.: காதல் சின்னம்

காதல் சின்னம் – கள்ளி

அல்லிக்கு

அருகதை இருந்தும்

மல்லிக்கு

மனமிருந்தும்.. - காதல் என்றதும்

முள் சுமந்த ரோஜாவே

முன் நிற்கிறது..

தட்டினால் சில மணியில்

தன் இதழ் உதிர்த்து விடும் ரோஜா.

முள் சுமந்த கள்ளியும் பூக்கும்

முழுவதுமே நீடித்து இருக்கும்.

காதல் என்றால் நீடித்த உறவு வேண்டாமா

கள்ளி அல்லவா

காதலுக்கு உதரணமாக வேண்டும்.

எதிர்ப்புகளை கடந்து

எதிர்பார்ப்பை சுமந்து

உறவுகளை மறவாமல் நினைந்து - புதிய

வரவுகளை எண்ணியே மகிழ்ந்து

என வாழ்க்கை அமைவது போல..

கள்ளியிடம் அத்தனையும் இருப்பதால் இனி

கள்ளியே காதல் சின்னமாகட்டும்

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

.