து செல்ல யாரும் இல்லாமல் இருக்கலாம். அவசியம் போய் தான் ஆக வேண்டுமா என்ற சோம்பேறிதனம் இப்படி பல இருக்கும் ஆனால் விருப்பமான நிகழச்சியில் பங்கு பெற இலவச வெபினார் களில்  கலந்து கொள்ளலாம். இது போன்ற நிகழ்ச்சிகளை eventbrite என்ற இணைய தளத்தில் பார்த்து தெரிந்து கொண்டு பதிவு செய்து கொள்ளலாம்.இருக்கும் இடத்தில் இருந்தே எல்லா நிகழச்சிகளிலும் பங்கு பெறலாம். அது மட்டுமா.. நீங்கள் activist ஆக இருந்தால் நீங்களே உங்கள் துறை சார்ந்த பொருளில் ஒரு webinar google meet , zoom , zoho வழியாக நடத்தி மற்றவர்களையும் பங்கு பெற வைக்க முடியும். இவை எல்லாம் சுலபமாக அதுவும் இதற்காக தனியாக செலவுகள் இல்லாமல் என்றால் வியப்பாக இருக்கிறது அல்லவா.

     அட இவ்வளவு வாய்ப்புகள் இருக்கிறதா? என சிந்திக்கும் அளவிற்கு வாய்ப்புகள் கொட்டி கிடக்கிறது. அதனால் முதியவர்கள் வாழ்க்கையின் புதிய அத்தியாயத்தை துவங்கலாம்.

     இது போல மற்ற app களாக சில வற்றை பகிர்ந்து கொள்கிறோம். உங்களுக்கு தேவையானதை எடுத்துக் கொள்ளலாம். தினமும் நடக்க சொல்றாங்க சார். ஒரு நாளைக்கு 10000 அடிகள் நடக்க வேண்டுமாம் என்று எண்ணிக் கொண்டு இருப்பதற்கு pediometerapp  மூலம் தினமும் எவ்வளவு தூரம் நடந்து இருக்கிறோம் என்பதை தெரிந்து கொள்ள முடியும்.

     Emergency alarm கக்கு sos app பயன்படுத்திக் கொள்ளலாம்.  இப்படி நிறைய வாய்ப்புகள் இருக்கிறது. உங்களுடைய தேவைகள் என்ன என்று குறிப்பாக சொன்னால் அதற்கான aap மற்றும் பயன்பாடுகளை உங்களுக்கு தெரிவிக்க முடியும். உங்கள் கருத்தை அட்டையின் கடைசி பகுதியில் உள்ள qr code scan செய்து உங்கள் கேள்விகளையும் கருத்துக்களையும் பகிர்ந்து கொள்ளுங்கள்..

.... contd...