முதுமையே வா .. - நாளைய முதியவருக்கு..!!

இளம் வயத்தினருக்கு.. .. ..

     ஆஹா.. எல்லா பிரச்சனையும் வயது மூப்பு அடைந்தவர்களிடம் தான் உள்ளது.  நமக்கு எதுவும் பிரச்சனை இல்லை என்று இன்றைய காலத்தில் இளை யவர்கள் நினைத்துக் கொள்ளக் கூடாது. இன்றைய இளை யவர்கள். நாளைய முதியவர்கள். இளையவர்கள்  விரும்பினாலும் விரும்பாவிட்டாலும் முதுமை அவர்களை  வந்து முட்டும் அதற்கு இப்போது விழித்துக் கொள்ளுங்கள்.  இன்றைய முதியவர்கள் இப்போ படும் சிரமத்தை விட இன்றைய இளையவர்கள், அதிகமான சிரமத்தை அடையாமல் இருக்க விரும்பினால் இதுவரை இல்லை என்றாலும், பாரவாயில்லை  இப்போதாவது உங்களை மாற்றிக் கொள்ளுங்கள்.

     உங்கள் மனதில் உட்கார்ந்து கொண்டு ஆட்டிப் படைக்கும் இரண்டு அரசர்களை (KING) தயவு தாட்சண்யம் பார்க்காமல் வெளியே அனுப்பி  விடுங்கள்.  உங்களுக்கு கட்டளை இட்டு  உங்களை திசை திருப்பும் அந்த இரண்டு KINGகளை  முதலில் வெளியே துரத்துங்கள். உங்களை அந்த இரண்டு பேரும் நரகத்திற்கு அழைத்து செல்வார்கள். உங்களை மட்டும் அல்ல உங்கள் குடும்பத்தில் உள்ள மற்றவர்களையும் தான் .

     அந்த இரண்டு KING  யார் என்று கேட்கிறீர்கள் புரிகிறது அவை (cigarette) smoKING மற்றும் (alcohol)drinKING. இந்த மது மற்றும் புகை பழக்கத்தில் இருந்து வெளியே வாருங்கள். இது உங்கள் பணத்தை மட்டும் அல்ல     வாழ்க்கை பயணத் தையும் குறைத்து விடும். இன்றைய இளையவர்களின்  முதுமைக்காலம் ஆனந்தமாக இல்லா விட்டாலும் அனுதாப படும் நிலையில் இருக்க கூடாது அல்லவா? இது போல ஆலோசனை சொல்ல அப்போ யாரும் இல்லாமல் கூட போகலாம்.

     அதனால் இளையவர்கள் தங்களை இப்போதே தயார் படுத்திக் கொண்டால் தங்கள் முதுமை மட்டும் அல்ல. இன்றைய முதியவர்கள் வாழ்க்கையிலும் வசந்தத்தை கொண்டு வர முடியும். இன்றைய இளையவர்கள் தங்கள் செலவுக்கு முக்கியத்துவம் தருவது போல தங்கள் பெற்றோர் செலவுகளையும் பட்ஜெட் பட்டியலில் சேர்த்துக் கொள்ள வேண்டும்.

     வயது மூப்பு அடைந்த குடும்பத்தில் உள்ளவர்களிடம் உட்கார்ந்து பேச நேரம் இல்லை என்றாலும் அவர்களை உதாசீனபடுத்தும் விதமாக அல்லது அவர்கள் வருந்தும் விதமாக பேசாமல் இருப்பது அவர்களுக்கு மட்டும் அல்ல இவர்களுக்கும் நல்லது.

     குடும்பத்தில் உள்ள வயது மூப்பு அடைந்தவர்கள் கேட்பதை வாங்கி கொடுக்கும் அளவுக்கு இளையவர்களுக்கு பொருளாதார வசதி இல்லாமல் இருக்கலாம். ஆனால் அவர் சொல்வதை கொஞ்ச நேரம் கொடுத்து கேட்டுக் கொள்வதில் கூடுதல் செலவு எதுவும் வராது என்பதை புரிந்து கொள்ளுங்கள். சில சமயம் ஏற்கனவே சொன்னத்தையே திரும்ப சொல்லுவார்கள். பொறுமையாக கேட்டுக் கொள்ளுங்கள். அவர்கள் சொல்வது உங்கள் வாழ்க்கை சூழலுக்கு ஏற்புடையதாக இல்லை என்றாலும் கேட்டுக் கொள்ளுங்கள். அவர்களிடம் வாதம் செய்யாதீர்கள்.

     நீங்கள் சொல்வதற்கு அவர்கள் (endrosmenet) ஒப்புதல்  தர வேண்டும் என்ற மன நிலையை மாற்றிக் கொள்ளுங்கள். உங்கள் வருமானம் சேமிப்பு இவைகளை அவர்கள் தலையிடுவது இல்லை என்பது போல நீங்களும் அவர் களுடைய சேமிப்பு பணம் இவைகளில் உரிமை கொண்டாடாதீர்கள்.

     பணம் என்றதும் உங்களை பொறி வைத்து பிடிக்க ஒரு கூட்டம் இருக்கும். சில லட்சம் முதலீடு செய்தால் போதும், ஆறே மாதத்தில் உங்கள் முதலீடு கிடைக்கும் ஒரு வருடத்தில் இரட்டிப்பாகும் இது போன்ற இனிப்பு தடவிய வார்த்தைகள் உங்கள் காதில் இனிக்கும். மனதை வருடும். அப்பாவின் பென்ஷன் பணம் சும்மா தானே இருக்கு ஒரு முறை முயற்சி செய்து பார்ப்போமே என்று அப்பாவுடன் சண்டை போட்டு சீக்கிரம் சம்பாதிக்க நினைத்து வயது மூப்பு அடைந்த பெற்றோர்களையும் சிரமத்திற்குள் ஆக்கும் செயல்கள் முதலீட்டு திட்டத்தில் இருந்து கவனமாக விலகி இருங்கள்.

     வீட்டில் உள்ள முதியவர்களின் நலனில் உங்களுக்கு அக்கறை இருக்க வேண்டும் என்றால் முதலில் உங்களிடம் நல்ல ஒழுக்கமும் வாழ்க்கை முறை மாற்றமும் இருக்க வேண்டும் என்பதில் உறுதியாக இருங்கள். பெற்றோருடன் பேச நேரமில்லை என்று வருத்தப்பட வேண்டாம். அவருடன் (walking) நடைப் பயிற்சி செய்யுங்கள். இருவருக்கும் பயன் உண்டு பேச்சு துணைக்கு அவருக்கு ஒரு நபரும் கிடைத்தது போல இருக்கும்.

     இதை விட இன்றைய கால சூழலில், work from home, night shift, social commitment, corporate culture  என பல திசை திருப்பல்கள் இருந்தாலும் தங்கள் ஒழுக்க நிலையில் இருந்து இன்றைய இளையவர்கள் தடம் மாற கூடாது. அடுத்தவர்களுக்கு சக நண்பர்களுக்கு ஒரு roll model ஆக இருக்க வேண்டுமே தவிர follow the crowd என்பது போல இருக்க கூடாது. இது ஒரு சவால் என புரிந்து கொண்டு இளையவர்கள் தங்கள் வாழ்க்கை முறையை மாற்றிக் கொண்டால், அவர்கள் குடும்பத்தில் உள்ள வயது மூப்பு அடைந்தவர்களை மட்டும் அல்ல வயது மூப்பு அடையும் அவர்களுடைய காலத்திலும் இனிமையாக வாழ முடியும்

  

"முதுமையே வா "

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK