30. நலம் தரும் திருத்தலம்

 

-   30 –

திருத்தல வரிசையில் வாரம் ஒன்றை சொல்லி மெய் சிலிரிக்க வைக்கிறீர்கள் என்று சொல்லி மகிழ்ந்த வாசகர்களில்,  சிலர், தேர்வு செய்த கோவில்களை எடுத்து சொல்லி விளக்கத்தை சொல்கிறீர்கள் இப்போது புதிதாக வந்துள்ள அயோத்தி கோவிலை பற்றி எப்போ சொல்லுவீங்க என்று கேட்கிறார்கள்.

குறிப்பாக சில செய்திகளை சொல்கிறேன் குறித்துக் கொள்ளுங்கள். திருத்தலம் என்பது நமக்கு பலன் தருவனவாக இருக்க வேண்டும் என்பது மட்டும் அல்ல. அது கலை மட்டும் கலாச்சாரங்களை வெளிப்படுத்துவனவாகவும் இருக்கலாம். நம் அன்பின் மிகுதியால் அங்கே ஆண்டவனின் சிலையை வைத்து விடலாம்.

புத்தகம் பெற click செய்க 

நம் வீட்டு வாசலில் கூட விநாயகர் சிலையை வைப்பதை பார்த்து இருப்போம். அதை வைப்பதற்கும் சில வழி முறைகள் உண்டு. அதாவது வீட்டு வாசலின் வலது புறம் வைக்க வேண்டும் என்பது போல சொல்லுவார்கள்.

அது போல தான் பலன் தரும் திருத்தலங்கள் என்று சொல்லும் போது அந்த பலன் நமக்கு கிடைக்க வேண்டும் என்ற எண்ணத்தில் தான் தேர்வு செய்து பதிகிறோம். இதில் நீங்கள் சொல்லும் அந்த திருக்கோவில் வரவில்லை என்றால் அதற்கு சில காரணங்கள் உண்டு.

ஆண்டவன் எல்லா இடத்திலும் நீக்கமற நிறைந்து இருந்தாலும், ஜோதிடரீதியாக ஒரு திருத்தலத்தை சொல்லும் போது,  அந்த திருத்தல அமைப்பு, ஸ்தான சுத்தி, மூர்த்தி தீர்த்தம், விருட்சம், அமைப்பு, திசை,  சம்பவங்கள், வரலாறு என பலவற்றை சிந்தித்து தான் சொல்லப்படுகிறது. இவற்றுடன், அனுபவங்கள் சேரும் போது, இவை தானாக அமைந்து விடும்.

திருத்தலங்களை தேர்வு செய்து சொல்வதோடு மட்டும் அல்லாமல் வழிபாட்டு முறைகளையும், தெரிந்து கொள்வது தான் உசிதம். இதே போல சிவன், முருகன் போன்ற சைவ கோவில்களில் மட்டும் தான் நவகிரகங்கள் இருக்கும். நவகிரகங்கள் என்பவை executing officer போல, இறைவன் இட்ட ஆணையை செயல்படுத்துவார்கள். ஆணையை செயல்படுத்த கடமை பட்டவர்களுக்கு ஆணையை திருத்த அவர்களுக்கு உரிமை இல்லை.

அந்த நவக்கிரங்களிடம் உள்ள ஆணையை படித்து சொல்வது தான் ஜாதகம். அதை எடுத்துச் சொல்பவர்கள் தான் சோதிடர்கள் என்ற நிலையில் புரிந்து கொண்டால், நம் பிரச்சனைகளுக்கு தீர்வு காண யாரை அணுக வேண்டும் என்பது உங்களுக்கு சொல்லாமலே புரிந்து விடும்.

“அவை நல்ல நல்ல அடியார் அவர்க்கு மிகவே” என்பது சம்பந்தர் வாக்கு.

“அல்லல் என் செய்யும் அருவினை என் செய்யும்” என்பது அப்பர் வாக்கு.

“நாள் என் செய்யும் வினை தான் என் செய்யும்.” என்பது அருணகிரிநாதர் அருளிய கந்தர் அலங்காரம்.

“மாதமும் தினம் வாரமும் திதி யோகமும் அழ நாள்களும் படர் மாதிரம் திரி கோள்களும், கழல் பேணும் அன்பர்கள் பால் நலம் தர” என்பது பாம்பன் ஸ்வாமிகள் வாக்கு.

“ஊழையும்  உப்பக்கம் காண்பர் உலைவின்றி தாளாது உஞற்று பவர்” என்பது திருக்குறள்.

இது போல சொல்லிக் கொண்டே போகலாம் என்றாலும், உங்கள் பிரச்சனைக்குரிய தீர்வு காண, தேர்வு செய்து தருவது தான் வழிபடும் நலம் தரும் திருத்தலம். கையில் உள்ள கொத்துச் சாவியில் உள்ள எல்லா சாவியும் பூட்டி உள்ள அந்த பூட்டை திறக்காது. அந்த பூட்டுக்குரிய சாவியால் மட்டுமே திறக்க முடியும் என்பது போல, பிரச்சனைக்குரிய தீர்வுக்கு என தேர்வு செய்த திருத்தலங்களை இந்த தொடரில் நாம் பார்த்தோம்.

அடிப்படையில் இறைவன், கடவுள், தெய்வம் என்ற வேறுபாட்டை புரிந்து கொண்டால், நீங்களே விளக்கம் எதுவும் சொல்லாமல், இதனை தெரிந்து கொள்ள முடியும்.

நம்மோடு வாழ்ந்து மறைந்தவர்கள் தெய்வம். குல தெய்வம் என்பது போல உங்களுக்கு சொல்லித் தான் தெரிய வேண்டும் என்பது இல்லை அல்லவா. பிறந்து மறைந்தவர்கள் கடவுள். பிறக்கவும் இல்லை இறக்கவும் இல்லை என்றால் இறைவன். இந்த அடிப்படை சிந்தனையில் வைத்து சிந்தித்து பார்த்தால், உங்களுக்கு மற்றது தானே விளங்கும்.

இதில் இறைவன், கடவுள், தெய்வம் என அனைவருக்கும் கோவில் உண்டு. மற்றவர்கள் வணங்கதக்கவர்கள், இறைவன் வழிபாட்டுக்கு உரியவன். வழிபாட்டுக்கு உரியவனால் மட்டுமே நம்மை வழிப்படுத்தி, நல் வழி காட்ட முடியும். வணக்கத்துக்குரியவர்களும் இறைவனை வணங்கி தான் நமக்கு ஆலோசனை தருவார்கள். ஆலோசனை தருவது என்பது வேறு. வழிப்படுத்துதல் என்பது வேறு. இன்னும் கூடுதலாக சொல்ல வேண்டும் என்றால், வருத்தத்தில் இருக்கும் போது, நம்மை ஆற்றுப் படுத்தி வழிப்படுத்துவது தான் இறைவன் அதனால் தான் அவருக்கு மட்டும் வழிபாடு என்பதை புரிந்து கொண்டால் மற்றது தானே விளங்கும்.

அன்பர்கள் குறிப்பிட்டு சொன்ன அந்த கோவில், இந்த சிந்தனைகளுடன் வைத்து சிந்தித்து பார்த்தால் இது குறித்து எதுவும் சொல்ல தேவையில்லை என்பது புரியும். இன்னும் அங்கே திருப்பணிகள் நடந்து கொண்டு இருக்கிறது. அதனால் அங்கே சென்று அவர்கள் பணிக்கு தொந்திரவாக நாம் இருக்க கூடாது. அதனால் அங்கே சென்று அவர்கள் பணிக்கு தொந்திரவாக அவர்களை பணி செய்ய விடாமல் இடையூறு செய்யாமல் இருக்க அங்கே இப்போது செல்லாமல் இருப்பதே நல்லது என்பதை மனதில் பதித்துக் கொண்டால் எல்லாம் நன்மையே விளையும்.

இதுவரை 30 வாரங்களாக வந்து கொண்டு இருந்த நலம் தரும் திருத்தலம் இந்த வாரத்துடன் நிறைவு செய்து தருகிறோம்.

அடடா... இவ்வளவு திருத்தலங்கள் தானா என்று ஏங்கி நிற்க வேண்டாம். சொல்வதற்கு நிறைய உண்டு என்றாலும், படிப்பவர்கள் சுவை கூடுவதற்கும், மெகா சீரியல் போல சலிப்பு வராமல் இருக்கவும் நலம் தரும் திருத்தலம் என்ற தொடரை இந்த வாரத்துடன் நிறைவு செய்து தருகிறோம். இதுவரை நல் ஆதரவு தந்து ஊக்கப்படுத்திய ஒவ்வொரு பல சோதிட வாசகர்களுக்கும் நெஞ்சம் நிறைந்த நன்றிகளை பதிவு செய்கிறேன்.

திருத்தல தொடர் தான் வருவதில்லையே என்று சோர்ந்து விடாமல், தொடர்ந்து வழிபாடு செய்யுங்கள். தமிழ் வழி வழிபாடு செய்யுங்கள். தமிழில் உள்ள ஒவ்வொரு எழுத்துக்கும், சொல்லுக்கும் ஒரு உணர்வு நிலை உண்டு அது எண்ண நிலையை மாற்றி விடும். எண்ணங்கள் எதுவோ அதுவே வாழ்க்கை என்ற உளவியல் தத்துவப்படி, வாழ்வியல் நிலை மாறும். அந்த மாற்றமே ஏற்றத்தை தரும்.  மற்ற மொழி வழிபாடுகள் மனத்திற்கு அமைதி தரும். உங்களுக்கு எது வேண்டுமோ அதை எடுத்துக் கொள்ளுங்கள்.

இன்னொரு புதிய தொடரில், உங்களுடன் இனைந்து வருகிறேன்.

நல்லதே நினைப்போம். நல்லதே நடக்கும்..

 

29.நலம் தரும் திருத்தலம்

 

-   29 –

என்னவோ போங்க சார்... எங்க குடும்பத்தில் எந்த ஜாதகத்தை பார்த்தாலும் பிதுர் சாபமாக இருக்கு இல்லாவிட்டால்  சர்ப்ப தோஷமாக இருக்கு இல்லாவிட்டால் அஷ்டம சனி இப்படி எதாவது ஒன்னு இருக்குங்க. எனக்கு என்னவோ, நம்பிக்கையே போச்சு என்று வருந்தி அழுபவர்கள் ஒரு பக்கம்.

எனக்கு பாருங்க.. தெரிந்தோ தெரியாமலோ, கல்லூரி காலத்திலேயே காதல், அதுவும் ஏனோ முழுமையாக வெற்றி பெறவில்லை. பிரேக் அப் ஆயிடுச்சு. அப்புறம் வீட்டில் கல்யாணம் செய்து கொடுத்தாங்க. அதுவும் டிவேர்ஸ்  ஆயிடுச்சு. இப்போ குழந்தை இருக்கு, துணைக்கு மறுமணமும் ஆகவில்லை,  நிம்மதியும் இல்லை என்று புலம்பி தவிப்பவர்கள் ஒரு பக்கம்.

என்னவோ படிக்கனுன்ம்னு படிச்சுட்டேன், ஆனால் பாருங்க எதிலேயுமே interest இல்லை. காதலும் பிடிக்கவில்லை, கல்யாணமும் பிடிக்கவில்லை, வேலைக்கு போகவும் ஆர்வம் இல்லை என்று எதையோ பறிகொடுத்தது போல உள்ள பல 90 கிட்ஸ் பரிதாபமாக உலகம் முழுவதும் இருக்கிறார்கள்  இன்னொரு பக்கம்.

உண்மையிலேயே, இவர்களுக்கு என்ன தான் பிரச்சனையாக இருக்கும் என ஜாதகத்தில் தேடிப் பார்த்தால், சர்ப்ப கிரகம் தலை தூக்கி நிற்கும். குறிப்பாக 90 கிட்ஸ் படம் வேதனைகளை பட்டியலிட்டு சொன்னால், நமக்கே பரிதாபமாகவே இருக்கும்.

சரி இருக்கட்டும் உண்மையிலேயே சர்ப்ப தோஷத்திற்கு தீர்வே இல்லையா..? ஆண்டுக்கு ஒரு முறை வரும் குரு பெயர்ச்சி போல, 21/2 ஆண்டுக்கு ஒரு முறை வரும் சனி பெயர்ச்சி போல இப்போ ராகு கேது பெயர்ச்சி வந்து இப்போ மக்கள் மத்தியில் பிரபலமாக பேசப்படுகிறது.. ராகு கேது என்றால் உண்மையிலேயே அவ்வளவு பிரச்சனையா என்று நமக்கு இப்போ சிந்திக்க தோன்றும்.

ஒன்றை சரியாக புரிந்து கொள்ளுங்கள். சர்ப்ப தோஷ பிரச்சனை இருக்கிறதோ இல்லையோ, சர்ப்பம் தொடர்பான எந்த நிகழ்வுகளையும் சுலபமாக எடுத்துக் கொள்ளக் கூடாது. ஜாதகத்தில் இருள் கிரகம் என குறிக்கப்படும் ராகு கேதுக்களை சர்ப்பமாக நமக்கு சோதிடம் அடையாளம் காட்டி தரும்.அதனால் அவைகளை சர்ப்ப கிரகமாகவே நாமும் அணுக பழகுவோம்.

ஷண்மதங்கள் என்று சொல்லும், கணபதி வழிபாடு, முருகன் வழிபாடு, சைவ வழிபாடு சக்தி வழிபாடு, வைணவ வழிபாடு, சூரிய வழிபாடு என அனைத்திலும் சர்ப்பங்கள் இருக்கும்.  பிள்ளையார் வயிற்றில், முருகனின் காலில், சிவனின் கழுத்தில் சக்தியின் பாதத்தில், பெருமாளின் சயன கோலத்தில் குடையாக, என சர்ப்பங்கள் கூடவே வரும்.

இந்த சர்ப்ப கிரக வழிபாட்டிற்கு பல திருத்தலங்களை அடையாளம் காட்டி சொல்ல முடியும் என்றாலும், சர்ப்ப கிரக தோஷம்,  அல்லது சாபம், கால சர்ப்பம் என இருக்கிறதோ இல்லையோ. பொதுவாக எல்லோரும் வழிபட வேண்டிய திருத்தலம் இந்த நாக மலை தான்.

என்னது பாம்பு மலையா என்று மலைத்து போக வேண்டாம். இந்த மலை தமிழகத்தில் நாமக்கல் மாவட்டத்தில் தான் இருக்கிறது. திருப்புகழிலும் சரி, கந்தர் அலங்காரத்திலும் சரி, திருமுறைகளிலும் சரி இந்த திருத்தல குறிப்பு இல்லாமல் இல்லை. திருச்செங்கோடு என்று இப்போது அழைக்கப்படும் இடத்தில் இந்த மலை இருக்கிறது.

சுமார்  1200 படிக்கட்டுகள் கொண்ட இந்த மலைக்கு சென்று வர கோவில் பேருந்து வசதிகளும் உண்டு என்றாலும் நடந்து செல்லும் வழியில் தான் பாம்பு மலையை பார்க்க முடியும். மலை உச்சி வரையில், காலில் காலணிகளுடன் செல்லலாம் என்றாலும் 60 அடி நீளத்தில் உள்ள பாம்பு மலைப்பகுதி புனிதத்திலும் புனிதமாக கருதப்படுவதால், காலணிகளை கழட்டி கையில் எடுத்துக் கொண்டு தான் செல்ல வேண்டும்.

இங்கே மலையே லிங்கமாக கருதப்படுகிறது. இம்மலையை பவுர்ணமியில் வலம் வந்தால், கயிலாயத்தை வலம் வந்த புண்ணியம் உண்டு. கிரிவலம் திருவண்ணாமலை தானே என்று யோசிப்பதற்கு முன்பாக ஒரு முறை இங்கே வந்து வலம் வந்து பாருங்கள்.

கோவிலின் உள்ளே சுவாமி அர்த்தநாரீஸ்வரராக  இருந்து சுயம்புவாக அருள் பாலிக்கிறார்.  செங்கோட்டு வேலவன் தனி சன்னதியில் நின்ற கோலத்தில் இருந்து அருள்பாலிக்கிறார். ஒரு புறம் ஆணாகவும் மறுபுறம் பெண்ணாகவும் காட்சி தரும் இந்த மலையில் அருள்பாலிக்கும் ஆண்டவர் உளி படாத திருமேனியாக தலையில் ஜடாமகுடம் தரித்து, பூர்ண சந்திரன் சூடி, கழுத்தில் ருத்ராட்சம், தாலி அணிந்து, கையில் தண்டாயுதம் வைத்திருக்கிறார். அம்பிகையின் அம்சமாக உள்ள இடது பாக காலில் கொலுசு உள்ளது. சிவன், சக்தி சேர்ந்த வடிவம் என்பதால் வலதுபுறம் வேட்டியும், இடப்புறம் சேலையும் அணிவிக்கிறார்கள்.

மூலவரின் காலடியில் இருக்கும் தேவதீர்த்தம், எக்காலத்திலும் வற்றாமல் சுரந்து கொண்டே இருக்கும். இத்திருத்தலத்தின் தல விருட்சம் இலுப்பை மரமாகும். இது விறல் மின்ட நாயனார் அவதார திருப்பதி என்ற பெருமைக்கு உரியது. ‘கொடிமாடச் செங்குன்றூர்’ என்று தேவாரங்களில் குறிக்கப்பட்டு இருக்கும் இந்த திருச்செங்கோடு நம்ம தமிழ் நாட்டில் தான் சென்று வரும் தொலைவில் தான் உள்ளது.

தம்பதியர் ஒன்றுமைக்கு இந்த திருத்தலத்தை பொதுவாக சொன்னாலும், இந்த நாகமலை, நாகதோஷம், ராகுகேது தோஷம், கால சர்ப்ப தோஷம் களத்திர தோஷம் போன்ற அனைத்து வித நாக தோஷங்களுக்கும் இந்த திருத்தலம் தான் பரிந்துரையாக சொல்லலாம்.

இப்போதெல்லாம்  அவ்வப்ப்போது வந்து நம் காலை சுற்றி வரும் கொரானா போல முன்பு வந்த போதும், இந்த திருத்தல ஆண்டவனை வேண்டியே ஞான சம்பந்தர் பதிகம் பாடி வினை நீக்கி அருளினார் என்பது வரலாறு.

வாழ்க்கையில் ஏற்படும், எந்த வித சிரமமங்களுக்கும் சர்ப்ப கிரக தொடர்பு நிச்சயம் இருக்கும் என்பது விதி என்றபடியால்,  வாழ்நாளில் ஒருமுறையேனும் இந்த திருத்தலம் சென்று வருவது அவசியம். குறிப்பாக சர்ப்ப தோஷங்கள் உள்ளவர்கள் பேருந்து பயணத்தை தவிர்த்து, மலை மேல் கால்நடையாகவே சென்று வர வேண்டும் என்பதை மனதில் கொள்ளுங்கள்..

நல்லதே நினைப்போம். நல்லதே நடக்கும்..

28. நலம் தரும் திருத்தலம்

 

-   28 –

எனக்கு சம்பளம் போதவில்லை. எதாவது paasive வருமானம் கிடைக்கும்படி இருந்தால் சொல்லுங்க என பலரும் சமூக வலைப்பதிவுகளில் கேட்பதை பார்க்க முடிகிறது.

இவர்களுக்கு ஆலோசனையாக பலரும் கை காட்டுவது பங்கு சந்தை தான். இப்போ பங்கு சந்தை புதிய உச்சத்தை தொட்டு விட்டது 70 ஆயிரம் புள்ளிகளை கடந்து விட்டது என உசுப்பேத்தும் வார்த்தைகளை சொல்லி, அடிப்படை தெரியாமல் பங்கு சந்தையில் பணத்தை பரி கொடுத்தவர்கள் பலர் உண்டு. ஒரு முறை அடி பட்டவர்கள் அந்த பக்கமே எட்டிப்பார்க்காமல் போனதும் உண்டு.

நீண்ட கால முதலீட்டுக்கு என்று ஆலோசனை வைத்தால், பலரும், முதலில் கை காட்டுவது பங்கு சந்தை தான், அதை அடுத்து மியுச்சுவல் பண்டு இப்படி நிறைய சொல்லுவார்கள்.

இன்னும் சிலர், சீட்டு கம்பெனி அதிக வட்டி தரும் டெபொசிட் என ஏமாந்தவர்கள் பட்டியலும் ஏமாற்றிய கம்பெனிகள் பட்டியலும் நிறையவே உண்டு. அதை நாமும் அவ்வப்போது செய்திகளில் பார்த்துக் கொண்டு இருப்போம்.

இதெல்லாம் வேண்டாம் என்று சின்னதாக தொழில் செய்து நஷ்டம் அடைந்து மீண்டும்  தொழிலில் முதலீடு செய்ய வாய்ப்பு இல்லாமல் இழந்த பணத்தையும் எடுக்க முடியாமல், ஏதாவது ஒரு கம்பனியில் திறமைக்கு குறைவான பதவியில் சுமாரான சம்பளத்தில் வேலை செய்யும் சிலரையும் நாம் பார்த்து இருப்போம்.

இது போல இருந்த பணம் அல்லது முதலீட்டை தொலைத்தவர்கள் செய்வது அறியமால் நிற்கும் போது, அவர்களுக்காக வருத்தப்படாமல் இருக்க முடியுமா என்ன?

“வறுமை நீங்கி ... வளமை பெற ...” என்ற அமேசானில் கிடைக்கும புத்தகத்தில் சில வழிபாட்டு பாடல்களை குறித்து தந்து உள்ளது, அந்த தமிழ் வழிபாட்டு பாடல்களே பலன் தரும் என்றாலும் இழந்த செல்வத்தை மீட்டு பெறுவதற்கும், இனி இழப்பை தவிர்க்கவும் ஒரு ஆலோசனை சொல்ல மாட்டாங்களா? என்று ஏங்குபவர்களுக்கு இந்த வாரம் இந்த திருத்தல பயணத்தை குறித்துக் கொள்ளுங்கள்.

இந்த திருத்தலம், சென்னைக்கு அருகில் இருக்கிறது என்றால், நாம் தவிர்த்து விடலாமா? முருகன் திருத்தலம் தான். இந்தியாவிலே உயரமான சிலை வடிவமைப்பை கொண்ட இந்த திருத்தலம் சென்னையை அடுத்த ஸ்ரீபெரும்புதூர் அருகில் உள்ள வல்லக்கோட்டையில் உள்ளது.

வல்லக்கோட்டையில் உள்ள கோடை நகர் குமரன் என்ற பாலசுப்பிரமணிய சுவாமி திருக்கோயில் இயல்பாகவே வல்லக்கோட்டை முருகன் கோவில் என்று அழைக்கப்படுகிறது. “வந்தாரை வாழ வைக்கும் வல்லக்கோட்டை முருகனுக்கு... அரஹரோரா” என்று ஒரே ஒரு நாளைக்கு ஒரு முறை சொல்லி பாருங்கள்,  மனதில் உற்சாகம் பிறக்கும்.

இந்த வல்லக்கோட்டை முருகன் கோவிலில் உள்ள முருகன் சிலை இந்தியாவிலேயே உயரமான முருகன் என்றால் ஆச்சரியமாக உள்ளது அல்லவா. வள்ளி தெய்வானையுடன் நின்ற திருக்கோலத்தில் இருந்து அருள் பாலிக்கும் முருகன் கிழக்கு நோக்கி வீற்றிருக்கிறார்.

பொதுவான நிலையில் எல்லா நாட்களிலும் இந்த திருத்தலம் சென்று வழிபாடு செய்யலாம் என்றாலும், இழந்ததை மீட்டு பெறவும், இழப்பை தவிர்க்கவும், தொடர்ந்து வாரம் ஒரு முறை என்ற வகையில் ஏழு வாரம் தொடர்ந்து சென்று வழிபாடு செய்ய வேண்டும். ஒரு வாரம் தவறினால், மீண்டும் முதலில் இருந்து தொடங்க வேண்டும்.

இப்படி ஏழு வாரம் தொடர்ந்து வழிபாடு செய்தால் ஒன்பதாவது வாரத்தில் இருந்து மாற்றம் வருவதை அவரவர் அனுபவத்தில் உணரலாம். ஏழு வாரங்களிலும் ஒரே வேண்டுதலை வைத்து இருக்க வேண்டும். பொதுவாக மக்கள் இயல்பு முதலில் ஒரு வேண்டுதலை வைத்து விட்டு, ஒரு சில வாரங்களுக்கு பிறகு வேறு ஒரு வேண்டுதலை வைப்பார்கள், நிறைவாக இரண்டும் நிறைவேறாமல் போயிடும். அதன் பிறகு மற்றவர்களை குறை சொல்வார்கள்.  அதனால் அன்பர்கள் இதனை குறித்துக் கொண்டு எந்த வேண்டுதலை தொடங்கி வழிபாடு வைக்கிறோமே அதே வேண்டுதலை தொடர்ந்து ஏழு வாரம் வைத்து கொள்ள வேண்டும் என்பதில் உறுதியாக இருந்தால், நினைத்த பலனை அடையலாம்.

திருப்புகழ் பாடப்பெற்ற இந்த திருத்தலம், சுமார் 1500 ஆண்டுகள் பழமையானது. ஒரு முறை அருணகிரிநாதர் திருப்போரூரில் வழிபாடு இயற்றி, மறுநாள்  திருத்தணி போக எண்ணி இருந்தார்.

“கோடை நகர் மறந்தனையோ” என முருகப் பெருமான் கனவில் வந்து கேட்டதனால் வல்லக்கோட்டை வந்து முருக பெருமானை தரிசித்து எட்டு திருப்புகழ் பாடல்களை பாடி அருளியதாக வரலாறு சொல்லும்.

கோவிலின் வெளிப்புறத்தில் திருக்குளம் இருக்கிறது. வச்சிராயுதம் கொண்டு உருவாக்கப்பட்ட திருக்குளம் என்பதால் வஜ்ஜிர தீர்த்தம் என்ற பெயரில் அமைக்கப்பட்டுள்ளது. பாதிரி மரத்தை தல மரமாக கொண்ட இந்த திருக்கோயில், காஞ்சிபுரம் மாவட்டத்தில், ஸ்ரீபெரும்புதூர் என்ற ஊரில் இருந்து சுமார் 10 கிலோமீட்டர் தூரத்தில் உள்ளது. இப்போது சாலை விரிவாக்கம் செய்யப்பட்டு இருப்பதால் பயணம் சுலபமாகவும் விரைவாகவும் சென்று வர பஸ் வசதிகளும் இருக்கிறது.

ஆலயத்தின் பிரகாரத்தில் அகத்தியர், அருணகிரிநாதர், பட்டினத்தார், பாம்பன் சுவாமிகள், வள்ளலார் ஆகியோர் திருமேனிகள் வரிசையாக உள்ளன. முன்பே சில கட்டுரைகளில் சொன்னது போல, எங்கே எல்லாம் பாம்பன் சுவாமிகள் சிலை இருக்கிறதோ, அந்த திருக்கோயில் எல்லாமே பலன் தரும் அற்புதத்திருத்தலம் என்பதில் ஐயமில்லை.

முன்பு பழுதடைந்து இருந்த ஆலயம் இப்போது சிறப்பாக புதுப்பிக்கப்பட்டு உள்ளது என்பதற்கு சான்றாக முன்பெல்லாம் அன்னாதானத்தில் பங்கு பெற 50 நபர்கள் தான் இருப்பார்கள் இப்போது சுமார் 1500 நபர்கள் இருக்கிறார்கள் என்றால் இதை மிகப்படுத்தி சொல்ல தேவையில்லை.

தொடர்ந்து ஏழு வாரங்கள் எல்லாம் என்னால் போக முடியாது என்று நினைப்பவர்கள் என்றால் கூட பரவாயில்லை ஒரே ஒரு முறை சென்று கோடை நகர் குமரனை வழிபாடு செய்து வாருங்கள், முருகனே உங்களை அழைத்துச் செல்வார் என்பதில் நம்பிக்கை கொள்ளுங்கள்.

நல்லதே நினைப்போம். நல்லதே நடக்கும்..

27. நலம் தரும் திருத்தலம்

 

-   27 –

திருக்கோயில் வழிபாடு என்றால், ஒவ்வொருவருக்கும் ஒரு விருப்பம் இருக்கும். இஷ்ட தெய்வ வழிபாடு என்று தங்கள் நடைமுறைக்கு மாற்றாக கூட சிலர் வைத்து இருப்பார்கள். இது சரியும் இல்லை. தவறும் இல்லை என்ற போதும், சில சிந்தனைகளை இந்த வாரம் சிந்திக்க எடுத்துக் கொள்வோம்.

சக்தி பீட தலங்கள் என்றால் 51 என எண்ணிச் சொல்லுவார்கள். திவ்ய தேசங்கள் என்றால் 108 என நமக்கு காட்டுவார்கள். இதே போல, பஞ்சபூத தலங்கள், ஒரு ஊரில் உள்ள பஞ்ச பூத தலங்கள், பஞ்ச நடன தலங்கள், அட்ட வீரட்ட தலங்கள், என்ற வரிசையில் ஜோதிர் லிங்க தலங்கள் என பட்டியல் வளர்ந்து கொண்டே போகும்.

பன்னிரண்டு ஜோதிர்லிங்க தலங்கள், ஜாதக கட்டத்தில் உள்ள பன்னிரண்டு பாவகங்களை மனதில் வைத்து சிந்தித்து பார்க்க வேண்டும். இதே போல பஞ்ச பூத தலங்கள்,ஒலிக் கிரகங்களான சூரியன் சந்திரன், மற்றும் நிழல் கிரகங்களான ராகு கேது தவிர மீதம் உள்ள ஐந்து ராஜ கிரகங்களை வைத்து சிந்திக்க வேண்டும். இது உடலில் உள்ள ராஜ உறுப்புகளை அடையாளம் காட்டுவதை இணைத்து சிந்திக்க வேண்டும். கைகளில்/கால்களில் உள்ள ஐந்து விரல்களை இப்படி இணைத்து சிந்தித்து பார்க்க வேண்டும்.

இப்படி macro வில் இருந்து micro அளவில் சிந்தித்தால், ஜோதிடத்தை பாவிப்பதற்கும் ஜோதிடர்களை மதித்து கௌரவபடுத்தவும் தயங்க மாட்டார்கள். சில ஆயிரங்களுக்காக அல்லது தங்கள் குடும்ப சூழல் காரணமாக பலன் சொல்லுபவர்கள் இல்லை சோதிடர் என்ற அடிப்படை மன நிலை ஒவ்வொருவருக்கும், ஜோதிட அபிமானிகளுக்கும் வர வேண்டும் என்பதில் மாற்றுக் கருத்து இருக்க முடியாது.

இந்த ஜோதிட சிந்தனைகள், வாழ்வில் ஒவ்வொரு நிகழ்விலும் நாம் அறிந்து தெரிந்து கொள்ள முடியும், உண்ணும் உணவு முதல் வாழ்க்கை முறை அமைப்பிலும் என சொல்லிக் கொண்டே போகலாம் என்றாலும் ஒரு பானை சோறுக்கு என்று சொல்வது போல ஒரு சிந்தனையை பகிர்ந்து கொள்கிறேன் சரியாக உள்ளதா சொல்லுங்கள்.

ஒவ்வொரு ஆணுக்கு பின்னால் ஒரு பெண் என்பதை அடிக்கடி சொல்வதை நாம் கேட்டு இருப்போம். சிலர் அனுபவத்திலும் அறிந்து இருப்போம். குறைந்த பட்சம் திரைப்படத்திலாவது பார்த்து இருப்போம். இதனை எப்போதாவது சோதிட ரீதியில் சிந்தித்து இருப்போமா என்றால் கழுத்து வலமிருந்து இடமாகவும் இடமிருந்து வலமாகவும் ஒரு முறை நகருமே தவிர ஆம் என்று சொல்வதற்கு தயக்கமாக இருக்கும்.

இப்படி சொல்கிறேன் சரியாக உள்ளதா சொல்லுங்கள். ஜோதிடத்தில் ஆண் கிரகம் சில இருந்தாலும், தலைமை கிரகம் சூரியன் தானே. குடும்பத் தலைவனை சூரியனை வைத்தே பலன் எடுக்கிறோம் இல்லையா. இதே போல பெண் கிரகம் என்று வைத்து கொண்டால், சந்திரன், தலைவியை குறிப்பதும் இப்படி தானே.

இப்போ ஜாதக கட்டத்தை எடுத்துக் கொள்ளுங்கள். சூரியனின் ஆட்சி வீட்டு சிம்மம் இல்லையா.இந்த சிம்மாத்திற்கு பன்னிரண்டாம் வீடு சந்திரன் ஆட்சி வீடான கடகம் இல்லையா. சூரியனுக்கு பின்னால் சந்திரன் என்பதை சொல்லும் விதமாக ஆணுக்கு பின்னால் பெண் என்ற சொல் வழக்கு வந்துள்ளது என்று இணைத்து சிந்தித்து பாருங்கள்.

இப்படி ஒவ்வொரு அசைவிலும் சோதிட சிந்தனை நிழலாடினால், வாழ்க்கை எளிதாக அமையும். பிரச்சனைகளை அறிந்து பிரகாசமான வாழ்க்கை முறையை கையாளலாம் இல்லையா.

சரி இந்த வார திருத்தல வரிசையில், சோமனை குறித்து சொல்லும் பன்னிரு சோதிர் லிங்க தலங்களில் ஒன்றான சோமநாத் பற்றி சில சிந்தனைகளை எடுத்துக் கொள்வோம்.

சோமன் என்ற வடமொழி சொல் சந்திரனை குறிக்கும் சொல். அதனால் தான் பௌர்ணமி அன்று “ஓம் சோம் சோமாய நம”.  என 108 முறை அல்லது, 1008 முறை தியானிக்க உங்கள் நம்பிக்கைக்குரிய சோதிடர்கள் சொல்லி தந்து இருப்பார்கள் என்பது உங்களுக்கு தெரிந்து இருக்கும்.

இந்த சோம்நாத் அல்லது சோமநாதபுரம் என்ற இந்த திருத்தலம் தமிழ்நாட்டில் இல்லை. குஜராத் மாநிலத்தின் சௌராஷ்டிரா தீபகற்பத்தில், அரபிக் கடல் பகுதியில் அமைந்திருக்கிறது.  

