4. இனிமை தருமா முதுமை

  

-4-

     சர்க்கரை வியாதி வந்து விட்டது என மருத்துவ குறிப்பு சொன்ன பிறகு தான் இனிப்பு சாப்பிட ஆசை கூடுதலாக வரும். இதை பார்க்காரதீர்கள் என்று சொன்னால் தான் பார்க்க வேண்டும் என்ற ஆர்வம் வரும். அது போல வயது ஆன பிறகு உங்களை மாற்றிக் கொள்ளுங்கள் என்று சொல்லும் போது தான் அது நமக்கு கசப்பாக தெரியும்.

to get the book CLICK here

     இத்தனை நாள் இப்படியே வாழ பழகி விட்டேன் இனி எப்படி மாற்றிக் கொள்வது என்ற எண்ணமாக  இருக்கலாம், அல்லது இப்போ நான் இப்படி மாறி விட்டால் குடும்பத்தில் உள்ள மற்றவர்கள் குறை அல்லது கேலி பேசுவார்கள் என வெட்கமாக இருக்கலாம், அல்லது இப்போ நான் நல்லா தானே இருக்கே நான் எதுக்கு என்னை மாற்றிக் கொள்ள  வேண்டும் என்ற என்னமாக இருக்கலாம். அல்லது, நோய் அல்லது பிரச்சனை அல்லது தேவை வரும் போது நான் மாற்றிக் கொள்கிறேனே இப்போவே எதற்கு என்பது போல சிந்தனையாக இருக்கலாம்.

     எதுவாக இருந்தாலும், முதுமைக்கு உங்களை நீங்கள் தயார் படுத்திக் கொள்ளவில்லை என்றால், முதுமை வயதானவர்களை மட்டும்அல்ல; அவர்களை பார்த்துக் கொள்ளும் இளையவர் களையும் இது பாதிக்கும் என்பதால் தான் முதுமைக்கு எல்லோரும் பயப்படுகிறார்கள் என்பதை புரிந்து கொள்ள வேண்டும்.

     வெளிர் முடி வெளியே வந்த பிறகும், சிலர், முதுமையிலும் எப்படி இருந்த நான் இப்போ இப்படி மாறி விட்டேன் என சொல்ல வெட்கப்பட்டுக் கொண்டு நான்  மாற மாட்டேன் என  தலைமுடிக்கு கருப்பு நிற சாயம் (die அடித்துக் கொள்வார்கள்) பூசிக் கொள்வார்கள்.  அது சில மணி நேரத்திற்கு கருமையும், இளமையும் காட்டும். ஆனால் அதனால் வரும் பிரச்சனையை முதியவர்கள் மட்டும் அல்ல அவர்களை கவனித்துக் கொள்பவர்களும் அனுபவிக்க வேண்டும்.

     இவ்வளவு நாள் சுவையாக சாப்பிட்டு விட்டேன் நான் எதற்கு கஞ்சி குடிக்க வேண்டும். என கஞ்சி குடிப்பது ஏழைகளாகி விட்டோமா என்ற மன பிராந்தியில் பலர் அதை தவிரப்பார்கள். இன்னும் சிலர் சுவை அச்சு குறையாமல், தேங்காய் தூவிய பொரியல்,கெட்டி தயிர், உப்பு கொஞ்சம் கூட குறையாமல், சர்க்கரை கொஞ்சம் தூக்கலாக என சுவையில் இம்மி அளவும் குறையாமல் சாப்பிட வேண்டும் என உறுதியாக இருப்பார்கள் இன்னும் சிலர் இப்படி தான் வேண்டும் என சமையல் செய்து தருபவர்களிடம்  முரண்டு பிடிப்பார்கள். விளைவு; பிரச்சனை களை  இவர்கள் மட்டும் வாங்குவதில்லை; இந்த வயதான முதியவர்களை பார்த்துக் கொள்ளும் இளையவர் களுக்கும் சுமையை தருகிறார்கள்.

               “உனக்கென்ன குறைச்சல், நீ ஒரு ராஜா, வந்தால் வரட்டும் முதுமை” என முதுமையை எதிர்கொள்ளவும், நம்முடைய வாழ்வியல் சூழ்நிலை மாற்றத்தை கொண்டு அடுத்தவர் கேலி பேசுவார்கள் என மனம் நொந்து போகாமல் இருக்கவும் நம்மை தயார் படுத்திக் கொள்ள வேண்டும்..

.... contd...