விரிசல் இல்லா வாழ்க்கைக்கு வழிகாட்டி?

 

“என்னென்னு தெரியலை.. எனக்கு அவனை கண்டாலே பிடிக்கலை” என்று ஆரம்பிப்பவர்களை பற்றி சொல்லும் முன் அவுங்க சொல்ற காரணம் தான் நமக்கு வியப்பாக இருக்கும்.

“ஏம்மா காதல் பண்ணி தானே கட்டிகிட்டே... இப்போ இப்படி சொல்றீயே...” என காரணம் கேட்டால் அவர்கள் உணர்வுகளை புரிந்து கொள்ள முடியாத நிலையில் இருக்கும். தாமதமாக அவர்களால், புரிந்து கொண்டாலும், அதை ஏற்றுக்கொள்ள போலி கவுரவம் ‘எடுத்த முடிவை பின் வாங்குவதா’ என தடுக்கும்.

அடுத்து என்ன செய்ய போகிறோம் என தெரியாமல் முடிவு எடுக்கும் இன்றைய இளைய தலைமுறைகள் விவாகரத்து பற்றி பேசுவது வெட்கமாக மட்டும் இல்லை வேதனையாகவும் இருக்கிறது. விவாகரத்து என்பது இன்றைய நாளில் சட்டமும் எளிமையாக உள்ளது இவர்களுக்கு சாதகமாவும் போய்விடுகிறது.

ஊடலும் கூடலும் இணைந்து இருப்பது தான் தாம்பத்யம் அதை தான் பண்டை தமிழும் சொல்லும். ஆனால், இன்றைய நிலையில் பெண்களுக்கு சகிப்பு தன்மை இருப்பதில்லை. ஆண்களுக்கு பொறுமை இருப்பதில்லை. இதன் விளைவு குடும்ப நீதிமன்றம் தான். இந்த விவாகரத்து ‘சாதனையா..’ ‘வேதனையா..’ என்று வருந்துவது பெற்றோர்களும் உற்றோர்களும் தான். இன்றைய நாளில் மேட்ரிமோனிகள் அதிகமாக வந்து விட்டது. இப்போது செகண்ட் மேட்ரிமோனிகள் வர துவங்கிவிட்டன என்பது வளர்ச்சிக்கான செய்தியா இல்லை வருத்தமான செய்திகள் தான் என்ன செய்வது.

சரி விவாகரத்து ஏற்படுவதற்க்கான சோதிட குறிப்புகளை குறித்துக் கொள்ளுங்கள். பெண்கள் ஜாதகத்தில் 7ம், 8ம் ஆரோக்கியமாக இல்லை என்றால் விவாகரத்து ஏற்படும் சூழல் இருக்கும். லக்கினாதிபதியோ  7க்கு உடையவரோ மறைவிடத்தில் இருந்தாலும் விவாகரத்து சுலபமாக அமையலாம்.

12ல் ராகு இருந்தாலும் 7ல் உள்ள நீசரை சுபர் பார்த்தாலும் ராகு கேது அச்சில் குரு சுக்கிரன் பிரிந்து இருந்தாலும் விவாகரத்து அமைய வாய்ப்பு உண்டு.

இது போன்ற அமைப்பு உள்ளவர்கள் தொடர்ந்து சில பரிகாரங்களை செய்து வர வேண்டும். மற்ற அமைப்புகள் சாதகமாக இருந்தால் மணமுறிவுகளை தவிர்க்கலாம். இந்த மனமுறிவுகளை தவிர்க்க முடியாதவர்கள் இது போன்ற சிந்தனைக்கே வர மாட்டார்கள் என்பது தான் நிதர்சனம், அதை அவரவர்கள் தங்கள் அனுபவத்துடன் வைத்து சரி பார்த்துக் கொள்ளவும்.

சரி எனக்கு என்ன தீர்வு என விரும்பி கேட்பவர்களுக்காக இந்த வார பரிகாரம் சொல்லபடுகிறது. பொதுவாக அர்த்னாரிச்வரர் வழிபாடு செய்ய பரிந்துரை செய்வார்கள். இது மணமான பின்னர் செய்வது இன்றைய வழக்கமாக உள்ளது.

அடியேன் தேர்வு செய்து சொல்வது திருமண நிலையில் இருப்பவர்களும் அதற்க்கு முன் நிலையில் இருப்பவர்களும் மயிலாடுதுறை அருகில் உள்ள தென்னலக்குடி என்ற திருத்தலத்தில் அருள் பாலிக்கும் பக்தபீஷ்டப்ரதாயினி சமேத மனோக்கியனாதசுவாமியை தரிசனம் செய்ய வேண்டும். இந்த திருமேனிக்கு சுத்தமான ரசாயன கலப்பு இல்லாத நல்லெண்ணெயில் அபிஷேகம் செய்ய வேண்டும். (செக்கு எண்ணை பயன்படுத்திக் கொள்ளலாம்) இந்த திருமேனியில் எத்தனை எண்ணை தேய்த்தாலும் அது உறிஞ்சு கொள்ளும் அற்புதமான சிறப்பு பெற்றது இந்த திருத்தலம்.

இந்த அபிஷேக நல்லெண்ணெய் வாங்கி வில்வம் சார்த்தி அதனை குடித்து விடலாம். குமட்டலோ எரிச்சலோ வராது. அத்துடன் இங்கு பிரகாரத்தில் உள்ள பிலா மரத்தை கட்டி அனைத்து பிரார்த்தனை செய்ய வேண்டும். இப்போது மேடை கட்டி இருப்பதால் இதற்க்கு வாய்ப்பில்லை. அதனால் மனதால் நினைத்து மரத்தை கட்டுவது போல் பாவித்து விருட்ச ஸ்பரிசம் பெறுவதற்காக இம்மரத்து இலையை மடியில் கட்டிக் கொள்ளலாம்.

இதனை விவரமாக சொல்லி பெண் பிள்ளைகளை அழைத்து செல்வதாக இருந்தால் அவர்கள் வர மறுக்க வாய்ப்பு உண்டு. அதனால் திருக்கோயில் வழிபாடு என்று சொல்லியே அழைத்து செல்லுங்கள்.

இங்கு செல்ல வாய்ப்பில்லை என வருந்துபவர்கள் திருஞானசம்பந்தர் அருளிய

அயில் ஆரும் அம்பு அதனால் புரம்மூன்று எய்து

குயில் ஆரும் மென்மொழியாள் ஒருகூறுஆகி,

மயில் ஆரும் மல்கிய சோலை மணஞ்சேரிப்

பயில்வானைப் பற்றி நின்றார்க்கு இல்லை, பாவமே.

 

திருமணஞ்சேரி திருப்பதிகத்தினை முழுவதும் தினமும் காலை மாலை என இரு வேளையிலும் வாழ்நாள் முழுதும் படனம் செய்து வரவேண்டியது அவசியம். இது நல்ல பலனை பெற்று தரும்.

காரமான உணவு பொருட்கள் துரித உணவுகள் பெருங்காயம் சேர்த்த  உணவுகள்  அஜினோமோட்டோ உள்ள உணவுகள் முதலியவற்றை முழுவதும் தவிற்க வேண்டும். அசைவ பிரியர்கள் கோழி, முட்டை தொடர்பான உணவுகளை தவிர்க்க வேண்டும். முளை கட்டிய பச்சை பயிரை எடுத்துக் கொள்ளலாம்.

 

எனக்கு இந்த அமைப்பு இருக்கிறதா என்று நீங்களே கற்பனை செய்து கொண்டு அமைதி இழப்பதை தவிருங்கள். உங்கள் நம்பிக்கைக்குரிய சோதிடரை அணுகி உங்கள் ஜாதக நிலையையும் வரப்போகும் வாழ்க்கை துணை எப்படி இருப்பார்கள் என்று அறிந்து கொண்டு நலமுடன் வளம் பெற்று வாழ வாழ்த்துகிறோம். மணமானவராக இருந்தால் மாற்று வழிகளையும் சோதிட ஆலோசனையையும் பெற்று நலமுடன் வாழ இறைவன் திருமுன் வேண்டுகிறோம்.

நல்லது சொல்லி உள்ளது நல்லதே நடக்கும். நல்வாழ்த்துக்கள்.