அதற்குள் இத்தனை மாற்றமா?!

 

 

எலுமிச்சம் பழத்தை கார் வீலில் வைத்து விட்டு

எடுத்து குடிக்கிறோம் ரசாயணம் கலந்த எலுமிச்சை பிளேவரை

 

மாறின விளை நிலங்கள் வீடுகளாக என்பதினால்

மசாலா பண்டங்களை படத்தில் பார்த்து ருசிக்கிறோம்

 

எத்தனை எத்தனை மாற்றங்கள்

அத்தனையும் வளர்ச்சியா? வீழ்ச்சியா? தெரியாது

 

மாற்றங்கள் சிலவற்றை

மாமர நிழலில் அமர்ந்து யோசித்தபடி.. சில

 

வீடு பெரிதாக இருக்கிறது

விரிவாயிருந்த குடும்பம் சிறிதாக போயிட்டது

 

வசதிகள் அதிகம் தான் ஆனால்

வாழும் காலம் குறைந்து விட்டது

 

நிறைய பட்டங்கள்… படிப்புகள்…. ஆனால்

பொது அறிவு அவ்வளவாக இல்லை

 

அறிவு அதிகம் தான் ஆனால்

அந்தளவிற்கு நேர்மை இல்லை

 

திறமைசாலிகள் அதிகம்

பிரச்சனைகளும் அதிகம்

 

நிறைய மருந்துகள் உண்டு

ஆரோக்கியம் மிகவும் குறைவு

 

வண்டியை வேகமாக ஓட்டுகிறோம்

கோபத்தை அதிகமாக கூட்டுகிறோம்

 

நீண்ட நேரம் கணினி முன்னால்

குறைந்த நேரம் புத்தகத்தின் முன்னால்

 

அதிக நேரம் தொலைகாட்சி முன்

அரிதான நேரம் பிரார்த்தனையில்

 

தேவைகளை அதிகபடுத்திக் கொண்டுளோம்

தேவையில்லாமல் மதிப்புகளை குறைந்து கொண்டுள்ளோம்

 

அதிகமாக பேசுகிறோம்

குறைவாக நேசிக்கின்றோம்

 

இருக்கிறோம் ஆனால்

வாழத் தெரியவில்லை

 

உயர்ந்த கட்டிடங்கள் ஆனால்

உணர்வுகள் குறைந்துள்ளது

 

அகலமான பாதைகள்

குறுகலான பார்வைகள்

 

அதிகமாக செலவு செய்கிறோம்

குறைவாக வைத்திருக்கின்றோம்

 

அதிகமாக வாங்குகிறோம்

குறைவாக மகிழ்கிறோம்

 

சந்திரனை நோக்கி செல்ல திட்டமிடுகிறோம்

சாலையை கடப்பவருக்கு உதவுகிறோமா?

 

வெளியிடங்களை வெற்றி கொண்டோம்

வெற்றிடமாக உள்ள உள்ளத்தில் கடவுளை கொண்டோமா

 

நிறைய எழுதுகிறோம்

குறைவாக கற்றுக் கொள்கிறோம்

 

கற்றுக் கொள்ள ஓடுகிறோம் துடிக்கிறோம்

காத்திருக்க மறுக்கிறோம்

 

வருவாய் அதிகமாக உள்ளது ஆனால்

நேர்மை குறைவாக உள்ளது

 

நிறையா வைத்திருக்கிறோம்

நிறைவாக வாழ்ந்திருக்கிறோமா

 

துரித உணவு தான் ஆனால்

தாமதமான சீரணம்

 

உயர்ந்த மனிதர்கள்

குறைந்த குணங்கள்

 

அதிக எண்ணிக்கை உணவுகள்

அதில் அநேகமாக குறைவான சத்துக்கள்

 

இரண்டு வருவாய்கள்

இரண்டு மனமுறிவுகள்

 

நாகரீக வீடுகள் ஆனால்

உடைந்த இல்லங்கள்

 

வாழ்வதற்காக மட்டுமல்ல வாழ்க்கை

வாழ்க்கை மகிழ்ச்சியுடன் கொண்டாடத்தான்

 

“என்றாவது ஒரு நாள்…”

என்ற வாசகத்தை நீக்கிவிடுங்கள்

 

இன்றே வாழத் தொடங்குங்கள்

இன்னொரு சந்தர்ப்பம் இனி வாராது