கடன்.. எப்போது அடையும்..?

விவசாய கடன் சில

வருடங்களில் அடைந்து விடும்

 

வீட்டுக்கடன்

விரைவில் அடைந்து விடும்

 

இருபது அல்லது அதிகபட்சமாக

இருபத்தைந்தாண்டு ஆண்கள் தான் ஆனால்

 

குடும்ப கடன் எத்தனை

கும்பிடு போட்டாலும்

உயிர் போகும் வரை

உடனேயே வரும்..

 

பெரியது என குறிப்பிட  “மா” என்ற

பெயர் சொல் தமிழில் உள்ளது

 

‘மா’ம்பழம்

‘மா’நகர்

 

அம்’மா’ என்பது போல

‘மா’ப்பிள்ளை என்பதும்

 

பிள்ளையை மாப்பிள்ளையாக்குவதே

பிணையமாக சாகும் வரை உள்ள கடன் தான்

 

இன்றைய இளைஞர்களுக்கு

இப்படி ஒரு செய்தி சொல்கிறேன்

 

இளைஞர்கள் பலருக்கு திருமணம் கூடி வரவில்லை

இப்போ என்ன அவசரம் என்றவர்கள் கூட

 

வலைபோட்டு தேடுகின்றனர் தம் துணையை

வலைத்தளத்தில் கூட இல்லை..

 

பலருக்கு 2ல் மாந்தி

சிலருக்கு 12ல் சுக்கிரன் என

 

ஜாதகமும் சரி

ஜாதியும் சரி பழி வாங்குகிறது

 

எதிர்பார்ப்பு பெண்களிடம் அதிகமுள்ளது எதையும் “ஏன்”

என கேட்க கூடாது என்பது போன்ற கட்டளையும் உண்டு

 

சுமக்க முடியாமல் 60 கிலோ தாஜ்மஹாலை

சுமக்க விரும்பும் இளைஞர்கள் மாத்தியோசிக்க…(வேண்டியது அவசியம்)

 

வருமானத்தை அவர்களிடம்

அடமானம் வைக்க திருமணம் செய்து கொள்ளாதீர்கள்

 

வட்டிக்கு வாங்கி பிள்ளையை படிக்க வைக்க

படாத பாடு படாதீர்கள்…

 

பிரச்சனைகளை விலைக்கு வாங்கும்

பரிதாபமான செயல்களில் தள்ளி விடும் திருமண பந்தம்

 

உறவுகளுக்குள் தீராத

உபத்திரபங்களை ஏற்படுத்தும் இந்த பந்தம் வேண்டாம்

 

Use and through கலாச்சரத்தில் இனி

Use and through பட்டியலில் வாழ்க்கை துணையையும் சேர்த்துடுங்கள்

 

ஒன்றாக வாழ்தல் என்ற

ஒரு ஒழுக்க முறையில் இருந்து விட்டால்

 

குடும்பம் என்ற ஒன்று வேண்டாம்

கும்பிட வேண்டிய குடும்பம் என்ற கோவில்

 

சீர் கெட்டு வருவதால் இப்படி

சிந்திக்க வேண்டிய அவசியம் ஏற்படுகிறது

 

இப்படி ஒன்றாக வாழ்வதால்

இருக்கிறது பல சவுகரியம்

 

நீண்ட நாள் commitment இல்லை மகிழ்ச்சி

நிறைவடைந்து விட்டால் விலகலாம்..

 

பிள்ளை பெற்றுக் கொள்ள வேண்டியது இல்லை

பிணைய கைதிகளாக இருக்க வேண்டியதில்லை

 

சம்பாதிப்பதை நம்

சவுகரியத்திற்கு செலவு செய்து விட்டு

 

மகிழ்ச்சியாக இருக்கலாம்

மற்றவர்களையும் மகிழ வைக்கலாம்

 

வெரைட்டியான வாழ்க்கை

வித்தியாசமாக இருக்கும்..

 

நம்மை புரிந்து கொள்பவர் என்ற நிலை மாறி

நாம் புரிந்து கொள்பவர் என்ற நிலை வரும்

 

விவாகரத்து தேவையில்லை

வாதம் பேசும் குடும்ப நீதி மன்றம் தேவையில்லை

 

காசுக்காக சில வருடம் வாழும்

கெட்டவர்களை விட

 

காசு கொடுத்து சில வருடம்

கனிவோடு வாழலாம்..

 

பிள்ளை வேண்டும் என விரும்புவர்

பிள்ளையை தத்து எடுத்துக் கொள்ளலாம்

 

அவர்களே வளர்ப்பார்கள்

அவ்வப்போது பார்த்து வரலாம்

 

பராமரிப்பு செலவுகளை ஏற்கலாம்

பாவம் சேராது பண்பு வளரும்

 

இளைஞர்களே அதனால்

இனி திருமணம் செய்யாதீர்கள்

 

இந்த பந்தத்தில் அடிமையாகி

இனிமையான வாழ்க்கையை தொலைக்காதீர்கள்

 

இப்படி சில ஆலோசனை சொல்வதால்

இந்திய கலாச்சாரத்திற்கு கேடு என

 

அன்றைய இளைஞர்கள் என்னுடன்

அன்போடு சண்டையிட வரலாம் ஆனால்

 

உள்ளதை சிலசமயம் சொல்ல வேண்டிய நிலை

உள்ளதால் இப்படி சொல்கிறேன்..

 

இதையே சினிமாவாக எடுத்தால்

இளித்த முகத்துடன் கையை தட்டி ஆரவாரம் செய்வார்கள்

 

பத்திரிகை காரர்களும் மதிப்பெண் போட்டு

பாராட்டுவார்கள் பணம் கூட கொடுப்பார்கள்

 

பத்ம போன்ற விருதுகளை வாரி வழங்குவார்கள்

பட தயாரிப்பாளர்களுக்கும் இசையமைப்பாளர்களுக்கும்

 

அய்யர் சொன்னால் மட்டும் இப்படியா என

அண்ணாந்து பார்க்க வேண்டாம்

 

அது புரியும்

அதுவரை காத்திருப்போம் அதனால் இளைஞர்களே

 

காதலும் வேண்டாம்

கல்யாணமும் வேண்டாம் ஆனால்

 

வாழ்க்கை துணையுடன் (திருமண பந்தமின்றி)

வாழ பழகுங்கள் இளைஞர்களே…

 

விரும்பியபோது சேரவும்

விரும்பாத போது பிரியவும் (சட்டம் வேண்டாம்)

 

ஒன்றாக வாழ்தல் (living together) என்ற

ஒழுக்த்தை கை கொண்டால் அதற்கும் ஒரு

 

சட்டம் வந்து விடும்

சரியாக சொல்லவேண்டுமானால்

 

சேவை வரி கூட வந்து விடலாம்

சேமித்து வைத்துக் கொள்ளுங்கள் உங்கள் வருவாயை