வெளிச்சத்திற்கு வாங்க 7

 

“வெளிச்சத்திற்கு வாங்க...”

-   7 -

 

 

ஒரு பாவகத்துக்கு (லக்கினத்தில் இருந்து எண்ணி வருகிற கட்டம்) ஒரு காரகத்துவம் (portfolio) இல்லை என்பதை முதலில் புரிந்து கொள்ளுங்கள்.. ஒரு பாவகத்திற்கு பல காரகத்துவம் உண்டு. எது தொடர்பாக ஜாதக ஆய்வு செய்கிறோமோ அதை வைத்து அதனை பொருத்தி பார்த்து பலன் தெரிந்து கொள்ள வேண்டும். அவ்வளவு தான்.

 

கடந்த வாரம் இரண்டாம் பாவகம் பற்றி சிந்தித்தோம். அதில் வாக்கு பற்றி சிந்தனைகளை பகிர்ந்தோம்..வாக்குக்கு மட்டும் அந்த பாவகம் இல்லை என்பதை தெளிவாக புரிந்து கொள்ளுங்கள்..

 

“அப்படின்னா..!?”

 

இந்த இரண்டாம் பாவகம், பண வரவையும் சொல்லும் கையிருப்பு பணம் பற்றியும் சொல்லும், உடலுக்கு தேவையான கலோரி, உடல் பருமன், உணவு, வாழ்க்கை துணையின் மரணம் இப்படி நிறையா சொல்லிக் கொண்டே போகலாம்..

 

அதனால் தான் எந்த நிற கண்ணாடியில் நமது பார்வை பதிகிறதோ, அந்த நிறத்தில் தான் பொருட்கள் தெரியும், பச்சை நிற கண்ணாடி போட்டு பார்த்தால் பார்ப்பவை யாவும் பச்சையாக தெரியும், அதுவே மஞ்சள் நிற கண்ணாடி என்றால் மஞ்சளாக தெரியும்.

 

ஒருவரே வீட்டில் குடும்ப தலைவர், அலுவலகத்தில் மேலாளர், வங்கியில் வாடிக்கையாளர் வண்டி ஓட்டும் போது டிரைவர் என்று ஒருவரே பல நிலையில் இருப்பது போல என்பதை புரிந்து கொண்டால் இதை புரிந்து கொள்வது சுலபம்.

 

அப்படின்னா இந்த வாரம் என்ன சொல்ல போறீங்க என்று கேட்க வரும் உங்கள் ஆர்வம் புரிகிறது.

நெல்லை மாவட்ட வட்டாரத்தில் சேக்காளி (சேக்காளி-நண்பன்) சரியாக இருந்தால் எல்லாம் சரியாக தான் வரும் என்று சொல்லுவார்கள்.. “tell me your friend; I will tell about you” என்று ஆங்கிலத்தில் சொல்லுவார்கள்..

 

இந்த நண்பர்களை அடையாளம் காட்டி சொல்லுவது ஏழாம் பாவகம். இந்த ஏழாம் பாவகத்தை வாழ்க்கை துணை, கூட்டாளி, தொழில் முறை பங்காளி என பல நிலைக்கும் சொல்லுவார்கள்.. அதை இன்னொரு வாய்ப்பில் சிந்திக்கலாம்.

 

என்னங்க நண்பர்களை ஜாதகம் வைத்து சொல்ல போறீங்களா என்று யோசிக்கிறீர்கள். புரிகிறது. நம்மை வழி நடத்தி செல்வதில் முதல் இடம் நண்பருக்கு தான் உண்டு..

 

காதலன்-காதலி என்ற உறவுகள் கூட இப்படி தான். நண்பருக்காக எதை செய்ய வேண்டும். என்ற நிலையில் இருந்தாலும், நமக்கு நண்பர்கள் என்ன செய்வார்கள் என்ற ஏக்கமும் எதிர்பார்ப்பும் இல்லாமலா இருக்கும்?

 

சரி இதை எப்படி தெரிந்து கொள்வது?

 

இப்போ பாருங்க, சிலருக்கு, மாற்று மதத்தினர் பலரே நண்பர்களாக இருப்பார்கள் அவர்களால் ஆதாயமும் பெறுவார். ஒரு சிலருக்கு நண்பர்களால் விரயமும் நம்பி ஏமாறும் நிலையம் இருக்கும். இது அதுக்கும் உண்டு..

 

காதலையும், வாழ்க்கை துணையும், வியாபார துணையை யும் மட்டும் தெரிந்து கொண்டால் போதுமா? அப்போ இதை தெரிந்து கொள்ள வேண்டியது அவசியம் இல்லையா?

 

உங்கள் ஜாதகத்தில் பாருங்கள் குருவுக்கு பக்கத்தில் யார் இருக்கிறார்கள் என்று...

 

.அவ்வளவு தான் உங்கள் நண்பர்களை நீங்களே தெரிந்து கொள்ளலாம்.. சுலபமாக புரிந்து கொள்வதற்காக இப்படி சொல்கிறேன் சரியாக உள்ளதா சொல்லுங்கள்..

 

ஒரு இந்து மதத்தை சேர்ந்த ஒருவருக்கு, குருவுக்கு இரண்டாம் இடத்தில் ராகு இருந்தால், அவருக்கு கிருத்துவ மத நண்பர்கள் அதிகம் இருப்பார்கள், அதிகம் உதவுவார்கள்.

 

அப்போ ஜாதகர் கிருத்துவ மதத்தை சேர்ந்தவராக இருந்தால் என்று விதண்டா வாதமாக கேட்டாலும் சோதிடத்தில் பதில் சொல்ல முடியும் என்பதை புரிந்து கொள்ளுங்கள்..

 

அவர்களுக்கு கிருத்துவ நண்பர்கள் மட்டுமே இருப்பார்கள் அவர்கள் மற்ற மதத்தினரை நம்ப மாட்டார்கள் என்பதையும் தெரிந்து கொள்ளுங்கள்.

 

ஐயா, எனக்கு குருவுக்கு இரண்டாம் இடத்தில் யாருமே இல்லையே என்று யாரும் வருத்தம் கொள்ள தேவையில்லை. அது போன்ற அமைப்பு உள்ளவர்களுக்கு நண்பர்களால் ஆதாயம் இல்லை என்பதை புரிந்து கொள்ளுங்கள்..அவர்கள் self dependant ஆக இருப்பார்கள். அப்படி இருந்தால் அவர்களுக்கு நன்மையே விளையும்.

 

குருவுக்கு இரண்டாம் இடத்தில் மற்றும் பன்னிரெண்டாம் இடத்தில் உள்ள கிரகத்தை வைத்து ஜாதகருக்கு உதவுபவர், மற்றும் மற்றவர்களுக்கு உதவும் ஜாதகர் என்பதை வைத்து புரிந்து கொள்ளலாம்.

 

இதே போல ஒன்றுக்கு மேற்பட்ட கிரகம் இருந்தாலும், அதன் தன்மையை வைத்து அவர்களின் நண்பர்களையும், அதனால் வரும் இயல்பினையும் சொல்லிவிட முடியும்.

 

நண்பர்களின் உறவை மேலிட்டு காட்டும் பல திரைப்படங்கள் உங்கள் கண் முன் நிழல் ஆடுகிறதா...?

 

இது எளிமையாக புரிந்து கொள்வதற்காக தான் இதை சொன்னது. இதே போல லக்கினத்திற்கு ஏழாம் பாவகம் இதன் தன்மையை தெளிவாக காட்டிவிடும்.

 

லக்கினத்திற்கு ஏழாம் இடத்தில் சனி இருந்தால், அந்த ஜாதகருக்கு நண்பர்கள் தன்னை விட வயது கூடியவர்களாகவும், அனுபவம் நிறைந்தவர்களாகவும் நண்பர்களாக இருப்பார்கள்.

 

குரு இருந்தால், அறிவில் சிறந்த ஒழுக்க சீலர்கள் நண்பர்களாக இருப்பார்கள்..

 

இராகு இருந்தால், கொஞ்சம் “அது” சாப்பிடுவதில் அலாதி பிரியம் உள்ளவர்களாகவும், கூடவே செவ்வாயும் சேர்ந்து விட்டால், கொஞ்சம் கூடுதலாக சாப்பிடுபவர்களாகவும் இருப்பார்கள்.

 

வெளிப்படையாக புரிந்து கொள்ளுங்கள். நண்பர்களை நாம் தேடி பிடிப்பதில்லை. நட்பு என்ற உறவு தானே நம்மை வந்து அடைந்து விடும். தெரிந்தோ தெயரியாமலோ, நாமும் அதன் வழியே தான் செல்வோம்.

 

அதனால் தான் வேறு எதற்கும் இல்லாமல் அதிக பட்சமாக நட்பை பற்றி திருக்குறளில் மட்டும் 31 அதிகாரங்களில் 310 குறட்பாக்களை வடித்து தந்து இருக்கிறார் திருவள்ளுவர்.

 

இத்தனை சிறப்பான நட்பை பற்றி ஒளவை பாட்டி மட்டும் சொல்லாமல் இருப்பாரா என்ன? “நல்லாரைக் காண்பதுவும் நன்றே” என்ற மூதுரை பாட்டை அசை போட்டு பாருங்கள்.

 

காதல் இல்லாமல் வாழ்ந்து விட முடியும், கல்யாணம் இல்லாமல், குழந்தைகள் இல்லாமல் கூட வாழ்ந்து விட முடியும். ஆனால் நண்பர்கள் இல்லாமல் வாழவே முடியாது.

 

அதுவும் நம்மை நம்முடைய உணர்வுகளை புரிந்து கொண்டு நடக்கும் நண்பர்கள் கிடைத்து விட்டால் வேறு என்ன வேண்டும் என்று நினைக்கிறீர்கள்..

 

நல்லதே நடக்கும். நம்பிக்கையுடன் இருங்கள். (தொடரும்)