வெளிநாடு செல்ல என்ன செய்ய வேண்டும்?

 

என்ன தான் வசதி வாய்ப்பு இருந்தாலும் ஒரு முறையாவது வெளிநாடு செல்ல வேண்டும் என விரும்புவது எல்லோருக்கும் உள்ள கனவு தான்.

இந்த கனவு எல்லோருக்கும் அமைகிறதா என்றால் பதில் இல்லை என்பது மட்டும் உறுதியாக உள்ளது. இதற்கு பண பிரச்சனை, குடும்ப சூழல், வாழும் முறை, பயம் இப்படி பல பிரச்சனை இருக்கலாம். இத்துடன் சாதகமாக இல்லாத ஜாதக அமைப்பும் இருக்கலாம்.

ஐந்து சந்தர்ப்பங்களை ஒட்டி தான் வெளி நாட்டு பயணம் அமைகிறது.. பொதுவாக வேலை அல்லது தொழில் நிமித்தம் செல்வார்கள், மாணவர்கள் படிப்புக்காக செல்வார்கள், மருத்துவ சிகிச்சைக்காக செல்வார்கள் மற்ற சிலர் சுற்றுலா பயணமாக செல்வார்கள். வேறு சிலர் வெளி நாட்டில் இருக்கும் உறவுகளை சந்திக்க செல்லுவார்கள்.

ஜாதகத்தில் உள்ள கிரக அமைப்புகளை கொண்டு இவர்கள் இந்த காரணத்திற்க்காக தான் வெளிநாடு செல்வார்கள் என சொல்ல முடியும் என்றாலும் வெளி நாடு செல்ல திட்டம் இருந்தும் அதற்கான முயற்சி இருந்தும் TOFEL certification இருந்தும், இந்த வாய்ப்பு கிடைக்காமல் போகிறதே.. அந்த தடையை நீக்க என்ன செய்ய வேண்டும் என்பது தான் இந்த வார பரிகாரம் சொல்ல வரும் செய்தி.

ஒன்பது மற்றும் பன்னிரண்டு ஆகிய ராசிகள் ஜல ராசிகளோ வாயு ராசிகளோ இருக்க வேண்டும் என பொதுவாக சொல்லுவார்கள். குறுகிய பயணத்தை 3-ம் இடத்தை கொண்டும் நீண்டபயணத்தை 9-ம் இடத்தை கொண்டும் சொல்லலாம். ஒருவர் வெளிநாடு செல்கிறார் என்றால் 9-ம் வீட்டின் தொடர்பு இன்றி அவர் வெளிநாடு செல்ல முடியாது.

அதாவது 9-ம் வீட்டின் அதிபதி அல்லது 9-ம் வீட்டிலுள்ள கிரகங்களின் தசா, புக்திகளில்தான் ஒருவர் வெளிநாடு செல்ல முடியும். 3, 9, 12-ம் வீட்டைக் குறிக்கின்ற கிரகங்களின் தசாபுக்திகாலங்களில்தான் ஒருவர் வெளி நாடு செல்ல முடியும்.

9-ம் வீட்டதிபதி 2-ம் வீட்டில் இருந்தால் அயல் நாட்டுத் தொடர்பு மூலம் பணவரவு இருக்கும். 6-ம் வீட்டில் இருந்தால் வெளிநாட்டில் வேலைவாய்ப்பிற்கு யோகமுண்டு. 9-12 களில் சர்ப்ப கிரக தொடர்பு ஏற்பட்டாலும் வெளி நாடு செல்லும் வாய்ப்பு உண்டு.

எத்தனையோ முயற்சிகள் இருந்தும் வெளிநாட்டு வாய்ப்புகள் தட்டிக்கொண்டு போகிறது என்ன செய்ய என வருந்துபவர்கள், ஒவ்வொரு செவ்வாய் கிழமையும் வாயு புத்திர அனுமானை வெண்ணை சார்த்தி வாய்ப்பு கிடைப்பவர்கள் சாலிசா படனம் செய்துவர தடைகள் நீங்கி பலன் கிடைக்கும்.

மயூர வாகனத்துடன் அருள்பாலிக்கும் முருக பெருமானை வழிபாடு செய்யவேண்டும். ஒவ்வொரு கிருத்திகைக்கு முன் வரும் பரணி அன்று அபிஷேகம் செய்து கிருத்திகை விரதம் இருந்து வந்தால் வெளிநாடு வாய்ப்புகள் விரைவில் கூடி வரும். வெளிநாட்டு பயணம் செல்ல முயல்பவர்கள் பரணி அபிஷேகம் பார்க்காமல் கிருத்திகை விரதம் இருப்பது சிறப்பு அல்ல.

“இப்படி வழிபாடு செய்வது பற்றி குறையாக சொல்லவில்லை; ஆனால் எனக்கு இப்படி வழிபாட்டில் ஈடுபாடு வரவில்லை” என சில இளைஞர்கள் சொல்கிறார்கள். அப்படி சொல்லுபவர்கள் அல்லது நினைப்பவர்கள்  மிகவும் சுலபமான பதிக படனம் செய்யலாம் அல்லது இந்த திருப்பதிகத்தை ஆடியோவில் செல்போனில் பதிவு செய்து கேட்கலாம்.

வெளி நாட்டில் வேலை தேடும் முயற்சியில் இருப்பவர்கள் திருஞானசம்பந்தர் அருளிய

மட்டிட்ட புன்னையம் கானல் மடமயிலை  

கட்டிட்டம் கொண்டான் கபாலீச் சரம்அமர்ந்தான் 

ஒட்டிட்ட பண்பின் உருத்திர பல்கணத்தார்க்கு

அட்டிட்டல் காணாதே போதியோ பூம்பாவாய்.    

 

என்ற திருமயிலை திருபதிகத்தை படனம் செய்யுங்கள். எந்த காரணத்திற்க்காக வெளிநாடு செல்ல கருதுகிறீர்களோ அதற்க்கான வழிபாட்டு முறை பதிக படனம் என தனியாக உள்ளது. அதனால் அதனை உங்கள் நம்பிக்கைக்குரிய சோதிடரை அணுகி ஜாதகத்தை ஆய்வு செய்து விரும்பியதை பெற்று மகிழ்ச்சியுடன் வளமுடன் வாழ இறைவன் திருமுன் வேண்டுகிறோம்.

நல்லது சொல்லி உள்ளது நல்லதே நடக்கும். நல்வாழ்த்துக்கள்.