லஞ்சம் வேண்டுமா?

 

லஞ்சம் தவிர்

நெஞ்சம் நிமிர்

 

இந்த வாசகம் எல்லா இடங்களிலும்

இப்போ பிரபலம். அது சரி

 

அரசு அலுவலகங்களில்

அன்று இருந்தது இன்றும் தொடருகிறது

 

ஆயிரங்களில் அன்று

ஆல் போல் வளர்ந்து லட்சங்கள் கோடிகளோடு இன்று

 

அடிப்படை வசதிகளை, நிர்வகிக்கும்

அரசாங்கம் செய்து தருவதில்லை.

 

ஆனால் சேவை மட்டும்

அல்ட்ரா மாட்ர்ன் அளவில் வேண்டும்

 

இந்த எதிர்பார்ப்பு உயர் அதிகாரிகள் மட்டுமல்ல

இந்த சேவையை பெறும் மக்களிடமும் உள்ளது

 

எப்படி அய்யா சாத்தியம்

எடுத்துச் சொல்ல ஒரு சில..

 

அரசு அலுவலகங்களில் உள்ள

அந்த பிரிண்ட்டர்கள் பழுதாகி உள்ளது

 

சரிபார்த்து தர ஆளில்லை..

சரியாக சொன்னால் சில அலுவலகங்களில்

 

கம்ப்யூட்டர் உள்ளது ஆனால் தேவையான

கான்பிரிக்கேஷன் இல்லை..

 

அதிகாரிகள் தங்கள் சொந்த லேப்புகளை

அவர்கள் வருமானத்தில் வாங்க முடியுமா

 

அதனால் தான் அரசாங்கமே மறைமுகமாக

அந்த பணிகளுக்கு மக்களிடமே பணம் பெற்று

 

மக்களுக்கு சேவை செய்ய ஊக்குவிக்கிறது

மனம் நிறைந்த சிலர் தங்கள் சொந்த குடும்பத்திற்கும்

 

எடுத்துச் செல்கிறார்கள்.. இப்போ சொல்லுங்க

எது லஞ்சம்..? எது லஞ்சம்..??

 

இரண்டு ருபாய்க்கு சாதி சான்றிதழ்

இப்போ இது சாத்தியமா?

 

அச்சடிக்க பேப்பர்களை அரசாங்கம் தருவதில்லை

அரசு ஊழியர்கள் மக்களிடம் பெற்றுத்தான்

 

மக்கள் சேவை செய்ய வேண்டியுள்ளது

மனிதாபிமானத்தோடு சொல்லுங்கள்..

 

பல துறைகளில் வேலைக்கு ஆள் இல்லை

பல அரசு அலுவலர்கள் தனி நபரை வேலைக்கு அமர்த்தி

 

அரசு வேலைகளை செய்கிறார்கள்

அவர்களுக்கு சம்பளம் மக்களிடம் வாங்கியே தரப்படுகிறது

 

லஞ்சம் எப்போது தொடங்கியது

லாபம் அல்லது பயன் பெற வேண்டும் என

 

ஒவ்வொருவரும் நினைக்கும் போது தான் முன்

ஒருமுறை சொன்னதை திரும்ப சொல்கிறோம்

 

தனக்காக வாழ்ந்தால் இந்த துயர் இல்லை மற்றவர்களை

தொந்திரவு செய்து வாழ்ந்தால் வரும் இது போன்ற தொல்லை

 

போகாத சொர்கத்திற்கும்

பார்க்காத கடவுளுக்கும் என

 

நமக்கு பயன் கிடைக்க வேண்டுமேன்று

நாம் ஏழைகளுக்கு தரும் தானம் லஞ்சம்

 

“யாரிடமும் எதையும் கேட்காமல் இருப்பதுதான் தானம்”; நம்மில்

யார் இதனை சரியாக அறிந்திருக்கின்றோம் சொல்லுங்கள்

 

கடவுளிடம் வைக்கும் பிரார்த்தனைகளுக்கும் நாம் சொல்லும்

காரணம் மற்றும் பரிகாரமும் லஞ்சமே

 

நான் வாழ வேண்டும் என்ற

நாகரீகமில்லாதவர்களின் செயல்களே லஞ்சம்

 

ரயில் பயணங்களில் RAC டிக்கெட் வைத்துக் கொண்டு

ரவுண்டடிக்கும் TTE யிடம் கெஞ்சுவதும் லஞ்சம்

 

வீட்டுப் பிள்ளைகளிடம் வேலை வாங்குவதும்

வேலை செய்து முடித்ததும் “அது” தருவதாக சொல்வதும் லஞ்சம்

 

முடியாது என மறுக்க முடியாமல் போலி வார்த்தைகளை

முழும் போல நீட்டிச் சொல்வதும் லஞ்சம்

 

மாத்திரைகள் இன்றி வாழ தெரியாதவர்களை

மறுக்காமல் சொல்லலாம் லஞ்சம் தருபவர்கள் என

 

ஆதம் ஈவ் காலத்தில் தொங்கிய

ஆப்பிளில் இருந்து தொடரும் லஞ்சம்

 

லஞ்சம் இல்லாமல் வாழ்க்கை இல்லை

பஞ்சம் எப்போதும் லஞ்சத்திற்கு இல்லை..

 

தொடரும் லஞ்சம்

தொடர்வோம் லஞ்சத்திற்கு “ஜே” போட்டபடி..

 

வங்கி ஒன்றில் துணிகர கொள்ளை

வகை படுத்தி சொல்லுவதற்காக

 

நடந்த செய்தியை அப்படியே

நடந்த படி பகிர்ந்து கொள்கிறோம்

 

உங்கள் கற்பனையை சொல்லி

உள்ள செய்திகளுக்கேற்ப மாற்றிக் கொள்ளவும்