இப்பவும் அப்படித்தான்!! - விளையாட போகட்டுமா?

இப்பவும் அப்படித்தான்!!

-  1 -

என்னுடைய பள்ளி நாட்களில் நடந்த ஒரு சுவையான நிகழ்ச்சியை பகிர்ந்து கொள்கிறேன். அதை இப்போ நினைத் தாலும் மகிழ்ச்சியும் சிரிப்பும் தான் வருகிறது.

நான் சிறுபிள்ளையாக இருக்கும் போது, நண்பர்களுடன் தெருவில் விளையாடிக் கொண்டு இருப்பேன். இது என்ன எல்லா பிள்ளைகளும் அப்படித்தானே அதுவும் குறிப்பாக கிராமத்தில் உள்ளவர்கள் என்றால் அப்படித்தானே என நினைப்பது புரிகிறது. ஆனால் அந்த சுவையான நிகழ்ச்சியை பகிர்ந்து கொள்கிறேன். கேளுங்கள்.

ஒரு சமயம் அது போல விளையாடிக் கொண்டு இருக்கும் போது, அந்த தெருவில் உள்ள ஒரு uncle, சத்தம் போட்டு, விளையாடிக் கொண்டு இருந்த என்னைக் கூப்பிட்டார் ,

அங்கிள் தானே என்னவோ சொல்ல கூப்பிடுகிறார். அல்லது எதையாவது வாங்கிக் கொண்டுவர கூப்பிடுகிறார் என நினைத்து அவரிடம் போய் "என்ன uncle?" என கேட்டேன். 

"இதோ பாரு! சும்மா விளையாடி கொண்டே இருக்க கூடாது. படிக்காமல் விளையாடிக் கொண்டே இருந்தால், “அதோ பார் அது போல, மாடு மேய்க்க தான் போக வேண்டும்”. என்று வெளியே ஒருவர் பால் கறந்து விட்டு மாடு ஒட்டிக் கொண்டு இருப்பதை சுட்டிக் காட்டி, செல்லமாக அதட்டல் தொனியில்  சொல்லிக் கொண்டு இருந்தார்.

அவர் சொல்லி முடித்ததும்.

ஹய் ..! அப்படின்னா.. பெரியவனானதும் பால் கறந்து வெளிநாட்டிற்கு பால் export செய்து கோடி கோடியாக பணம் சம்பாதித்து பணக்காரன் ஆக போறேன், என்று சொல்றீங்க uncle. Thanks uncle.   

இப்படி நான் சொல்லுவேன் என்று அவர் சற்றும் எதிர்பார்க்கவில்லை. இப்படி சொன்னதும், ஒரு நிமிடம் அவர் முகத்தில் ஒரு மாற்றம். புத்திசாலித்தனமாக பேசுகிறானே என பாராட்டுவதா..? அல்லது சொல் பேச்சை கேட்காமல் மடக்கு பேசசு பேசுகிறானே என திட்டுவதா?  என என்ன சொல்வது என்று தெரியாமல் விழித்தார். 

சிறிது நேரத்தில், uncle, இப்போ நான் மாடு மேய்க்க போகட்டுமா...? விளையாட போகட்டுமா..? என்று சிறு பிள்ளை தனமாக கேட்டு விட்டேன்.

அந்த uncle என்ன சொல்வது என்று தெரியாமல் வெட்கப் பட்டுக் கொண்டு வீட்டுக்குள்ளே போய் விட்டார்.

அதன் பிறகு நான் எப்போது விளையாடிக் கொண்டு இருந்த போதும், என்னை திட்ட மாட்டார். என்னிடம் பேச மாட்டார்.

வாழ்க்கை பாடம் இது தான்.நம்மை தாக்க அல்லது யாரவது திட்ட வந்தால் அவரிடம் எதிர்வினை செய்யாமல், அவரை சிந்திக்கும் படி அவரிடம் கேள்வி கேட்டு பாருங்கள்.. உங்களுக்கு மனச்சுமை குறையும். அவருக்கும் நாம் கேட்டது தவறு என்பது புரியும். நம்மை விமர்சனம் செய்பவர்களை நேர்மறை சிந்தனையால் எதிர்கொண்டு விட்டால், அவர்களையும் வெல்லலாம். இதற்கு பெரியதாக பணம் செலவு செய்ய தேவையில்லலை தான்.. ஆனால் பயன் நீங்கள் எதிர்பார்ப்பதை விட பெரியதாக இருக்கும்.

 

"இப்பவும் அப்படித்தான்.. !"

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK

இப்பவும் அப்படித்தான் - அந்தரங்கம் ஜாக்கிரதை

 -  2 –

என்னைப் பற்றி தெரிந்து கொள்ள வேண்டும் என்ற ஆவலில் பக்கத்து வீட்டில் இருப்பவர் என்னிடம், 

"நீங்கள் advocate ஆ" என்று கேட்டார்,

பதிலுக்கு "இல்லை" என்றேன்.

"அப்புறம்"

"அப்புறம் ஒன்றும் இல்லை" என்றேன்.

"அது இல்லை சார் ..! நீங்க சாப்பாட்டுக்கு என்ன பண்றீங்க?" என்றார். "நானே வீட்டில் சமையல் செய்து சாப்பிட்டுக்குவேன்." என்றேன்.

"அது இல்லை சார்..  எப்படி சாப்பிடுறீங்க?" என்றார்.

"உங்களை போல தான் கையினால் சாப்பிடுவேன். சில சமயம் ஸ்பூனில் சாப்பிடுவேன்" என்றேன்

கொஞ்சம் பொறுக்க முடியாதவர் போல, 

"அது இல்லை சார். சாப்பிட பணம் வேண்டாமா?"

"சாப்பிட சோறு தாங்க வேண்டும்..  பணத்தையா சாப்பிட முடியும்.?"

பொறுமை இழந்தவர் போல பேச தொடங்கினார்.

"சாமி! சோறு வாங்க காசு வேண்டும் இல்ல..!!"

"ஆமாங்க.. அதுக்கு தான் ATM இருக்குதுல்ல அதில எடுத்துக்க வேண்டியது தான்."

"பணம் இருந்தால் தானே ATM ல் காசு வரும் என்றால் கிண்டலாக..!!"

"அட அந்த ATM ல் காசு இல்லை என்றால் இன்னொரு atm இல் எடுத்துக்க வேண்டியது தான் இதுக்கு பொய் எதுக்கு அலுத்துக் கொள்ள வேண்டும் " என்றேன் அசாலட்டாக..

 

"உங்கள் அக்கவுண்ட்டில் பணம் இருந்தால் தான் atm ல் காசு வரும்" என எனக்கு சொல்லி கொடுப்பது போல சொல்ல தொடங்கினார்.

 

"அக்கௌன்ட்டில் பணம் இருக்குதா தெரியாது கார்டை போட்டால் காசு வருது அவ்வளவு தான் நமக்கு தெரியும்" என்றேன்.

"உங்க அக்கௌன்ட்டில் யாரு பணம் போடுகிறார்கள்" என்றார் மெல்லிய குரலில்..

"யாரு போடுகிறார்கள் என்று தெரியாது. Atm ல் இருந்து காசு வருது அவ்வளவு தான் தெரியும்"  என்றேன்.

"உங்களுக்கு சொல்ல விருப்பம் இல்லை என்றால் சொல்ல வேண்டாம் சார். விடுங்க " என்று சோர்வில் பேச தொடங்கினார்.

"நீங்க கேட்டதற்கு எல்லாவற்றிகும் பதில் சொல்லி விட்டேன். எனக்கு சொல்ல விருப்பம் இல்லை என்று நீங்களே முடிவு செய்து விட்டால் எப்படி..?"

"அது சரி! இப்போ எதுக்கு இவ்வளவு பெரிசா கேட்டுகிட்டு இருக்கீங்க. இதை தெரிஞ்சுகிட்டு என்ன செய்ய போறீங்க.." என்றேன்.

 

"சும்மா..!! தெரிஞ்சுக்க தான்.." என்றார்.

"சும்மா தெரிஞ்சு வைச்சுக்கிறதால உங்களுக்கும் பயனில்லை. எனக்கும் பயனில்லை.. பயனில்லாத ஒன்றை நீங்களோ நானோ செய்ய விருப்ப படுவோமா..?"

"அவுங்க அவுங்க வேலையை பார்த்துக் கிட்டு இருந்தால், எல்லோருக்குமே நல்லது தானே" என்றேன்..

அவர் உண்மையை புரிந்து கொண்டு அமைதியானார்.

 

நாம் தெரிந்து கொள்ள வேண்டிய பாடம்.:

அடுத்தவர்களின் விவரங்களை தேவையில்லாமல் தெரிந்து கொண்டு, தகவல்களை சேர்த்து வைத்துக் கொள்வது குப்பையாக போய்விடும். குப்பைகளை வெளியேற்றுவதற்கு gossip (புரளி) பேசுவார்கள்.. இதனால் உண்மைக்கு புறம்பாக செய்திகள் பரவலாம். இது சமூகத்திற்கும் நல்லதல்ல. இதை உள்வாங்கும் மக்களுக்கும் நல்லதல்ல.. ஆரோக்கியமான சிந்தனை வளமான வாழ்க்கைக்கு வழி சொல்லும்.

  

 

"இப்பவும் அப்படித்தான்.. !"

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK

வாழ பழகலாம் வாங்க.. தம்பளரை கீழே வையுங்கள்.

 

-  12-

தம்பளரை கீழே வையுங்கள்.!

வாழ பழகலாம் வாங்க என இதுவரை நீங்க சொன்னது எல்லாம். .

1)    சின்ன பிள்ளையாக இருக்கும் போது good boy/good girl என சொல்ல வேண்டும். மாணவ பருவத்தில் ஆசிரியர் பாராட்டு, வேலைக்கு போனால் அங்கீகாரம், மனைவியிடம் இருந்து கணவன், அதே போல கணவனிடம் இருந்து மனைவி, வயதான பிறகு பிள்ளைகளிடம் இருந்தா? வேண்டாம் வெளியில் இருந்து வெளியில் recognition வாங்கி பழக்கப் பட்டு  விட்டதால் மனது அதையே எதிர்நோக்கும் அதனால் அடுத்தவர்களிடம் இருந்து எதையும் எதிர்பார்க்காதீங்க...வாழ பழகுங்கள்

2)    வெள்ளை முடி முதுமையின் அடையாளம் இல்லை.. அது உங்களுக்கு கிடைத்த அங்கீகாரம். எனவே முடிக்கு டை அடித்து இளமையாக இருப்பது போல காட்டி உங்களை ஏமாற்றிக் கொள்ளாதீர்கள் வாழ பழகுவோம் என்று சொன்னீங்க..  சரி..

3)    Sofa பக்கத்தில் டிவி remote வைப்பதற்கு பதில் எழுந்து போய் சானல் மாற்றுவது அல்லது அணைப்பது, நல்லது. AC அல்லது fan remote வேண்டாம், இப்படி அடுத்தவர்களை, இயந்திரங்கள் பயன்பாட்டை குறைத்துக் கொள்ளுங்கள். உடற்பயிற்சி தனியாக செய்தாலும் இது போல movement ஒரு நல்ல பயிற்சியாகவும் சோம்பலை குறைக்கும். அதனால், வசதிகள் இருந்தாலும் வசதியாக இருப்பதை/ வாழ்வதை முதியோர்கள் குறைத்துக் கொள்ள வேண்டும் என்று சொன்னீங்க சரி..

4)    பணத்தை தேடும்  முதலீடுகள்  வேண்டாம். உங்களுக்குள் உங்களை நீங்கள் தேடுங்கள் என்று சொன்னீங்க சரி.

5) உறவாக இருந்தாலும் சரி நட்பாக இருந்தாலும் சரி கொஞ்சம் ஒதுங்கியே இருங்க.. (distance maintain பண்ணுங்க) இது கொஞ்சம் கஷ்டம் தான் இருந்தாலும், வாழ பழகனும்னு நீங்க சொன்னீங்க சரி..  

6) அவசரமோ, பதற்றமோ கூடாது. பொறுமையாக இருக்க வேண்டும் சகிப்பு தன்மை இருக்க வேண்டும். யாரையுமோ, அல்லது சூழ்நிலையையோ கோவித்துக் கொள்ள கூடாது என்று சொன்னீங்க. மன நலத்திற்கு தான் சொல்றீங்கன்னு புரிகிறது.

7)    எல்லோர்கிட்டேயும் ஆலோசனை கேட்க வேண்டாம் என்று சொன்னீங்க.. பாதுகாப்புக்காக சொல்றீங்க என புரிந்தது.

8)  நல்லாத் தானே இருக்கேன் எனக்கு எதுக்கு இதெல்லாம் என சொல்லாதீங்க.. ஆபிசுக்கா போறேன் என சொல்லாமல் வீட்டில் இருந்தாலும் neat ஆக dress பண்ணுங்க.. இப்படியே எனக்கென்ன இனிமேல் என சொல்லாமல், வெளியில் போகும் போதும் fit ஆன costume ல் கவனம் செலுத்த சொன்னீங்க. சரி.

9)  முடிந்த வரை பயணம் செய்யுங்கள். தூர தேச பயணம் இல்லாவிட்டாலும் உங்கள் ஊரை சுற்றி நகரை சுற்றி ஒரு சின்ன பயணம் வருடத்திற்கு இரண்டு முறையாவது செய்ய பழகுங்கள் என சொன்னீங்க வாழ பழகுங்கள் என்பது புரிந்தது.

10)நேரத்தை யாரிடம் கடன் கொடுக்காதீங்க.. நம்மளை மதிக்கிறாங்க என நினைத்து ஏமாந்து விடாதீர்கள் என சொன்னீங்க.. ஜாக்கிரதையாக இருக்க சொல்றீங்க புரிந்தது

11) முதுமை, குடும்ப அல்லது சமூக சூழல் இப்படி விரதம் இருக்க முடியாவிட்டால் கூட பரவாயில்லை மொபைல் மற்றும் tv பார்க்காமல் digital விரதம் இருங்க என சொன்னீங்க புரிந்தது.

12) புதிதாக எதையாவது கற்றுக் கொள்ளுங்க நேரம் போகவில்லையே என வருந்த வேண்டாம் என சொல்றீங்க என புரிந்தது.

13) உங்க doctor சொல்வதை நம்புகிறீர்கள். Banker சொல்வதை நமபகிறீர்கள், driver யை நம்புகிறீர்கள். உங்கள் பிள்ளைகளை நம்ப மாட்டீங்களா..? பிள்ளைகளை நம்புங்கள் உங்கள் சேமிப்பு, நிதி நிலை மூலதனம் இத்துடன் அவர்களுக்கு நீங்கள் எழுதி வைக்கும் உயில் என பிள்ளைகளிடம் சொல்லுங்கள். என்று சொல்றீங்க புரிகிறது.

14) எல்லோரையும் சந்தேகப் படாதீங்க,  எப்போதும் யாரையாவது அல்லது எதையவாது குறை  சொல்லாதீங்க, ஆனால் கவனமாக இருங்க பாதுகாப்பாக இருங்க என சொன்னீங்க புரிகிறது.

 

ஆனால், இப்போ தண்ணீர் குடிப்பதற்காக டம்பளரை கையில் வைத்து இருக்கேன் அதை கீழே வையுங்கள் என்று சொல்றீங்களே. தண்ணீர் கூட குடிக்க கூடாதா..? என கேட்க வருகிறீர்கள் புரிகிறது 

சொல்ல வருவது நீங்கள் கையில் வைத்து இருக்கும் தண்ணீர் நிரப்பிய தம்பளரை அல்ல.

ஒரு நிமிடம் தண்ணீர் நிரம்பிய தம்பளரை கையில் வைத்துக் கொண்டு இருந்தால், ஒண்ணும் தெரியாது, அதை கீழே வைக்காமல் கையிலேயே வைத்துக் கொண்டு இருந்தால் உங்களுக்கும் வலிக்கும் அதை பார்த்துக் கொண்டு இருக்கும் மற்றவர்களுக்கும் வலிக்கும்.

 இத்தனை ஆண்டுகளாக, பிறர் மதிக்க நிறைய சம்பாதிக்க வேண்டும்,  நான் தான் குடும்பத்திற்கு தலைவன்  நல்ல நிர்வாகி என்ற பட்டம்  என பல பொறுப்புகளை சுமந்து கொண்டு இருந்தீங்களே  அதை முதலில் இறக்கி வையுங்கள்.. அதை தான் கீழே வைக்க சொன்னது. 

இப்படி சொல்வதால் உங்களை பொறுப்பற்றவர்களாக இருக்க வேண்டும் என சொல்வது அல்ல.. ஆனால் பொறுப்புகளில் இருந்து விலகி இருங்கள். பொறுப்புகளை உங்கள் பிள்ளைகளிடம் கொடுத்து விட்டு இளைய தலைமுறையினர் செய்யும் நிர்வாக திறமைகளை கண்டு ரசியுங்கள்.  முதுமையில், உங்களை விட அவர்கள் இன்றைய கால சூழலுக்கு ஏற்ப நிர்வாகம் செய்ய தெரிந்தவர்கள்.

உங்கள் பிள்ளைகள் (பொறுப்பு என்ற) அந்த தம்பளரை எப்போ, எப்படி கீழே வைக்க வேண்டும் என அவர்கள் உங்களிடம் இருந்து கற்றுக் கொள்ளட்டும். அவர்களுக்கும் வயது என்றாவது 60 ஆகும் தானே. அவர்களுக்கு ஒரு role model ஆக இருக்க பாருங்கள்.

 போதும்.. போதும்..

v அடுத்தவர்களை நம்பி வாழ்ந்தது போதும்.

v பிறருக்காக என் சுயத்தை தொலைத்தது போதும்.

v பொறுப்புகளை சுமந்து வந்தது போதும்.

v முகமூடி மனிதர்களின் பொய் அன்பை நம்பியது போதும்.

v அடுத்தவர் கைதட்டலுக்காக என்னை நான் நிரூபிக்க முயன்றது போதும்.

v காயங்களை மறைத்துக்கொண்டு வெளியில் சிரித்தது போதும்

v தகுதி இல்லாதவர்களுக்கு முக்கியத்துவம் கொடுத்து ஏமாந்தது போதும்.

v என் அமைதியை பலவீனம் என்று நினைத்தவர்களுக்குப் பணிந்தது போதும்.

v பிறர் மகிழ்ச்சிக்காக என் ஆசைகளைத் தியாகம் செய்தது போதும்.

v புரிந்து கொள்ளாதவர்களிடம் என் நியாயங்களை விளக்கியது போதும்.

v கடந்த கால நினைவுகளைச் சுமந்து இன்றைய நாளை இழந்தது போதும்.

v எல்லோரையும் திருப்திப்படுத்த நினைத்து என் நிம்மதியைக் கெடுத்தது போதும்.

v நான் இல்லாவிட்டால் என்னவாகும்’ என்ற வீண் பயத்தைச் சுமந்தது போதும்.

v அந்தத் தம்பளரை நான் கீழே வைத்து விடுகிறேன்... இப்போ நான் மகிழ்ச்சியாக இருக்கிறேன், வாழ்ந்தது போதும் என்ற எண்ணத்துடன்!

 என அந்த தம்பளரை கீழே வையுங்கள்.. உங்கள் பிள்ளைகள் அதை எடுத்துக் கொள்ளட்டும் (அவர்களின் 60 வது வயதில் அவர்கள் கீழே வைக்கட்டும்)

மரணம் என்பது ஒரு நாள் நிச்சயம் என்பது தெரிந்தாலும் அதையே நினைத்து பயந்து கொண்டு இருக்காமல், இன்றைய நாளில், இந்த நிமிடத்தை வாழ பழகுங்கள்.

வாழ பழகுவோம்.  வாங்க..!!

முதுமை சுமை அல்ல.. அது சுகமே..!!

 

 

"வாழ பழகலாம் வாங்க!"

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK

வாழ பழகலாம் வாங்க - பிள்ளைகளை நம்புங்கள்.

பிள்ளைகளை நம்புங்கள்.!

நாம் முதியோர்களுக்கான பல youtube சானலில் பார்த்து இருப்போம் அல்லது கேட்டு இருப்போம். பிள்ளைகளிடம் சொத்துக்கள் இருப்பதை சொல்லாதீங்க..!! பிள்ளைகளிடம் சொத்துக்களை கொடுத்து விடாதீர்கள் என பயமுறுத்துவார்கள். பிள்ளைகளை நம்பலாமா? வேண்டாமா? என நம்மை குழப்பி விடுவார்கள்.

நம்முடைய நல்ல பிள்ளைகளையும் தவறானவர் களாக படம் பிடித்து காட்டி நம்மை பயமுறுத்தி வைப்பார்கள். இது ஆரோக்கியமானதா? இல்லை ஆபத்தானதா? என்பது தான் மில்லியன் டாலர் கேள்வி?!

இன்னும் சிலர் நம்முடைய bank balance எவ்வளவு என சொல்லிட கூடாது. என எல்லோரும் தூங்கிய பிறகு, தன்னுடைய paasbook ஐ ஒரு முறைக்கு சில முறை திரும்ப திரும்ப பார்த்து விட்டு தலையணைக்கு கீழே வைத்துக் கொண்டு தூங்குவார்கள். பிள்ளைகளிடம் அவ்வளவு நம்பிக்கை.

இன்னொரு பக்கம் பெற்றோர்களை விரட்டி விட்ட பிள்ளைகள் என செய்திகள் வந்து நம்மை பயமுறுத்தும். எங்கேயோ இது போல நடப்பது வைத்துக் கொண்டு நாமே பல கற்பனையை செய்து கொண்டு நம்மை தற்காத்துக் கொள்ள இல்லாத ஒன்றை செய்ய தொடங்குவோம். உளவியலில் incomplete reality என சொல்வது போல.

முதலில் உங்களை நம்புங்கள். உங்களுக்கு எதுவும் ஆகாது என நம்புங்கள். உங்கள் பிள்ளைகளை நம்புங்கள். உங்கள் பிள்ளைகள் உங்களை ஏமாற்ற மாட்டார்கள் என அதை விட முக்கியமாக நீங்கள் யாரிடமும் ஏமாற போவதில்லை என நம்புங்கள்.

அப்போ சொத்தை எல்லாம் பிள்ளைகளுக்கு எழுதி வைத்து விடலாமா என கேட்காதீர்கள் இதை தான் சாதுர்யமாக கையாள வேண்டும்.

பிள்ளைகளிடம் இதோ பாரு கண்ணு, இந்த சொத்து deposit எல்லாம் இவ்வளவு இருக்கு. இதை இப்பவே உனக்கு முன்னாடி உன் பெயருக்கு உயில் எழுதி வைத்து விடுகிறேன்.  என உயில் எழுதி வைத்து விடலாம். உயிலை எப்போது வேண்டுமானாலும் அவருக்கு தெரியாமலே கூட மாற்றிக் கொள்ளளலாம்.

பணம் யார் பெயரில் இருக்கிறது என்பது முக்கியமில்லை கண்ணு! அதை நம்மிடம் இருந்து யாரும் எடுத்துக் கொண்டு போகாமல் இருக்கோணும் அவ்வளவு தான்.. நான் இறந்த பிறகு என்னுடைய சட்டையும் வேட்டியும் உனக்கு தேவையில்லாமல் இருக்கலாம். ஆனால், பாரு கண்ணு! இந்த பணமும் சேமிப்பு deposit இதெல்லாம் உனக்கு தேவையில்லாத பொருள் அல்ல.. இந்த உயில் இதை நீயே வைத்துக் கொள் என அவர்களுக்கு நம்பிக்கை தரும் படி உட்கார்ந்து பேசி பாருங்கள்.

பிள்ளைகளே சொல்லுவார்கள்!! எங்க அப்பா என் மீது எவ்வளவு நம்பிக்கை வைத்து இருக்கிறார் தெரியுமா என.

அதை விட முக்கியம் நீங்கள் யாருக்கு சொத்தை எழுதி வைக்க விரும்புகிறீர்களோ அவர்களுக்கே எழுதி வைக்கலாம்.. பிள்ளைகளிடம் கொடுத்த உயிலை மாற்றி எழுதலாம். இருக்கும் வரை பிள்ளைகள் உங்களை நம்புவார்கள்.

உங்கள் பணத்திற்கும் பயமில்லை. பாதுகாப்பிற்கும் ஆபத்து இல்லை.. எனவே நம்பிக்கை இல்லாத பிள்ளைகளுடன் பயந்து பயந்து வாழ்வதை விட சில உத்திகளை கையாண்டு, பிள்ளைகளை நம்ப பழகுங்கள்.. 

நாம் பிள்ளைகளை நம்புகிறோம் என்ற நம்பிக்கையை அவர்களுக்கு ஏற்படுத்துங்கள். இந்த பணம் சொத்து எல்லாம் உனக்கு தான் நிச்சயமாக கிடைக்கும் என உறுதி செய்து அவர்கள் மனதில் இடம் பிடியுங்கள். உங்கள் வாழ்க்கை சந்தோஷமாக மாறும். பாதுகாப்புக்கு பயம் இல்லாமல் வாழ முடியும்.

வாழ பழகுவோம் வாங்க.. 

 

"வாழ பழகலாம் வாங்க!"

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK