கள்ளியை வளர்த்து எடுப்போம்

கள்ளியை வளர்த்து எடுப்போம்

 

 

மேனி அழகை காட்டுவது தான்

மேலை நாட்டினருக்கும் நாகரீகம்!

 

பசுமை மேனியை

பாரெல்லாம் காட்டும்

 

கள்ளி, காதலுக்கோ

கட்டழகு மேனிக்கோ உதாரணமாக சொல்வதில்லை.

 

சொல்லில் முள் வைத்து

சொன்னால் சொல்பவரை ஒதுக்கி வைப்பார்கள்.

 

முள் சுமந்த மேனியில்

முழுவதுமே பசுமை இருந்தும்

 

முள் இருப்பதால் கள்ளிக்கு இல்லை

முதல் வரிசை.

 

அமைப்பில் ஒரு முள் அல்ல

தொகுப்பில் ஐந்து முட்கள் கொண்டது கள்ளி

 

ஐந்தெழுத்து மந்திரம் போல

ஐம்புலன் அடக்கம் போல

 

ஐந்து சென்டிமீட்டர் இடைவெளியில்

ஐந்து முள் தொகுப்பு

 

கள்ளி மேனியில்

காட்சிகளாக இருக்கும்..

 

“நாகதாளி” இதன் பெயர் என

நாங்கள் அழைப்போம்

 

பல் கூர்மையாக,

பாம்புக்கு இருக்கும்

 

முள் கூர்மையாக,

முள் சுமந்த கள்ளிக்கும் இருக்கும்

 

பாம்பு

சிலருக்கு குல தெய்வம்

கள்ளி மனிதகுலத்திற்கே தெய்வம்.

 

செடி என்றால் ஊட்டச்சத்து என

பணம் செலவழித்து தருபவர்களே ..

 

கொஞ்சம் கேளுங்கள்!

 

கள்ளிக்கு உணவு எது தெரியுமா?

 

களி மண் உருண்டைகளும் கொஞ்சம்

கற்களும் தான் .!

 

 

வாரத்திற்கு ஒரு முறை, தான்

வளர தண்ணீர் ஊற்றினால் போதும்

 

உங்கள் வாழ் நாள் முழுவதும்

உங்களுடன் வாழும்

 

கள்ளியை வாழ வைப்போம்

கள்ளியை வளர்த்து எடுப்போம்