தில்லி சுல்தான் மற்றும் முகலாயர்களால் பலமுறை சிதைக்கப்பட்ட திருக்கோயில் என்றாலும், 12 சோதிர் லிங்க தலங்களில் முதன்மையானது சோமநாதபுரம்.

இமயமலை தோன்றும் முன்பே இப்பகுதி இருந்ததாகவும், கற்கால மனிதர்கள் இங்கு வாழ்ந்தார்கள் என்றும் ஆராய்ச்சியாளர்கள் கருதுகிறார்கள். நாக லோகத்திற்கும் சோமநாதருக்கும் உள்ள தொடர்பு பற்றியும் புராணம் விவரிக்கிறது. இதை காட்டுவதை போல இங்குள்ள சிவலிங்க திருமேனியில், நாகம் இருப்பதை காணலாம்.

நல்லதே நினைப்போம். நல்லதே நடக்கும்..

26. நலம் தரும் திருத்தலம்

 

-   26 –

திருக்கோயில் வழிபாடு என்றால், ஒவ்வொருவருக்கும் ஒரு விருப்பம் இருக்கும். இஷ்ட தெய்வ வழிபாடு என்று தங்கள் நடைமுறைக்கு மாற்றாக கூட சிலர் வைத்து இருப்பார்கள். இது சரியும் இல்லை. தவறும் இல்லை என்ற போதும், சில சிந்தனைகளை இந்த வாரம் சிந்திக்க எடுத்துக் கொள்வோம்.

சக்தி பீட தலங்கள் என்றால் 51 என எண்ணிச் சொல்லுவார்கள். திவ்ய தேசங்கள் என்றால் 108 என நமக்கு காட்டுவார்கள். ஆறுபடை தலங்கள் என்பது நமக்கு தெரியும். அதே போல அஷ்ட விநாயகர் திருத்தலங்கள் என்ற வரிசையில், இதே போல, பஞ்சபூத தலங்கள், ஒரு ஊரில் உள்ள பஞ்ச பூத தலங்கள், பஞ்ச நடன தலங்கள், அட்ட வீரட்ட தலங்கள், என்ற வரிசையில் ஜோதிர் லிங்க தலங்கள் என பட்டியல் வளர்ந்து கொண்டே போகும்.

பன்னிரண்டு ஜோதிர்லிங்க தலங்கள், ஜாதக கட்டத்தில் உள்ள பன்னிரண்டு பாவகங்களை மனதில் வைத்து சிந்தித்து பார்க்க வேண்டும். இதே போல பஞ்ச பூத தலங்கள்,ஒலிக் கிரகங்களான சூரியன் சந்திரன், மற்றும் நிழல் கிரகங்களான ராகு கேது தவிர மீதம் உள்ள ஐந்து ராஜ கிரகங்களை வைத்து சிந்திக்க வேண்டும். இது உடலில் உள்ள ராஜ உறுப்புகளை அடையாளம் காட்டுவதை இணைத்து சிந்திக்க வேண்டும். கைகளில்/கால்களில் உள்ள ஐந்து விரல்களை இப்படி இணைத்து சிந்தித்து பார்க்க வேண்டும்.

இப்படி macro வில் இருந்து micro அளவில் சிந்தித்தால், ஜோதிடத்தை பாவிப்பதற்கும் ஜோதிடர்களை மதித்து கௌரவபடுத்தவும் தயங்க மாட்டார்கள். சில ஆயிரங்களுக்காக அல்லது தங்கள் குடும்ப சூழல் காரணமாக பலன் சொல்லுபவர்கள் இல்லை சோதிடர் என்ற அடிப்படை மன நிலை ஒவ்வொருவருக்கும், ஜோதிட அபிமானிகளுக்கும் வர வேண்டும் என்பதில் மாற்றுக் கருத்து இருக்க முடியாது.

இந்த ஜோதிட சிந்தனைகள், வாழ்வில் ஒவ்வொரு நிகழ்விலும் நாம் அறிந்து தெரிந்து கொள்ள முடியும், உண்ணும் உணவு முதல் வாழ்க்கை முறை அமைப்பிலும் என சொல்லிக் கொண்டே போகலாம் என்றாலும் ஒரு பானை சோறுக்கு என்று சொல்வது போல ஒரு சிந்தனையை பகிர்ந்து கொள்கிறேன் சரியாக உள்ளதா சொல்லுங்கள்.

ஒவ்வொரு ஆணுக்கு பின்னால் ஒரு பெண் என்பதை அடிக்கடி சொல்வதை நாம் கேட்டு இருப்போம். சிலர் அனுபவத்திலும் அறிந்து இருப்போம். குறைந்த பட்சம் திரைப்படத்திலாவது பார்த்து இருப்போம். இதனை எப்போதாவது சோதிட ரீதியில் சிந்தித்து இருப்போமா என்றால் கழுத்து வலமிருந்து இடமாகவும் இடமிருந்து வலமாகவும் ஒரு முறை நகருமே தவிர ஆம் என்று சொல்வதற்கு தயக்கமாக இருக்கும்.

இப்படி சொல்கிறேன் சரியாக உள்ளதா சொல்லுங்கள். ஜோதிடத்தில் ஆண் கிரகம் சில இருந்தாலும், தலைமை கிரகம் சூரியன் தானே. குடும்பத் தலைவனை சூரியனை வைத்தே பலன் எடுக்கிறோம் இல்லையா. இதே போல பெண் கிரகம் என்று வைத்து கொண்டால், சந்திரன், தலைவியை குறிப்பதும் இப்படி தானே.

இப்போ ஜாதக கட்டத்தை எடுத்துக் கொள்ளுங்கள். சூரியனின் ஆட்சி வீட்டு சிம்மம் இல்லையா.இந்த சிம்மாத்திற்கு பன்னிரண்டாம் வீடு சந்திரன் ஆட்சி வீடான கடகம் இல்லையா. சூரியனுக்கு பின்னால் சந்திரன் என்பதை சொல்லும் விதமாக ஆணுக்கு பின்னால் பெண் என்ற சொல் வழக்கு வந்துள்ளது என்று இணைத்து சிந்தித்து பாருங்கள்.

இப்படி ஒவ்வொரு அசைவிலும் சோதிட சிந்தனை நிழலாடினால், வாழ்க்கை எளிதாக அமையும். பிரச்சனைகளை அறிந்து பிரகாசமான வாழ்க்கை முறையை கையாளலாம் இல்லையா. சரி இந்த வார திருத்தல வரிசையில், சோமனை குறித்து சொல்லும் பன்னிரு சோதிர் லிங்க தலங்களில் ஒன்றான சோமநாத் பற்றி சில சிந்தனைகளை எடுத்துக் கொள்வோம்.

சோமன் என்ற வடமொழி சொல் சந்திரனை குறிக்கும் சொல். அதனால் தான் பௌர்ணமி அன்று “ஓம் சோம் சோமாய நம”.  என 108 முறை அல்லது, 1008 முறை தியானிக்க உங்கள் நம்பிக்கைக்குரிய சோதிடர்கள் சொல்லி தந்து இருப்பார்கள் என்பது உங்களுக்கு தெரிந்து இருக்கும்.

இந்த சோம்நாத் அல்லது சோமநாதபுரம் என்ற இந்த திருத்தலம் தமிழ்நாட்டில் இல்லை. குஜராத் மாநிலத்தின் சௌராஷ்டிரா தீபகற்பத்தில், அரபிக் கடல் பகுதியில் அமைந்திருக்கிறது.  

தில்லி சுல்தான் மற்றும் முகலாயர்களால் பலமுறை சிதைக்கப்பட்ட திருக்கோயில் என்றாலும், 12 சோதிர் லிங்க தலங்களில் முதன்மையானது சோமநாதபுரம். சக்தி பீடத்தில் ஒன்றாகவும் இருக்கிறது.

இமயமலை தோன்றும் முன்பே இப்பகுதி இருந்ததாகவும், கற்கால மனிதர்கள் இங்கு வாழ்ந்தார்கள் என்றும் ஆராய்ச்சியாளர்கள் கருதுகிறார்கள். நாக லோகத்திற்கும் சோமநாதருக்கும் உள்ள தொடர்பு பற்றியும் புராணம் விவரிக்கிறது. இதை காட்டுவதை போல இங்குள்ள சிவலிங்க திருமேனியில், நாகம் இருப்பதை காணலாம்.

ஆண்டு முழுவதும் தரிசனத்திற்கு திறந்து இருக்கும் சோம்நாத் கோயிலுக்குச் செல்ல அவரவர் வசதி  போல செல்லலாம் என்றாலும், அக்டோபர் முதல் பிப்ரவரி வரை மாதங்கள் சீதோஷன நிலைக்கு ஏற்ப சிறப்பானதாக சொல்லப்படுகிறது. சிவராத்திரி மற்றும் கார்த்திக் பூர்ணிமா(தீபாவளி) இங்கு மிகுந்த உற்சாகத்துடன் கொண்டாடப்படுகிறது.

கபிலா, ஹிரன் மற்றும் சரஸ்வதி நதிகள் சந்திக்கும் இடத்தில் அமைந்துள்ள இந்த கோயில் அரபிக்கடலின் அலைகள் பழமையான இந்த கோவிலினை தொட்டு செல்கிறது.

இந்த கோவிலுக்கு செல்ல வெரவால் என்ற ரயில் நிலையம் வரை செல்ல வேண்டும் அங்கிருந்து சுமார் 5 கிலோமீட்டர் தூரத்தில் உள்ளது. வெண்புறாக்கள் சுற்றி திரியும் இந்த திருக்கோயில் அமைதியான சூழலில் மன அமைதி தரும் படி அமைந்துள்ளது.

சோதிட ரீதியாக, குரு சந்திர யோகம் உள்ளவர்கள், சந்திர மங்கள யோகம் உள்ளவர்கள் மட்டுமல்லாது அனைவரும் ஒரு முறையாவது அவசியம் போக வேண்டிய திருத்தலம் என்பதை குறித்துக் கொள்ளுங்கள்.

நல்லதே நினைப்போம். நல்லதே நடக்கும்..

25. நலம் தரும் திருத்தலம்

 

-   25 –

வறுமை மற்றும் ஏழ்மை சூழந்த சூழலில் வாழ்ந்த ஒருவர், ஏதாவது ஒரு திருட்டு தனம் செய்து நமது குடும்ப வறுமை ஒழிய வேண்டும் என்று பொய்கள் பல சொல்லி வாழ்க்கையில் முன்னேறு விடுவார். மக்களும் அவருடைய அறிவையும் திறமையையும் பாராட்டி, அவர் செய்த பொய் பித்தலாட்டங்களை பெரியதாக எடுத்துக் கொள்ளாமல், அவரை மதித்து போற்றுவார்கள்.

அவருக்கு பின்னால் வரும் அடுத்த தலைமுறைகள் வசதியான சூழலில் வாழ்ந்தபடி நாம் பணக்கார குடும்பத்தை சேர்ந்தவர் என்ற நிலையில் வாழ்க்கையை கழிப்பார்கள்.

அந்த அடுத்த தலைமுறை குடும்பத்தினர் தனது அப்பா செய்த தவறுகளையோ பித்தலாட்டங்க்லையோ செய்யாமல், அப்பா வறுமையில் இருந்ததால், நாம் வசதியாக வாழ வேண்டும் என அப்படி செய்தார். இனி நாம் அது போல செய்யக் கூடாது என்று மனம் வருந்தி திருந்தி, தவறுகள் செய்யாமல் வாழக்கையை நகர்த்தி உயர்ந்து நிற்க வேண்டும். இது தான் இயல்பு.

ஆனால் பாருங்கள், “திருந்தாந்த உள்ளங்கள் இருந்து என்ன லாபம்” என்று சொல்வது போல, அடுத்த தலைமுறைகளும் செல்வ வளமும், வசதியும் இருந்தும் கூட அதே போல தவறு செய்து செய்து பொருள் சம்பாதித்தால், மக்கள் மன்னிக்கவே மாட்டார்கள். அவர்களும் மக்கள் பணியில் இருந்தால் ஒருபோதும் நிச்சயம், ஏற்றக் கொள்ள மாட்டார்கள் இல்லையா.

இது பொது வாழ்வில் இருப்பவர்களுக்கு மட்டும் அல்ல, குடும்பம், மற்றும் கார்பபோரெட் நிறுவனங்களிலும் தனி மனித வாழ்வில் கூட இப்படி தான் அமைந்து விடும்.

தனி மனித வாழ்வில் இப்படி ஒரு சம்பவம் நடந்து விட்டால், ஐயகோ!.. இப்படி தவறு செய்து விட்டேனே என்று வருந்தி அழுபவர்களும் இருக்கத்தான் செய்கிறார்கள். இப்படி வருந்தி தவறு செய்பவர்களே..!! என் செய்தேன் என்று வருந்தும் படி தவறுகளை செய்யாதீர்கள், ஒரு வேளை அப்படி செய்து விட்டால், மீண்டும் அது போல தவறுகளை செய்யாதீர்கள் என்று சொல்ல வரும் இந்த கருத்தை

எற்றுஎன்று இரங்குவ செய்யற்க செய்வானேல்

மற்றுஅன்ன செய்யாமை நன்று

என்ற திருக்குறள் சொல்கிறது.

 

அது சரிங்க ஐயா, நான் தவறு செய்து விட்டேன். எனக்கு மன்னிப்பே கிடையாதா? மனம் வருந்தி திருந்தி வாழ முடியாதா? என்று ஏங்குபவர்கள் இருக்கத்தான் செய்கிறார்கள். அருணகிரிநாதர் கூட இப்படி மனம் வருந்தி திருந்தி தானே திருப்புகழ் படைத்தார்.

இது போல தெரியாமலோ தெரிந்தோ செய்த தவறுகளுக்காக வருந்தி அழுது கொண்டு இருப்பவர்களாக இருந்தாலும் சரி. நம்ம கௌரவத்தை விட்டு விட்டு அவரிடம் மன்னிப்பு கேட்பதா என்ற ஈகோ நிலையில் இருந்தாலும், மனதுக்குள் தவறுக்கு வருந்தி கொண்டு இருப்பவர்களாக இருந்தாலும் சரி, அவர்களுக்காக தான் இந்த வாரம் இந்த திருத்தலத்தை பரிந்துரை செய்கிறோம்.

அதிசயம் நிறைந்த இந்த திருக்கோயில். அதுவும் நம்ம சென்னைக்கு பக்கத்தில் என்றால் விட்டு விடவா முடியும்.

அநேகமான சிவன் கோவில்களில் நாம் அருவுவமாக சுவாமியை சிவலிங்கமாக பார்த்து இருப்போம். சிவனை உருவமாக பார்க்க கூடிய கோவில்கள் தமிழ்நாட்டிலேயே சில இருந்தாலும், பொதுவாக இப்படி தான். அந்த சிவலிங்கத்திற்கு தலை முடி இருந்தால்...?! அப்படி கூட இருக்குமா? என்ற சிந்தனை உங்கள் மனதில் ஓடிக்கொண்டு இருக்கும். இப்படி ஒரு திருக்கோயில் சென்னை அருகே செங்கல்பட்டில் இருந்து சுமார் 10 கிலோமீட்டர் தூரத்தில், இருக்கிறது.

 

“முன்குடுமீஸ்வரர்” என்ற இந்த திருக்கோயில் பிவி களத்தூர் என்று அழைக்கப்படும் சிறிய கிராமத்தில் உள்ளது. இந்த சிவலிங்கத்தில் குடுமி இருப்பதால், சுந்தரேசர் என்ற சுவாமிக்கு இந்த திருநாமம். 

கோவில் பிரசாதமாக, மன்னருக்கு அனுப்ப வேண்டிய மாலையை அர்ச்சகரின் மனைவி ஒரு நாள் ஆசையில், அந்த மாலையை அணிந்து மகிழ்ந்து பின் அரசனுக்கு அனுப்பி விடுகிறார்.

பிரசாதமாக வந்த மாலையில் தலைமுடி வந்தது எப்படி என்று சினந்த மன்னரிடம், அர்ச்சகர் சுவாமி திருமேனியில் உள்ள குடுமியில் இருந்து வந்தது என பொய் சொல்லி விட்டு, அர்ச்சகர் தன் மனைவியுடன், ஆண்டவனிடம் மன்னிப்பு கோருகிறார்.

ஆண்டவனும் அவர்களை மன்னித்து அத்தனை நாட்களும் மொழு மொழு என இருந்த சிவலிங்க திருமேனியில், அரசனுக்கு காண்பிக்கவே, அன்று லிங்க திருமேனியில் குடுமியை காட்டுகிறார் என்பது தல வரலாறு.

அது முதல் சுவாமிக்கு முன் குடுமி இருக்கவே முன்குடும்பீஸ்வரர் என்ற திருநாமம். இப்பவும் சுவாமி திருமேனியில் முன்குடுமி இருப்பதை காணலாம், அர்ச்சகர் அதை காண்பித்து தருவார்கள்.

`தெரியாம நாம ஏதாவது தப்பு செஞ்சுட்டா ரொம்ப வருத்தப்படுவோம். கவலைப்படுவோம்... ராத்திரி தூக்கம் வராம அவதிப்படுவோம். அப்படிப்பட்டவங்க இந்த ஊருக்கு வந்து, முன்குடுமீஸ்வரரை வணங்கினாப் போதும். இனிமே இதுமாதிரி தப்பு பண்ணாதேன்னு மனசையும் மாத்திடுவார்.

செய்ததவருக்கு மனம் வருந்துபவர்கள், மன்னிப்பு கேட்க தயங்கி மனதுக்குள் அழுது கொண்டு இருப்பவர்கள், மன்னிப்பு கேட்க அவர் இல்லையே என மன வருத்தத்தில் இருப்பவர்கள், குடும்ப பங்காளி சண்டை கொண்டவர்கள், காதலில் பிரேக் அப் ஆனவர்கள் என வருந்தி திருந்த நினைப்பவர்கள் இந்த திருத்தலத்தை நாடி சுவாமியிடம் அழுது தியானித்து மன்னிப்பு கோரினால், சுமை குறையும், மன பாரம் விலகும். மன அமைதி கிடைக்கும். சுவாமியை பஞ்ச புராணம் பாடி வணங்கி கும்பிட்டாலே மனசு லேசாகிடும்.

சிவலிங்கத்திற்கு குடுமி இருக்கும் இந்த திருக்கோயில் சைவமும் வைணவமும் தழைத்து ஓங்கிய தொன்மையான ஊர். அஷ்டமத்து சனிக்கு பரிகாரமாக சொல்லப்படும் நளவெண்பா பாடிய புகழேந்தி புலவர் அவதரித்த திருத்தலம், சண்டேஸ்வரருக்கு பதிலாக கூற்றுவ நாயனார் பவனி வரும் கூற்றுவ நாயனார் அவதரித்த ஊர், ஞான கண்ணால் பாட்டு பாடிய அந்தக கவி வீரராகவர், படிக்காசு புலவர், என மகான்கள் அவதரித்த ஊர் தான் இந்த பொன்விளைந்த களத்தூர். இப்போது PV களத்தூர் என்று அழைக்க படுகிறது.

பொன் விளைந்த இந்த ஊரில் உள்ள இந்த திருக்கோயில் தினமும் காலை 8 மணி முதல் திறந்து இருக்கும். மாலையில் 5 மணி முதல் 7 மணி வரையிலும் சுவாமி தரிசனம் செய்யலாம். இங்கே ராஜகோபுரம் இல்லை. தெற்கு நோக்கிய அம்மன் சன்னதி மீனாட்சி என்ற திருநாமத்துடன் அருள்பாலிக்கிறார்.

செங்கல்பட்டில் இருந்து பேருந்து வசதிகள் உண்டு. சிறிய ஊர் என்பதால் சாப்பாடு போன்ற மற்ற தயாரிப்புகளுடன் செல்வது சுகமான சுவாமி தரிசனத்திற்கு வசதியாக இருக்கும்.

 

தவறு செய்யாதவர்கள் யாராவது உண்டா? என்றால் இல்லை என்பதே பதிலாக இருக்கும். உரியவரிடம் செய்த தவறுக்கு மனம் வருந்தி மன்னிப்பு கேட்கிறோமோ இல்லையோ. ஒரு முறை இந்த திருத்தலம் வந்து மன்னிப்பு கேட்டு பாருங்கள். உங்கள் வாழ்க்கையில் ஏற்படும் மாற்றத்தை நீங்களே உணரவீர்கள்.

நல்லதே நினைப்போம். நல்லதே நடக்கும்..