வெளிச்சத்திற்கு வாங்க...

 

“வெளிச்சத்திற்கு வாங்க...”

4

 

 

“இரயிலில் பயணம் செய்தது உண்டா...?”

 

“அட அது என்னங்க சாரே இப்படி கேட்டுட்டீங்க..”.

 

“சிக்கு புக்கு ரயிலே....”  என்று சிறு வயதில் விளையாடியதில் இருந்து இப்போ வரைக்கும் ரயில் பயணம் என்றால் ஒரு அலாதி இன்பம் தானே. சரி இந்த ரயில் பயணத்தை வைத்து தான் ஒரு செய்தி சொல்ல போறேன்.

 

இரயில் பெட்டியில் பயணம் செய்ய, ரயில் பெட்டி தேவை, அந்த பெட்டியை இழுத்து செல்ல ரயில் சக்கரம் தேவை, அந்த சக்கரம் சீராக உருண்டு செல்ல தண்டவாளம் தேவை, அந்த தண்டவாளம் இயல்பாக அமைய சமமான பூமி பாதை தேவை. இப்படி இருக்கும் போது தான் இரயில் பயணம் அமைய முடியும் இல்லையா...? அந்த ரயில் ஒரு இடத்தில் இருந்து இன்னொரு இடத்திற்கு அல்லது அடுத்த மாநிலத்திற்கு செல்ல முடியும் இல்லையா?

 

“ஆமாம்.. ஆமாம்...” என்று சொல்பவர்களே கொஞ்சம் சிந்தனையை உயர்த்தி பாருங்கள்..

 

சோதிடத்தில் ஒரு கிரகம் ஒரு ராசியில் இருந்து இன்னொரு ராசிக்கு செல்வது தான் கிரக பெயர்ச்சி..

 

இங்கே இருக்கிற ஒன்பது கிரகத்தில், ஒவ்வொரு கிரகத்தையும் 27 நட்சத்திரங்கள் தான் நகர்த்தி செல்லும்... அதனால் தான் நட்சத்திரத்தை பாதங்களாக பிரித்து சொல்லுவார்கள். ஒரு நட்சத்திரத்திற்கு நான்கு பாதங்கள் என்று பிரித்து வைத்து இருக்கிறார்கள் சோதிட அறிஞர்கள்.

 

ஒரு கிரகம் ஒவ்வொரு பாதமாக நகர்ந்து நான்கு பாதங்களை கடந்து அடுத்த நட்சத்திரத்திற்கு பயணமாகும். இது போல குறிப்பிட்ட நட்சத்திரங்களை கடந்து விட்டால், அது அடுத்த ராசிக்கு நகர்ந்து செல்லும். இந்த நகர்வை தான் கிரக பெயர்ச்சி என்று சொல்லுவார்கள்.

ரயில் பயணத்தில் இரவில் படுக்கும் போது தமிழ் பேசும் மாநிலமாக இருக்கும், தூங்கி விழித்தால் தெலுங்கு பேசும் மாநிலமாக இருக்கும். நம்மோடு பயணத்தில் இருந்தவர்கள் மாறி புதியவர்கள் நம்மோடு அடுத்த கொஞ்ச தூரம் பயணிப்பார்கள், ஒரு சில மணி நேரத்தில் நாம் புதிய மாற்றத்தை சந்திக்கும் படி இருக்கும் இல்லையா..?

 

இப்படி தான்.. ஒரு கிரக பெயர்ச்சி கிரக நிலைகள் மாறி நிற்கும் வாழ்க்கையில் மாற்றம் என புதிய அனுபவம் கிடைக்கும்.  இந்த கிரக பெயர்ச்சி பலன்கள் தான் நமக்கு என்ன செய்ய போகிறது என்ற ஆவலை ஏற்படுத்தி தரும்.

 

இந்த வகையில் இந்த ஆண்டு ஏப்ரல் மாதத்தில் வரும் இராகு கேது பெயர்ச்சி, அதை தொடர்ந்து வரும் குருபெயர்ச்சி என வரிசையாக வருகிறது.. அதற்கான ராசி பலனும் பால சோதிட இதழில் வருகிறது தொடர் வண்டி போல, தொடரினை விடாது படியுங்கள்.

 

சரி இந்த கிரக பெயர்ச்சி எனக்கு என்ன மாற்றம் செய்யும் என்ற ஆவல் எல்லோருக்கும் இருக்க தான் செய்யும். அதை தெரிந்து கொள்ள அடுத்த வாரம் வரை காத்திருங்களேன்.

 

உங்களை  “வெளிச்சத்துக்கு அழைத்து செல்வது” தான் இந்த தொடரின் நோக்கம்.” இறை வழிபாட்டில் உறுதியாக நம்பிக்கையுடன் இருங்கள். நல்லதே நடக்கும்

 (தொடரும்)