கள்ளிக்கு எத்தனை பள்ளி...!!

 கள்ளிக்கு எத்தனை பள்ளி...!!

 

‘குன்றிருக்கும் இடம் எல்லாம்

குமரன் இருக்குமிடம்’ என்பது தமிழ் கிழவியின் கூற்று.

 

ஆண்டு தோறும் கொங்கு மண்டலத்தில்

ஆறு மலை ஏறி குமரனை தரிசனம் செய்வது

 

பதினைந்து ஆண்டுகளாக எனக்கு

பழக்கம். அந்த வகையில் இந்தாண்டு..!!

 

ஒதிமலை தொடங்கி,

நாகமலை வரை

 

நாளுக்கு ஒரு மலை, என ஏறி

நம்மை வாழ்விக்க வந்த கந்தக்கடவுளை

 

கண்டு அகம் மகிழ்ந்தேன்.

கந்தனை காண சென்ற குன்றெல்லாம்.

 

கள்ளி மரத்தை கண்டு வந்தேன்.

கள்ளி படத்தை அண்மையில்

 

‘சபாபதியின் சாரல்’ என்ற

புத்தகத்திற்கு அணிந்துரை எழுதுகையில் பார்த்தேன்.

 

அந்த தாக்கமா

இந்த கள்ளி என சொல்வது போல, .

 

கண்ட மலை எல்லாம்

கள்ளியை தான் கண்டேன்.

 

இத்தனை ஆண்டுகள்

இந்த மலை ஏறி வந்த போதும்,

 

பல நூறு ஆண்டுகளாக இங்கேயே

பல தவம் இயற்றும் இந்த கள்ளி...

 

இந்த ஆண்டு பார்வையில் பட்டதே

இது தான் ஆச்சரியம் என

 

வடித்து விட்டேன்- தமிழ்

வரியாக வளமாக வந்த சிந்தனையில்.

 

பல்லுயிர் பாதுகாப்பில்

கள்ளிமட்டும் என்ன விதிவிலக்கா...

 

இவைகளையும் கருத்தில் கொள்ள வேண்டுமே என

இதை கோவை தோழர் சபாபதியிடம் சொல்லி வந்தேன்.

 

கள்ளியை  - நாமும்

கண்டு கொள்ளாமல் இருக்க முடியுமா?

 

இந்த கருத்தை மனதில் சுமந்து

இந்த கள்ளியை நெஞ்சில் சுமந்து..

 

நெஞ்சம் மகிழ

கொஞ்சம் இளைப்பாறுகிறேன்..

"நஞ்சு அல்ல அமுது "

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK