16. கங்கை சொல்லும் பாடம்.

 

-16- 

               கங்கை மேற்பரப்பில் ஆரவாரமாக தோன்றினாலும், அதன் ஆழம் அமைதியானது, மற்றும் மர்மமானது. ஆற்றங் கரையில், சொல்லப்படாத கதைகள் பல உள்ளன, அதேபோல் தான், மனிதர்களிலும், படிக்கின்ற பாடத்தில், ஆழமாக அறிவு இருந்தால்தான், அவர்களின் எண்ணம் தெளிவாக இருக்கும்.   

               ஆனால் நம்மில் பலரும், ஒருவரின் வெளிப்புற தோற்றத்தை வைத்து, இவர், இப்படிதான், என்று சில சமயங்களில், தப்புகணக்கு போட்டு விடுவது உண்டு. எல்லாம் தெரிந்தவர், என்று நம்பி ஏமாறுவதும் உண்டு. இவரிடம் இவ்வளவு அறிவும் திறமையும் இருக்கும், என்று நான் நினைத்துப் பார்க்கவில்லை, என்று சொல்லும் நிலையும் உண்டு. 

               அதனால், ஒருவரை எப்போதும் மேல் நிலையில் இருந்து அவரின் மதிப்பையோ, அறிவு நிலையையோ நாம் எடை போடக்  கூடாது. 

 மனிதர்கள் மற்றும் சூழ்நிலைகளின் வெளிப்புற தோற்றம், நம்மை ஏமாற்றும். உண்மையான புரிதலும், ஞானமும், மேற்பரப்பில் இல்லை. ஆழ்மனதில் உறைந்து இருக்கும் தேவ குணமோ, மிருக குணமோ, அவை மேல்நிலையில் வெளிப்படுவதில்லை. அவர்களுடன் பழகி ஆராயத் தொடங்கிய பிறகுதான், அவர்களின் உண்மை இயல்பை புரிந்து கொள்ள முடியும். 

புத்தகம் பெற click செய்யவும் 

 

வாழ்க்கைப் பாடம்: வெளித்தோற்றத்தை வைத்து, ஒருவரை மதிப்பிடக் கூடாது. என்ற பாடத்தை கங்கை நமக்கு  கற்றுத் தருகிறது. நாம் அடிக்கடி ஒருவரை ஒருவர் பார்ப்பதன் அடிப்படையில், கருத்துக்களை உருவாக்குகிறோம், ஆனால் நாம் வெளிப்புற பழக்கங்களுக்கு அப்பால் சென்று, மக்கள் மற்றும் அவர் தம் வாழ்க்கையின் ஆழமான அம்சங்களை ஆராயும்போதுதான் அவர்களின், உண்மை இயல்பாய் புரிந்து கொள்ள முடியும். 

 

               கங்கையின் உண்மையான ஆழம், அதன் அமைதியான மேற்பரப்பிற்கு அடியில் மறைந்திருப்பதுபோல, ஒவ்வொரு தனிமனிதனுக்கும் அனுபவங்கள், அறிவு மற்றும் ஞானத்தின் அடுக்குகள், என ஒவ்வொன்றாக வெளிவரக் காத்திருக்கின்றன. தொடர்ந்து பழகுதல், ஆழமான நம்பிக்கை, மற்றும் திறந்தமனப்பான்மையுடன் வாழும் உண்மையான இயல்புகள் முதலியனவற்றை புரிந்து கொண்டு, நட்பை வளர்த்துக் கொண்டால், ஆழம் தெரியாமல்..., என்ற அனுதாப நிலைக்கு போகாமல் இருக்கலாம். 

15. கங்கை சொல்லும் பாடம்.

 

               - 15 -

               முன்பெல்லாம், காசி யாத்திரை செல்வது என்பது ஒரு பிரம்ம  பிராயத்தனமாக இருந்தது. பல நாட்கள் பயணம், போதிய போக்குவரத்து வசதிகள் இல்லாதது என. ஆனால் இன்றைய நாளில் காசி யாத்திரை பயணம் என்பது அத்தனை சிரமம் அல்ல. ரயில் வசதிகள் விமான ஊர்திகள் வசதிகள் சாலை எங்கிலும் ஆட்டோ வசதிகள் என பெருகி விட்டன. 

               ஆண்டு தோறும் தொடர் பயணம் செய்பவராக இருந்தாலும் சரி, வாழ் நாளில் ஒரு முறை பயணம் செய்தவராக இருந்தாலும் சரி, காசி யாத்திரை பயணம் என்றவுடன் மனதில் மகிழ்ச்சி மற்றும் டிக்கெட் எடுத்து பயணத்தை உறுதி செய்தவுடனே யாத்திரக்கான பயண திட்டமிடல் தொடங்கி விடும். 

புத்தகம் பெற click செய்யவும் 

               முதல் முறை பயணமாக இருந்தால், அது இன்னமும் உற்சாகத்தை கொண்டு தரும். என்ன தான் இருந்தாலும் நீண்ட தூர பயணம் என்றால் திட்டமிடல் இல்லாமல் இருக்குமா என்ன? அதுவும் இது போன்ற வானிலை ஒரே சீராக இல்லாத சூழல் புரியாத மொழி,தெரியாத கலாச்சாரம், அறிமுகம் இல்லாத நபர்கள் என எத்தனையோ எனும் போது, திட்டமிடல், பொறுமை, முயற்சி, எச்சரிக்கை உணர்வு, பக்தி நிலை உணர்வு சவால்களை எதிர்கொள்ளும் துணிச்சல், முதலியன அவசியமாகிறது. இப்போ தான் எல்லா இடத்திலும் எல்லாம் கிடைக்கிறதே ஒரு aap  மூலம் எல்லா வற்றையும் வாங்கிக் கொள்ளலாமே என்று நினைத்தாலும், இந்த திட்டமிடல் அவசியமாகிறது. 

               பல நூற்றாண்டுகளாக, யாத்ரீகர்கள் அமைதி, தம்மை தூய்மைப்படுத்துதல் மற்றும் ஆன்மீக வளர்ச்சியைத் தேடி கங்கைக் கரைக்கு பயணம் செய்கின்றனர். கங்கை யாத்திரை என்பது வெறும் உடலை  கொண்டு செய்யும் பயணம் அல்ல; யாத்திரையின் ஆற்றல் அது நம்மை எண்ணத்தில் செயலில் வார்த்தையில் மாற்றும் திறனில் உள்ளது. அன்றாட வாழ்வின் வசதிகளை விட்டுவிட்டு, கவனச்சிதறல் களிலிருந்து விலகி, வாழ்க்கையின் ஆழமான கேள்விகளில் கவனம் செலுத்த ஒரு யாத்திரை நம்மைத் தூண்டுகிறது. 

               ஒரு யாத்திரையின் மூலம் நமக்கு என்ன பாடம் கிடைக்கப் போகிறது என நினைக்கலாம், இந்த கங்கை யாத்திரை மூலம், ஆன்மிக பயணத்திற்கு  எப்படி திட்டமிடுதல் முக்கியமோ அது போல  வாழ்க்கைப் பயணத்திற்கும் அவசியமானது. என்பதை சொல்லி தருவது தான் பாடம். வாழ்க்கை பாதையில் நாம் எடுத்து வைக்கும் முதல் அடி அந்த முயற்ச்சியின் வழியில் நாம் சந்திக்கும் அனுபவங்கள், தோல்விகள் அல்லது இடர்பாடுகள்  கற்றுத் தரும் படிப்பினைகள் அறிமுகம் இல்லாத மனிதர்கள் நம்மை வடிவமைத்து, வளரவும், பரிணமிக்கவும் சில சமயங்களில் ஏமாற்றவும் செய்து நமக்குக் உதவுவது என ஒரு யாத்திரை பயணத்திற்கு எப்படி தேவைப்படுகிறதோ அது போல வாழ்க்கைப் பயணத்திற்கும் தேவை என்பதை உணர்த்து வது தான் இந்த புனித கங்கை யாத்திரை பயணம்.  

               அது சரி இது போன்ற பயணங்கள் எல்லாவற்றிலும் இந்த திட்டமிடல் இருக்க தானே செய்யும் என கீதக்கலாம் ஆனால் இந்த கங்கை யாத்திரையில் கொஞ்சம் கூடுதல் முயற்சி அதுவும் முதல் முறை பயணம் என்றால் அதை அனுபவித்து பார்க்கும் போது தான் அந்த உணர்வுகள் புரியும். 

               வாழ்க்கைப் பாடம்: கங்கை யாத்திரை என்பது ஆன்மீக வளர்ச்சிக்கான பாதை. இது ரயிலை பிடித்து, ஊருக்கு செல்வது போல  என நினைப்பது சரியல்ல. இது மற்ற பயணங்கள் போல அவ்வளவு எளிதானது அல்ல. ஆனால் அது நாம் எடுத்து வைக்கும்,  ஒவ்வொரு அடியிலும் மதிப்புக்குரியது என்பதை நமது முயற்சி வெளிப்படுத்தி காட்டும். இது நமக்கு பணிவு, பொறுமை மற்றும் பக்தியைக் கற்பிக்கிறது, 

               நாம் வாழ்க்கை பயணத்தில் எடுக்க வேண்டிய முன் எச்சரிக்கை என  நாம் கற்றுக் கொள்ளும் பாடங்கள் நம்மை அதிக கவனம் உள்ளவர்களாகவும், இரக்கம் உள்ளவர் களாகவும், அறிவொளி பெற்றவர்களாகவும் வளர உதவுகின்றன. 

14. கங்கை சொல்லும் பாடம்.

 - 14 -

கங்கை சொல்லும் பாடம்: ஆசிரியர் விசு அய்யர் 

               கங்கையின் நீரை நதிகளில் நின்று கொண்டு நாம் பார்க்கும் போது, ​​வானம் மற்றும் மரங்களின் பிரதிபலிப்பு மட்டுமல்ல, நம்முடைய சொந்த உருவமும் நமக்குத் தெரியும். அது தன் வேகத்தில் நம்மை முழுமையாக காட்டாமல் இருக்கலாம். ஆனால் புனித நீர் நம்மை நமக்கு காட்டும் ஒரு கண்ணாடியாக இருக்கிறது. ஒரு சில நிமிடம், தண்ணீரில் இருந்து நம்மை பார்க்க வேண்டும் அவ்வளவு தான். 

   இது நம்மைச் சுற்றியுள்ள இயற்பியல் உலகத்தை மட்டுமல்ல, நமது சொந்த உள் நிலையையும் வெளிப் படுத்துகிறது. நீர் நம் உருவத்தைப் பிரதிபலிப்பதால், அது நம் சொந்த வாழ்க்கையையும், நம் எண்ணங்களையும், நம் செயல்களையும் பிரதிபலிக்க நம்மை அழைக்கிறது.

               உங்களுக்கு தெரியுமா? ஹரித்வாரில், கங்கை நதியின் இருபுறமும் படிக்கட்டுக்கள் இருக்கும். அதில் இறங்கி குளிக்க முடியும். ஆனால் அந்த கடைசி படிக்கட்டில் ஒரு இரும்பு சங்கிலி கட்டி இருப்பார்கள். ஏன் தெரியுமா? ஆமாம். கங்கை நதியில் இறங்கி நிற்கும் போது, நதியின் வேகத்தில் நம்மை அடித்து சென்று விட கூடாது என்பதற்காக அந்த சங்கலி கயிற்றை இறுக பிடித்துக் கொண்டு ஆற்றில் இறங்க வேண்டும்.  

               நிற்க.! ஏன் இப்படி இரும்பு சங்கிலியை கட்டி இருக்கிறார்கள் என்பதற்கு காரணம் இயல்பு நிலையில் இருந்து நம்மால் புரிந்து கொள்ள முடியும். ஆனால் இதனால் நமக்கு கற்றுக் கொள்ளும் பாடம் என்ன என சிந்திக்க வேண்டாமா?

               கங்கை கரையில் உள்ள இரும்பு, குளிக்க செல்லும் நமக்கு அந்த சங்கிலி தடை அல்ல. அது நதியில் இறங்கும் போது, நம் நிலை தடுமாறாமல் இருக்க நம்மை சரி செய்து கொள்ள (to balance) அது உதவும். அது போல தான் புதிய முயற்சியில் இறங்கும் போது, நம் பயணத்தை மட்டுமே முன் நோக்கி செல்லும் போது, நம்மை சம நிலை படுத்திக் கொள்ள நமது செயல்களை, சுய பரிசோதனை செய்து கொள்ள வேண்டும்.  அது தான் நம்மை, நம் வாழ்க்கைப் பயணத்தை வழி நடத்த ஒரு ஊன்றுகோலாக இருக்க வேண்டும். நதியில் இறங்கும் போது, ஊன்று கோலாக இரும்பு சங்கிலி இருப்பது போல நம் வாழ்க்கையில் சுய பரிசோதனை நம்மை வழி நடுத்தும். 

13.கங்கை சொல்லும் பாடம்.

- 13 - 

               நாம் கங்கைக் கரையில் நிற்கும்போது, ​​நாம் அடிக்கடி பூக்கள், பழங்கள் அல்லது எளிய பிரார்த்தனைகளைச் செய்ய தூண்டப்படுகிறோம். இந்த பிரசாதங்கள், பொருள் மதிப்பில் சிறியதாக இருந்தாலும், அவற்றின் ஆன்மீக முக்கியத்து வத்தில் ஆழமானவை. அவை நமது நன்றியுணர்வு, நமது நம்பிக்ககள் மற்றும் தெய்வீகத்தின் உருவகமாகக் கருதப்படும் நதியின் மீதான நமது பக்தி ஆகியவற்றைக் குறிக்கின்றன. கங்கை வெறும் பௌதிக நதி அல்ல; இது தூய்மை, புனிதம் மற்றும் பூமிக்கும் தெய்வீகத்திற்கும் இடையிலான தொடர்பின் உருவகமாகும்.

               வாழ்க்கையில், நாமும் பிரசாதங்களைச் செய்ய அழைக்கப்படுகிறோம்-அவசியம் பொருள் அல்ல, ஆனால் அன்பு, இரக்கம் மற்றும் இரக்கத்தின் பிரசாதம். உண்மையான காணிக்கை என்பது நாம் பெறுவதற்காக கொடுப்பது அல்ல, மாறாக எதையும் எதிர்பார்க்காமல் திறந்த மனதுடன் வழங்குவது. பதிலுக்கு எதையும் கேட்காமல் முடிவில்லாமல் கங்கை பாய்வது போல, நாமும் தன்னலமின்றி கொடுக்க கற்றுக்கொள்ள வேண்டும். அறிமுகமில்லாத நபருக்கு புன்னகையாக இருந்தாலும் சரி அல்லது நேசிப்பவருக்கு பொறுமையாக இருந்தாலும் சரி, இந்த சிறிய சலுகைகள் ஆழமான தாக்கத்தை ஏற்படுத்தும்.

               பிரசாதம் என்ற செயல், விட்டுவிடுவதன் முக்கியத் துவத்தை நமக்குக் கற்பிக்கிறது. நாம் ஒரு காணிக்கையைச் செலுத்தும்போது, ​​வேலையில் அதிக சக்தி இருப்பதை ஒப்புக்கொண்டு, நம்முடைய சொந்த உடைமையிலிருந்து எதையாவது விடுவிக்கிறோம். அவ்வாறு செய்வதன் மூலம், பிரபஞ்சத்திலிருந்து ஆசீர்வாதங்களையும் மிகுதியையும் பெறுவதற்கு நாம் நம்மைத் திறக்கிறோம். அதேபோல, வாழ்க்கை நமக்கு எண்ணற்ற வாய்ப்புகளை வழங்குகிறது, ஆனால் அவற்றை கருணையுடனும் நன்றியுடனும் ஏற்றுக் கொள்ள நாம் கற்றுக்கொள்ள வேண்டும்.

               நமது காணிக்கைகளுக்கு நாம் எப்போதும் பொருள் வெகுமதிகளைப் பெறவில்லை என்றாலும், உண்மையான வெகுமதி எதிர்பார்ப்பு இல்லாமல் கொடுப்பதால் கிடைக்கும் அமைதியில் உள்ளது. நம்முடைய செயல்கள் அதிக நன்மைக்கு பங்களித்தன என்பதையும், நம் இதயங்கள் தெய்வீக வாழ்க்கை ஓட்டத்துடன் இணைந்திருப்பதையும் அறிவதில் மகிழ்ச்சி.

               வாழ்க்கைப் பாடம்: கங்கைக்கோ அல்லது பிறருக்கோ காணிக்கை செலுத்துவது தன்னலமற்றதன் முக்கியத் துவத்தை நமக்குக் கற்பிக்கிறது. உண்மையான பிரசாதங்கள் அன்பு மற்றும் நன்றியுணர்வு உள்ள இடத்திலிருந்து செய்யப்படுகின்றன, கடமைக்காக அல்ல. நாம் திறந்த இதயத் துடன் கொடுக்கும்போது, ​​பிரபஞ்சத்தின் ஓட்டத்துடன் நம்மை இணைத்துக் கொள்கிறோம், பொருள் செல்வத்திற்கு அப்பாற் பட்ட வழிகளில் ஆசீர்வாதங்களைப் பெறுகிறோம். கங்கை அனைத்து பிரசாதங்களையும் அருளுடன் ஏற்றுக்கொள்வது போல, நாமும் நம் அன்பு, கருணை, கருணை ஆகியவற்றை சுதந்திரமாக வழங்க கற்றுக்கொள்ள வேண்டும்

12. கங்கை சொல்லும் பாடம்.

 - 12 - 

               ஹரித்வாரில், கங்கை நதிக்கரையில் தினம் தோறும் நடை பேரும் மாலை ஆரத்தியை பார்த்து இருக்கிறீர்களா? உலக புகழ் பெற்ற இந்த ஆரத்தியை பார்த்து மனதை பறிகொடுக்காதவர்கள் இல்லை என்றே சொல்ல வேண்டும். கங்கை நதிக்கறைக்குக் போக முடியாதவர்களாக இருந்தாலும் இன்றைய நவீன உலகில் youtube  போன்ற வலை தளங்கள் மூலம் பார்த்து விடுகின்றனர். 

 தினம் தோறும், மாலை ஆரத்தி கங்கைக் கரையில் செய்யப்படும் இந்த நிகழ்வுகள் சடங்குகளில் ஒன்றா?  இதேபோன்ற ஆரத்தி சடங்குகள் வாரணாசி மற்றும் ரிஷிகேஷில் உள்ள அனைத்து காட்களிலும் (குளிக்கும் படித்துறைகளிலும்) நடைபெறுகிறது.  சூரியன் அஸ்தமித்து, விளக்குகள் எரியும்போது, ​​பக்தி உணர்வு காற்றில் நிறைந்துள்ளது. பூசாரிகள் வைத்திருக்கும் தீப ஆராதனை காட்டும் தீப்பிழம்புகள் தென்றலில் மின்னுகின்றன, நம்பிக் கை மற்றும் நம்பிக்கையின் செய்தியை வானத்தை நோக்கி அனுப்புகின்றன. கங்கா ஆரத்தி என்பது வெறும் சடங்கு அல்ல; அது நம் ஒவ்வொருவருக்குள்ளும் எரியும் பக்தி நெருப்பின் சின்னம். பஞ்ச பூதங்களுக்கு வெளிப்படுத்தும் நன்று உணர்வுகள். 

                ஆரத்தி என்பது வாழ்க்கையில் நன்றி உணர்வை வெளிப்படுத்த வேண்டும் என்பதை குறிக்கிறது. நமக்கு உதவியவர்கள் நிச்சயம் வாழக்கயில் ஒவ்வொரு சந்தர்ப்பத் திலும் உண்டு. யாருமே உதவவில்லை என்றாலும் நம்மை வாழ வைத்த இறைவனுக்கும் வாழ வசதி செய்து தந்த இயற்கைக்கும் நாம் நன்றி சொல்லியே ஆக வேண்டும். 

               கங்கையில் சிலர் புனித நீராடுவார்கள், சிலர், பூக்கள் தூவி அதில் ஒரு தீபத்தை வைத்து வழிபட்டு மகிழ்வார்கள்.  சிலர் பாசனத்திற்கு பயன்படுத்திக் கொள்வார்கள் கங்கையை வீட்டுக்கு எடுத்துச் சென்று வழிபடுவார்கள். சிலர் வீட்டு உபயோகத்திற்கு பயன்படுத்திக் கொள்வார்கள். ஒவ் வொன்றும் ஒரு விதத்தில் நன்றி சொல்லுவது தான். சரி. நீங்கள் நன்றி சொன்னால் என்ன சொல்லாவிட்டால் என்ன ஆரத்தி எடுத்து வழிபட்டால் என்ன? வழிபாடாவிட்டால் தான் என்ன என்ற எண்ணத்தில், கங்கை தான் பாட்டுக்கு ஓடிக் கொண்டே இருக்கும். 

               வாழ்க்கைப் பாடம்: : இது போல நமக்கு நன்றி சொல்பவர்களும், இருப்பார்கள், நாடி சொல்லாதவர்களும் இருப்பார் கள், தூற்றுபவர்களும் இருப்பார்கள், போற்று பவர்களும் இருப்பார்கள் எதையும் சிலர் தேவைக்கு மட்டும் நம்மை பயன்படுத்திக் கொண்டு நம்மை விட்டு விலகி விடுவார்கள். போற்றினாலும் தூற்றினாலும் கங்கை சிறிதும் யோசிக்காமல் தன் வழியில் போகிறது போல, நம்மை பேசு பவர்களும் எசுபவர்களும் ஆயிரமாயிரம் சொன்னாலும், நம் நிலையில் இருந்து நாம் மாறுபடாது மன உளைச்சலுக்கு இடம் தராமல்,  சென்று கொண்டே இருக்க வேண்டும்.  

11. கங்கை சொல்லும் பாடம்.

 - 11 - 

               கங்கை ஒடுவதை பார்த்து மகிழ்ந்து இருக்கலாம், புனித நீராடி இருக்கலாம், வழிபாடு செய்து இருக்கலாம். ஆனால் கங்கை எப்போதாவது ஓய்வெடுத்து பார்த்து இருக்கிறீர்களா? என கேட்டால் ஒரு நிமிடம் நம்மை சிந்திக்க வைப்பது அந்த கேள்வி தான். அழகு மற்றும் சக்திக்காக மட்டுமல்ல, கங்கை தூய்மைக்காகவும் புனிதமாக போற்றப் படுகிறது. எத்தனையோ மாசுபாடுகள் இருந்த போதிலும், நதி புனிதமாக கருதப்படுகிறது, 

               தூய்மை என்றால் என்ன? களங்கம் இல்லாத நிலையா? அல்லது வெளிச் சக்திகளால் தீண்டப்படாத நிலையா? கங்கையின் தூய்மையானது, அது தன் பயண வட்டத்தில், தான் சந்திக்கும் அனைத்தையும் மீறி தொடர்ந்து ஓடிக் கொண்டு இருப்பதில் தான் அதன் சக்தி உள்ளது. 

               மனிதர்களாகிய நம்மிடமும், எதிர்மறையான எண்ணங்கள், கோபம், பொறாமை, கடுமை, ஊழல் மற்றும் சவால்கள்  என அசுத்தங்கள் நம்மை முட்டி மோதுகின்றன. சிலர் இவைகளை சந்தித்த சில காலத்தில் அந்த குப்பையோடு சேர்ந்து குப்பையாகி விடுகிறார்கள். இன்னும் சிலர், இது நமக்கு சரிப்பட்டு வராது என்று ஓய்வு எடுக்க போய் விடுவார்கள். ஒரு சிலர் சவால்களை எதிக்கொண்டு எதிர் நீச்சல் போடுவார்கள். 

               எல்லோரும் வாழ்க்கையில் இப்படி எதிர் நீச்சல் போட வேண்டிய அவசியம் இல்லை. காலம் நம்மை எப்படி கடத்திக் கொண்டு செல்கிறதோ, அந்த வட்டத்தில் ஓடிக் கொண்டு இருக்க வேண்டும். ஆர்வமும் துணிவும் உள்ளார்கள் எதிர் நீச்சல் போட்டுக் கொள்ளட்டும். மொத்தத்தில் எப்போதும் சுறுசுறுப்பாக ஓடிக் கொண்டே இருக்க வேண்டும். 

               வயது 50யை  தொட்ட உடனேயே என்னால் இது முடியவில்லை என ஓய்வு எடுக்க தொடங்கி விடுகிறார்கள். பலர் தொலைக் காட்சி முன்பாக உட்கார்ந்து இருப்பதே ஓய்வு எடுப்பது தான். ஓய்வு என்பது எதுவும் செய்யாமல் இருப்பது அல்ல. வழக்கமாக செய்யும் பணியில் இருந்து இன்னொரு வேலையை செய்ய வேண்டும் என்பது தான் ஓய்வு. 

               இதன் பொருள் தொடர்ந்து ஓடிக் கொண்டே இருக்க வேண்டும் என்பது தான் வயது 50 ஆனால் என்ன 80 ஆனால் என்ன முயற்சியும் சிந்திணையும் உழைப்பும் தொடர்ந்து வெளிப்படுத்த படும் போது, நம்மை மக்கள் வியந்து பார்ப்பதுடன் நம்மை ஒரு முன் மாதிரியாக வைத்துக் கொண்டு அவர்கள் தங்கள் வாழ்க்கையை சீர் அமைத்துக் கொள்வார்கள். மொத்தத்தில் ஓடிக் கொண்டே இருக்க வேண்டும். உழைத்துக் கொண்டே இருக்க வேண்டும். உழைப்புக்கும் சிந்தனைக்கும் வயது ஒரு பொருட்டு அல்ல. 

               வயதான காலத்தில் முன்பு இளமையில் இருந்த ஓட்டமும் ஆட்டமும் இல்லாமல் இருக்கலாம் அதறக்காக  உழைப்பு இல்லாமல் இருக்கலாமா? வயதான காலத்தில் நமது உழைப்பில் வேகம் குறைந்து காணப்படலாம். ஆனால் அதற்காக உழைக்காமல் இருக்கலாம்.. கங்கை நதியில் கூட சில இடங்களில் வேகம் குறைவாக இருக்கும். வேகம் குறைவாக இருக்கிற இடத்தில் தான் தைரியம் குறைந்த பெண்களும் குழந்தைகளும் புனித நீராடுவார்கள். தண்ணீரின் வேகத்தை எதிர்த்து நிற்க வேண்டிய அவசியம் இல்லை என்பதால், கங்கையில் கூட சில இடங்களில் வேகம் குறை வாக இருக்கிறதே அது போல நமது வாழ்க்கையிலும் ஒரு சில வயதிற்கு பிறகு வேகம் குறைவாக இருக்கலாம். அதற்காக உழைக்காமல் இருக்கலாமா/

               உழைப்பு என்பது உடல் உழைப்பு மட்டும் அல்ல மனமும் சிந்தனையும் உழைப்பதும் உழைப்பு தான்.நமது மனதை தூய்மை படுத்த எடுத்துக் கொள்ளும் ஒவொரு முயற்சியுமே உழைப்பு தான்  மற்றவர்களுக்காக சிந்திப்பதும், ஒரு புத்தகத்தை படிப்பதும் புத்தகத்தை படைப்பதும் உழைப்பு தான். அடுத்தவர்களுக்கு நாம் inspiration ஆக  இருப்பதுவே உழைப்பு தான். 

               வாழ்க்கைப் பாடம்: ஓடிக் கொண்டு இருப்பது தான் வாழ்க்கை வயதாகி விட்டதே என ஓய்வு எடுப்பது அல்ல வாழ்க்கை. அதனால் தொலைக்காட்சி வீட்டில் இருந்தால் அது உங்கள் பக்கம் திரும்பாமல் பார்த்துக் கொள்ளுங்கள். உழைப்புக்கு என்ன கிடைக்கப் போகிறது என யோசிப்பாதை விட முதலில் உழைக்க வேண்டும் என்ற எண்ணத்தை மனதில் பதியுங்கள். சவால்களை சந்திப்பதற்கு நீங்கள் எந்த வயதை சேர்ந்தவராக இருந்தாலும், முதலில் உழைக்க வேண்டும் என்ற எண்ணத்தை முதலில் மனதில் பதியுங்கள் 

10.கங்கை சொல்லும் பாடம்.

 

- 10 - 

               பாயும் கங்கையின் ஓசை வேறு எதிலும் இல்லாத இன்னிசை. ஆறு மலைகள் வழியாகச் செல்லும்போது, ​​​​தண்ணீர் பாறைகளின் மீது பட்டு எழுப்பும் மென்மையான முணுமுணுப்புகள், தெளிவான சிற்றலைகள் மற்றும் அவ்வப் போது எழுந்து வரும் உரத்த சத்தம் ஆகியவற்றின் சிம்பொனியை உருவாக்குகிறது. இந்த ஒலி, பெரும்பாலும் இனிமையான மற்றும் அமைதியானதாக உணரப் படுகிறது, அதனால் தான் நதிக்கரையில் அமர்ந்து கொண்டு ஒரு நிமிடம் திரும்பி பாருங்கள்.  

               இது வாழ்க்கையின் இயல்பான ஓட்டத்தை நினைவூட்டுகிறது. நதி திரும்பிப் பார்க்காமல் முன்னோக்கி நகர்வது போல, நாமும் கடந்த கால சுமைகளை விட்டு விட்டு, தற்போதைய தருணத்தைத் தழுவி, வாழ்க்கையை ஓட்ட கற்றுக்கொள்ள வேண்டும்.

               ஓடுகின்ற நதி ஒரு போதும் பின்னோக்கி செல்வதில்லை. தான் எடுத்த இலட்சியமே பிரதானம் என துணிந்து முன்னோக்கியே பாய்ந்து ஓடுகிறது. இது வாழ்க்கையில் எப்போதும் முன்னோக்கியே செல்ல வேண்டும் என்பதை நமக்கு அறிவுறுத்துகிறது. 

               ஓடுகின்ற தண்ணீர் ,  சிந்திய பால், தவற விட்ட வார்த்தைகள்  என எதுவுமே பின்னோக்கி செல்வதில்லை எனும் போது, கங்கை கரையில் அமைதியாக உட்கார்ந்து பாருங்கள். கங்கை சொல்லும் பாடம் தெளிவாக புரியும் 

               கங்கையின் பாயும் ஒலி காலத்தின் நிலையான இயக்கத்தைக் குறிக்கிறது. நாம் எவ்வளவு தான்  ஆசைப் பட்டாலும் எடுத்த முயற்சியில் பின் வாங்க கூடாது. Dont give up  என்று சொல்லுவார்களே அது போல, எண்ணுவது உயர் வாக என்ன வேண்டும். லட்சியத்தை உறுதியாக அடைவோம் என நம்ப வேண்டும். நதியின் நிலையான, அசையாத ஓட்டம், பின்னோக்கிப் போவதில்லை, முன்னோக்கி மட்டுமே செல்ல வேண்டும் என்பதை கங்கை  நமக்குக் கற்பிக்கிறது. 

               கங்கையின் சப்தத்தைக் கேட்கும்போது, ​​வாழ்வின் நிலையற்ற தன்மையைப் பற்றி ஒரு நிமிடம் சிந்திக்க அது நம்மை அழைக்கிறது. ஆற்று நீரானது, தொடர்ந்து தனது வடிவத்தை மாற்றிக்கொண்டாலும், அதன் சாரத்தை இழக்காமல் இருப்பது போல, நாமும் வாழ்க்கையின் ஓட்டத்திற்கு ஏற்றதாக இருக்க வேண்டும். மாற்றங்கள், சவால்கள் எப்போதும் இருக்கும், ஆனால் முக்கியமானது அவற்றை எதிர்ப்பது அல்ல. அதற்கு பதிலாக, அந்த ஓட்டத்துடன், வளரவும் பரிணமிக்கவும் நாம் பழகிக் கொள்ள  வேண்டும். 

               வாழ்க்கையின் ஓட்டத்தை உண்மையாக ஏற்றுக் கொள் வதற்கு, நதி தனது பாதையில் உள்ள கூழாங்கற் களையோ பாறைகளையோ பிடித்துக் கொள்ளாதது போல, நாம் நமது எதனுடனும் பந்திக்கபடாமல் அவைகளை விட்டு விட விலகியே இருக்க பழக வேண்டும். ஓட்டத்தை எதிர்ப்பதற்கு அல்லது கட்டுப்படுத்த முயற்சிப்பதற்குப் பதிலாக, அந்த ஓட்டத்துடன் பயணித்து புதிய வாய்ப்புகள், வளர்ச்சி மற்றும் அனுபவங்களுக்கான இடத்தை உருவாக்க வேண்டும். 

               வாழ்க்கைப் பாடம்: கங்கையின் ஓட்டம் நிகழ்காலத்தில் வாழ்வதன் முக்கியத்துவத்தை நமக்குக் கற்பிக்கிறது. நாம் தயாராக இருந்தாலும் இல்லாவிட்டாலும் வாழ்க்கை நகர்ந்து கொண்டே இருக்கும் என்பதை நினைவூட்டுகிறது. கங்கை தன் இலக்கை நோக்கி சீராகப் பாய்வது போல, நாமும் ஒரு பெரிய பயணத்தில் இருக்கிறோம் என்பதை அறிந்து, எடுத்த முயற்சியில் பின் வாங்காமல் தொடர்ந்து பயணித்து இலட்சியத்தை அடைய வேண்டும்.  அதை  நாம் கற்றுக் கொள்ள வேண்டும்.

09 கங்கை சொல்லும் பாடம்.

 - 9 - 

               கங்கை போன்ற புண்ணிய நதியில் நீராடுவது உடலை மட்டுமல்ல, மனதையும், ஆன்மாவையும் தூய்மைப் படுத்துவதாகக் நம்பப்படுகிறது. கங்கையின் நீர் தெய்வீக சாரத்தை எடுத்துச் செல்கிறது, எல்லா அசுத்தங்களிலிருந்தும் நம்மைச் சுத்தப் படுத்துகிறது, அது போல ஞானத்திற்கு நம் எண்ணங்கள், செயல்கள் மற்றும் நோக்கங்களைத் தூய்மைப் படுத்தும் ஆற்றல் உள்ளது. நதி உடல் அழுக்குகளையும் மாசுபாட்டையும் நீக்குவது போல, ஞானம் மனதை, அறியாமை மற்றும் அகங்காரத்திலிருந்து தூய்மைப்படுத்த உதவுகிறது, ஆன்மாவின்  உண்மையான தன்மையை அது  வெளிப்படுத்துகிறது.

               கங்கையின் உற்பதியாகும் இடம், பரந்து, விரவும்  இடம் என அதனதன் தன்மையில் சுத்தமும் அசுத்தமும் கலந்தே வெளிப்படும். மனித உணர்வுகளிலும் இப்படி தான் நல்லதும் கெட்டதும் கலந்தது தான் மனித உணர்வு நிலைகள். மனிதன் பாதி, மிருகம் பாதி என்ற நிலையில் தான் இயல்பான மனித நிலை இருக்க முடியும். அதிலிருந்து மிருக நிலை யில் இருந்து மனித நிலைக்கு உயர்த்துவதும் பின் மனித நிலையில் இருந்து தெய்வ நிலைக்கு உயர்வதும் தான் வளர்ச்சி.

               கங்கையை  நீருடன் தொடர்பு கொள்ளாமல் நாம் அதைத் தொட முடியாது என்பது போல, உண்மையான ஞானத்துடன் ஏதோவொரு வடிவத்தில் அதைத் தொடாமல் நம்மால் தொடர்பு கொள்ள முடியாது. இது ஆன்மாவில் அழியாத அடையாளத்தை விட்டுச்செல்லும் ஒரு உருமாற்ற அனுபவம் ஆகும். 

               வாழ்க்கையில், நாம் அடிக்கடி மன ஒழுங்கீனங்களால் - கவலைகள், கவனச்சிதறல்கள், எதிர்மறை எண்ணங்கள், தீர்க்கப்படாத உணர்ச்சிகள் இது போன்றவற்றால்   சிக்கிக் கொண்டு தவிக்கிறோம். இந்த மன மாசுகள் யதார்த்தத்தைப் பற்றிய உண்மையான நமது உணர்வை மறைக்கின்றன.

               நமது உடலில் ஒரு பகுதியில் அழுக்கு பத்து விட்டால் நமது சிந்தனையும் கவனமும் அந்த அழுக்கின் மீதே இருக்கும் அது கழுவி சுத்தம் செய்யும் வரை அதை மறந்து நம்மால் இருக்க முடியாது. அப்படி தான் மனதில் ஏற்படும் தவறான எண்ணங்களைக் கழுவ வேண்டும். தவறான எண்ணங்களை கழுவ நம்மிடம் உள்ள புனித கங்கை இறை வழிபாடு ஒன்றே ஆகும். பக்தி செய்யும் இறை வழிபாட்டினால், மனதில் உதிக்கும் தவறான எண்ணங்கள் கழுவி எரியப்படும். தொடக்க நாளிலில்  உண்மையான பக்தியாக இல்லாமல் இருந்தாலும் அதை பழக்கத்தில் கொண்டு வார வேண்டும். 

               நாம் கங்கை கரையில் நின்று அதன் நீரை உற்றுப் பார்க்கும்போது, ​​நம்முடைய உருவம் தெளிவாக ஆற்று நீரில் பிரதிபலிக்காவிட்டாலும், நம்மைப் பற்றி சிந்திக்க முடிகிறது. ஆற்றின் மேற்பரப்பின் தெளிவு, ஆழ்மனதின்  மூலம் நமக்குள் அடையக்கூடிய தெளிவை பிரதிபலிக்கிறது. 

               கங்கையின் தூய்மை எந்த வெளிப்புற காரணிகளையும் சார்ந்து இல்லை என்பதை கவனத்தில் கொள்ள வேண்டும். சில பகுதிகளில் அதன் நீர்நிலைகளை பாதிக்கும் மாசுபாடு இருந்த போதிலும், அதன் சாராம்சம் தூய்மையாக உள்ளது. அதுபோலவே, உண்மையான ஞானம் புறச் சூழ்நிலைகள் அல்லது தாக்கங்களால் கறைபடுவதில்லை. இது ஒரு சிறந்த  குணம், மேற்பரப்பிற்கு அடியில் இருக்கும் உண்மையை தேடவும் தயாராக இருப்பவர்களால் மட்டுமே இந்த தூய்மையை அணுக முடியும்.உணர முடியும். 

               அச்சங்கள் மற்றும் தப்பான  எண்ணங்களை நாம் விடுவிக்க வேண்டும் என்பதை இது நமக்கு நினைவூட்டு கிறது. நதி எல்லாவற்றையும் தன்னுடன் சுமந்துகொண்டு, எதையுமே பற்றிக் கொள்ளாமல் முன்னேறிச் செல்வது போல, நாமும் வாழ்க்கையைப் பற்றின்மையுடனும் கருணையுடனும் ஓடக் கற்றுக்கொள்ள வேண்டும். எதிர்மறை உணர்ச்சிகள், கடந்தகால வருத்தங்கள் அல்லது பயனற்ற எண்ணங்கள் எதுவாக இருந்தாலும், இனி நமக்கு அவைகளால் பயன் இல்லை என்பதை உணர்ந்து அதனை விட்டு விலகி நிற்பதன் மூலம் தான் உண்மையான சுதந்திரம் கிடைக்கும் என்பதை நதி நமக்குக் கற்று தருகிறது. 

               சந்தேகம் அல்லது குழப்பமான தருணங்களில், கங்கை நீரின் தூய்மையை நாம் கண்டு வரலாம். ஆற்றின் வழியாக அமைதியான நடைப்பயிற்சி மூலமாகவோ அல்லது அது பிரதிபலிக்கும் ஞானத்தைப் பிரதிபலிப்பதன் மூலமாகவோ, நாம் நமது உள் அமைதி மற்றும் தெளிவுடன் மீண்டும் இணைந்து கொள்ள முடியும். இந்த வழியில் நம் மனதையும் ஆன்மாவையும் தூய்மைப்படுத்துவதன் மூலம், வளர்ச்சி, கற்றல் மற்றும் வாழ்க்கை வழங்கும் ஞானத்திற்கான இடத்தையும்  உருவாக்குகிறோம்.