முதுமையே வா.. - முதுமையில் துணைவன்

 

வயதானவர்கள் வீட்டில் அவசியம் இருக்க வேண்டிய 
அத்தியாவசியமான gadget

     முதுமை சுமை இல்லை. அது இனிமையே. சத்தியமாக நம்புங்கள் வசதியாக வாழ்வது சுலபம். இன்றைய நவீன உலகில் நமது தேவைக்கு என நிறைய tech solution  தொழில் நுட்ப வாய்ப்புகள் வந்து விட்டது. அது android aap  ஆக இருக்கலாம். அல்லது (device), ஒரு சாதனமாக இருக்கலாம். மொத்தத்தில் சிக்கல் எல்லாம் பிறரை எதிர்பார்க்காமல் வாழ முடியும் என்பதை முதலில் புரிந்து கொள்ளுங்கள்.

     இன்றைய கால கட்டத்தில், வாழும் முதியவர்கள் நிலையை ஐந்து வகையாக பிரிக்கலாம்.

1.   பிள்ளைகள் வெளி ஊரில் அல்லது வெளி நாட்டில் வசித்து முதியவர்கள் தனியாக வசிப்பது .

2.   பிள்ளைகள் உடன் இருப்பார்கள்.

3.   பிள்ளைகள் இருந்தும் கவனிப்பு இல்லாமல் தனிமையில் வசிப்பது.

4.   பிள்ளைகள் உறவுகள் இல்லாமல் தனிமையில் தனியாக வசிப்பது.

5.   பொருளாதார வசதி இல்லாமல் சமூகத்தால் ஒத்துக்கப்பட்டு வசிப்பது.

 

     ஐந்தாவது நிலையில் உள்ளவர்கள் பின்னணி காரணம் என்ன என அறிந்து அதற்கு தகுந்தாற்போல தங்கள் நிலையை மாற்றிக் கொள்ள அவர்கள் முயற்சி செய்ய வேண்டும். மற்ற நான்கு நிலையில் உள்ளவர்களுக்கு அவசியம் அவரவர்கள் வீட்டில் இருக்க வேண்டிய அத்தியாவசியமான gadget களை பட்டியலிட்டு தருகிறோம்.     

     முதலில் யாரும் பக்கத்தில் அல்லது துணைக்கு இல்லை என்ற மன நிலையை மாற்றிக் கொள்ளுங்கள். தனிமை என்பது எங்கும் இல்லை எப்போதும் இல்லை என்பதை புரிந்து கொள்ளுங்கள். மலர் இருந்தால் மணம் இருக்கும் தனிமையில்லை. பழம் இருந்தால் சுவை இருக்கும் தனிமை இல்லை, கடல் இருந்தால் அலை இருக்கும் தனிமை இல்லை. வீட்டில் நாம் மட்டும் இருந்தால் கூட இதயம் துடித்துக் கொண்டு இருக்கும் தனிமை இல்லை என்பதை புரிந்து கொள்ளுங்கள்.

     தனிமை ஒரு இனிமை. அதை ரசிக்க பழகுங்கள். சிந்தனைகள் வருகிறதா அதை புத்தகமாக்குங்கள். புத்தகமாக வடிவமைக்க தெரியவில்லையா. கவலை வேண்டாம். Blog ல் எழுதுங்கள். அவ்வளவு எழுத சிந்தனை இல்லை. அவ்வப்போது தான் சிந்தனை வருகிறது என்றால் whats app அல்லது telegram group ல் பகிர்ந்து கொள்ளுங்கள். தமிழில் அடிக்க தெரியவில்லை அல்லது எப்படி அனுப்புவது தெரியவில்லையா பேசுங்கள்.. ஆடியோவாக பதிவு செய்யுங்கள். அதெல்லாம் விட சுலபமாக podcastல் பேசி ஒலிப்பதிவு செய்யுங்கள். உலகம் முழுவதும் வாசகர்கள் உங்கள் கருத்தை கேட்க காத்திருக்கிறார்கள்.

     முதலில் பேசும் போது அல்லது எழுதும் போது தடுமாற்றம் வரலாம் பரவாயில்லை. தொடர்ந்து செய்தால் உங்களுக்கு நேரம் போகவில்லை என்ற நிலையில் இருந்து நேரம் போதவில்லை என்ற நிலைக்கு நீங்களே வந்து விடுவீர்கள். அதன் பிறகு யாராவது வந்தால் கூட “நான் கொஞ்சம் busyயாக இருக்கிறேன்” என்று சொல்லுவீங்க.  இவ்வளவு பெரிய உலகம் உங்கள் கையில் இருக்கும் போது தனிமை எங்கே இருக்கிறது. அருணகிரிநாதர் அருளிய திருவிடைமருதூர் திருப்புகழில்,

 

இரு வினை மு(ம்)மலமும் அற இறவி ஒடு பிறவி அற ஏக

       போகமாய் நீயு(ம்) நானுமாய்

இறுகும் வகை பரம சுக மதனை அருள் இடை மருதில்

      ஏக நாயகா லோக நாயகா இமையவர் பெருமாளே

 

நீயும் நானுமாய் ஏக போகமாய் என்று சொல்லும் போதே அங்கே தனிமை இல்லை என்பதை நம்மால் புரிந்து கொள்ள முடிகிறது தானே. மேலே சொன்ன இது போல ஏதோ ஒரு காரணத்திற்காக தனிமையில் முதியவர்களின் வாழ்க்கை பயணம் அமைந்து விட்டால் அவசியமாக இருக்க வேண்டிய gadgetகளை வாங்கி கொள்ளுங்கள்.

     இவை எல்லாமே ஒரு முறை செலவு செய்தால் போதும் மற்றும் ஒரு முறை செட்டிங் செய்தால் போதும். மற்றதெல்லாம் தானே நடக்கும். நமது வசதிக்காக உள்ள tech solutionகளை பயன்படுத்திக் கொள்ளுங்கள். உங்களுக்காக சிலவற்றை இங்கே பட்டியலிட்டு தருகிறேன். அதன் பயனை நீங்களே பயன்படுத்தி பயன்பெறுங்கள்.

Motion Sensor Bulb

     முக்கியமாக வயதானவர்கள், முதுமையின் காரணமாகவோ, அல்லது உடல் நிலை காரணமாகவோ அவர்களால் சிறுநீர் அல்லது மலஜலம் கழிக்க உணர்வு வந்தவுடன் கழிவறைக்கு செல்லும் வரை அடக்க முடியாது. அதனால் அவசரமாக போவார்கள் வெளியில் இருக்கும் பாத்ரூம் லைட் போடுவதற்கு கூட பொறுமை இருக்காது உள்ளே இருட்டாக இருக்கும் தவறி விழுந்து விடுவார்கள்.

     “லைட் தான் இருக்குதுல்ல! இந்த கிழவனுக்கு என்ன வந்தது லைட் போட்டுக்கிட்டு போகலாம் தானே இப்ப பாரு கீழே விழுந்து இவ்வளவு ரூபாய் செலவு”

என்று வீட்டில் உள்ள மருமகள் ஏளனமாக சொல்லி காட்டலாம். அது முதியவர்களுக்கு உறுத்தலாக இருக்கும். அதுவே சிலருக்கு சிக்கலை ஏற்படுத்தி விடும்.

     இன்னும் சில இடங்களில், ஆரோக்கியமாக இருக்கும் முதியவர்கள் தான் பாத்ரூம் போயிட்டு வருவார்கள். ஆனால் வெளியே வரும் போது லைட் அணைக்க மறந்து விடுவார்கள்.

    “எவன் கரண்ட் பில் கட்டுவது . கரண்ட் பில் எவ்வளவு வருதுன்னு இந்த கிழவனுக்கு/ஆயாவுக்கு  எங்கே தெரியுது. பாத்ரூம் போனால் லைட் அனைத்து விட்டு வரணும்”

என்று மகன் சொல்வதும்.

    “நான் என்னப்பா வேணும்னா அணைக்காம வந்தேன். ஏதோ மறந்து போச்சு”

என்று சொன்னால் கூட விட மாட்டாங்க..

    “சோறு சாப்பிட்டால் தானே கிழவன் பாத்ரூம் போராரு. இரண்டு நாள் பட்டினி போடுங்க”

என்று மருமகள் சொல்ல.. இரண்டு நாட்கள் சோறு கிடைக்காமல் போகும் நிலை கூட வரலாம். இதற்காக பார்க்கில் வந்து உட்கார்ந்து அழ வேண்டிய அவசியம் இல்லை. இது போன்ற பிரச்சனைகளுக்கு தான் tech solution என்று இப்போது உங்களுக்கு சொல்ல வருகிறோம்.

     இது motion sensor bulb. இதனை போட்டே வைத்து இருக்கலாம். கரண்ட் ஆகாது. எப்போ மனித நடமாட்டம் இருக்கிறதோ அதாவது எப்போ பாத்ரூம் உள்ளே போகிறோமோ அப்போது அது தானே எரியும். வெளியே வந்தவுடன் அணைக்க வேண்டாம். சில வினாடிகளில் தானே அணைந்து விடும்.

     அட.. இது போன்ற setup செய்ய எங்க வீட்டில் முடியுமா? நாங்க இருப்பது வாடகை வீடு. இதில் எப்படி என்றெல்லாம் யோசிக்க தேவையில்லை. இது சாதாரண பல்பு போல தான் இருக்கும் அதை வழக்கமான holderல் பொருத்தி விட்டால் போதும். சாதாரண bulbயை விட விலை கொஞ்சம் அதிகம் தான் ஆனாலும் ஒரு முறை செலவு செய்து விட்டால் சிக்கல் இல்லாமல் பல மாதங்கள் சில ஆண்டுகள் கூட (பயன்பாட்டை பொறுத்து) தாராளமாக வரும். இது தான் உங்களுக்கு தரும் முதல் tech solution .MOTION SENSOR BULB.  

S-mat:

     “இப்போ தான் பளீச்சிங் பவுடர் போட்டு இருக்கேன். அது கூட தெரியாம இந்த கிழவன் பாத்ரூம் போய் வழுக்கி விழுந்துடுச்சு.”

என்று மருமகள் ஏளனம் பேசுவது பொறுக்க முடியாதது தான். அதை விட வசதியான குடும்பத்தில் இருப்பவர்கள் கூட, பாத்ரூமில் வழுக்கி விழுவது தவிர்க்க முடியாதது தான்.

     எத்தனை முன் ஜாக்கிரதையாக இருந்தாலும், சுவற்றில் rails பொருத்தி இருந்தாலும் பாத்ரூமில் வழுக்குதல் தவிர்க்க முடியாதது தான். இது போன்ற பிரச்சனைகளை சமாளிக்க பாத்ரூமில் s-mat  போட்டு விடலாம். இதன் விலை அதிகம் இல்லை பாத்ரூம் சைஸ்  எவ்வளவு இருக்கிறதோ அவ்வளவு வாங்கிக்கொண்டு அந்த வடிவமைப்புக்கு ஏற்ப நாமே DIY (do it yourself) முறையில் போட்டுக் கொள்ளலாம் இது விலையிலும் சரி, பயன்பாட்டிலும் சரி நம்மை கீழே தள்ளி விடாது. சுத்தம் செய்யும் போது இந்த mat யை  எடுத்து விட்டு சுத்தம் செய்து விட்டு மீண்டும் போட்டுக் கொள்ளலாம்.

     நாம் விரும்பிய கலரில், விரும்பிய சைஸ்சில் கிடைக்கும். இதுவும் ஒரு முறை போட்டு விட்டால் பல மாதங்கள் முதல் சில ஆண்டுகள்  வரை தரம் மற்றும் பராமரிப்பு பொறுத்து அமையும். அதனால் அவசியம் தனியாக இருக்கும் வயதானவர்களுக்கு மட்டும் அல்லாமல் அனைவருக்கும் பயனுள்ள gadget  s-mat  என்பதை புரிந்து கொள்ளுங்கள்.

Smart bulb

     தனியாக இருக்கும் வயதானவர்கள் அசதியின் காரணமாக அல்லது தளர்ச்சியின் காரணமாக மாலை நேரத்தில் தூங்கி விடுவார்கள். வாசலில் லைட் போட வேண்டுமே என்று அவசரமாக எழுந்து வருவார்கள் அந்த அவசரத்தில் அவர் நிலை தடுமாறி கீழே விழுந்து விடுவார். மாலையில் வீட்டு வாசலில் விளக்கு பொறுத்த வேண்டும் என்ற sentiment  ஒரு விபரீத சூழலுக்கு தள்ளி விடும். யாரும் இல்லாத சூழலில் அல்லது கூட இருப்பவர்கள் இல்லாத சூழலில் இதை சமாளிக்க நமக்கு உள்ள tech solution தான் smart bulb.

     இதற்கு தனியாக எந்த முயற்சியும் செய்ய தேவையில்லை. ஏற்கனவே உள்ள பல்பு holder இல் இந்த பல்பு மாட்டி  விட்டால் போதும். Smart phone வழியாக எத்தனை மணிக்கு எந்த நாளில் விளக்கு பொறுத்த வேண்டும். எத்தனை மணிக்கு விளக்கை நிறுத்த வேண்டும். எவ்வளவு வெளிச்சத்தில் எரிய விட வேண்டும் என்பது உட்பட அனைத்தையும் ஒரு முறை செய்து விட்டால் போதும் தினம் தினம் அதுவே குறிப்பிட்ட நேரத்தில் பொறுத்தி  குறிப்பிட்ட நேரத்தில் அணைந்து விடும்.

     விளக்கு பொறுத்த வேண்டும் என்ற சிந்தனையும் தேவையில்லை. அதற்கான அவசரமும் தேவையில்லை. கவலையும் இல்லை. இது நம்மை சோம்பேறி ஆக்குகிறது என்பதல்ல பொருள். நமது வேலைகளை  எளிதாக்குகிறது என்று புரிந்து கொள்ளுங்கள். இது வயதானவர்களுக்கு மட்டும் அல்ல எல்லோருக்கும் என நமக்கு கிடைத்த solution smart bulb

Cleaning robot

     தனியாக இருக்கும் வயது நிரம்பியவர்கள், தான் இருக்கும் வீடு சிறியதோ பெரியதோ, தினமும் கூட்டி மெழுகி சுத்தம் செய்வது சிரமமானது தான். இதற்கு சிலர் வீட்டில் வேலைக்கு ஆள் வைத்து இருந்தாலும் ஒரு நாள் அவர்கள் வரவில்லை என்றால், அல்லது வேறு ஏற்பாடுகள் தேவை என்றால் சிரமங்கள் ஏற்படும்.

     இது போன்ற எதுவும் வராமல் சொன்ன நேரத்தில் தானே வீட்டை பெருக்கி மெழுகி என படு சுத்தமாக வைக்கும் ஒரு கருவி தான் cleaning robot  பல பல வசதிகளுடன் வசதிக்கு ஏற்ப விலையில் கிடைக்கிறது. நம்முடைய தேவை பொருளாதார நிலை இவைகளை அனுசரித்து இதை வாங்கி கொள்வது அவசியம். குறித்த நேரத்தில் குறித்த நாளில், என எந்த தரையாக இருந்தாலும் சுத்தம் செய்யும் இந்த robot தனியாக வாழ்க்கை நடத்தும் முதியவர்களுக்கு மிகவும் அவசியமானது.

Alexa app

     Smart phone வைத்து இருப்பவர்கள் alexa app download செய்து கொள்ளுங்கள். இதில் login செய்து கொண்டால் உங்களுடைய பல வேலைகளை alexa  செய்து கொடுத்து விடும். அட அப்படியா என கேட்கிறீரர்கள் புரிகிறது. அதை வைத்து என்ன வெல்லாம் செய்து கொள்ள முடியும் என சில உதாரணங்களை சொல்கிறேன் உங்களுக்கு தேவையானது இருக்கிறதா என்று பார்த்துக் கொள்ளுங்கள்.

     மேலே சொன்ன smart bulb, cleaning robot  இவைகளை தானே இயக்கும் படி செய்யலாம். மாத்திரை போட நினைவு படுத்தும் படி சொல்லலாம். தண்ணீர் ஒரு நாளைக்கு 2 லிட்டர்  குடிக்க வேண்டும் அல்லவா அதனால் ஒவ்வொரு 15 நிமிடத்திற்கும் நினைவு படுத்த சொல்லலாம். ரேடியோ போட சொல்லலாம். டாக்டர் அப்பாய்ண்ட்மென்ட், போன்ற குறிப்புகளை எடுத்துக் கொள்ளலாம்.

     மருந்து தீர்ந்து போச்சா.. அதையே நினைவு படுத்த வைத்து மட்டும் அல்ல அதையே ஆர்டர் கொடுக்கவும்  சொல்லலாம். அலராம்  வைக்க சொல்லலாம். உங்களுக்கு என்னவெல்லாம் நினைவு படுத்த சொல்ல வேண்டுமோ அனைத்தையும் சொல்லலாம்.  ஒரு app இத்தனையும் செய்யுமா என்றால் செய்யும். இது தவிர, உலகத்தின் பிற பகுதிகளில் உள்ள பிள்ளைகளுடன் பேசவும் செய்யலாம்.

     தனியாக இருப்பவர்கள் போனை தேடி நம்பரை பிடித்து பேசுவது சிரமம் என நினைப்பவர்கள் இத்துடன் echo dot  என்பதையும் சேர்த்து வாங்கி கொண்டால், ஒரு சொடக்கில் போனை கையில் பிடிக்காமலே வெளி நாட்டில் உள்ள பிள்ளைகளுடன் பேச முடியும். தனியாக இருக்கும் வயதானவர்களுக்கு அவசியம் தேவைப்படும் இந்த solution மிகவும் பயன் உள்ளதாக இருக்கும்.

Thera Band

     வயதான பெரியவர்கள் முறையான பயிற்சி பழக்கம் இல்லாதவர்கள், யோகா அல்லது குனிந்து நிமிர்ந்து என பயிற்சி செய்ய முடியாது என்பதற்காக stretching  exercise மட்டும் செய்ய சொல்லுவார்கள். ஆனால் அதுவே சோம்பல் காரணமாகவோ, அல்லது posture  சரியாக இல்லாத சூழல் காரணமாகவோ சரிவர செய்ய மாட்டார்கள்.

     ஒரு சில நாள்  செய்யவில்லை என்றால் அதுவே தொடர்ந்து செய்யாமல் இருக்க காரணமாகிவிடும். அவர்களுக்கு உதவியாக இருப்பது தான் இந்த thera band  இதன் விலை குறைவு என்பது மட்டும் அல்ல. இதை வைத்துக் கொண்டு stretching exercise செய்வது சுலபம். உட்கார்ந்து கொண்டு நின்றுகொண்டு என எப்போதும் செய்யலாம். எப்படியும் செய்யலாம். Latex இல்லாத இந்த thera band வாங்கி தினமும் stretch செய்து ஆரோக்கியமாக இருக்க வாழ்த்துக்கள்.

Kettle:

     தனியாக இருப்பவர்கள் தனியாக சமையல் செய்து சாப்பிடுபவர்கள் என எடுத்துக் கொண்டால் ஒரு வெந்நீர் வைத்து தர வேண்டும் அல்லது ஒரு டீ போட்டு தர வேண்டும் என நினைப்பவர்கள் வயது மூப்பின் காரணமாகவோ, அல்லது சோம்பலின் காரணமாகவோ செய்ய இயலாமல் போகலாம்.

     இவர்கள் electric kettle  பயன்படுத்திக் கொண்டால் நிமிடத்தில் வெந்நீர் கிடைக்கும் dip tea  இருந்தால் சுடு தண்ணீரில் dip tea போட்டு black tea  சாப்பிடலாம், இதே போல green tea செய்யலாம். இன்னும் instant  ஆக செய்ய கூடிய சேமியா உப்புமா, கஞ்சி என எதுவும் சில நிமிடங்களில் செய்யலாம். இதிலும் பல வசதிகள் உள்ள kettle கிடைக்கிறது. தேவை மற்றும் பொருளாதார வசதிக்கு ஏற்ப வாங்கி கொள்ளலாம் என்றாலும் அடிப்படையில் ஒரு elecetric kettle  அவசியம் என்பதை புரிந்து கொள்ளுங்கள்.

Homely meals

     தனியாக வீட்டில் சமைத்து சாப்பிடுபவர்கள் அல்லது ஹோட்டலில் அல்லது மெஸ் போன்ற இடங்களில் போய் சாப்பிடுபவர்கள் homely meals  தயார் செய்து வீட்டிற்கே கொண்டு வந்து தரும் நல்ல அமைப்புகள் இருக்கிறது அவர்களிடம் சொன்னால் நமது சுவைக்கு ஏற்ப நமது தேவைக்கு ஏற்ப கூட்டியோ குறைத்தோ வாங்கி கொள்ளலாம். கஞ்சி வேண்டும் என்றால் கூட போட்டு தருவார்கள்.

     ஒரு கேரியர் மட்டும் வாங்கி கொடுத்து விட்டால் போதும். அதுவும் hot pack  போல கொடுத்து விட்டால் சூடாகவே இருக்கும். வீடு தேடி வரும் விலையும் சரி ஆரோகியம் சரி, சுவை கூட நமது விருப்பத்திற்கு ஏற்ப இருக்கும். இதை பயன்படுத்திக் கொல்லாம்.

      இங்கே சொன்னது எல்லாம் உதாரணத்திற்கு தான் உங்களுக்கு தேவையானது அனைத்தும் இன்றைய நாளில் கிடைக்கிறது. சிலருக்கு தெரிந்து இருக்கலாம், சிலர் வைத்து பயன்படுத்தி கூட இருக்கலாம். இது தெரியாதவர்களுக்கு பயன்படட்டும் என இங்கே சொன்னது என புரிந்து கொண்டால் மகிழச்சி.

         இப்படி இது போல பல வாய்ப்புகள் இன்றைய நவீன உலகில் இருக்கும் போது, அதை பயன்படுத்திக் கொண்டால், நமது வேலையும் சுலாபமாகும் சுமையும் தெரியாது. அப்புறம் முதுமை இனிமையானது என்று மூப்பு அடைந்தவர்களே அடிக்கடி சொல்லுவார்கள்.

"முதுமையே வா "

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK