காலம் மாறி தான் போச்சா

 

 

ஜீன்ஸ் போட்டா பொன்னு

சுடிதார் போட்டா ஆண்ட்டி

 

சேலை கட்டினா பாட்டி என

சேர்த்து வைச்சு சொல்லும்படி

 

காலம் மாறி போச்சு இல்லை

கடமையும் மாறி போச்சு

 

மாறிய சிலவற்றை இவ்வாரம்

மாற்றி யோசிக்கிற மாதிரி சிந்திப்போம்

 

அம்மி மாறி போச்சு

அதற்கு பதில் மிச்சி வந்துடுச்சு

 

ஆட்டுரல் போச்சு

அங்கே கிரைண்டர் வந்துடுச்சு

 

திரிகை போச்சு

திருப்பி பாருங்கள் டிரை கிரைண்டர் வந்துடுச்சு

 

முன்னதெல்லாம் தமிழில் இருந்தது

பின்னதெல்லாம் ஆம் கிலத்தில் இருக்கு

 

சப்பாத்தியை தேய்க்க வேண்டாம்

மாவை அழுத்தினால் ரொட்டி வரும் (ரொட்டிமேக்கர்)

 

காஸ் அடுப்பே இல்லை

கலர் கலரா இன்டெக்ஷன் ஸ்டெவ்

 

ஒவ்வொரு நாளும் சமைக்கும் நிலை மாறி

ஒரே நாளில் சமைத்து பல நாள் சாப்பிட ஃப்ரிட்ஜ்

 

கந்தையானும் கசக்கி கட்டு என்ற நிலை மாறி

வாஷிங் மிஷின் சேர்த்து வைச்சு துவைப்பதால் தண்ணீர் மீதமாம்

 

பல் துலக்குவது போல் பாத்திரம் துலக்கியது போய்

பார்த்து மகிழ இப்போ டிஷ்வாஷர் வந்துடுச்சு..

 

ஒட்டடை குச்சி வீட்டின் ஓரத்தில் இருக்கும் இப்போ

வேக்யூம் கிளீனர் வேல்யூ அதிகமாயிடுச்சு

 

அண்டாவில் போட்ட வெந்நீர் இப்போ

அழகழகாக வாட்டர் ஹீட்டரா இருக்கு

 

கோவில்ல கூட மேளம் அடிச்ச காலம் மாறி

கோவில் சுவத்துல இப்போ மின்சார மேளம்

 

மின்வெட்டு நேரம் பார்த்து கோவில் பூசை நேரம் கூட

மிக விரைவில் மாறுபடலாம் என அஞ்ச படுகிறது

 

மந்திரம் சொல்வதற்கு கூட ஒலி பேழைகள்

மலர் சார்த்து வதற்கும் மிஷின் என மாற்றம் வரலாம்

 

சைக்கிள் டயரை குச்சியில் தட்டி ஓட்டினோம்

கையில் உள்ள கருவியில் காரையே ஓட்டுகிறோம்

(வீடியோ கேம்ஸ்)

 

ஆரஞ்சு மிட்டாய் புளிப்பு மிட்டாய் என

அதை முழுமையாக சப்பி சாப்பிட்டோம்

 

பபுல்கம்முன்னு இப்போ திண்ணு துப்புறோம்

பக்கத்தில் உள்ளவர் காலில் ஒட்டும்படியாக

 

நீரையும் மோரையும் இலவசமாக தந்தோம்

நீருக்கும் காசு போட்டு பாக்கெட்டில் கொட்டுறோம்

 

வீட்டு வெளியே பலருடன் உட்கார்ந்து பேசினோம் இப்போ

வீட்டுக்குள்ளே (டிவி)ஒருவர் பேச பலரும் கேட்கிறோம்

 

தொலைபேசி மணிஅடித்தால் வீட்டுக்குள்ளேபோய் பேசுவோம்

அலைபேசி மணிஅடித்தால் வீட்டுக்கு வெளியே வந்து பேசறோம்

(நெட்வொர்க் கிடைக்காததால்)

 

 

வேட்டிகள் எல்லாம் காணாமல் போயிடுச்சு

வேண்டியபடி பாக்கெட் வைச்ச டிரயார்கள் பெர்முடாசுகள்

 

இரவில் போடும் நைட்டி பெட்ரூமில் மட்டும் இருந்து

இப்போ மார்க்கெட் வரையில் இது என பழகிபோச்சு

 

சூடாக சமைத்து சாப்பிட்டு பழகிய நாம் ஓட்டலில்

ஆர்டர் கொடுத்து காத்திருந்து சாப்பிடும் படியாச்சு

 

நாம் இருவர் நமக்கிருவர் என்ற நிலைபோய்

நாம் இருவர் நமக்கு ஒரு வர் என்பதும் போய்

 

நாமே ஒருவர் இப்போ

நமக்கேன் இன்னொருவர் என்ற நிலையில் இருக்கோம்

 

கையெழுத்து மறந்து போச்சு

பாஸ்வேர்டு நினைவிலே வந்தாச்சு

 

மூன்று விரலில் பிடித்த பேனா போய்

முழுவதும் பத்து விரலும் இப்போ கீ போர்டில்..

 

கணிப்பொறி பயன்பாட்டினால்

கண் மருத்துவத்தில் கூட

 

வலக்கண் ஸ்பெஷலிஸ்ட்

இடக்கண் ஸ்பெஷலிஸ்ட்டுன்னு படிப்புகள்..

 

மனைக்கு ஒரு வீடு என்ற நிலை மாறி ஒரு

மனையில் ஒரு டஜன் வீடுகள் என்ற நிலை

 

பெற்றோரை மதிக்கும் காலம் மாறிப் போய்

பெற்றோரை வெறுக்கும் டீன் ஏஜ் பிள்ளைகள்

 

மாற்றம் ஒன்று தான்

மாறாதது என்று எத்தனை தெரிந்தாலும்

 

மாற்றங்களை வரவேற்றதால் வந்தது

ஏமாற்றமா இல்லை ஏற்றமா?

 

நம்மில் எத்தனை பேர் மாறிஉள்ளோம்

நம்மில் எத்தனை பேரை மாற்றி உள்ளோம்

 

சிந்திக்க சிலவில்

சிலவில்லாம சிந்திப்போம்

 

அது புரியும்

அதுவரை காத்திருப்போம்