வெளிச்சத்திற்கு வாங்க 5

 

“வெளிச்சத்திற்கு வாங்க...”

5

 

 

“இரயில் பயணத்தில் சில ரயில் நிலையம் சீக்கிரம் வந்து விடும் சில பல மணி நேரம் கழித்து வரும்”

 

“சில ரயில் நிலையத்தில் வண்டி ரொம்ப நேரம் நிற்கும் சில ரயில்நிலையத்தில் சில மணி துளிகள் தான் நிற்கும்..”.

 

அதே போல எல்லா ரயில்களும் ஒரே மாதிரி தண்டவாளத்தில் ஓடினாலும், ஒரு சில ரயில் சூப்பர்  பாஸ்ட், சிலது பாஸ்ட், சில ரயில்கள் பாஸ்ட் பெசன்ஜெர் சில கூட்ஸ் வண்டி இப்படி இதன் வேகம் இருக்கும்.

 

இது போல தான் ஒன்பது கிரகங்கள் இருந்தாலும், சில கிரகங்கள் நாள் கணக்கில், மாத கணக்கில், வருட கணக்கில் என ஒரு ராச்யில் இருந்து இன்னொரு ராசிக்கு இடம் மாறும் இதை தான் கிரக பெயர்ச்சி என்று சொல்கிறோம்.

 

இந்த கிரக பெயர்ச்சியும். சில கிரகங்கள் சீக்கிரமே நடந்து விடும் சனி பெயர்ச்சி குரு பெயர்ச்சி போன்றவை ஒரு ஆண்டுகளுக்கு பிறகு தான் நடக்கும்.

 

இப்போ தாங்க ஐயா இந்த கிரக பெயர்ச்சி புரிந்து விட்டது. இது என்ன பலன் தர போகிறது என்பதும் ஓரளவுக்கு புரிகிறது.. ஆனால் பாருங்க..

 

ரயில் செல்லக்கூடிய அடுத்த ரயில் நிலையம் எது என்று ரயில் அட்டவணையில் அல்லது ஆண்ட்ராய்டு ஆப் மூலம் தெரிந்து கொள்ள முடியும். ஆனால் இந்த கிரக பெயர்ச்சி நமக்கு என்ன பலன் தரப்போகிறது என்பதை எப்படி தெரிந்து கொள்வது?

 

இதை சொல்வதற்கு தான் ஜாதகம் என்ற அட்டவணை நமக்கு இருக்கு. இதில் பாருங்க. சந்திரன் என்ற கிரகம் பிறந்த ஜாதகத்தில் எந்த  நட்சத்திரத்தில் இருக்கிறதோ அந்த நட்சத்திரம் எந்த ராசியில் வருகிறதோ அந்த கட்டத்தில் தான் சந்திரன் இருக்கும். அதை தான் நம்ம ராசி என்று சோதிடத்தில் சொல்லுவார்கள்.

 

நாமும் ராசிபலன் பார்ப்பதற்கும், கோவில்களில் அர்ச்சனை செய்யும் போதும், இந்த கோத்திரம், இந்த நட்சத்திரம் இந்த ராசி என்று சொல்லிக் கொள்வோம்.

 

இந்த ராசியை வைத்து தான் இந்த கிரக பெயர்ச்சி நமக்கு என்ன பலன் செய்ய போகிறது என்று பார்த்துக் கொள்வோம். ஆனால் பாருங்கள் இந்த அட்டவனையை சாதரனமாவர்களால் எல்லோருக்கும் படித்து தெரிந்து கொள்ள முடியாத நிலையில் இருப்பதால், இந்த அட்டவனையை படிக்க தெரிந்த, அதாங்க உங்கள் நம்பிக்கைக்குரிய சோதிடர் உங்களுக்கு படித்து உங்களை அடையாளம் காட்டி தருவார்.

 

அந்த அருமையான சேவையை தான் பால சோதிட இதழில் வாரம் தோறும் பலன் அடைந்தவர்கள் சொல்கிறார்கள்.  

 

ஏப்ரல் மாதம் தானே இராகு கேது பெயர்ச்சி வருகிறது என்று சோர்வாக இல்லாமல் இப்போதே நம்மை தயார் செய்து வைத்துக் கொண்டால் நாமும் வெளிச்சத்தை நோக்கி அடுத்த அடியை வைக்கலாம் தானே.

 

நம்பிக்கையுடன் இருங்கள். நல்லதே நடக்கும்

 (தொடரும்)