முதுமையே வா - முதுமையில் தனிமை - கொடுமையா ??

முதுமை தனிமையா..? கொடுமையா ..?

        இளமையில் சரியான பயிற்சி மற்றும் ஒழுக்க முறைகளை கையாளவில்லை. இன்றைய வாழ்க்கை முறையில் பல மாற்றங்கள் வந்து விட்டன. சூழ் நிலையும் இப்படி அமைந்து விட்டது. நீங்களும் பல tech solution  இருக்கிறது என்று சொல்றீங்க.. ஆனாலும் முதுமையை நினைத்தால் தான் பயமா இருக்கு என்று நினைப்பவர்கள் முதுமை கொடுமை என சிலரும் முதுமை தனிமை என்று சிலரும் சொல்லுவார்கள்.

     உண்மையில் முதுமை தனிமையா? கொடுமையா? என்று யோசிப்பதற்கு முன் வாழக்கயின் எதார்த்த நிலையை புரிந்து கொண்டால், முதுமை எப்படி என்று உங்களுக்கே புரிந்து விடும். தொடர்ந்து படியுங்கள்.

     எப்போதும் பிள்ளைகள் உறவுகள் என இருக்க வேண்டும் என நினைக்காதீர்கள். அவர்களுக்கும் வேலைகள் இருக்கிறது கடமைகள் இருக்கிறது. முதியவர்கள் இளையவர்களுக்கு சுமையாக இருக்க கூடாது என்பதை விட முதியவர்கள் இளையவர்களுக்கு சுமையாக இருப்பதாக அவர்கள் உணர கூடாது என்பதில் கவனமாக இருங்கள்.  சில அடிப்படை உண்மைகளை புரிந்து கொண்டால் இது தெளிவாகும்.

     அதை எளிமை படுத்தி சொல்ல, நம் உடம்பிலே அதிகம் கவனிக்கப்படாத ஒரு உறுப்பு பல் தான் அதை வைத்து தான் இந்த சிந்தனையை சொல்ல போகிறேன்.  பல்லும் உறவும் ஒரே மாதிரியானவை தான். பல் உறுதியாக இருந்தால் தான் சுவைத்து சாப்பிடும் உணவு சுவையாக இருக்க முடியும் இல்லையா.? உறவுகளும் அப்படி தான் அந்த உறவுகள் உறுதியாக இருந்தால் தான், வாழ்க்கை மகிழச்சியாக அமைத்துக் கொள்ள முடியும்.

     உங்களை சுய பரிசோதனை செய்து கொள்ள இரண்டு தாய் தன் பிள்ளைக்கு எழுதிய கடிதங்களை (கற்பனையில் வந்தது தான் உண்மை அல்ல) உங்களுடன் பகிர்ந்து கொள்கிறேன். அமைதியாக படித்து பாருங்கள். இதில் நீங்கள் எந்த வகை உணர்வு நிலையில் இருக்கிறீர்கள் என்பதை புரிந்து கொள்ளுங்கள். மாற்றம் எங்கிருந்து வர வேண்டும் என்பது புரியும்.

     மாற்றம் எங்கிருந்து வருவதாக இருந்தாலும் வயது மூப்பு அடைந்தவர்கள் தங்களை மாற்றிக் கொண்டால், மானத்தில் அமைதியும் குடும்பத்தில் மகிழ்ச்சியும் நிலவும்.

     இது முதல் கடிதம்.  இதில் ஒரு தாய் முதியோர் இல்லத்தில் இருந்து வெளிநாட்டில் உள்ள தன் மகனுக்கு எழுதும் கடிதம். (இது உண்மையான கடிதம் இல்லை. தாயின் உணர்வு நிலையை பிரதிபலிக்க வடிவமைத்த கடிதம்)

 

 

 

அன்பு மகனுக்கு அம்மா எழுதுவது.

 

வசதியாக தான் இருக்கிறது மகனே நீ கொண்டு

வந்து சேர்த்த  இந்த முதியோர் இல்லம்.

 

பொறுப்பாக  என்னை  ஒப்படைத்து விட்டு நீ சென்ற போது இது போல

வகுப்பறையில் உன்னை விட்டதும் நீ கதற கதற அழுத  காட்சி நிழலாடுகிறது.

 

முதல் தரமிக்க இந்த இல்லத்தை நீ தேர்வு செய்தது அறிந்த போது

முதன்மையான பள்ளி  என நான் ஓடி அழைத்ததை ஒப்பீடு செய்கிறேன்.

 

இது வரையில் ஒரு முறையேனும் என் முகம் பார்க்க வராமல் நீ போனாலும்

இன்று வரை என் பராமரிப்புக்கு என மாத தொகையை அனுப்பி வைப்பதற்காக

 

மனம்  மகிழ்ச்சி அடைகிறது. நீ விடுதியில் தங்கி படித்த போது

மனது துடிக்கும் உன்னை பார்க்க வேண்டும் என்று.

 

அதன் எதிர்வினையே இது என்று இப்போது நானும்

அறிகிறேன். என்ன செய்ய முற்பகல் செய்யின் பிற்பகல் விளையும் தானே.

 

இளம் வயதில் நீ சிறுக சிறுக சேமித்த அனுபவத்தை என்  முதுமை பருவத்தில்

இன்று மொத்தமாக எனக்கே செலவு செய்கிறாய்  - ஆயினும்

 

உனக்கும் எனக்கும் ஒரு சிறு வேறுபாடு

உனக்கு நான் கற்று கொடுத்தேன்.  – வாழ்க்கை இது என்று

 

இப்போ நீ கற்று கொடுக்கிறாய்  - எனக்கு

இது தான்  உறவு என்று..

 

நீ இருக்க ஒரு கருவறை இருந்தது என்  வயிற்றில்

நான் இருக்க ஒரு இருட்டறை கூடவா இல்லை உன் வீட்டில்.

 

பாசம் இப்போ

பாரமாகி போச்சு

 

நான் படிக்காதவள் தான்  - இன்று

நானும் படித்துக் கொண்டு இருக்கிறேன்.

 

-             அன்புள்ள அம்மா.

 

     இது இரண்டாவது கடிதம். இன்னொரு தாய் வெளியூரில் இருக்கும் புதியதாக திருமணம் ஆக தன் மகனுக்கு எழுதும் கடிதம். (இது உண்மையான கடிதம் இல்லை. இந்த தாயின் உணர்வு நிலையை வெளிப்படுத்த கற்பனையாக வரைந்தது தான்.)

 

அன்புள்ள மகனுக்கு,

 

திருமணம் புதியதாக  ஆன உன்னிடம் சில விஷயங்களை

திரும்ப திரும்ப சொல்ல வேண்டும் என்று தோன்றுகிறது.

 

இது உனக்கு வியப்பாக இருக்கலாம். பெண்ணுக்கு தானே

இப்படி சொல்லுவார்கள் என்று நினைக்கிறாயா ? இல்லை கண்ணா !

 

நாங்கள் மனம் திறந்து சொல்வதை சொல்லி விடுகிறோம்.

நியாயமாக காதில் போட்டு வைத்தால் சில விஷயங்கள் மனதில் பதியும்.

 

அதுவே தக்க சமயத்தில் உதவியாக இருக்கும்.

அதற்கு தான் இந்த அறிவுரை.

 

இதுவரையில் பெண் என்று வீட்டில் உன் அம்மாவை மட்டுமே பார்த்து இருக்கிறாய்  (onechild family )

இன்றும்  அவள் சமைப்பதையும் வீட்டை வைத்துக் கொள்வதையும்

 

பாடம் சொல்லி தருவதையும்.  கோலம் போடுவதையும்

பண்டிகை முழுமையாக கொண்டாடுவதையும் எதிலும் திறம்பட எடுக்கும்

 

முடிவையும் பார்த்து என்  “அம்மா தான் best“ என எண்ணியதில் தப்பில்லை

முழுமையாக உள்ளுக்குள் எனக்கு அது பெரிய credit  தான்.

 

இனிமேல் அதையே மனதில் அசை போடாதே  அதை தாண்டி வா

இது போன்ற அம்மா best  கருத்தை மனதின் ஆழத்தில் வைத்துக் கொள்.

 

வார்த்தைகளில் உன் அவளுக்கு தெரியபடுத்த வேண்டியதில்லை

வார்த்தையில்  சொல்லும் தாய் சொல்லை தட்டாதே சிறிய “முகமூடி” தான்.

 

எங்க  அம்மா ரொம்ப கஷ்ட பட்டு இருக்கிறார்கள். அவர்களை அனுசரித்து

எப்படியாவது போக வேண்டும் என்ற வசனங்களை பேசாதே.

 

அப்படி சொன்னால் அவளுக்கு மனதில்

அம்மா பிள்ளையாக இருக்க வேண்டியது தானே நான் எதுக்கு? என்று

 

சிறு கசப்பு உணர்வு தோன்றும். அவள்  தான் உன் உலகம் என்பதை ஒவ்வொரு

சின்ன விஷயத்திலும் அவளுக்கு புரியவை.

 

அம்மாவும் அப்பாவும் சண்டை போட்டுக் கொள்வார்கள் என்றும் சொல்லாதே.!

அதையே என்றாவது உன் மீது திருப்ப காரணமாக நீ இருக்க கூடாது.

 

சண்டை இல்லாவிட்டால் நீ கேட்டது எல்லாம் கிடைத்து இருக்குமா?

சர் .. புர் .. என்று காபியை உறிஞ்சி குடிக்காதே. உனக்கு வந்துள்ள  மனைவி

 

நல்லா  வளர்த்து இருக்கிறாள் என்று என்னை  குறை சொல்லுவாள்.

நடை உடை பாவனையில் உன் உயர்வை கண்டு நான் பூரிப்பு அடைகிறேன்.

 

அம்மா சமையலை தவிர வேறு ஒன்றும் நீ அறியாததால்,

அது மிக உயர்வாக உனக்கு தோன்றுவது வியப்பு இல்லை.

 

இருந்தாலும் வார்த்தைக்கு வார்த்தை எங்க அம்மா செய்கிற மாதிரி

இந்த சேப்பங்கிழங்கு  rost, முருங்கை காய் சாம்பார் மாதிரி வராது  என்று

 

ஒப்பிட்டு பேசாதே.! உன் அம்மாவுக்கு உன் அவளை போல கார்

ஓட்டவும்,  online banking,  time  manangement  தெரியாது  - உன்

 

‘அம்மா அன்றைய கெட்டிக்காரியாக இருக்கலாம்.  உன்

அவள்  இன்றைய புத்திசாலி.

 

அம்மாவின் கட்டளைகள் ஆறு.

அதை அப்படியே நீ கேளு

 

உனக்கு உன்னிடம் உள்ள அன்பை மனதில் கொண்டு நான்

உதட்டளவில் இல்லை உள்ளத்தில் இருந்து சொல்கிறேன்.

1.        அம்மா புராணம் பாடாதே

2.        அம்மாவோடு ஒப்பிடாதே

3.        “அம்மா கோண்டு” என்ற பட்டம் பயன் தராது.

4.        அம்மாவை கொஞ்சம் பீடத்தில் இருந்து இறக்கி வை. அவளும் மகிழ்ச்சி அடையட்டும்

5.        அம்மா தேவை பட்டபோதெல்லாம் உதவிக்கு வருவாள் என்பதை சொல்லி வை.

6.        உன் அவளுடைய அம்மாவையும் (mother in law ) மதிக்க கற்றுக் கொள்.

நிறையவாக உன்

மாமனானரை(father in law) உயர்த்தி பேசுவதால்,

மருமகளுக்கு எவ்வித கசப்பும் ஏற்பட்டதாக சரித்திரமே இல்லை

 

ஆல் போல் தழைத்து

அருகு போல் வேரோடி

 

நீடூழி வாழ வாழ்த்துக்கள்.

 

இப்படிக்கு

உன் அம்மா.

 

     இப்போது உங்களுக்குள் கேட்டுப் பாருங்கள் நீங்கள் இந்த இரண்டு கடிதத்தில் உள்ள எந்த உணர்வு நிலையில் உள்ளவர்  என்று..

     முதலில் சில அடிப்படை விஷயங்களை புரிந்து கொள்ளுங்கள்.  உடல் வயது கூடும் போது, உறவு நிலையில் மாற்றம் என்பது தவிர்க்க முடியாதது. அதே போல உணர்வு நிலையிலும் மாற்றத்தை நாம் தான் ஏற்படுத்திக் கொள்ள வேண்டும். அது தான் முதுமையின் முதிர்ச்சி. எனவே நான் ஏன் மாற வேண்டும் அவர்கள் மாறட்டுமே என்று ego  காட்டாமல் மாற்றத்திற்கு ஏற்ப வாழ பழகி கொள்ள வேண்டும்.

     பல்லின் உறுதி தன்மை, அதன் பராமரிப்பில் தான் இருக்கிறது இல்லையா! அது போல உறவுகளின் உறுதி தன்மை உறவுகளை பேணி பராமரிப்பில் தான் இருக்கிறது. பலருக்கு சில உறவு முறைகளால் சிக்கல் தான் வந்து இருக்கும் என்பது அனுபவமாக இருந்தாலும், அவ்வப்போது தொடர்பில் இருந்தால் உறவும் நட்பும் சிறக்கும்.      ஆரோக்கியமான பல் காப்பாற்றுவதற்கு எப்படி தினசரி பராமரிப்பு தேவையோ, அதேபோல அன்பான உறவுகளும் நீடிக்க அவ்வப்போது தொடர்பில் இருக்க வேண்டும். நல்லது கேட்டது நிகழச்சிகளில் கலந்து கொள்ள வேண்டும். குறைந்த பச்சம் பண்டிகை காலங்களில் வாழ்த்தாவது சொல்ல வேண்டும். நமக்கு வந்த வாழ்த்தை forward  ஆவது செய்ய வேண்டும்.

     நேரம் கொடுத்து பேசுவது, அன்பாக நடத்துவது, மற்றும் ஒரு குடும்பமாக இருந்து மகிழ்வது இவை எல்லாமே உறவுகளின் ஆரோக்கியத்தை உறுதி செய்யும்.

     "சுவை இன்பத்தை கூட்டி தருவது பற்கள், வாழ்க்கை மகிழ்ச்சியை கூட்டி தருவது உறவுகள்." பற்களை ஆரோக்கியமாக வைத்தால் சுவை இன்பத்தை அனுபவிக்க முடியும்; அதேபோல உறவுகளுடன் அன்புடன் பேசி தழுவினால், தவறுகளை சுட்டி காட்டாமல் இருந்தால், அன்று நீ அப்படி சொன்னாயே என சொல்லாமல், மன்னித்தல் போன்று உறவுகளை பராமரித்தால், வாழ்க்கையின் உண்மையான சந்தோஷத்தை உணர முடியும்.

     "பராமரிப்பு இல்லாத பல் சொத்தை ஆகி விடும், பாதுகாப்பு இல்லாத உறவுகள் சொத்தை பறித்து விடும்." பற்களுக்கு தேவையான பராமரிப்பு இல்லாமல் விட்டுவிட்டால் அவை சொத்தை ஆகுவது போன்றே, உறவுகளும் கூடவே இருந்து,  நல்லவர்கள் போல நடந்து  சொத்தை பறித்து விடுவார்கள். கவனமாக இருக்க வேண்டும்.

     "வயது கூடும் போது பல் உதிர்ந்து விடும், அதே போல, வயது கூடும் போது உறவுகள் நம்மை உதறி விடும்."  வயது முதிர்ந்த பிறகு, பல்வேறு காரணங்களால் பல் நம்மை விட்டு பிரியும்; அதேபோல, சில உறவுகளும் நேரம், கால சூழல் காரணமாக நம்மை விட்டு விலகி விடலாம். இதுவே வாழ்க்கையின் சுழற்சி.

     வயது முதிரும் போது பல் உதிர்க்கிறதே, அதே போல உறவுகளும் நம்மை விட்டு விலகும். என்பதை புரிந்து கொள்ளும் மன முதிர்ச்சி வந்து விட்டால் தனிமை இல்லை என்பதை புரிந்து கொள்ளுங்கள்.

     வயது முதிர்ந்த பிறகு, உடலுக்கும் மனதிற்கும் வரும் மாற்றங்களை ஒப்புக்கொண்டு வாழ கற்றுக்கொள்ள வேண்டும். பற்களின் இழப்பு ஒரு இயல்பு; அதேபோல, சில உறவுகளின் இழப்பும் இயல்பு தான். இதை ஏற்றுக்கொள்ளும் மனதுடன் இருக்கும் போது, முதுமை மனதில் சுமையாய் இல்லாமல், சுகமாய் மாறும்.

     ஒரு பல் விழுந்தால், இன்னொரு பல் செட் கட்டி கொள்ளலாம். அதே போல உறவுகள் உதறினால், நட்புகள் கிடைக்கும். முதுமை, “தனிமையும் இல்லை. அது கொடுமையும் இல்லை!". உறவுகள் விலகுவது வாழ்க்கை யின் இயல்பு, ஆனால் அதிலே தங்கிப் போகாமல், புதிய நண்பர்களையும் உறவுகளையும் பெற முயல்கின்ற மனநிலை தான் வெற்றியின் ரகசியம். வாழ்க்கை எப்போதும் புதிய வாய்ப்புகளை தருகிறது. ஒற்றுமையை உருவாக்கும் நம்பிக்கையோடு வாழ்ந்தால், தனிமை எனும் சொல் எதுவும் மனதில் வராது.

     முதுமையை புதிய கோணத்தில் பாருங்கள். இந்த தத்துவம் நம் வாழ்க்கை பயணத்தில் ஒரு தெளிவையும் அமைதியையும் தருகிறது. இந்த உணர்வுகள் முதுமையில் உள்ள ஒருவரின் மனதை தட்டி, அவர்களைக் கருணையுடன் வாழ தூண்டும்படி அமைந்தால் அதுவே இந்த நூலுக்கு கிடைத்த வெற்றி .

     முதுமை ஒரு வரம் அதை கேட்டு பெறுங்கள் என்று சொல்லும் போது முதுமையை  கேட்டு பெற்றவர் யாராவது உண்டா என்று யோசிக்கிறீர்கள். ஆம். தமிழில் புனிதவதியார் என்பவர், சிவபெருமானிடம் பேய் வடிவத்தை கேட்டுப் பெற்றது போல, ஒளவையார் இளமையிலேயே, முதுமையை கேட்டு பெற்றார் என்பதை தமிழ் அறிந்த நல் உலகம் நன்கு அறியும்.

     முதுமை தனிமையும் இல்லை கொடுமையும் இல்லை என்பதை புரிந்து கொள்ளுங்கள். நீங்கள் விரும்பாவிட்டாலும் முதுமை உங்களை தட்டி எழுப்பும் என்பதால், அதை வரவேற்க தயார் ஆகுங்கள். உங்கள் எண்ண ஓட்டங்களை, வாழ்க்கை முறை ஒழுக்கங்களை மாற்றிக் கொண்டால்,   முதுமை சுமை அல்ல… அது ஒரு வரம். என்பது புரியும்.

 

"முதுமையே வா "

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK