முதுமையே வா - முதுமையில் பணம்

நிதி மேலாண்மையை பார்த்துக் கொள்ளுங்கள்.

     உங்கள் நம்பிக்கைக்குறிய முதலீட்டு ஆலோசகர் சொல்வது போல பணத்தை சேமிப்பாக பாதுகாப்பாக வைத்துக் கொள்ளுங்கள். Mutual fund தேர்வு செய்தால் அதிலேயே, liquid fund, debt fund, balanced fund என பல வாய்ப்பு கள் இருக்கிறது. உங்களர் மன நிலைக்கு ஏற்ப தேவை யானதை தேர்வு செய்து கொள்ளுங்கள்.    

Medical insurance வைத்து இருப்பவர்கள் தொடர்ந்து premium கட்டுங்கள். இதுவரை நான் claim செய்யவே இல்லை எதற்கு தண்ட செலவு என்ற மன போக்கை தவிர்த்து, தொடர்ந்து premium கட்டுங்கள். சரியான நிதி திட்டமிடல் இருந்தால் உங்கள் சேமிப்பில் இருந்து செலவு செய்யாமல், வட்டி அல்லது dividend பணத்தில் இருந்து premium செலுத்தலாம்.

     இன்சூரன்ஸ் வாரிசுதாரர்கள் போன்ற விவரங்களை உரியவர்களுக்கு சொல்லி வையுங்கள். எது சிறந்த முதலீடு எப்படி வருமான வரி சேமிப்பு செய்வது என இங்கே சொல் வது ஆரோக்கியமாக இருக்காது. அவரவர் வாழ்க்கை சூழல் அவரவர்களின் முதலீடு என இது மாறுபடும் அத்துடன் வரி விதிப்பு முறைகள் ஆண்டுக்கு ஆண்டு மாறுபடும்.      அதனால் அதனை பொதுவாக சொல்வது சரியாக இருக்காது. மொத்தத்தில் உங்கள் சேமிப்பு பணம் பாதுகாப்பாக இருக்க வேண்டும் உங்களுக்கு கிடைக்கும் வட்டியோ ஆதாயமோ, அதை பண வீக்கம் சாப்பிட்டு விடாத படி பார்த்துக் கொண்டாலே மன நிம்மதி கிடைக்கும். என்பதை புரிந்து கொள்ளுங்கள்.

     உயிலாக எழுதி  வைக்க வேண்டும் என நினைப்பவர் கள் அதனை முறையாக ஆவண படுத்தி பதிவு செய்து வைத்துக் கொள்ளுங்கள்.

     இந்த உயிலில் வாழும் உயில் இறந்த பிறகு பயனாகும் உயில் என இரண்டு உள்ளது உங்கள் சட்ட ஆலோசகரை அணுகி உரிய விவரம் பெற்று தெரிந்து கொள்ளுங்கள்.  

     மறைந்த பிறகு உள்ள உயில் என்பது probate செய்யப்பட்டு யாருக்கு எழுதி வைக்கப்பட்டு உள்ளதோ, அவர்களுக்கு சேரவும் அவர்கள் பயன்படுத்திக் கொள்ளவும் இது பயன்படும். இதுவும் ஒவ்வொருவருக்கும் அவரவர் குடும்ப சூழல், தேவை, சொத்து விவரம் என பல காரணிகளை கொண்டு மாறுபடும் என்பதால் உங்கள் நம்பிக்கைக்குரிய சட்ட ஆலோசகரிடம் கலந்து பேசி ஆலோசனை பெறுங்கள். அவர்  உங்களுக்கு உதவலாம்.      வருமான வரி செலுத்துபவர் என்றால், வாரிசுகள் மறைந்தவருக்காக, தங்கள் பெயரில் return தாக்கல் செய்ய வேண்டும். இறப்பு சான்றிதழ் வாங்குவது, வாரிசு சான்றிதழ் வாங்குவது போன்ற சட்ட சிக்கல் எதுவும் இல்லாமல் இருக்க வாரிசுதாரர்கள் தயார்படுத்திக் கொள்ள வேண்டும்.

"முதுமையே வா "

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK

முதுமையே வா - இறந்த பிறகு வாழ வேண்டுமா?

 

Organ Donation & Body Donation:

     உறுதியாக நம்புங்கள் வாழ்க்கை ஒரு முறை தான். அதை வாழந்தாக வேண்டும். இந்த உலகத்தில் பிறந்து விட்டால் நிச்சயம் ஒரு நாள் மரணம்  அடைந்தே ஆக வேண்டும் மரணம் என்பது உறுதியானது. ஆனாலும் மரணத்திற்கு பிறகும் வாழ முடியும் என்பதை புரிந்து கொள்ளுங்கள்.

     ஆம். அதற்கு உறுப்பு தானம் (organ donation) செய்யுங்கள். உறுப்புகளை இறந்த பிறகு தானமாக தரலாம். இருக்கும் போது தானமாக தர வேண்டும் என்ற கட்டாயம் இல்லை. இந்த உறுப்பு தானம் செய்வதற்கு உயிருடன் இருக்கும் போதே முன்னதாக பதிவு செய்து கொள்ள வேண்டும். இதற்கு என்று சட்டங்கள் அரசு சார்ந்த தனி அமைப்புகள்  என உள்ளது.

     எந்த உறுப்பை தானமாக தரலாம்? ஈரல்(Liver), சிறுநீரகம்(kidney), நுரையீரல்(lungs), கணையம்(pancreas), குடல்(intestine)  இது தவிர கண், திசுக்கள்(tissue), plasma  என உறுப்பு தானம் செய்ய உறுதி மொழி எடுத்துக் கொள்ளுங்கள். இத்தனையும் செய்ய முடியுமா என யோசிக்க தேவை யில்லை. மண்ணுக்கோ , தீக்கோ இரையாக போகிற இந்த உடல் இன்னொரு உயிர பிழைக்க பயன்படட்டும் என்று யோசித்து பாருங்கள்.  

     TRANSTAN (https://notto.abdm.gov.in/register) மற்றும் Ministry of Health and Family Welfare என்ற துறையின் கீழ் உள்ள NOTTO (National Organ and Tissue Transplant Organisation) இவைகளில் Form 7ல்  பதிவு செய்து கொள்ளுங்கள். 1994 இன் மனித உறுப்புகள் மாற்றுச் சட்டத்தில் (THOA) உள்ள பிரிவுகளின் படி மனித உறுப்புகளை அகற்ற மற்றவர்களுக்கு பொறுத்த என சட்ட வடிவுமுறை உள்ளது. இது சட்டப்படி செல்லும் என்பதை புரிந்து கொள்ளுங்கள். அதற்கு முறையாக உள்ள படிவத்தில் பதிவு செய்து கொள்ளுங்கள்.  

     “Sentiment ஆக சிலர் உறுப்பு தானம் செய்யலாமா?” என்று யோசிப்பார்கள். பெரியபுரானத்திலே கண்ணப்பர் வரலாற்றை கொஞ்சம் புரட்டி பாருங்கள். முதன் முதலில் eye transplant  நடந்த கண் தானம் நிகழ்வு அது.

     கண்ணப்ப நாயனார் சைவ சமயத்தில் ஒரு போற்றப் படும் நாயனார். சிவபெருமானின் லிங்க திருமேனியில் இருந்து ரத்தம் வருவதை கண்ட திண்ணன் என்ற கண்ணப்ப நாயனார் ஊணுக்கு ஊண்  என தன் கண்ணை அரிந்து லிங்க திருமேனிக்கு அப்பி  தன் பக்தியை காட்டி வரலாற்றில் இடம் பிடித்தார். அவரது தியாக செயல் பக்தி மற்றும் தன்னலமற்ற தன்மையின் மிக உயர்ந்த வடிவத்தை குறிக்கிறது.

     ஒரு விதத்தில், இந்தச் செயலை கண் மாற்று அறுவை சிகிச்சையின் ஆரம்ப உதாரணமாகக் காணலாம்,

ஒழுக்க என்  கண்ணுக்கு ஒரு மருந்து உரையாய் ஒற்றி ஊர் என்னும் ஊர் உரைவாவே 

என சுந்தர மூர்த்தி ஸ்வாமிகள் கண்ணுக்கு மருந்து eyedrops  தான் என்பதை ஒழுக்கு மருந்து என்று குறிப்பிட்டு இருப்பது நமக்கு வியப்பை தரலாம்.

     அதனால் கண் தானம், உறுப்பு தானம் செய்வது அதுவும் இறந்த பிறகு தான் என்பதால் பயம் இல்லாமல் தானம் செய்யுங்கள். இறந்த பிறகும் வாழும் அரிய வாய்ப்பில் உங்களை இணைத்துக் கொள்ளுங்கள்.

     இறந்த பிறகு கிரியைகள் செய்ய யாரும் இல்லை என்ற நிலையில் இருப்பவர்கள் last rites  போன்ற நிறுவனங்களில் இப்போதே, உயிருடன் இருக்கும் போதே, பதிவு செய்து கொள்ளுங்கள். எந்த மதம், ஜாதி என்று சொல்கிறோமோ அதே வழிமுறையில் அவர்கள் கிரியைகள் செய்து விடுவார்கள்.

     இந்தியா முழுவதும் இது போல பல நிறுவங்கள் இருக்கிறது. உங்களுக்கு அருகில் உள்ள நிறுவங்களுடன் பேசி, அவர்கள் செயல்பாடுகளை கண்காணித்து பொருளாதார வசதிக்கு ஏற்ப நீங்கள் தேர்வு செய்து கொள்ளலாம்.

     யாருக்காவும் காத்திருக்க தேவையில்லை. கட்டணத்தை நாம் இருக்கும் போதே செலுத்தி விட்டால்  போதும். அதற்க்கு என வருந்த வேண்டிய அவசியம் கூட இல்லை. “நமக்கு பிறகு....” என்று யோசிக்க வேண்டிய அவசியம் இல்லாமல் எல்லாம் சுகமாக நடந்து விடும். தேவை கொஞ்சம் திட்டமிடல், நம்மை தயார் படுத்திக் கொள்ளல் அவ்வளவு தான்.

     எப்பவோ இறந்து போவதற்கு இப்போதே செலவு செய்ய வேண்டுமா? இது என்ன..? இருக்கும் போதே சமாதி கட்டிக் கொள்வது போல் அல்லவா இருக்கிறதே என்ற யோசனை யில் இருந்தால், இறந்த  பிறகு உடலை(cadavers) தானம் செய்து விடலாம். உங்கள் பகுதியில் உள்ள மருத்துவ கல்லூரி மருத்துவமனையில் உயிருடன் இருக்கும் போதே பதிவு செய்து கொள்ளுங்கள். (https://www.organindia.org/body-donation/) உடல் கூறுகளை மருத்துவ கல்லூரி மாணவர்கள் படிப்பதற்கு இது பயன் உள்ளதாக இருக்கும்.

     உறுப்பு தானம் செய்ய உறுதி மொழியை ஆன்லைன் வழியாக ஒரு கிளிக் செய்து பதிவு செய்து விடலாம். ஆனால் உடலை தானம் செய்ய சில வழி முறைகள் உண்டு. முறையான படிவத்தில் ஒப்புதல் தருதல், குடும்பத்தில் உள்ளவர்களின் ஒப்புதல் வாக்குமூலம் இப்படி சில முறைகள் உண்டு. இது சட்டரீதியா செய்யக் கூடியது என்பதால் இது போன்ற வழிமுறைகளை நாம் பின்பற்ற வேண்டும். யாருமே இல்லாதவர்கள் கூட NGOக்கள்  மூலமாக உடல் தானம் செய்ய முடியும் என்பதை தெரிந்து கொள்ளுங்கள்.

     ஆக இருக்கும் போதும் மகிழச்சியுடன் வாழலாம். இறந்த பிறகும் பிறருக்காக வாழலாம். அதனால் முதுமை யை இரு கரம் நீட்டி வரவேற்று மகிழுங்கள். உடல் தானம் மற்றும் உறுப்பு தானம் இவைகளில் இப்போதே பதிவு செய்து கொள்ளுங்கள். பேரின்பம் பெறுங்கள்.

     இந்தியாவில் சில மாநிலங்களில் உறுப்பு தானம் செய்பவர்களுக்கு அரசு மரியாதையுடன் இறுதி அஞ்சலி செய்யப்படும். அந்தந்த மாநிலத்தில் உள்ள விதிமுறைகளை தெரிந்து கொண்டு அதன்படி செயல்படுத்திக் கொள்ளுங்கள். இப்படி ஒரு கௌரவம் கிடைக்கிறது என்றால் அது பற்றி நாம் சிந்திக்காமல் இருக்கலாமா? முதியவர்கள் தங்கள் வாழ்க்கையை அர்த்தம் உள்ளதாக மாற்றிக் கொள்ள இதை விட இன்னொரு வாய்ப்பு என்ன இருக்கிறது. முதுமை சுமை அல்ல சுகமே.. 

 

"முதுமையே வா "

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK

முதுமையே வா - முதுமை ஒரு வரம்

 

முதுமை ஒரு வரம்.

     பனை மரங்கள் பொதுவாக பயிரிடப்படுவது இல்லை. இயற்கையிலேயே தானாக வளர்ந்து பெருகுகிறது. சுமார் 150 அடி உயரம் வரை வளரும் இந்த பனை மரங்கள், மனிதனின் ஆயுட்காலம் போலவே 120 ஆண்டுகள் நிலைத்து நிற்கும்.

     சொல் வழக்கில் பனை மரம் என்று சொன்னாலும் இது ஒரு புல் வகையை சேர்ந்தது என்று அறிவியலார்கள் சொல்லுவார்கள். பலவகையான பலன்களை தர கூடிய  இந்த பனை தமிழ் நாட்டில் அழிந்து வரும் தாவரங்கள் வரிசையில் இருப்பது நம்மில் எத்தனை பேருக்கு தெரியும்.

     பனை மரம் வளர்ந்து பயன் தர நீண்ட காலம் ஆகும் சுமார் 15 வருடங்களுக்கு பிறகு தான் பலன் தரும். அதனால் தான் என்னவோ இதனை வளர்த்து எடுப்பவர்கள் குறைவு என்று உங்களுக்கு எண்ண  தோன்றலாம். “தென்னையை பெற்றால் இளநீரு ..  பிள்ளையை பெற்றால் கண்ணீரு” என சொல்பவர்கள் கூட பனையை பற்றி எதுவும் சொல்வதில்லை.

     இந்த பனை மரத்தை பாருங்கள். இத்துடன் முதுமையை ஒப்பீடு செய்யுங்கள். உங்களுக்கு சொல்ல வருவது புரியும்.

     குழந்தைகளுக்கு கல்வி கற்பிப்பது உடனே பயன் தருவதற்காவா இல்லை. 20 முதல் 25 வருடங்களுக்கு பிறகு தான் பயன் தரும். பனையும் அது போல தான். முதுமையை எதிர்கொள்ள நல் ஒழுக்க பயிற்சி ஒரு வயது முதல் தொடங்கப்பட வேண்டும்.

     பனை மரம் ஒரே இரவில் வளர்வதில்லை; அதற்கு ஆரம்பத்திலிருந்தே வளர்ப்பு தேவைப்படுகிறது, அதுபோலவே நாம் நமது இளைஞர்களிலிருந்தே எதிர்காலத்திற்கான தயாரிப்புகளைத் தொடங்க வேண்டும்

     பனைமரம் உயரமாக வளர்ந்து பலன்களைத் தருவதற்கு நேரம் தேவைப்படுவது போல, நம்மை முதுமைக்குத் தயார்படுத்தும் பழக்கங்களும் குணங்களும் குழந்தைப் பருவத்திலிருந்தே தொடங்கினால் அது  நீண்ட காலத்திற்கு பிறகு வளர்ந்து பயன் தருகிறது.  

     ஒழுக்கம், அறிவு மற்றும் வாழ்நாள் முழுவதும் கற்றல் ஆகியவற்றின் முக்கியத்துவத்தை வலியுறுத்துவதன் மூலம், வயதாகும்போது நிறைவான மற்றும் வளமான வாழ்க்கை யை உறுதி செய்வதற்கான வழிகாட்டியை உருவாக்க முடியும். அப்போது, ​​அவர்கள் இயல்பாகவே தன்னிறைவு பெற்றவர்களாகவும், சமுதாயத்திற்கு நன்மை களை விளைவிக்கும் பெரியவர்களாகவும் வளர்வார்கள்.

     இது போல முறையான ஒழுக்கத்தில், வாழ்க்கை முறையில் குழந்தைகள் வளராத சூழலில், அவர்கள் முதுமையில் அதிக ஆதரவை வழங்க மாட்டார்கள். அது அவர்களின் தவறு அல்ல என்பதை ஒப்புக்கொள்வதன் மூலம், பெரியவர்கள், தங்கள் வாழ்நாள் முழுவதும் தங்களைத் தயார்படுத்திக் கொள்ள வேண்டும்.

     ஒருமுறை முதிர்ச்சியடைந்த பனைமரம், தொடர்ந்து வளர்ப்போ, தண்ணீரோ இல்லாமலும் வாழக்கூடியது போல, சிறுவயதிலிருந்தே தன்னிறைவு, ஒழுக்கம், ஆகியவற்றை வளர்த்துக் கொண்ட முதியவர், தன் குழந்தைகளை அதிகம் சார்ந்திருக்காமல் மகிழ்ச்சியாக வாழ முடியும்.   இளைய தலைமுறையினர் முதியவர்கள் கவனத்தில், போதிய அக்கறை காட்டவில்லை என்று குற்றம் சாட்டுவதற்குப் பதிலாக, இந்த அணுகுமுறையை முதியோர்கள் கை கொண்டால், முதுமையில் சுதந்திரமாகவும் மகிழ்ச்சியாகவும் வாழ முடியும்.     

     இந்த மனநிலை மாற்றத்தால் மற்றவர் களிடம் அதிகம் எதிர்பார்க்காமல் இருக்கவும், வயதுக்கு ஏற்ப வரும் முதிர்ச்சியை ஏற்றுக்கொள்ளவும் தயாராகிவிடு வார்கள். இது தன்னம்பிக்கைக்கானபாதை மட்டுமல்ல, தலைமுறைகளுக்கு இடையே பரஸ்பர மரியாதையை வளர்ப்பதற்கான ஒரு வழியும் ஆகும்.

     இந்த ஞானம் வயதானவர்களுக்கு மட்டுமல்ல, இளைய தலைமுறையினருக்கும் பொருந்தும். 30 மற்றும் 40 வயதிற்குட்பட்டவர்கள் பனை மர ஒப்புமை போன்ற ஒரு தன்னிறைவு, ஒழுக்கம் மற்றும் நெகிழ்ச்சியான வாழ்க்கைக்கான அடித்தளத்தை உருவாக்கத் தொடங்குவது அவசியம். அவர்கள் இப்போது இந்தப் பண்புகளை வளர்த்துக் கொள்ளத் தொடங்கினால், வலுவான மற்றும் சுதந்திரமான எதிர்காலத்திற்குத் தயாராகிவிடுவார்கள், வயதாகும்போது மற்றவர்களைச் சார்ந்திருப்பதைக் குறைப்பார்கள்.

     ஒழுக்கம், சுதந்திரம் மற்றும் தன்னம்பிக்கை ஆகியவற்றின் விதைகளை வாழ்க்கையின் ஆரம்பத்திலேயே விதைக்க வேண்டும். 30-40 வயது முதல், பழக்கங்களை உருவாக்குவது, திறன்களை வளர்த்துக்கொள்வது மற்றும் பிற்காலங்களில் அவர்களைத் தக்கவைக்கும் மனநிலையை வளர்ப்பது எல்லாம் அவசியமான ஒன்றாகும். இளைய தலைமுறையினர் இந்தக் குணங்களை வளர்த்துக் கொண்டால், அவர்கள் சவால்களைச் சமாளிக்கவும், பிற்காலத்தில் மற்றவர்களை அதிகமாகச் சார்ந்திருப்பதைத் தவிர்க்கவும் சிறப்பாகச் செயல்படவும் முடியும்.

     நிறைவான, சுதந்திரமான மற்றும் அர்த்தமுள்ள வாழ்க்கையை உருவாக்குவதில் இளையவர்கள் மற்றும் பெரியவர்கள் இருவரும் தங்கள் பங்கைப் புரிந்துகொள்ள வேண்டும்.

     பனை மரங்கள் தனித்து நிற்கின்றன, குறிப்பாக அவற்றின் வளர்ச்சி மற்றும் சுற்றுச்சூழலின் பின்னணியில். கொத்தாக அல்லது காடுகளில் அடிக்கடி வளரும் மற்ற மரங்களைப் போல அல்லாமல், பனை மரங்கள் பொதுவாக தனித்த நிறுவனங்களாக செழித்து வளரும்,

     அது போல தான் வயது மூப்பு அடைந்தவர்களும், தனித்து விடப்படுகின்றனர் என்று சொல்வதை விட அவர்கள் கம்பீரமாக தனித்து நிற்கிறார்கள் என்று சொல்வதே பெருமை. தொடக்கத்தில் இருந்தே பனை மரங்கள் நீண்ட காலம் எடுத்துக் கொள்வதைப் போல, நீண்ட கால ஒழுக்கநிலை, வாழ்க்கை முறை என அமைத்துக் கொண்டு, வயது மூப்பு அடைந்தவர்கள் நிச்சயமாக தனித்து நிற்க முடியும் என்பதை விட, வளர்ந்த பனை மரங்கள் பயன் தருவது போல குடும்பத்திற்கும், சமூகத்திற்கும் பயன் தர முடியும்.

     பனை மரம் நிலைத்து நிற்பதற்கு அல்லது ஆதரவிற்காக மற்றவர்களை நம்பவில்லை, தானே வளரும் குறைந்த நீர் ஆதாரங்கள் இருந்தால் போதும். ஆனால் தொடர்ந்து வலுவாக நிற்கும். இதேபோல், வயதானவர்கள், குடும்பம் அல்லது சமூகத்தில் இருந்து விலகியிருந்தாலும்  பனை மரத்தின் அருட்கொடையைப் போலவே இன்னும் ஞானம் மற்றும் அனுபவத்தின் செல்வத்தை வைத்திருக்கிறார்கள்.

     இதேபோல், வயது மூப்பு அடைந்தவர்கள், தங்களைச் சுற்றியுள்ள பரபரப்பான உலகத்திலிருந்து தனிமைப் படுத்தப்பட்டவர்களாகவோ அல்லது தூரமாகவோ தோன்றி னாலும், எதிர்கால சந்ததியினருக்கு பயனளிக்கும் விலை மதிப்பற்ற ஞானம், வலிமை மற்றும் அனுபவங்களை வழங்குவதன் மூலம் தொடர்ந்து வலுவாக நிற்கிறார்கள்.

     பனை தரும் பொருட்கள் என்றால் உடனே சொல்வது கருப்பட்டி நுங்கு, பதநீர் இவ்வளவு தான். இவை தவிர பனங்கிழங்கு, குறுத்து, காருக்கு, வீட்டுக்கு போடும் கூரை, பண்டைய நாளில் காகிதமே பனை ஓலை தான், வீட்டுக்கு தேவையான அறைகலன்(furniture) தென்னை நார் போல பனை நார் பொருட்கள், இப்படி பல.

     பனை மரத்தை தல விருட்சமாக கொண்ட திருக்கோயில் தேவாரம் பாடல் பெற்ற செய்யாறு என இப்போது அழைக்கப் படும் திருவிவத்தூர், மற்றும் காஞ்சீபுரத்திற்கு அருகில் உள்ள திருப்பணங்காடு.

     கேட்டதை தரும் கற்பக விருசமாக விளங்கும் பனை பல மருத்துவ குணங்களையும் கொண்டது.  இது போல தான் வீட்டில் உள்ள வயது மூப்பு பெற்றவர்களும் அவரவர் குடும்ப சூழலுக்கு ஏற்ப ஒவ்வொரு முதியவரிடம் இருந்து நல்ல விஷயங்களை எடுத்து காட்ட முடியும். அதனால் பனையை ஒதுக்குவது போல வீட்டில் உள்ள முதியவர்கள் ஒதுக்க பட வேண்டியவர்கள் அல்லர் என்பதை புரிந்து கொள்ளுங்கள்.

     கால தாமதமாக mutual fund இல் முதலீடு செய்ய தொடங்கிவிட்டு காத்திருந்தால், அது தரும் ஈவு மற்றும் லாபம் அதிகமாக இருக்காது என்பது போல,  இளமையில் பயிற்சி இல்லாமல் இப்போது தான் பயிற்சியை தொடங்கினால், கொஞ்சம் சிரமம் இருக்கும். வருத்தம் இல்லை தொடர்ந்து பயிற்சி செய்தால், அந்த பழக்கமே வழக்கம் ஆகி விடும்.

     இவை எல்லாம் புத்தகத்தில் எழுதி வைப்பதற்காகவோ அல்லது படித்து மகிழ்வதற்காகவோ இல்லை. செயல்படுத்து வதற்கு தான். மாற்றத்தை இப்போதே கொண்டு வாருங்கள். அதற்கு முதலில் மாற வேண்டும் என்ற மாநிலைக்கு வாருங்கள்.

     ஆனாலும் பாருங்கள் generation gap  என்று சொல்லும் தலைமுறை இடைவெளி எப்போதும் இருக்க தானே செய்கிறது என்று கேட்க வருகிறீர்கள் புரிகிறது. அதற்கு தான் பனை மரத்தை வைத்து ஒப்புமை சொல்லி கொண்டு இருக்கிறோம். பனை மரம் உயரமாகவும் கம்பீரமாகவும் தோன்றுவது போல, இதன் வேர்கள் மற்ற மரங்களைப் போல பரந்து விரிவதில்லை.  

     இது பழைய தலைமுறையினருக்கு ஞானமும் அனுபவமும் இருக்கலாம், ஆனால் நவீன, டிஜிட்டல் உலகின் சிக்கல்களை வயது மூப்பு அடைந்தவர்கள் அறிவதில்லை. அவர்கள் வாழ்க்கை அனுபவங்களிலிருந்து கட்டமைக்கப் பட்ட விலைமதிப்பற்ற அறிவைப் பெற்றிருந்தாலும், ஆன்லைன் வங்கி, செயற்கை நுண்ணறிவு அல்லது டிஜிட்டல் சாதனங்கள் போன்ற புதிய தொழில்நுட்பங்களை வழிநடத்து வது, அவர்களுக்கு வராது.

     இருப்பினும், அதன் வேர்கள் இருந்தபோதிலும் இன்னும் வலுவாக நிற்கும் பனை மரத்தைப் போலவே, பழைய தலைமுறையினர் இன்னும் அதிக மதிப்பைக் கொண்டுள்ளனர், மேலும் வேகமான டிஜிட்டல் உலகத்தைக் கற்றுக்கொள்வதற்கும் ஒருங்கிணைப்பதற்கும் அவர்கள் தங்களை தயார் படுத்திக் கொள்வதில்லை என்பது தான் எதார்த்தம்.

     பனை மரக்கன்றுகள் வளரவும் முதிர்ச்சியடையவும் பல ஆண்டுகள் ஆகும். வளர்ந்து வருகிறது என்று சொல்லும் ஒரு அறிகுறி கூட தெரியாது. வைத்தது வைத்தது போலவே இருக்கும். அதே போல தான் வயதானவர்கள் புதிய கருத்துகளைப் தொழில் நுட்பங்களை புரிந்து கொள்வதற்கு நீண்ட நேரம் ஆகும்.

     வாட்ஸ்அப்பைப் பயன்படுத்துதல், புகைப்படம் எடுப்பது அல்லது பனோரமிக் காட்சியில் தேர்ச்சி பெறுவது போன்றவற்றைப் புரிந்துகொள்வதற்கு அவர்களுக்கு பல முறை சொல்லி கொடுப்பதற்குள் இளையவர்களுக்கு பொறுமை போய்விடும். மரக்கன்றுகளை வளர்த்து, வளர்ந்த  பனை மரமாக பெறுவது போன்றது. மூப்பு அடைந்தவர்கள்  மீண்டும் மீண்டும் ஒரே விஷயத்தை அல்லது கேள்விகளைக் கேட்கும்போது அது சில சமயங்களில் இளையவர்களுக்கு வெறுப்பாக இருந்தாலும், இதில் இருவரும் ஒரு நேர்கோட்டில் இணைய வேண்டும்.

     ஒரு whats app ல் போட்டோவை எப்படி அனுப்புவது என்று பல முறை சொல்லி கொடுத்த பிறகும் அவர்களுக்கு தனிச்சையாக பிறர் உதவி இன்றி செய்ய தெரிவதில்லை என்றால் அந்தக் இடைவெளி வர தானே செய்யும். அந்த இடைவெளியைக் குறைப்பதில் பொறுமையும் புரிதலும் தேவை. மூப்பு அடைந்தவர்கள் இப்போ “இதை கத்துக்கிட்டு என்ன செய்ய போறேன்” என்று சொல்லாமல், கற்றுக் கொள்ள முன் வர வேண்டும்.

     ஒருபுறம், பனை மரம் உயரமாகவும், பல்வேறு சூழல்களுக்கு ஏற்றவாறும் நிற்கிறது. ஆனால் மறுபுறம், அது சில பகுதிகளில் ஆழம் அல்லது நெகிழ்வுத்தன்மையைக் கொண்டிருக்கவில்லை என்பது தான் உண்மை. மூப்பு அடைந்தவர்கள் புதிய தொழில்நுட்பத்தைத் தழுவுவதில் எப்படிப் போராடுகிறார்கள் என்பதை புரிந்து கொள்ளுங்கள்.

     நீண்ட, உறுதியான தென்னை ஓலைகளுடன் ஒப்பிடும்போது, ​​பனை ஓலைகள் குறுகியதாகவும், கூரைகளைக் கட்டுவதற்கு மிகவும் பொருத்தமானதாகவும் இல்லை. அது போலவே மூப்பு அடைந்தவர்கள் எண்ணங்கள் சிந்தனைகள் கொள்கைகள் இவை இன்றைய தலைமுறைக்கு ஏற்றது போல விரிந்து பரந்து சிந்திப்பது இல்லை. இது சில சமயங்களில் காதல் திருமணங்கள் போன்ற புதிய யோசனைகளுக்கு அவர்களின் பழமைவாத போக்கு  இன்றைய இளையவர்கள் மத்தியில் பனை ஓலை  போல நிராகரிக்கப்படுகிறது.

     பனை மரம் வளைக்கும் நெகிழ்வுத்தன்மை இல்லாமல், உயரமாகவும் நேராகவும் வளரும் பனை மரத்தைப் போலவே, பழைய தலைமுறையினர் புதிய நடைமுறைகள் அல்லது சிந்தனைகளுக்கு ஏற்ப தன்னை மாற்றிக் கொள்வதில்லை. உதாரணமாக, ஜீன்ஸ் அணிவது அல்லது சுடிதார் போன்ற நவீன ஆடைகளை அணிவது போன்ற மாற்றங்களுக்கு அவர்கள் எதிர்ப்பை காட்டலாம். இதை இளைய தலைமுறையினர் அவர்களை அப்படியே ஏற்றுக் கொள்ள தயங்குகிறார்கள் என்பது தான் உண்மை.

     பழைய தலைமுறையின் நம்பிக்கைகள் மற்றும் பழக்கவழக்கங்கள் அவர்களின் வளர்ப்பில் ஆழமாக வேரூன்றி இருப்பதால், இன்றைய வேகமான, எப்போதும் மாறிவரும் உலகத்துடன் ஒத்துப்போவது அவர்களுக்கு பெரிய சவாலாகவே இருக்கிறது. நிமிர்ந்து நிற்கும் பனை மரத்தைப் போலவே, தங்களை ஒரே நேர்கோட்டில் வைத்துக் கொள்வதால், புதிய சிந்தனை முறைகள், ஃபேஷன் அல்லது தொழில்நுட்பத்தை ஏற்றுக் கொள்வதில் சிக்கல் வருகிறது இந்த இடைவெளி நாளடைவில் பெரிதாகிறது. இதை தவிர்க்க மூப்பு அடைந்தவர்கள் go with the flow  என்று சொல்வார்களே அது போல தங்களை மாற்றிக் கொள்ள பழக வேண்டும்.

 

     50 அடி உயரமுள்ள பனை மரத்தில் ஏறுவது கடினமாக இருப்பதைப் போல, பழைய தலைமுறையினரை நவீன தொழில்நுட்ப உலகில் கொண்டு வர முயற்சிப்பது சவாலாக உள்ளது. பனை மரத்தில் ஏறுவது கூடுதல் உடல் உழைப்பு தந்தாலும் குறைந்த பலனையே தருவது போல, தொழில் நுட்பத்தைக் கற்றுக்கொள்வதற்கும் மாற்றியமைப்பதற்கும் போராடுவது இந்த இடைவெளியை பெரியதாக்காமல் பார்த்துக் கொள்ள வேண்டும்.

     ஒரு காலத்தில் உயரமாகவும், பெருமையாகவும் இருந்த பனைமரம், சுற்றுச்சூழலுடன் சேராமல் (blend) இப்போது அழிந்து போகும் பட்டியலில் இருக்கிறது. அதேபோல், பழைய தலைமுறையினர் இன்றைய வேகமான உலகில் ஓரங்கட்டப்பட்டதாக உணரலாம். நவீன தொழில் நுட்பம் மற்றும் அதன் போக்குகளை ஏற்றுக் கொள்வதில் அவர்களின் தயக்கம், தங்களை மாற்றிக் கொள்ள மாட்டேன் என்பதில் உறுதியாக இருப்பது போன்ற காரணாகளினால் அவர்கள் தனிமைப் படுத்தப்படுகிறார்கள் அல்லது அவ்வாறு உணர்கிறார்கள்.

     பல மருத்துவ குணங்களை பனை பொருட்கள் கொண்டு இருந்தாலும், நவீன காலத்தில் குறைவாகவே பயன்படுத்தப் படுகின்றன, ஏனெனில் அவை தற்போதைய தேவைகள் அல்லது வசதிகளுடன் ஒத்துப்போகவில்லை. அது போல, இன்றைய அதிவேக, தொழில்நுட்பத்தால் இயக்கப்படும் சமூகத்தில் வயதானவர்களின் அறிவும் ஞானமும் பெரும்பாலும் கருத்தில் கொள்ளப்படுவதில்லை.

     .பனைமரம் எதிர்கொள்ளும் சவால்களைப் போல  இன்றைய சமுதாயத்தில் பழைய தலைமுறையினரின் வளரும் தலைமுறையினரின் எண்ண ஓட்டங்களுக்கு ஈடுகட்டுவது சவாலாகவே உள்ளது.

     இதை புரிந்து கொண்டு பழைய தலைமுறையினார்  தங்களை மாற்றிக் கொள்ள தயாராக வேண்டும். இயற்கையில் அல்லது மனித உறவுகளில் வளர்ச்சிக்கு மற்றவர்களுடன் கலந்து பழகுவது (flexible & blending) அவசியம் தேவை என்பதை புரிந்து கொண்டு தங்களை மாற்றிக் கொண்டால், முதுமை சுமை அல்ல சுகமே. நிச்சயமாக நம்புங்கள், முதுமை ஒரு வரும். அதை மகிழ்ச்சியாக வாழ்ந்து பாருங்கள்.. மற்றவர்களுக்கு உதாரணமாக இருங்கள்.  

 

"முதுமையே வா "

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK