பிள்ளைகள் படிக்கவில்லையா..?

 

பள்ளி பிளஸ்டு தேர்வு வந்தாச்சு

படித்தவர் முதலிடம் செய்தி படிச்சாச்சு

முதல் மதிப்பெண் 1200க்கு 11xx.எடுத்த

மாணவருக்கு சொல்லிக் கொடுத்த

ஆசிரியர் கூட நிச்சயமாக இப்படி

அசத்தலாக இத்தனை மதிப்பெண்

வாங்கி இருக்க மாட்டாரு பிறகு

வாங்கிய இந்த மதிப்பெண்கள் எப்படி..? யோசித்ததுண்டா?

தமிழில் "ண" , "ன" எப்போது போட வேண்டும் என

தப்பில்லாமல் சொல்லும் மாணவர்களை காட்டுங்கள்

மார்க்கு வாங்க கூடிய கேள்விகளை மட்டும் படித்து

மதிப்பெண் வாங்கி மற்றவர்களை மக்கு எனும் இவர்கள் கோழைகள்

இவர்கள் அறிவு பேப்பரில் பெற்று இருக்கும்

இவ்வளவு மதிப்பெண்னோடு சரி..

ஒரு சிலரை அடையாளம் காட்டி

ஓகோன்னு வந்தவர் இவரு என சொல்லாதீர்கள்...

GV பட்டய கணக்காளர் Chartered Accountant

சிறந்த திரைப்பட தயாரிப்பாளர்

நம்ம அஜித் பொறியாளர்

நல்லா தெரியும் “தல” ன்னு சொன்னாலே

விதிவிலக்கு எல்லாம்

விதி அல்ல என்று ஒரு விதி உண்டு

என்னுடைய எண்ணமெல்லாம்

எப்படியும் பாஸாகனும்னு

உழைத்து களைத்த

உத்தமர்களை பற்றியதே...

இவர்கள் இப்படி மதிப்பெண் பெற காரணமே

அவர்கள் அந்த மதிப்பெண் பெறாததனால் தான்..

கல்வி வேறு அறிவு வேறு நாம்

கல்விக்கு முக்கியத்துவம் கொடுக்கும் வரை

கட்டாயமாக நாட்டில் வறுமை நிலவும்

காசுக்காக மட்டுமே கல்வி விற்கப்படும்

விலை போட்டு வாங்கவா முடியும் என

விவரமான கவிஞர் கேட்டுவிட்டு போனார்  இப்போ

கல்வியை விலை கொடுத்து(த்தான்) வாங்கும்

கட்டாயத்தில் இன்றைய சமுதாயம்

இந்த கல்ஊரியில் இந்த படிப்புக்கு

இன்ன விலை என வெளியிலும் உள்ளேயும் பேரம்

நடக்காமல் இல்லை... அனுமதிக்காக மாணவர்கள்

நடந்து நடந்து சோர்ந்து போனதும் உண்டு

முதல் மதிப்பெண் வாங்கியவர்களை

முன்வரிசையில் நிறுத்தும்

ஊடகங்கள் முதலில் இதை நிறுத்த வேண்டும்

ஊர் முழுதும் படிக்காத மேதைகளை

அடையாளமிட்டு காட்ட வேண்டும் இனி இப்படி

அந்த ஊடகங்கள் செய்தால் தான் வளர்ச்சி தேடிவரும்

முழு வெற்றியை காண்பிக்க பல இடங்களில்

முழுமையாக படிக்காமலே பலருக்கு TC வழங்கப்படுகிறது

அறிவுள்ளவர்களை வெற்றியாளர்களாக்கும் இவர்களுக்கு

அறிவு என்பது எது என தெரியுமா தெரியவில்லை

எடிசன் பள்ளி படிப்பை முடிக்காதவர்

என்னவெல்லாம் கண்டுபிடித்துள்ளார் தெரியுமா

பில்கேட்ஸ்  பள்ளி படிப்பை முடிக்காதவர்

பார் புகழும் பணக்காரர் பட்டியலில் இவர் இன்று

ஆப்பிள் முதலாளி ஸ்டீவ் ஜாப்ஸ்

அவரும் பள்ளிப் படிப்பை முடிக்காதவர் தான்

அவர் இல்லை என்றால் இனி நம் கையோடு உறவாடும்

அந்த ஆறாவது விரல் இல்லாமல் போயிருக்கும்

சரியாக படிக்காதவர்... படிக்காத மேதைகளை

சட்டென அடையாளம் காட்டி

அவர்களை ஊக்கப்படுத்தவேண்டும்

அதை விட்டுவிட்டு வெற்றி பெற்றவரை பாராட்டி

வாழ்த்து சொல்வது முக்கியமல்ல சரியானதும் அல்ல

வாழ்த்த வாருங்கள் தோல்வி அடைந்தவரை

அல்லது பின் தங்கியவர்களை

அது தான் நாம் இவர்களுக்கு செய்ய வேண்டிய ஊக்க செயல்