வெளிச்சத்திற்கு வாங்க 3

 

வெளிச்சத்திற்கு வாங்க 3

 

 

ஒரு நல்லவர் எப்போதும் நல்லவராக இருக்க மாட்டார். ஒரு கெட்டவர் எப்போதும் கெட்டவராக இருக்க மாட்டார் என்பதை நாம் அனுபவத்தில் பார்த்து இருப்போம்.

 

ஒருவருடைய கெட்ட தன்மையும், நல்ல தன்மையும், அவரவர்களின் செயல்பாடுகளில் இருக்கிறது என்பது உண்மை தான் என்றாலும், அவரவர்கள் இருக்கும் நிலையை பொறுத்து இது அமையும் என்பதில் உங்களுக்கு மாற்று கருத்து இருக்காது இல்லையா.

 

இவர் என்ன சொல்ல வருகிறார் என்பதை  யோசிக்கிறீர்கள். புரிகிறது. இப்போ பாருங்கள், பொதுவாக குரு கிரகம் இயற்கையில் சுபர் என்பது நம்மில் பலரும் அறிந்தது தான். ஆனால் மகர ராசி அன்பர்களுக்கு இவர் அசுபர் என்பதையும்  தெரிந்து கொள்ளுங்கள்..

 

குரு சுப கிரகம் தானே என்று பொதுவான கருத்தை அல்லது சிந்தனையை வைத்துக் கொண்டு அணுகினால் முடிவுகள் தவறாகவே போயிடும். ஜாதகத்தில் ஒரு கிரகம் சுபத் தன்மை பெறுகிறதா? அல்லது அசுபத் தன்மை பெறுகிறதா என்பதை அந்த ஜாதகத்தில் உள்ள கிரக அமைப்பை வைத்து ஒரு சோதிடரால் தெளிவாக சொல்ல முடியும், எனும் போது, சுய மருந்து ஆபத்தானது என்பது போல நீங்களே ஒரு முடிவுக்கு வந்து விடுவது ஆரோக்கியமானது இல்லை அல்லவா.

 

கதவை தட்டுங்கள் திறக்கப்படும் என்றால் பூட்டிய கதவை தட்டி விட்டு திறக்க வில்லை என்று வருத்தப்படுவதால் என்ன பயன் கிடைக்கும் என்று நினைக்கிறீர்கள்.

 

பிரச்சனைகளின் பாரம் சுமப்பவர்களே,  கொஞ்சம் இளைப்பாறுங்கள். பொதுவான இராசி பலன்கள் உங்களில் ஒரு சிலருக்கு மன ஆறுதல் தரலாம், ஆனால் அது அல்ல தீர்வு. உங்கள் பிரச்சனைகள் ஒருவருக்கு இருப்பது போல இன்னொருவருக்கு இருக்காது. ஒவ்வொருவருக்கும் உள்ள பிரச்சனை தனித்தன்மையானது. அதற்க்கான தீர்வும் தனித் தன்மையானது.

 

ஒரு நோய்க்கு ஒரு மருந்து இல்லை. ஒரு மருந்துக்கு ஒரு நோய் இல்லை என்பது போல, ஒருவருக்கு உள்ள பிரச்சனைக்கு உள்ள ஒரு தீர்வு நிச்சயமாக இன்னொருவருக்கு இருக்க முடியாது. அதனால்,

 

சோதிடர்களும் மருத்துவர்களை போல தான். உங்கள் தனிப்பட்ட பிரச்சனைகளை ஆய்வு செய்து அதற்கு தீர்வு சொல்லுவார்கள். இறையருள் நிறைந்தவர்கள் சொல்லும் ஆலோசனைகள் உங்கள் மனதிற்கு மருந்தாக மட்டுமல்ல. உங்கள் வாழ்க்கைக்கும் உத்வேகம் தருவது போல இருக்கும்.

 

உங்கள் பிரச்சனைகளை அறிந்த நீங்கள் உங்கள் நம்பிக்கைக்குரிய சோதிடரை அணுகி உங்கள் ஜாதகப்படி உள்ள பிரச்சனைகளையும் அதற்கான தீர்வுகளையும் தெரிந்து கொள்ளுங்கள்.

 

நம்பிக்கையோடு இருங்கள். உங்கள் நம்பிக்கைக்குரிய சோதிடர் உங்கள் வாழ்வில் ஒளியேற்றி உங்களை  “வெளிச்சத்துக்கு அழைத்து செல்வார்”

 

ஆண்டவன் வழிபாட்டில் அடியொட்டி இந்த தொடரை மனதில் பதித்து வையுங்கள். உங்களுக்கு தெளிவு கிடைக்கும் என உறுதியான நம்புகிறோம்.

நல்லதே நடக்கும் (தொடரும்)