கள்ளியா? திருடியா?

 கள்ளியா? திருடியா?

 

கள்ளி..!!

 

எனது பெயர் கள்ளியாம். - 

கள்ளி என்றால் “திருடி”,

என தமிழ் சொல்கிறது.

 

ஆம்..!!

 

நான் திருடி தான்..

மாசுக்களை திருடி,

 

மக்களை வாழ வைக்கும் நான்,

கள்ளி இல்லை திருடி தான்.

 

கற்பாறைகளை கனிய வைத்து,

மண்ணாக மாற்றி தருவதில்,

என்னை விட,

 

இன்னொருவர் இல்லை

இவ்வுலகில்.!!

 

“அகிலம்”!

 

இது இந்த உலகுக்கு,

தமிழ் தந்த பெயர்.

 

 

 இந்த உலகம் தோன்றுவதற்கு முன்பே,

இங்கே என் குடும்பம் தழைத்து வந்துள்ளது.

  

ஒரு

அறிவியல் உண்மையை சொல்லவா?

 

இவ்வுலகில் மண் பிறந்து,

410 மில்லியன் வருடங்கள் ஆனதாம்.

 

இதில்,

 

 வேர் விடும் தாவரங்கள் தோன்றி,

375 மில்லியன் ஆண்டுகள் ஆனதாம்.

 

மனிதன் தோன்றி,

2 மில்லியன் வருடங்கள் தான் ஆனதாம்.

 

ஆனால்,

 

இந்த அகிலத்தில்,

இங்கே நான் தோன்றி,

 

35  மில்லியன் வருடங்கள் ஆனது

என்றால் வியப்பாக இருக்கிறதா?

 

‘கல்தோன்றி மண் தோன்றா காலத்தே வாளொடு

முன் தோன்றி மூத்த குடி’ என

 

புறப்பொருள் வெண்பா நமக்குக்

புகட்டுகிறது.

 

கொஞ்சம் பொறுங்கள்..

 

இதற்குக் முன்பே

கள்ளி இனம் இங்கே கடை விரித்து இருக்கிறது

 

பாறைகளுக்குக் நடுவே

பார்த்து மகிழும் கள்ளி இனம் இருந்தது என

 

அகநானூறு

அகம் மகிழ்ந்து சொல்கிறது

 

பாறைகளை மண்ணாக மாற்றுவதில் – இந்த

பாரில் என்னை தவிர இயற்கையாக எதுவும் இல்லை.

 

பாறைகளின் நடுவே

பல் காட்டும் கள்ளி என

 

தமிழ் கிழவி இந்த

தரணியில் பாடி வைத்து இருக்கிறார்.

 

வல்லினத்தை கொண்ட நான்

புல் இனத்தை சேர்ந்தவள்

 

நான் கள்ளி தான்..

மரமாக வளர்வதில்லை..

 

ஏன் தெரியுமா?

நன்றி கெட்ட மனிதன் - என்னை

வெட்டி சாய்த்து விடுவான் என்ற பயம் தான்.

 

கிட்டே வராதே

குத்தி விடுவேன் என்று எனக்கு

 

முள்ளை கொடுத்து இருக்கிறான்;  மனிதன் வணங்கும்

முதல் தெய்வம்.

 

உயரமான கட்டிடங்களை

ஒரு சில நாட்களில் கட்டிட முடியாது.

 

தனி ஒருவன் என கட்டிட கலை அமைப்பில்

தரணி வியப்பது எனது கலைநயம்  தான்.

 

ஓர் ஆண்டுக்கு

ஒன்றரை அங்குலம் தான் வளர்க்கிறேன்.

 

எட்டடி உயரம் வளர

எட்டி பிடிக்கும் எனக்கு 25 வருடங்கள்.

 

நீங்கள் கொஞ்சம் செவி கொடுங்கள்.

நீர் வேண்டாம் என்

 

உழைப்புக்கு

ஊதியம் வேண்டாம்.

 

மண் வேண்டாம்;

மக்கள் துணை வேண்டாம்.

 

பறவைகள் விலங்குகள் தின்று விடுமே என

பாதுகாப்பு கூட வேண்டாம்.

 

ஒரு ஓரத்தில் என்னை உட்கார விடுங்கள்.

உங்களுக்கு மட்டுமல்ல

 

 

இந்த உலகிற்கே நான் உதவியாக

இருப்பேன்.

 

 

அன்புடன்..

வில்லி அல்ல.. நான்

கள்ளி.

"நஞ்சு அல்ல அமுது "

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK