முதுமையே வா.. - முதியவர்கள் என்ன செய்ய வேண்டும்.?

வயது மூப்பு அடைந்தவர்கள் செய்ய வேண்டியது என்ன?

 

     நீங்கள் சொல்வது எல்லாம் சரி. ஏற்றுக் கொள்ளும்படி இருக்கிறது. முதியவர்கள் நாங்கள் இப்போ என்ன செய்ய வேண்டும்? எப்படி வாழ்க்கையை அமைத்துக் கொள்ள வேண்டும்? ஏதாவது ஆலோசனை சொல்வீங்களா? என்று கேட்க நினைக்கிறீர்கள். புரிகிறது.

     காலை முதல் இரவு வரை என ஒரு timeline தருகிறேன். இது பொதுவானது. அவரவர் வாழக்கை நிலைக்கு ஏற்ப இது மாறுபடலாம். இதை ஒரு வழிகாட்டியாக வைத்துக் கொண்டு நீங்கள் உங்கள் செயல்பாடுகளை மாற்றியோ கூட்டியோ  அல்லது குறைத்தோ வைத்துக் கொள்ளுங்கள்.

     காலையில் அலாரம் வைத்து எழுந்திருப்பவராக இருந்தாலும் சரி, தானாக எழுந்திருப்பவராக இருந்தாலும் சரி, எழுந்தவுடன் அவசர அவசரமாக உங்கள் பணியை  தொடங்காதீர்கள். கட்டிலில் படுப்பவராக இருந்தாலும் தரையில் படுப்பவராக இருந்தாலும் எழுந்தவுடன் சிறிது நேரம் உட்கார்ந்து கொண்டு இயல்பு நிலைக்கு பிறகு எழுந்து உங்கள் வேலையை தொடருங்கள். கொஞ்சம் தாமதம் ஆனாலும் பரவாயில்லை.

     பல் துலக்க  paste brush வைத்து இருப்பது எல்லோருக்கும் பழக்கம் தான் ஆனாலும், electric tooth brush பயன்படுத்துங்கள். இது பல் துலக்கும் வேலையை சுலபமாக்கும் என்பது மட்டும் அல்ல பற்களை சுத்தமாகவும் வைத்துக் கொள்ளும்.

     பல் செட் அணிந்து இருப்பவர்கள், கூடவே பல் செட்டையும் சுத்தம் செய்ய வேண்டும் என்பதில் கவனமாக இருங்கள். சுத்தம் செய்யாத பல் செட் பல பெரிய பிரச்சனைகளை கொண்டு வந்து விடும்.

     காலையில் டீ காபி குடிப்பதை தவிருங்கள், தவிர்க்கவே முடியாது நாங்கள் காபிக்கு அடிமை என்பவர்கள் குறிப்பாக வெள்ளை சர்க்கரையை விலக்கி விடுங்கள். காபியின் அளவை குறைத்துக் கொண்டே வந்து ஒரு சில நாட்களில் முழுமையாக விட்டு விடுங்கள். ஆரோக்கியமாக இருக்க டீ காபி தேவையில்லை. எனது பார்வையில் சொல்ல வேண்டும் என்றால் வெள்ளை பொருட்களாக இருக்கும் உப்பு, சர்க்கரை மற்றும் பால் இவைகளை முழுமையாக தவிர்த்து விடுவது நல்லது.

          உடற் பயிற்சி, யோகா, மூச்சு பயிற்சி, தியானம் என எது உங்கள் பழக்கத்தில் வசதியாக உள்ளதோ அதை செய்யுங்கள். மாற்றத்தை செய்ய முயற்சி செய்யுங்கள்.  எதுவும் செய்ய முடியாதவர்கள் thera band பயன்படுத்தி stretching exercise  மட்டுமாவது செய்யுங்கள். வெளியிலேயே போவதில்லை என இருப்பவர்கள் desk treadmill பயன்படுத்தி உட்கார்ந்த இடத்திலேயே நடக்கலாம். இது விலை அதிகமும் இல்லை இடத்தையும் அடைத்துக் கொள்ளாது. உங்கள் வசதி படி ஒன்றை வைத்துக் கொள்ளுங்கள்.

     குளிப்பதற்கு சோப்  பயன்படுத்துவதற்கு பதில் பயத்தம் பருப்பு மிஷினில் மாவாக திரித்து அந்த பவுடரை பயன் படுத்துங்கள் சோப் பயன்படுத்துவதை தவிருங்கள். Soft ஆக உள்ள Bathing brush பயன்படுத்துங்கள் கைகளால் தேய்த்து அப்படியே குளிப்பதை தவிர்க்கவும். முக்கியமாக கால் விரல் இடுக்குகள் மற்றும் மூட்டுக்கு பின் பகுதியை brush கொண்டு அழுத்தி தேய்த்து குளியுங்கள்.

     நீங்கள் சோதிடத்தில் நம்பிக்கை உள்ளவர்கள் என்றால் இது ஆயுள் காரகணான சனி கிரக காரகம் வகிக்கும் பகுதி நகங்கள் கேது கிரகம் காரகம் வகிக்கும் பகுதி அதனால் இந்த பகுதிகளை சுத்தமாக வைத்துக் கொள்வது sentiment ஆக பயன் தரும். எங்களுக்கு சோதிட நம்பிக்கை இல்லை. நாங்கள் மாற்று மதத்தை பின்பற்றுபவர்கள் என்பவர்கள், சுத்தம் செய்திகள் என்ற கோணத்தில் எடுத்துக் கொள்ள பழகுங்கள்.

     பக்கெட்டில்  தண்ணீர் ஊற்றி குளிப்பதை தவிர்த்து விட்டு hand shower பயன்படுத்தி குளியுங்கள். அதுவும் இப்போது relaxing, massage, போன்ற adjustment உடன் கூடிய hand shower  உள்ளது.  இதை வாடகை வீட்டில் இருப்பவர்கள் சில attachment  வைத்து பயன்படுத்திக் கொள்ள முடியும்.

     இந்த தான் சாப்பாடு  வேண்டும் என்றோ, யாராவது போட்டு தர வேண்டும் என்றோ எதிர்பார்க்காதீர்கள். செய்து தருபவர்கள் ஒரு hot pack ல் போட்டு வைத்தால் கூட போதும் நாமே எடுத்து போட்டு சாப்பிட்டுக் கொள்ளலாம் என்ற மன நிலையை வளர்த்துக் கொள்ளுங்கள். அதே மரியாதை அது இது என, தேவையில்லாத ego வேண்டாம்.

     மனதில் ஆழமாக பதித்துக் கொள்ளுங்கள். நாம் ருசிக்காக சாப்பிடவில்லை. பசிக்காக தான் சாப்பிடுகிறோம்.  

     தினமும் ஏதாவது ஒன்றை மனப்பாடம் செய்து கொள்வது என முடிவு செய்து படியுங்கள். அது ஒரு திருக்குறளாக இருக்கலாம், தேவார அல்லது திருப்புகழ் பாடலாக இருக்கலாம். பிரபந்தங்களாக இருக்கலாம். ஒரு தனியன் பாடலாக கூட இருக்கலாம். பைபிள் வாக்கியங்களாக இருக்கலாம். இப்படி தினம் ஒன்றை மனப்பாடம் செய்யுங்கள். Notepad போன்ற aap download செய்து கொண்டு அதில் எழுதி பாருங்கள். ஒரு வருடத்திற்குள் பெரியபுராணம் முழுவதும் படித்து விடுவேன் என்பது போல உறுதி எடுத்துக் கொள்ளுங்கள்.

     பயிற்சி உள்ளவர்கள் Blogல் எழுதுங்கள். Dairy எழுதுவது போல, blog private செய்து கொண்டால், உங்களை தவிர அல்லது நீங்கள் குறிப்பிடும் அவரை தவிர யாரும் அதை படிக்கவோ பார்க்கவோ முடியாது. எழுத முடியாது அல்லது டைப் அடிக்க முடியாது என்பவர்கள் பேசி podcast இல் போடுங்கள். அது கதையாக இருக்கலாம். அல்லது கருத்து அனுபவம் சொந்த கதை, சோக கதை, கற்பனை கதை என எதுவாக வேண்டுமானாலும் இருக்கலாம்.

     சிந்தனை உள்ளவர்கள் புத்தகம் எழுதலாம். போனில் போட்டோ எடுத்து சமூக வலையில் போடலாம். இது  எல்லாம்  உங்களை active ஆக வைத்துக் கொள்ள தான் இது போல எதுவும் செய்யலாம். Youtube மட்டும் தான் பார்க்க வேண்டும் என்று அவசியம் இல்லை. கொஞ்சம் ஆர்வமும் பயிற்சியும் இருந்தால் நீங்களே கூட youtube channel  தொடங்கலாம்.

     மாலை நேர உடற்பயிற்சிக்கு பிறகு வழிபாடு என வைத்துக் கொண்டு இரவு உணவை தவிர்த்து விடுங்கள். வழிபாடு என்பது கடவுள் வழிபாடு என்பதை விட இறைவனுக்கு நன்றி சொல்வது என்ற மனப்போக்கில் அமைத்துக் கொள்ளுங்கள்.  பசி  அடக்க முடியாதவர்கள் இரவில், கஞ்சி போல திரவ உணவை எடுத்துக் கொள்ளுங்கள்.

     எத்தனை வேலை இருந்தாலும், இரவு 10 மணிக்கு பிறகு விழித்து இருப்பதில்லை என்ற உறுதி எடுத்துக் கொள்ளுங்கள். காலை சிற்றுண்டி மதிய உணவு போதும். குறைவாக சாப்பிடுவது மட்டுமல்ல. குறைவாக பேசவும் கற்றுக் கொள்ளுங்கள்.

     சிறு பிள்ளையாக இருக்கும் போது பால் போன்ற திரவ உணவு, வளர்ந்த பிறகு திட உணவு என மாறுவது போல வயது மூப்பு பெற்று முதுமையை தொட்ட பிறகு உணவு கட்டுப்பாடு அவசியம் என்பதை புரிந்து கொள்ளுங்கள். நான் இத்தனை வருஷம் இப்படி தான் சாப்பிட்டேன் அதை எப்படி மாற்றிக் கொள்வது என பிடிவாதமாக இருங்கள். நீங்களே உங்களை மாற்றிக் கொள்ளாவிட்டால் உங்களை நீங்கள் மாற்றிக் கொள்ள வேண்டிய கட்டாயம் வரலாம் என்பதையும்  புரிந்து கொள்ளுங்கள்.

     என்ன சாப்பிட வேண்டும். எப்படி சாப்பிட வேண்டும் என்பதை உங்கள் மருத்துவர் சொல்லுவார் ஆனாலும் யாராவது திண்பதற்கு ஏதாவது தந்தால் உறுதியாக வேண்டாம் என்று சொல்ல பழகுங்கள். அவர்கள் தப்பாக நினைத்துக் கொள்வார்கள் என்ற தயக்கம் துளியும்  வேண்டாம்.

     வருடத்திற்கு இரண்டு முறை உடல் ஆரோக்கியமாக இருப்பவர்கள் பயணம் செய்யுங்கள். வாய்ப்பும் சூழ்நிலையும் சாதகமாக இல்லாதவர்கள் இதை தவிர்க்கலாம். அது மட்டும் அல்ல வருடத்திற்கு ஒரு முறை கட்டாயம் master check up செய்து கொள்ளுங்கள். Check up செய்தால் இந்த வியாதி இருக்கிறது என்று சொல்லுவார்கள் என நினைத்து பலரும் இதை தவிர்த்து விடுகிறார்கள். ஆரோக்கியமாக இருந்தாலும் இந்த master checkup அவசியம் என்பதை புரிந்து கொள்ளுங்கள்.

     உடல் ஆரோக்கியம் போலவே மன ஆரோக்கியமும் முக்கியம் என்பதை கருத்தில் வையுங்கள். நினைவில் கொள்ளுங்கள்! நாம் மற்றவர்களுக்கு எடுத்துக்காட்டாக இருக்க வேண்டும். அதனால் mindful living முக்கியம் என்பதை புரிந்து கொண்டால், முதுமை இனிமையானது. மகிழ்ச்சியானது.

  

"முதுமையே வா "

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK