3. இனிமை தருமா முதுமை

  -3-

     இந்து சமூக முறைப்படி ஆசிரம தர்மங்கள் என்பதன்  படி நிலைகளை கொண்டது. பிரம்மசரியம், கிரகஸ்தம், வனபரஸ்தம், ஸந்யாஸம், மோக்ஷம் என அவைகளை சொல்லுவார்கள். ஒவ்வொரு படி நிலைகளும் ஒரு குறிப்பிட்ட வயதினை, வாழ்க்கையின் ஒரு காலத்தை உணர்த்துவதாக இருக்கும். ஒரு நிலையில் கிடைக்கும் அனுபவமோ, ஆசை  மற்றும் தேவைகளோ கிடைக்காமல் மற்ற படி நிலைகளை தாண்டிய போது கிடைக்கலாம், கிடைக்காமலும் போகலாம்,

     அப்படி நிலை மாறி கிடைக்கும் போது, கிடைத்ததை வேண்டாம் என்று ஒதுக்குவதும், அது போன்ற அனுபவங்கள் அல்லது தேவைகள் கிடக்காமலே இருக்கும் நிலையில் இருந்தால், அதை எப்படியாவது அடைந்து விட வேண்டும் என துடிப்பதும், முதிர்ச்சியின் வெளிப்பாடு இல்லை.

              

to get the book CLICK here

வயதுக்கு ஏற்ப, உணவில் மட்டும் அல்ல வார்த்தைகளிலும் கவனம் இருக்க வேண்டும். செயல்களில் மட்டும் அல்ல எண்ணங்களிலும் தெளிவு இருக்க வேண்டும். செய்யும் வேளைகளில் மட்டும் அல்ல, அதனால் கிடைக்கும் விளைவுகளில் பற்று இல்லாமல் இருக்க பழக வேண்டும்.  அந்த நிலையை தாண்டும் போது தான் ஸந்யாஸம் நிலைக்கும். அதை தொடர்ந்து மோக்ஷமும் கிடைக்கும்.

     இதில் எல்லாம் எங்களுக்கு நம்பிக்கை இல்லை. அது கிடைத்தால் என்ன கிடைக்காமல் போனால் என்ன, இப்போ கிடைத்திருக்கும் வசதிகள் சுகங்கள் என நாங்கள் வாழுவோம் என்று நினைத்தால், அது முதுமையில் வாழ்பவர்களுக்கு மட்டும் அல்ல, முதுமையில் உள்ளவர்களை பார்த்துக் கொள்ளும் இளையவர்களுக்கும் ஒரு வகையிலான வெறுப்பை ஏற்படுத்தி, அவர்களையும் வாழ விடாமல் செய்து விடும்.

     வானபிரஸ்தம் என்பது காட்டில் சென்று தவம் இருப்பது என்பது போல உங்களுக்கு தோன்றலாம்,  மரணத்திற்கு தயாராகி விட்டேன், மரணத்திற்காக காத்திருக்கும் காலம் தான் வானபிரஸ்தம் என்று நினைப்பது சரியல்ல. ஆனால், வெளிப்படையாக  சொல்ல வேண்டும் என்றால், காட்டில் வாழ்வதாக இருந்தால் எவ்வளவு வசதிகள் இருக்குமோ அது போன்ற வசதிகளுடன் வீட்டில் நகரத்தில் வாழ பழக தொடங்கினாலே அந்த எண்ணம் வந்து விடும். ஒரு வேலை வசதிகள் இருந்தாலும் அல்லது கிடைத்தாலும், அதை தவிர்க்க பழகுங்கள்.

     உதாரணமாக சொல்ல வேண்டும் என்றால், தொலைக்காட்சி பெட்டியும், கையில் ரிமோட் கூட உங்கள் கட்டுப்பாட்டில் இருக்கலாம், ஆனால் அதை தவிர்க்க பழக வேண்டும். வனத்தில்  வாழும் போது, உணவுக்கும் நீருக்கும் நீண்ட தூரம் நடக்க வேண்டும்.  ஆக, இது நடை பயிற்சியை கற்று கொடுக்கிறது. வீட்டில் நகரத்தில் வாழும் சூழலில், வீட்டில் முடங்கி கிடக்காமல் நீண்ட தூரம் நடக்க பழக வேண்டும். நடைப்பயிற்சி அவசியம். தேவையான உணவுகள் பழக்கமான சுவையில் கிடைக்காமல் இருக்கலாம்.  வீட்டில் குடும்ப சூழல் காரணமாக முதியவர்களுக்கு விருப்பமான உணவுகள் கிடைக்கவில்லை என்றால், அமைதியாக அதை அப்படியே ஏற்றுக் கொள்ள வேண்டுமே தவிர, மருமகள் கொடுமை, பிள்ளைகள் கொடுமை என குறை சொல்ல கூடாது.

     இப்படி எண்ணங்களையும் விருப்பங்களையும் குறைத்துக் கொண்டு வாழ பழகினால், நம்மை மற்றவர்கள் மதிப்பார்கள். போற்றுவார்கள், நமக்கு உதவி செய்யவும் முன் வருவார்கள். அப்போதும் அவைகளை மறுக்க கூடிய மன நிலையை வைத்துக் கொண்டு இருந்தால், அதுவே நம்மை அடுத்த நிலைக்கு அழைத்து  செல்லும்.

 

.... contd...

"இனிமை தருமா முதுமை ..! "

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK