செஸ் விளையாட்டில் தத்துவம்.

  

        செஸ் விளையாட தெரியும் தானே

        அட அது தெரியாமலா என்று கேட்கறீங்க  அது சரி அதில் ஒரு சிந்தனை பகிரலாமா?

        முதலில் செஸ் விளையாட்டில் உள்ள அடிப்படைகளை தெரிந்து கொள்வோம்.. 

        ஒரு செஸ் பலகை, இதில் கருப்பு வெள்ளை என இரண்டு நிறத்தில் ஒன்றை அடுத்து இன்னொன்று என ஒரு 64  கட்டங்கள் இருக்கும்.. 

        இதில் நகர்த்தி செல்ல 32 காய்கள் இருக்கும்.. ஒவ்வொரு தரப்பினருக்கும் 16  காய்கள்.. ஒன்று வெள்ளை நிறத்தில் இன்னொன்று கருப்பு நிறத்தில். 

        இதில் உள்ள காய்கள் முதல் வரிசையில் இருப்பது பாண், அடுத்து இரண்டு யானை, இரண்டு குதிரை, இரண்டு பிஷப், ஒரு ராஜா, ஒரு ராணி. அவ்வளவு தான்.. 

        இப்போ சிந்தனைக்கு போகலாம்.  

        இந்த செஸ் விளையாட்டில் பவர் என்று சொல்ல கூடிய காய்கள் நான்கு, அதாவது யானை, குதிரை, பிஷப் மற்றும் பாண். (பானுக்கும் பவர் உண்டு அதை பின்னால் சொல்கிறோம்)

        இந்த நாலும் தான் வருணாசிரம தர்மம் சொல்லும் பிராமணர், க்ஷத்திரியர், வைசியர் மற்றும் நான்காம் வருணத்தார். 

        இதில் பிராமணர் என்பவர்கள் மக்களுக்கு அரணாக இருந்து வழி காட்டுவார்கள். எந்த சந்தர்ப்பத்திலும் அறத்தில் பின்வாங்க மாட்டார்கள்.. மற்றவர்களை முன்னேற்ற உழைப்பார்கள், அறிவுரை சொல்வார்கள்.. 

       

இதில் பாண் என்பது தான் இந்த வருணத்தை சேர்ந்தது.. பாண் எப்போதும் இந்த விளையாட்டில் பின்னோக்கி செல்லாது. அடுத்த கட்டத்தில் போய் தன்னை இழந்து இன்னொரு பவுர் உள்ள காயை பெற்று தரும். அதனால் பாண் தான் இந்த வருணத்தை சேர்ந்தது. 

        க்ஷத்திரியர் என்பவர்கள் தங்கள் பார்வையை முன் பின் மற்றும் வலது இடது புறம் வைப்பார்கள்.. குறுக்கு வழி தெரியாது. அல்லது செல்ல

மாட்டார்கள். நேருக்கு நேராக நின்று போர் செய்வது கருத்து சொல்வது என இருப்பவர்கள். 

இதில் யானை இந்த வருணத்தை சேர்ந்தது.. இந்த விளையாட்டில் யானையின் செயல்பாடும் இதே போல தான் இருக்கும். 

     இதே போல வைசியன்  என்ற வர்க்கத்தினை  இந்த விளையாட்டில் பயன்படுத்தும் L வடிவில் தன்னுடைய வெற்றிக்காக  குறுக்கும் நெடுக்கும் பயணம் குதிரையை வைத்து சிந்திக்கலாம். பொறுமையாக காய்தல் உவத்தல் இன்றி சிந்தித்து பாருங்கள்.. சொல்ல வரும் விஷயம் புரிந்து கொள்ள முடியும். 

        ஒரு குதிரைக்கு இத்தனையா என்பது உங்களுக்கே தெரியும். 

    நான்காம் வருணத்தவர்களை இந்த விளையாட்டில் உள்ள ஒரே சிந்தனை கொண்ட அதனதன் நிறத்தில் கருப்பு அல்லது வெள்ளை நிறத்தில்

மட்டும் முன்னும் பின்னும் பயணக்கிக கூடிய  பிஷப் வைத்து சிந்திக்கலாம்.  இந்த விளையாட்டில் இது ஒரு பவர் உள்ள காய் தான். அதனால் இந்த விளையாட்டில் எந்த காயும் பவர் குறைந்ததாக சொல்ல முடியாது அதனதன் விதிக்கப்பட்ட வீதியில் அவைகள் செயல்பட்டு விளையாட்டுக்கு உதவும்.  இந்த விளையாட்டில் இப்படி ஒரு சிந்தனை இருக்கிறது என்று சிந்தித்து பார்த்தால், இந்த விளையாட்டை விளையாட்டாக எடுத்துக் கொள்ளாமல் தத்துவ சிந்தனை வெளிப்பட்டு தோன்றும்.

பாண் இல்லாமல் செஸ் விளையாட்டு இல்லை. அது போல

அறம் வெளிப்படாமல் வாழக்கை முறை இல்லை. அறத்தை சொல்பவர் பிராமணன் என்பதால் அறம் அவர் வசப்பட்டது.

ராஜா - திருவருள், 

ராணி - திரோதான சக்தி 

என்ற கருத்தில் வைத்துக் கொண்டு சிந்ததால் சிந்தகாந்தம் சொல்லும் உண்மைகள் புரிபடும். 

இந்த விளையாட்டில் ராஜாவின் நகர்வு மற்ற காய்களை விட குறைவாகவே இருக்கும் என்றாலும், இந்த காயை வைத்து தான் இந்த விளையாட்டே இருக்குது என்றால் உங்களால் ஆமாம் என்று தானே சொல்ல தோன்றுகிறது. 

        அதெல்லாம் சரிங்க .. அந்த செஸ் போர்டு பத்தி எதுவும் சிந்தனை இல்லையா என்று கேட்பது காதில் விழுகிறது.. 

        இந்த செஸ் போர்டில் உள்ள 64 கட்டங்கள் - 64  கலைகள். அதென்ன 64 கலைகள் அதையும் பட்டியலிட்டால் தான் என்ன  என நீங்கள் கேட்பதற்கு முன் நானே பட்டியலிட்டு விடுகிறேன். 

ஆய கலைகள் 64-ன் பெயர்கள்:-

    01. அக்கரவிலக்கணம்
    02. இலிகிதம்
    03. கணிதம்
    04. வேதம்
    05. புராணம்
    06. வியாகரணம்
    07. நீதி சாத்திரம்
    08. சோதிட சாத்திரம்
    09. தர்ம சாத்திரம்
    10. யோக சாத்திரம்
    11. மந்திர சாத்திரம்
    12. சகுன சாத்திரம்
    13. சிற்ப சாத்திரம்
    14. வைத்திய சாத்திரம்
    15. உருவ சாத்திரம்
    16. இதிகாசம்
    17. காவியம்
    18. அலங்காரம்
    19. மதுரபாடனம்
    20. நாடகம்
    21. நிருத்தம்
    22. சத்தப்பிரமம்
    23. வீணை
    24. வேணு
    25. மிருதங்கம்
    26. தாளம்
    27. அத்திரப்பரீட்சை
    28. கனகபரீட்சை
    29. ரத பரீட்சை
    30. கசபரீட்சை
    31. அசுவபரீட்சை
    32. ரத்திரனப்பரீட்சை
    33. பூமிபரீட்சை
    34. சங்ககிராம இலக்கணம்
    35. மல்யுத்தம்
    36. ஆகரூடணம்
    37. உச்சாடணம்
    38. விந்து வேடணம்
    39. மதன சாத்திரம்
    40. மோகனம்
    41. வசீகரணம்
    42. ரசவாதம்
    43. காந்தருவவாதம்
    44. பைபீலவாதம்
    45. கவுத்துக வாதம்
    46. தாது வாதம்
    47. காருடம்
    48. நட்டம்
    49. முட்டி
    50. ஆகாயப் பிரவேசம்
    51. ஆகாய கமணம்
    52. பரகாயப் பிரவேசம்
    53. அதிரிசயம்
    54. இந்திரசாபம்
    55. மகேந்திரசாபம்
    56. அக்கினித்தம்பம்
    57. சலத்தம்பம்
    58. வாயுத்தம்பம்
    59. நிட்டித்தம்பம்
    60. வாக்குத்தம்பம்
    61. சுக்கிலத்தம்பம்
    62. கன்னத்தம்பம்
    63. கட்கத் தம்பம்
    64. அவத்தைப் பிரயோகம்.


இந்த செஸ் போர்டில் உள்ள 64 கட்டத்தில் 32 கட்டங்கள் ஆளுக்கு என இருக்குதே அது என்ன தெரியுமா?

அது தான் தமிழ சொல்லும் 32 அறங்கள் அதையும் பட்டியிலிட்டு விட்டால் வாய்ப்பு கிடைக்கும் போதெல்லாம் மனித குலம் இந்த 32 அறங்கள் செய்யலாம் தானே.. 

1) ஆதுலர்க்கு சாலை அமைத்தல் : நோயாளிகள் மற்றும் முதியோர்களுக்கு வீடு கட்டி தந்து அன்பாக மருந்தளித்தல்

2) ஓதுவார்க்கு உணவு : கல்வி பயில்பவர்களுக்கு நல்ல முறையில் கல்வி புகட்டி அவர்களுக்கு உணவு அளித்தால்

3) மாந்தர்க்கு உணவு : சமய வேறுபாடின்றி அனைவருக்கும் உணவு வழங்குதல்

4) பசுவுக்கு வாயுறை : பசுக்களை தெய்வமாக பாவித்து அவற்றை போஷித்து உணவளித்தல்

5) சிறைச்சோறு : சிறையில் அடைக்கப் பட்டிருப்பவர்களுக்கு நல்ல உணவளித்தல்

6) ஐயம் : இரப்பவர்க்கு ஈதல். யாசகம் கேட்டு வருபவர்களுக்கு ‘இல்லை’ என்று சொல்லாமல் இயன்ற உதவி செய்தல்

7) வழிப்போக்கர்க்கு உதவுவதல் : வழிப்போக்கர்களுக்கு உணவு வழங்கி அவர்களது பசி தீர்த்தல்

8) அறவைச் சோறு : ஆதரவற்ற அனாதைகளுக்கு உணவளித்தல்

9) மகப்பேறுவித்தல் : பெண்கள் பிரசவிக்கும் நேரத்தில் அவர்கள் உடனிருந்து தேவையான உதவிகளை செய்தல்

10) மகவு வளர்த்தல் : குழந்தைகளை பராமரித்து அவர்களை வளர்ப்பதில் உதவுதல்

11) மகப்பால் வார்த்தல் : தாயை இழந்து தவிக்கும் பிள்ளைகளுக்குப் பாலளித்தல்

12) அறிவைப் பிணம் சுடுதல் : அனாதைகள் மற்றும் ஆதரவற்றவர்களின் உடலுக்கு ஈமச்சடங்கு செய்து தகனம் செய்ய உதவுதல்

13) அறவைத் தூரியம் : ஆதரவற்றவர்களுக்கு தேவையான துணிமணிகள் மற்றும் ஆடைகள் கொடுத்து அவர்கள் மானம் காத்தல்

14) சுண்ணம் : தாம்பூலம் தரிப்பவர்களுக்கு சுண்ணாம்பு கொடுத்து உதவுதல்

15) நோய்மருந்து : நோயில் தவிப்பவர்களுக்கு மருந்து வாங்கித் தந்து உதவுதல்

16) வண்ணார் : ஏழை எளியோருக்கு துணி துவைக்க உதவுதல், அவர்கள் ஆடைகளை வெளுத்துக் கொடுத்து உதவுதல் (வண்ணார்களுக்கு தரவேண்டிய கூலியை உடனே தந்துவிடவேண்டும். தாமதிக்ககூடாது.)

17) நாவிதர் : ஏழை எளியோருக்கு முடிவெட்டிக்கொள்ள, முகச்சவரம் செய்ய உதவுதல் (நாவிதர்களின் கூலியையும் உடனே தந்துவிடவேண்டும். தாமதிப்பது பாபம்.)

18) கண்ணாடி : ஒருவர் தங்களை ஒழுங்குபடுத்தி சரி செய்துகொள்ள கண்ணாடி கொடுத்து உதவுதல்

19) காதோலை : பெண்கள் காதணியில்லாது (தோடு) இருக்கும் பட்சத்தில் அவர்களுக்கு காதணி வாங்கித் தந்து உதவுதல்

20) கண்மருந்து : பெண்கள் தங்கள் கண்களை அழகுபடுத்திக்கொள்ள கண்மை அளித்தல்

21) தலைக்கு எண்ணை : பரட்டை தலையோடு இருக்கும் ஏழை எளியோருக்கு தலைக்கு எண்ணை வாங்கி கொடுத்தல்

22) பெண் போகம் : தனக்குரிய பெண்ணிடம் முறையான இன்பம் அனுபவிக்க வழியில்லா ஏழைகளுக்கு உரிய தனியிடம் அமைத்து தருதல்

23) பிறர் துயர் தீர்த்தல் : காயமோ நோயோ ஏற்பட்டு துன்பப்படுபவர்களுக்கு உதவுதல்

24) தண்ணீர் பந்தல் : தாகத்தால் தவிப்பவர்களுக்கு தண்ணீர் தந்து உதவுதல்

25) மடம் : வழிப்போக்கர்கள் தங்களை காப்பாற்றிக்கொள்ள, குளிக்க, இயற்கை உபாதையை தணித்துக்கொள்ள சாலையோரங்களில், விடுதி அமைத்தல்

26) தடம் : வழிப்போக்கர்கள் நீர் அருந்தி இளைப்பாற குளம் தோண்டுதல், அவற்றை பராமரித்தல்

27) சோலை : நிழல் தரும் மரங்கள் மற்றும் பூஞ்சோலை அமைத்து அவர்கள் தங்கி இளைப்பாற உதவுதல்

28) ஆ உராய்ஞ்சிக்கல் நிறுவுதல் : பசுக்கள் மேயும் இடங்களிலும், பசு கொட்டில்களிலும் அவை தங்கள் உடலை தேய்த்துக்கொள்ள பசு உராய்ஞ்சிக்கல் நிறுவதல்

29) ஏறு விடுதல் : பசுக்களை சினைப்படுத்த தரமான எருதுகளை கொடுத்து உதவுதல் மற்றும் எருதுகளை பேணுதல்

30) விலங்கிற்கு உணவு : பல்வேறு விலங்கினங்கள் பசியாற உணவை கொடுத்து உதவுதல்

31) விலை கொடுத்து உயிர் காத்தல் : கொலைக்குச் செல்லும் உயிர்களை வாங்கிக் காத்தல்

32) கன்னிகா தானம் : வரன் தேடிக் கொடுத்து உதவுதல். ஏழைப் பெண்களின் திருமணத்திலும் திருமண வயது நெருங்கியும் திருமணமாகாமல் தவிக்கும் முதிர்கன்னிகளுக்கும் திருமணம் செய்து வைத்து உதவுதல்

இந்த செஸ் போர்டு கறுப்பு-வெள்ளை என இரண்டு நிறத்தில் உள்ளனவே. அதற்கு என்ன சிந்தனை ..?

உலகம் இரட்டை தன்மை கொண்டது என்பதை குறித்து சொல்ல வருவது தான்  

ஒரு நாள் என்று எடுத்துக் கொண்டால், அது இருளும் ஒளியும் (காலை முதல் மாலை வரை)

ஒளியில்  தொடங்கி இருளில் முடியும்- வாரம் (ஞாயிறு முதல் சனி வரையில்)

சுக்கில பக்ஷம்-கிருஷ்ண பக்கம்  என மாதத்தில் இரு பக்கம் (வளர் பிறை தேய் பிறை என்று சொல்லுவார்கள்)

இதே போல உத்தராயணம்-தட்க்ஷ்ணாயனம் என்று வருடத்தில்  (தை முதல் ஆனி முதல் மற்றும் ஆடி முதல் மார்கழி)

பாருங்கள் இந்த விளையாட்டில் ஆளுக்கு 16 காய்கள் இருக்கும். இந்த பதினாறும் அடிப்படை ஒழுக்க முறைகள்  இதனை அருள் நந்தி சிவாச்சாரியார் அருளிச் செய்த சிவஞான சித்தியார் என்ற நூல் சொல்லும். 

ஒழுக்கம் - வாய்ப்பு கிடைக்கும் போது தவறு செய்யாமலிருத்தல். 

அன்பு - பிறர் நலம் விரும்புதல் 

அருள் - பொது நலம் விரும்புதல் 

ஆசாரம் - விதித்தன செய்தல்  

உபசாரம் - அவரவருக்கு தகுந்தவாறு செய்யும் உபசரிப்பு.

உறவு - அனைவரிடத்தும் நட்பு பேணல்.

சீலம் - நல்ல குணம் உடைமை

வழுக்கு இல்லா தவம் - குற்றமில்லாத தவம் உடைமை.

தானங்கள் - தக்கோர் மகிழ்ச்சியோடு செய்யும் தானங்கள்.

வந்தித்தல் - * மூத்தவர்களை வழிபடுதல்.

வணங்கல் -  பெரியவர்களை வணங்குதல்.

வாய்மை - மெய்மை உடைமை

அழுக்கு இல்லா துறவு - குற்றமற்ற ஆண் தகைமை உடைமை.

அடக்கம் - தீய நெறியில் செல்லாமல் அடக்கம் உடைமை.

அறிவு - தக்கன தகாதன என பகுத்து அறிதல்.

அர்ச்சித்தல் -  பூசனை செய்தல்.

இதனை திருக்குறளில் கீழகண்ட அதிகாரத்தில் சொல்லி இருக்கு. 

ஒழுக்கமுடைமை

அன்புடைமை

அருளுடைமை

ஒப்புரவு அறிதல்

விருந்தோம்பல்

நட்பு

சான்றாண்மை

தவம்

ஈகை

பெரியாரை துணை கோணல்

மானம் &பெருமை

வாய்மை

துறவு & பிறன் இல் விழையாமை

அடக்கமுடைமை

அறிவுடைமை

கடவுள் வாழ்த்து

சரி.. எல்லாத்தையும் சொல்லிட்டேனா.. பதிவு நீளமாக போகிறது என்பதால் நிறுத்திக் கொள்கிறேன்.. இன்னும் கேள்விகள் இருந்தால் பின்னூட்டம் இட்டு கேளுங்கள்.. திருவருள் துணையுடன் சொல்ல திருவருளை நாடுகிறேன்

துன்பம் வேண்டுமா ? இன்பம் வேண்டுமா ?

 

துன்பம் வேண்டுமா ?

இன்பம் வேண்டுமா ?

 

என எவரிடமாவது கேட்டுப் பாருங்கள்

எதிர் முனையில் இருந்து வரும் பதில் என்ன தெரியுமா?

 

இன்பம் எதுவென தெரியாமல்

துன்பத்தை விரும்புபவரே பலர்

 

இன்னமும் சிலரோ

இலஞ்ச மாக பெற்ற சில லட்சங்களை

 

திருடி பெற்ற பணத்தை

திருடு போகாமல் காத்துக் கொள்வர்

 

அரசியல் வாதிகளை குற்றம் சொல்லி

அவரவர் தம் பிழைப்புக்கு வழி தேடுவர்

 

“உலகம் கெட்டுப்போச்சு சார்” என

உலகத்தை கெடுத்தவரே சொல்லுவார்

 

போட்டிகள் பொய்களுக்குள்ளும் அன்றாடம்

எட்டி பார்த்து விடுகின்றன..

 

ரோடில்லா ஊர்களிலும் கார்

ஓட்டி பார்க்கும் வீணர்கள்

 

வீடு ஆளுக்கு ஒன்று என இந்த

கூடு போகும் உயிருக்கும் ஆசை

 

ஆளுக்கு ஒன்று போதாது என

ஆண்டுக்கு ஒன்று வாங்க துடிக்கும் பேராசை

 

இன்னமும் சிலரோ செத்த பிறகு

இந்த பணத்தை அப்படியே எடுத்து செல்ல விரும்புகிறார்

 

முடியும் என நான் சொன்னால்

முட்டாளாக நீ இருப்பாய் என்பவருக்கு ஒரு பதில்

 

வெளிநாடு செல்கையில் அங்கு ஏற்றுக் கொள்ள

நம் நாட்டு கரென்சியை டாலாராக மாற்றுகிறோமே

 

ஏன்? அங்கு இந்திய உருபாய் 

ஏற்றுக் கொள்ளப்படமாட்டாது என்பதினால்..

 

அப்படித்தானே இறந்த பிறகு செல்லும்

அந்த இடத்திற்கும் நமது உருபாய் செல்லாது

 

அதனால் டாலராக மாற்றுவது போல்

அனைத்து சம்பாத்தியங்களையும்

 

புண்ணியமாக மாற்றி வைத்துக் கொண்டால்

புத்தி உள்ளவர்களுக்கு தெரியும் எப்படி மாற்றுவதென

 

அத்தனை சம்பாத்தியம் மற்றும் சுகங்களை

அப்படியே எடுத்துச் செல்லலாம் தானே

 

இது புரியாத பலர்

இன்னமும் நம்மை

 

பாதுகாக்க பணம் தேவை என தொடங்கி

பணத்தை பாதுகாக்க நாம் என விழிக்கின்றனர்

 

எந்தெந்த பொருள் மீது நமக்கு

எள்ளவும் ஆசையில்லையோ

 

அந்தெந்த பொருளினால் நமக்கு

அந்த துன்பம் இல்லை என்பது வள்ளுவர் வாக்கு

 

யாதெனின் யாதெனின் நீங்கியான் நோதல்
அதனின் அதனின் இலன்.

 

இந்த குறளில் உள்ள சிறப்பு தெரியும் தானே

இக்குறளை சொல்லும் போழ்து இரு உதடுகளும் ஓட்டாது

 

யோசித்து பாருங்கள் தேவையில்லாத எத்தனை பொருட்களை

யாசித்து நாம் பெற்று இருக்கின்றோம் (வருகிறோம்) என

 

நீதி வெண்பாவின் பொருள் சொல்லி

நீட்டி எழுதாமல் வெண்பாவை மட்டும் தருகிறேன்

 

இன்னல் தரும் பொருளை ஈட்டுதலும் துன்பமே

பின் அதனை பேணுதலும் துன்பமே அன்னது

அழித்தலும் துன்பமே அந்தோ பிறர்பால்

இழத்தலே துன்பமே யாம்

 

உங்களுக்காக வாழ பழகிக் கொண்டால்

உண்மையிலேயே மகிழ்ச்சியாக வாழலாம்

 

நமக்காக மட்டுமே நாம் வாழ பழகி கொண்டால்

நாம் எளிமையாக இனிமையாக வாழலாம்

 

போலி கவுரவம் தேவையில்லை (அவ)மரியாதையை

போர்த்திக் கொள்ளவும் தேவையில்லை

 

நம்மால் பிறர்கு தொல்லையிராது அதனால்

நமக்கும் தொல்லையிராது மொத்தத்தில்

 

நன்மையே விளையும்

நமக்கும் பிறர்க்கும்

 

சிந்தித்து பாருங்கள்

சிலருக்கும் சொல்லிப் பாருங்கள்