பலன் தரும் பரிகாரம் - பிரச்சனையை தரும் பிரேத தோஷம்

பிரச்சனையை தரும் பிரேத தோஷம்.

“மரணம்” என்பது எல்லோருக்கும் நிச்சயம் உண்டு. “மாண்டார் வருவரோ மாநிலத்தில்” என்பது ஒவ்வை வாக்கு. “இவருக்கு கிடைத்து விட்டதே..” என பொறாமை படாத ஒரே விஷயம் “மரணம்” மட்டும் தான் என்று ஒரு வாசகம் உண்டு.

ஆனாலும் பாருங்கள்; ஒருவரின் மரண செய்தி வந்தவுடன் எத்தனை பகை இருந்தாலும் அதனை சில மணி நேரம் ஒதுக்கி வைத்து விட்டு மரண துக்கத்தில் கலந்து கொள்வார்கள். மரணத்தை தொடர்ந்து தான் பிதுர்க்கடனும் அவரவர் குடும்ப உறுப்பினர்கள் செய்வார்கள்.

மரண சடங்கில் ஒரு துரும்பும் பிசகாது செய்வது மிக மிக அவசியமும் கவனமும் இருக்க வேண்டும். இறந்தவர் எவ்வளவு பெரிய பதவி வகித்தாலும் அவர் பெயரை நீக்கி, அதற்கு பிணம் என்று பெயர் வைப்பார். நீரில் குளித்து முடித்தவுடன் அவரை மறந்து விடுவார் என்று பட்டினத்தார் பாடல் இப்படி சொல்லும்.

‘பெயரினை நீக்கி பிணம் என்று பெயரிட்டு

சூரையங் காட்டிடை கொண்டு போய் சுட்டிட்டு

நீரினில் மூழ்கி நினைப் பொழிவாரே!’

இறந்த அந்த உடலுக்கு, முறையாக செய்ய வேண்டிய சடங்குகளை செய்து அந்த பூத உடலை அலங்காரம் செய்து அதனை வழி அனுப்புவதும் தொடர்ந்து நடப்பு காரியங்களை செய்வதும் ஆண்டு தோறும் பிதுர் கடன் செய்வதும் நம் பிறப்பின் கடன்.

வைதீக தர்மத்தில் உள்ளவர்கள் அபரி கிரியை என்றும் சைவ மரபில் தீட்சை பெற்றவராக இருந்தால் அந்தியேஷ்டியும் செய்த பிறகு தான் மற்ற செயல்களை மேற் கொள்வார்கள்.

இதில் இந்த பிரேத தோஷ சாபம் ஏற்பட்டுவிட்டால் அவர்களின் ஜீன்களில் ஏழு வம்சத்திற்கு இது தொடரும். அதனால் தான் பிரேத தோஷம் பெரும் பிரச்சனையை தரக் கூடியது.

அந்திம கிரியை செய்ய வருபவர் வெளி நாட்டில் இருப்பதாலும் (குளிர் சாதன பெட்டியில் வைத்து) அல்லது வேறு பல காரணத்தாலும், இறந்த உடலை உடனே தகனம் செய்யாமல் நீண்ட நாட்கள் வைத்திருந்தாலும், துக்கம் விசாரிக்க மரண சம்பவித்த இடத்திற்கு சென்று வந்த உடன் குளிக்காமல் மற்ற நிகழ்வுகளில் கலந்து கொண்டாலும் இந்த பிரேத தோஷம் வரும்.

பங்காளி சண்டை, பிணத்தை வைத்துக் கொண்டு சொத்து தகராறு, பிணத்தை தாண்டுதல், பிரேதத்தை அலங்காரம் செய்யாமல் தகனம் செய்தல், இறந்தவரை (‘போய் சேர்ந்தான்யா’ என்பது போல) திட்டுதல், அல்லது பேசுதல், சடங்குகள் செய்ய தவறிய தனிஷ்டையில் நிகழ்ந்த மரணம், அந்தியேஷ்டி செய்யாமல் உடலை தகனம் செய்தல், துக்கம் அல்லது மவுனம் அனுஷ்டிக்காமல் இருப்பது எரிக்க வேண்டியவர்கள் புதைப்பதாலும்,(எரிப்பவர்கள்-ராகு,புதைப்பவர்கள்-செவ்வாய்).பல இடங்களில் இன்றைய நடைமுறையில் உள்ள கருணை கொலை இப்படி பல காரணங்களை சொல்ல முடியும்.

இது எந்த வகையான பாதிப்பை ஏற்படுத்தும் தெரியுமா..? கொலை தற்கொலை போல செயற்கை மரணம் வயதான பெற்றோர்களை சரியாக கவனிக்காமல் இருப்பது, கசப்பான திருமண வாழ்வு, முறைகேடான உறவுகள், திறமை இருந்தும் வாய்ப்புகள் கை நழுவி செல்லுதல் இப்படி பல.. பல...

எப்போ இந்த தோஷ பாதிப்பு வரும் என தெரிந்து கொள்வது தான் இந்த பரிகாரம் சொல்ல வரும் செய்தி. பூர்வ புண்ணியஸ்தானமும் கர்மஸ்தானமும் பாதிக்கப்பட்டு இருந்தால் அல்லது அதன் அதிபதிகள் பாதிக்கப்பட்டு இருந்தால் அந்த அதிபர்களின் தசை புத்திகள் நடக்க இருந்தால் இந்த பாதிப்பு வரும். அவர்கள் அநேகமாக பித்ரு தோஷத்தில் பாதிக்கப்பட்டு இருப்பார்கள்.

ஒரு ஜாதகத்தில் பிரேத சாபத்தினை மாந்தியை கொண்டு தெரிந்துகொள்ளலாம். ஒரு ஜாதகத்தில் மாந்தி உடன் 4ல் பாதகாதிபதி சேர்ந்தோ 4ஆம் அதிபதி வேறு எந்த பாவத்திலாவது மாந்தியுடன், பாதகாதிபதியுடன் சேர்ந்தாலோ பிரேத சாபம் உள்ளது என அறியலாம். அது எந்த வகை சாபம் என்பதை அது எந்த கிரகத்துடன் இணைவு பெற்று உள்ளது என்பதை வைத்து சொல்லலாம். இதனால் தான் துக்கம் விசாரிக்க செவ்வாய், வியாழன் என நாட்களை தேர்வு செய்வார்கள்.

இதற்க்கு பரிகாரமாக மஹாமிருதியுஞ்ச ஹோமம் செய்ய வேண்டும். இதற்க்கு நிறையா பொருள் செலவாகும் அதனால் இந்த ஹோமம் எங்காவது செய்யும்போது நீங்களும் இந்த தோஷம் இல்லை என்றாலும் அவசியம் கலந்து கொள்ளுங்கள். சில ஆலோசனையின் பேரில் மே மாதம் கொடுமுடியில் திரு.பொன்தாமரைகண்ணன் செய்கிறார். விவரங்களுக்கு அலைபேசி 7667745633ல் கேட்டு பயன் பெறலாம்.

எப்போதாவது தான் இப்படி நடக்கும். அதுவரை காத்திருக்க வேண்டுமா? என நினைப்பவர்கள் விஜயம்பதி என்ற தலத்தில் உள்ள மஹாலிங்கேஸ்வரர் ஆலயத்தில் நவாபிஷேகம் செய்ய வேண்டும்.

இதுவும் இயலாதவர்கள், அனாதை பிணங்கள் அடக்கம் செய்ய உதவலாம். இதுவும் இயலாதவர்கள் செவ்வாய் கிழமை இறந்த பிணம் ஒன்றை தெரியாதவராக இருந்தாலும், வணங்க வேண்டும். இதற்காக பிணத்தை தேடியா போக முடியும் என கேட்காதீர்கள் உங்கள் கண்ணில் அல்லது காதில் பட்டால் செய்தால் போதும்.

எனக்கு இந்த தோஷ சாபம் இல்லை. இருந்தாலும் வழியில் எங்காவது பார்த்தால் ஒரு நிமிடம் வண்டியில் இருந்து இறங்கி வணங்கி செல்வேன். இந்த தோஷ பரிகாரங்கள் செய்தவுடன் தோஷ நிவர்த்தி ஆனதா என்று ஒருமுறை பார்த்து உறுதி செய்து கொள்ளுங்கள். குறிப்பாக இந்த தோஷம் மட்டும் சிலருக்கு பலமுறை செய்த பின்னரும் நிவர்த்தியாகாது. நிவர்த்தி ஆகும் வரை தொடர்ந்து செய்ய வேண்டும். அதற்காக சோதிடரை கோவித்துக் கொள்ளக் கூடாது. நம் வினைப்பயன் என்று அமைதி கொள்ள வேண்டும். நல்லது சொல்லி உள்ளது நல்லதே நடக்கும். நல்வாழ்த்துக்கள்.

பலன் தரும் பரிகாரம் - வறுமை நீங்க வேலன் வழிபாடு

வறுமை நீக்கி வளமை சேர்க்கும்

வேலன் வழிபாடு .?!..

நானும் ஓடி ஓடி உழைக்கிறேன். வாழ்க்கையில் முன்னேற்றமே இல்லை என வருந்துபவரா நீங்கள்.. ? அப்படின்னா உங்களுக்கு தான் இந்த வாரம் சொல்லும் இந்த பரிகாரம்.

ஒரு சில நொடிகளில் ஏற்படும் அதிசயங்கள், வாழ்க்கையை புரட்டிப்போட்டு விடுகிறது. நீங்கள் என்னதான் முயன்றாலும், அது சரியான நேரம் வரும் போது தான் நமக்கு சாதகமாக அமையும்.

வறுமைக்கு காரணம் எதுவாக இருந்தாலும் வளமைக்கு நாம் எடுக்கும் முயற்சிகள் மட்டும் தான்.. ஆனாலும் நம் உண்மையான முயற்சிகள் கூட வெற்றியை சில சமயம் புரட்டி போட்டு விடுகிறது.

நாளை பதவி கிடைக்கும் என்ற நிலையில் இன்று வேறு இடத்தில் வாசம் கிடைத்து விடுகிறது. கையில் உள்ள பேட்டரி விளக்கை இருட்டு அறையில் செல்லும் போது பொருத்தாமல் இருந்தால் எப்படி வெளிச்சம் கிடைக்கும். அப்படித்தான், முயற்சிகள் இருக்கும் போது அதற்குரிய வழிபாட்டையும் செய்தால் மட்டுமே வாழ்க்கையில் வளமை என்ற வெளிச்சம் கிடைக்கும்.

தாலிக்கு தங்கம் வேண்டும். வளமை கூட வேண்டுமானால் தங்கம் சேர வேண்டும். தங்கம் முதலீடு அல்லது பாதுகாப்பு என்று இன்னமும் மக்கள் நினைப்பது உண்டு. அக்ஷய திருதியைக்கு ஒரு கிராம் தங்கமாவது வாங்க வேண்டும் என்ற எண்ணம் உள்ளவர்கள் இப்பவும் உண்டு. தங்கத்தின் விலை கூடினாலும் அதன் மோகம் குறைவதில்லை. ஆன்லைன் வர்த்தகம் செய்பவர்கள் கூட ஈ-கோல்டு வாங்கி விடுகிறார்கள்.

குரு சந்திரன் சேர்க்கையில் உள்ளவர்கள் தங்கம் போன்ற அசையும் சொத்துக்கள் சேர்ப்பார்கள். எனக்கு இப்படி இல்லையே ஆனால் இத்தனை கிலோ அசையும் சொத்துக்கள் இருக்கிறதே என நினைப்பவர்கள் இந்த சேர்க்கை காலங்களில் சேர்த்து இருப்பார்கள். சுக்கிரன் இணைவு ஆபரண தங்கத்தையும், செவ்வாய் இணைவு 18 அல்லது 20 கேரட் போல தரம் மாறிய தங்கத்தையும் குறிக்கும்.

வெள்ளி சேரும்போது தங்கம் சேரும் என்றாலும் உலோக பயன்பாட்டிற்கு முன் நிர்ப்பது இரத்தினங்கள் தான் என்பதில் மாற்று கருத்து இல்லை. அதனால் தான் முன்னோர்கள் குழந்தைகளுக்கு பிறந்த ஐந்தாவது நாளில் தங்கம் போட வேண்டும் என்ற பழக்கம் இருந்தது. ஐம்படை தாலியும் அரசிலை தாலியும் அணியும் பழக்கம் முன்பு தமிழரிடம் இருந்ததை சங்க இலக்கியங்கள் சொல்கிறது. நம்மில் பலர் அதையெல்லாம் மறந்து விட்டோம் என்றாலும் வாழ்வில் வளமை சேர்க்கும் வேலன் வழிபாட்டை தெரிந்து கொள்வோம்.

மனம் வாக்கு காயம் இவற்றால் செய்ய கூடியதே வழிபாடு. செந்தூர் முருகனை மனத்தால் நினைத்தாலே போதும். பழனி முருகனை வாக்கால் துதித்தால் போதும். தணிகை வேலணை உடலால் வழிபட வேண்டும். என்ற நிலையில் அறுபடையில் முதல் வீடாக அமைந்துள்ள திருப்பரங்குன்றம் வழிபாடு தான் செல்வ வளத்தை தங்க வைக்கும் சிறந்த வழிபாட்டு பரிகாரம்.

திருப்பரங்குன்றம் செல்ல வசதி வாய்ப்பில்லை அல்லது நேரம் இல்லை என நினைப்பவர்கள் வீட்டில் இருந்தபடி செல்வ வழிபாட்டிற்கு என்று அமைந்ததே பாம்பன் சுவாமிகள் அருளிய தங்க ஆனந்த களிப்பு என்ற திருப்பதிகம். பத்து பாடல்களை மட்டும் கொண்ட இந்த திருப்பதிகத்தை முழுவதும் முறையாக வழிபாடு செய்தால் நிச்சயமாக பொன் சேர்க்கையும் செல்வ வளமும் உண்டாகும்.

சுயமான தங்கம் இத் தங்கம்

சிவசுப்ரமணியன் எனும் தெய்வ தங்கம்

அந்தரர் வேண்டொரு தங்கம் – ஈறில்

அருசிக ரக்கிரி நின்றெழு தங்கம்

சுந்தரமாய் சுடர் தங்கம் – உமை

துங்க மலர்க்கரந் தங்கொரு தங்கம்

என ஒவ்வொரு பாடலிலும் குமரக்கடவுளை “தங்கம்” என்றே துதிக்கிறார் பாம்பன் சுவாமிகள்.

இப்பாடலானது ஒருவரது ஜாதக தோஷத்தினை அடியோடு அழித்து பெரும் செல்வத்தினை தரக்கூடியது. இதனை தொடர்ந்து பாராயணம் செய்து வந்தால் வீட்டில் பொன் ஆபரணங்களின் சேர்க்கை உண்டாகும். பெரும் செல்வ யோகம் உண்டாகும். இதை பாராயணம் செய்பவர்களின் இல்லங்களில் திருமகளின் வாசம் நிரந்தரமாக இருக்கும்.

முதன் முதலில் ஆரம்பிக்கும் போது கார்த்திகை நட்சத்திரம் அல்லது விசாகம் நட்சத்திரம் அல்லது வளர்பிறை சஷ்டி அல்லது செவ்வாய்க்கிழமை வரும் நாளில் குரு ஓரையில் அருகிலுள்ள முருகன் ஆலயத்தில் அல்லது வீட்டில் ஐந்து எண்ணெய் (கடையில் விற்பதை வாங்குவதை விட நீங்களே தனி தனியாக வாங்கி சேருங்கள்) ஊற்றி திரியிட்டு நான்கு அகல் விளக்குகள் ஏற்றிட வேண்டும். அதில் இரண்டு தீபங்கள் வடக்கு நோக்கியும், மற்ற இரண்டில் ஒன்று கிழக்கு முகமாகவும் மற்றொன்று மேற்கு முகமாகவும் எரிய வேண்டும். இதனை முறைப்படி குறிப்பிட்ட எண்ணிக்கையில் தொடர்ந்து படிக்கையில் செல்வ வளம் உறுதியாகும்.

எனக்கு படிக்க தெரியாது இதை விட சுலபமான வழி இருக்கா என கேட்பவர்களுக்காக வரும் வாரங்களில் பணம் தங்கவும் செல்வ வளம் பெருகவும் சில பயிற்சி பரிகாரம் பற்றி பகிர்ந்து கொள்கிறேன்.

வாசகர்கள் அனைவரும் செல்வ வளம் கிடைக்க பெற்று வாழ்வில் எல்லா நலனும் பெற திருமுருகன் திருமுன் வேண்டுகிறோம். நல்லது சொல்லி உள்ளது நல்லதே நடக்கும். நல்வாழ்த்துக்கள்.

பலன் தரும் பரிகாரம் - கடன் ஒரு சுமையா

கடன் - ஒரு சுமையா ?!..

என்ன தான் சிக்கனமாக வாழ்ந்தாலும் கடன் இல்லாமல் வாழ முடியவில்லை இன்றைய நாளில்.. கடன் வாங்கி வாழ்வது தான் கவுரவம் என்ற நிலைக்கு எப்படியோ நாமும் தள்ளப்பட்டு விடுகிறோம்..

சில சமயம் நமது பேராசையும் இதற்க்கு துணையாக வருவது தவிர்க்க முடியவில்லை. கடன் பெறும் வாய்ப்பும் இன்றைய சூழலில் அதிகம். ஒரு முறை கடன் வாங்கி அடைத்து விட்டால் மீண்டும் பல மடங்கு கடன் தர வங்கிகளும் தயாராக இருக்கிறது.

கடன் அட்டை,(கிரிடிட் கார்டு) வண்டி கடன், வீட்டு கடன், எதையும் அடமானம் வைக்காமல் கடன் (unsecured loan) சம்பள கடன் என கடன் வகைகளும் ஏராளம். இதில் சிலர் கடன் வாங்கி பங்கு சந்தை, கமாடிட்டி சந்தை என முதலீடு செய்து தலையை கையில் வைத்திருக்கும் நிலைமையையும் நாம் அனுபவத்தில் நம் நட்பு வட்டத்தில் பார்த்து இருப்போம்.

அதெல்லாம் சரி ஐயா எப்போ என் கடன் தீரும். என்று கடன் பட்டார் நெஞ்சம் போல் கலங்கி நிற்பவர்களே. உங்களுக்காக தான் இந்த வார பரிகாரங்கள். கடன் என்பது கொடிய விஷமே தவிர வேறில்லை. இதில் எல்லோரும் அவதிப்பட்டு கொண்டு தான் இருக்கின்றார்கள்

சனியும், செவ்வாயும் எந்த ஜாதகத்தில் இணைவு பெற்று வருகிறதோ அந்த ஜாதகத்திற்கு உரியவர்கள் ஏதாவது ஒரு வகையில் கடன் சுமையை தலையில் வைத்து கொண்டாடுவார்கள். சனிக்கு கேது இணைவு பெற்று இருந்தாலும் கடன் தொல்லை ஏற்படும். 6 ம் அதிபதியுடன் சூரியன் எந்த விதத்தில் தொடர்பு பெற்றிருந்தாலும் ஜாதகர் ஒருமுறை கடன்பட்டால் ஆயுளுக்கும் கடன் காரறாகவே இருப்பார்கள். சிலர் கடன்காரர்கள் ஆகவே இருக்க வேண்டியவர்கள்.

சிலருக்கு தவறான முடிவுகளால் கடன் வரும். சிலருக்கு அடுத்தவர்களுக்காக பணம் வாங்கி கொடுப்பதால் கடன் வரும். சிலருக்கு வசதிகளை பெருக்கி கொள்ள கடன் வரும். இன்னும் சிலருக்கு கடனை வாங்கி கடனுக்கு விட்டு அவர் திருப்பி தர முடியாததால் கடன் வரும். சிலர் கடன் வாங்கி முதலீடு செய்து அதனால் பணம் மற்றும் அசல் எடுக்க முடியாமல் கடன் வரும்.

நமக்கு தெரிந்து சிலர் பூ விற்பவர் காய் மற்றும் பழம் விற்பவர்கள் எல்லோரும் பாருங்கள் அதிக வட்டி கொடுத்து கடன் வாங்கி மீதும் கடனிலேயே விழுவார்கள்.

அதனால் முதலில் எதனால் கடன் தொல்லை வந்தது என்பதை அறிந்து அதற்குரிய பரிகாரம் சொல்ல வேண்டும்.அப்போ தான் கடன் நிவர்த்தி ஏற்படும். எல்லா கடனுக்கும் ஒரே மாதிரி பரிகாரம் செய்ததால் அமைதி கிடைக்கலாம் நிவர்த்தி கிடைக்குமா என்பதில் தான் குறிப்பு உள்ளது.

இங்கு எல்லாவிதமாக கடன்களுக்குமான சில எளிய பரிகாரம் சொல்கிறோம். முடிந்தவர்கள் முடிந்ததை செய்யலாம்.குறிப்பிட்ட சில நாட்களில் கடன் வாங்கியவரிடம் ஒரு சிறு தொகையாகவாவது திருப்பி தர வேண்டும். கிரிடிட் கார்டுக்கு பணம் செலுத்த இப்போ ஆன்லைன் வந்ததால் இந்த தொல்லை இப்போ இருக்காது.

மைத்ர முகூர்த்தம் என்று சொல்லப்படும் அஸ்வினி நட்சத்திர நாளில் மேஷ லக்னம் வரும் வேளையிலோ, அனுஷ நட்சத்திரம் வரும் நாளில் விருச்சிக லக்னம் வரும் வேளையிலோ இந்த கணக்குத் தெரியாதவர்கள் நவமி திதி, வரும் செவ்வாய் கிழமையிலோ சதுர்த்தி திதி வரும் ஞாயிறு கிழமையிலோ குளிகை நேரத்தில் அல்லது எந்த நாளிலும் செவ்வாய் ஓரையில் அல்லது வளர் பிறை சதுர்த்தியில் அல்லது புதன் கிழமை புதன் ஓரையில் இப்படி சொல்லப்பட்ட எந்த நாள் உங்களுக்கு வசதியாக இருக்குமோ அந்த நாளில் அவர்களுக்கு அந்த நேரத்தில் சிறிய தொகையையாவது திருப்பிக் கொடுக்க வேண்டும்.

ரொம்ப டெக்னிகலா இருக்கு சார்.. கொஞ்சம் ஈசியா சொல்லுங்க என்பவர்களுக்காக இந்த எளிய முறை பரிகாரம். பாம்பன் சுவாமிகள் அருளிய “சதுரங்க பந்தம்” முதல் நாள் ஆறு முறை படியுங்க.. தொடர்ந்து காலையும் மாலையும் 27 முறை படியுங்கள். இந்த சதுரங்க பந்தத்தை பையில் மற்றும் பண பெட்டியில் வைத்துக் கொள்ளுங்கள். இது தொழில் முறை கடனில் இருந்து நம்மை உறுதியாக மீட்டு தரும்.

உணவில் தக்காளியை முற்றிலும் தவிர்த்து விடுங்கள். தொக்கு சூப் இப்படி எந்த வடிவிலும் தக்காளி இருக்க கூடாது. சுரைக்காய் பீர்க்கங்காய் இவைகளை காலையில் தோல் நீக்கி பச்சையாக சாலட் செய்து சாப்பிடுங்கள். இத்துடன் வெண்டைக்காய் சேர்த்துக் கொள்ளுங்கள். கோதுமை அரைக்கும் போது சில துளசி இலைகளை சேர்த்து அரைத்து சப்பாத்தி செய்து சாப்பிடுங்கள்.

பச்சை பயறு உங்கள் வசதிக்கு ஏற்ப கொஞ்சம் எடுத்து இரவில் படுக்கும் போது தலையணைக்கு அடியில் வைத்து உறங்குங்கள் காலையில் அதனை கடல் அல்லது ஆறு இவைகளில் எரிந்து விடுங்கள். இதனை ஒவ்வொரு கிருத்திகையின் போதும் செய்ய வேண்டும்.

இது எதுவுமே செய்ய முடியாது என்பவர்கள் புதன் கிழமை அதி காலையில் ஜவ்வரிசியை ஒரு கைப்பிடி எடுத்து வீட்டு வாசலில் வெளியே எரிந்து விடுங்கள்.

திருஞானசம்பந்தர் அருளிய வேத வேள்வியை நிந்தனை செய்து என தொடங்கும் திருப்பதிகத்தை .தினமும் காலை மாலை இருவேளையிலும் படனம் செய்யுங்கள். வைணவர்களாக இருந்தால் ருன விமோச்சன சுலோகம் நரசிம்மரை நினைத்து படனம் செய்யுங்கள்.

வேத வேள்வியை நிந்தனை செய்து உழல்
ஆதம் இ(ல்)லி அமணொடு தேரரை
வாதில் வென்று அழிக்கத் திரு உள்ளமே?
பாதி மாது உடன் ஆய பரமனே!
ஞாலம் நின் புகழே மிக வேண்டும், தென்-
ஆலவாயில் உறையும் எம் ஆதியே!

திருகோயில் வழிபாடு செய்ய வாய்ப்பு உள்ளவர்கள் தவறான முடிவுகளால் கடன் தொல்லையில் இருப்பவர்கள் பாச்சிலாசிரமம் சென்று வரவும்.

தேவைக்கு வாங்கி தீர்க்க முடியாத நிலையில் தவிப்பவர்கள் திருவாரூரில் உள்ள ருன விமோசனரை திங்கள் கிழமை ஆதிரை நாள் வரும் திங்கள் கிழமையில் வலம் வாருங்கள்.

அடுத்தவருக்காக உதவி செய்து கடன் சுமையில் இருந்தால் சுவாமிமலை திருக்கோயிலில் முருக பெருமானுக்கு வைரவேல் சார்த்தும் நாளில் தரிசனம் செய்து வேல் அர்ச்சனை செய்யுங்கள்.

எதனால் உங்களுக்கு கடன் சுமை அதை தீர்க்க என்ன வழி என உங்கள் நம்பிக்கைக்கு உரிய சோதிடரை அணுகி ஆலோசனை பெறுங்கள். எல்லோராலும் செய்ய கூடிய இந்த எளிய பரிகாரங்களை செய்து மகிழ்ச்சியும் அமைதியும் பெற வேண்டும் என்று இறைவன் திருமுன் வேண்டுகிறோம்.

நல்லது சொல்லி உள்ளது நல்லதே நடக்கும். நல்வாழ்த்துக்கள்.

பலன் தரும் பரிகாரம் - தோற்றத்தில் ஒரு மாற்றம்

தோற்றத்தில் ஒரு மாற்றம்

அதிகமான கேடு பலன்களை திரை மறைவில் இருந்து தருபவர்கள் இந்த சர்ப்பங்கள் என சொல்லும் ராகுவும் கேதுவும் தான்.

முதல் திரிகோணமான 1-5-9 என்று சொல்லப்படும் இடங்களில், சர்ப்பம் கிரகம் அமைந்துவிட்டால் அது படாத பாடு படுத்தி விடும். ராகுவிற்கு சொந்த வீடும் கிடையாது. சொந்த பரல்களும் கிடையாது. அதன் இருப்பு நிலைகளை கொண்டு தான் பலனும் பரிகாரமும் சொல்ல முடியும். மேஷம், கடகம், சிம்மம், மகரம் ஆகிய ராசிகள் சர்ப்ப கிரகங்களுக்கு பகையான இடங்களாகும். ரிஷபம் நீசமான இடமாகும்.

ஜாதகத்தில் இந்த 5 இடங்களில் இருக்கும் சர்ப்ப கிரகம் இருந்தால் அதிகத் தொல்லைகள் பொறுக்க முடியாதபடி இருக்கும்.

எப்பொழுதுமே சர்ப்ப ஷாந்தி செய்யும் போது கவனமாக பரிகாரம் சொல்ல வேண்டும். பொறுமையாக அதனையும் செய்ய வேண்டும். இந்த நிலையில்,

1 ம் இடத்தில் இருக்கும் போது செய்யும் பரிகாரம் 5 அல்லது 9 இடத்தில் இருக்கும் சர்பங்களுக்கு செய்வது பயன் தராது. அதனால் தான் சர்ப்ப ஷாந்தி செய்வது சர்ப்ப கிரகம் இருக்கும் இடத்தை வைத்து அதனை அனுபவம் மற்றும் தெய்வாம்சம் பொருந்திய சோதிடர்களின் ஆலோசனை பெற்று அதனை செய்வதால் தீர்வு ஏற்படும்.

சரி.. இன்றைய நிலையில் கால புருஷ தத்துவத்திற்கு 5ம் இடமாகிய சிம்மத்தில் ராகு இருக்கிறது. இது தான் இன்றைய அரசியல் சூழலில் பெரும் பெரிய பிரச்சனைகளை தந்து கொண்டு இருக்கிறது என்பதை நாமும் அறிவோம்.

இதனால் பிரச்சனை ஆட்சி செய்பவர்களுக்கு மட்டும் அல்ல. அத்துடன் மக்களாகிய நமக்கும் தான். நிலையான ஆட்சியாளர் இல்லை என்றால் அதனால் வரும் சிரமம் மக்களுக்கும் தானே.

சிம்மத்தில் இருக்கும் ராகு, கால புருஷ தத்துவத்திற்கு 5ம் ராசியாக வருவதால் மக்கள் அமைதி பெறவும் குழப்பங்கள் தீரவும் எளிய பரிகாரமாக பரிந்துரை செய்கிறோம்.

புளிப்பான வஸ்த்துக்களை தானம் செய்ய வேண்டும்.. குறிப்பாக பறவைகளுக்கு தானம் செய்ய வேண்டும். எளிமையாக புரியும் படி சொல்ல வேண்டுமானால், புளி சாதம் செய்து கோழிகளுக்கு தர வேண்டும்.

கோழிகளை எங்கு போய் தேடுவது என்று நீங்கள் நினைப்பது புரிகிறது. அதனால் புளி சாதம் செய்து தானம் செய்யுங்கள்.. வீட்டில் மொட்டை மாடி வைத்து இருப்பவர்கள் ஒரு அகன்ற சட்டியில் நீர் ஊற்றி சிறிதளவு புளி இட்டு அதனை காகம் குருவி போன்ற பறவைகள் நீர் அருந்தும் படி உணவோடு வைத்து விடுங்கள். மீதமாகதபடி கொஞ்சமாக செய்து வையுங்கள்.

திராட்சை பழம் வசதி இருக்குமானால் உலர்ந்த திராட்சை எளியர்வர்களுக்கு வாங்கி கொண்டுங்கள். நண்பர்களுடன் பேசி மகிழும் போது டீ காபி அருந்துவதற்கு பதிலாக திராட்சை பழ ஜூஸ் வாங்கி கொடுத்து அன்பை பகிருங்கள்.

இது எல்லோரும் செய்ய கூடிய எளிமையாக பரிகாரம். இதனை இந்த ஆண்டு முழுவதும். அதாவது பங்குனி மாதம் முடிய இதனை செய்ய வேண்டும்.

இது எதுவுமே என்னால் செய்ய முடியாது வேறு எளிமையாக ஏதேனும் சொல்ல முடியுமா என்று கேட்பவர்கள் திருஞான சம்பந்தர் அருளிய முதல் திருமுறையில் இடம் பெறும் திரு பாம்பரம் திருபதிகத்தினை தினமும் காலை-மாலை இரு வேளையிலும் படனம் செய்யுங்கள்.

சீரணி திகழ்திரு மார்பில் வெண்ணூலர் திரிபுரம் எரிசெய்த செல்வர்

வாரணி வனமுலை மங்கையோர் பங்கர் மான்மறி ஏந்திய மைந்தர்

காரணி மணிதிகழ் மிடறுடை அண்ணல் கண்ணுதல் விண்ணவர் ஏத்தும்

பாரணி திகழ்தரு நான்மறை யாளர் பாம்புர நன்னக ராரே.

அப்போ தமிழ் படிக்க தெரியாதவர்கள் அவர்கள் மொழியில் எழுதி படிக்கலாம். அல்லது தன்னுடைய “தோற்றத்தில் ஒரு மாற்றத்தை” ஏற்படுத்திக் கொள்ள வேண்டும். கார்கோடகன் என்ற பாம்பு நளனை வாகுகன் என்ற உருவமாக மாற்றியது பற்றிய செய்தி நம் புராணத்தில் உள்ளதை நாம் அறிவோம்.

இந்த வருஷம் தமிழ் நாட்டில் கிரகணம் தெரியாது.. ஆனால் நடைபெறும். இது தான் மதி விழுங்கிய பாம்பு இதனால் தான் தமிழ் நாட்டில் தொடர்ந்து பிரச்சனைகளும் குழப்பங்களும் நிகழ்கிறது.

இந்த பரிகாரம் தொடர்ந்து செய்து வர வரும் பௌர்ணமிக்குள் நிம்மதியான மாற்றம் தெரியும்.

இதை எல்லோரும் செய்ய வேண்டும்..இத்துடன் ஆதரவு பெற்ற ஆட்சியாளருக்கு ஒரு பரிந்துரையும் சொல்கிறோம். இது அவர்கள் பார்வைக்கு சென்று மாற்றம் வந்தால் மகிழ்ச்சி.

அதிக ஆதரவு பெற்றுவரும் நம் கட்சி தலைவர் தமது தோற்றத்தில் ஒரு சிறு மாற்றத்தை ஏற்படுத்தி கொள்ளலாம். இதனால் நிலையான ஆட்சியையும் மக்களுக்கு நிம்மதியையும் தர முடியும்.

உதாரணமாக மூக்கு கண்ணாடி போட்டுக் கொள்ளலாம். அவசியம் இல்லை என்றாலும் கூட இந்த கண்ணாடி அணிந்து கொள்ளலாம். முன்னாள் முதலவர் எம்ஜிஆர் தொப்பி கண்ணாடி போட வில்லையா.

இந்த எளிய பரிகாரங்களை எல்லோரும் செய்ய வேண்டும். மக்கள் மகிழ்ச்சியும் அமைதியும் பெற வேண்டும் என்று இறைவன் திருமுன் வேண்டுகிறோம்.

நல்லது சொல்லி உள்ளது நல்லதே நடக்கும். நல்வாழ்த்துக்கள்.

புவி சொல்லும் கவி - தண்டபாணி சுவாமிகள்

புவி சொல்லும் கவி - திரு எழுகூற்றிருக்கை

வண்ணச்சரபம் தண்டபாணி சுவாமிகள் அருளியது

ஒரு பெருங் கரத்தால் ஒரு மலை எடுத்து ஆண்டு

இரு மருப்பாநினம் ஒருங்கு காத்தனை

ஒரு காரணத்தால் இரயுதாய் மகவாய்

மூவாப் பொதுவர் முல்லை இரு நகர்

ஒன்று இடை வளன்ர்தனை ஒரு பேய் உருண்டு

எஞ்சலில் களியோடு மூன்று பொழுதினும்

நாளைத் தூக்கிய இருமரு தழிப்பான்

ஒருரற் கட்டுண்டு ஒருவாறழுதனை

இருதிரு வடியாற் சகடு கொன்றனை

முன்நாற் புலவர் தம் ஐவகை நிறத்த

நாற்கவி சூடினை மூவிரு சமயத்து

ஒன்றுந்தேவரும் யான் ஒருவனே என

இரங்குபு மூன்றாம் மைத்துனர் குணர்த்தினை

நாற்பயன் விழைவார்க் கஞ்சல் நல்கி

ஆறமர் சடையான் ஆதியர் வழுத்த

அள்ளிக்கேனிக்கு ஐ என அமர்ந்தனை

நான் கூறிடு முத்தமிழ்க் கவி ஒலியும்

இரு காதிடை கொளற்கு ஒரு சிறிது வேட்டனை

ஓரம் ஆர்ந்த இருமையிற் கொடியார்

அவையிடை முத்தொத்து அறலுக்கு அழுதாள்

உவகையினால் உன்னுயரருள் விளக்கினை

ஐவர் ஒன்று எனும் பேர் வாணற் செற்றனை

அறுவை பற்பல கொண்டு அணிமரம் ஏறினை

ஐங்கணைக் கிழவனை மகவாய் பெற்றனை

நாலொடு மூன்று நன்மகர்த் துணித்த

ஈர்வாள் ஏந்தும் ஒரு பெரு மாமனைக்

கடற்படையுடன் கெடக் காய்ந்தர சாண்டனை

கண்ணன் உன் திருப்பேர் காசில தாயின்

என் துயர் கண்டே இருப்பா யாதலின்

நந்துறத் தணந்து நலமுழு தருள்வாய்

செச்சை ஆங்காங்கு தெரிதர நிவந்த

பச்சைமால் வரை நேர் பார்த்தசாரதியே.