இன்சொல் இனிது.

 இன்சொல் இனிது.

 

ஆந்தை என்றால் அத்தனை ஆபத்தா?

ஆந்தையின் குரலில் அர்த்த்தங்கள் உண்டு

 

அவை ஆந்தைக்கு மட்டுமல்ல

அனைத்து உயிர்க்கும்

 

“காக்கை குருவி எங்கள் கூட்டம்” என்று சொன்ன பாரதி

ஆந்தை சொல்லவில்லை

 

பஞ்ச தந்திரத்தில் இடம் பிடித்த ஆந்தை

சகுன சாஸ்திரத்தில் சரம் கண்ட ஆந்தை  

 

சோதிட நூலில் தடம் பதித்த ஆந்தை

மக்கள் மனதில் இடம் பிடிக்கவில்லை

 

குயில் போல குரல் இனிமை இல்லை தான் காரணமாம்

இங்கே இதில் இருந்து தெரிந்து கொள்ளவேண்டியது இது

 

பாரதியும் இதை தான் சொல்கிறான்

வள்ளுவமும் “இன் சொல் இனிது” என சொல்கிறது

 

“யாவர்க்குமாம் இன்னுரை” என திருமந்திரம் சொல்கிறது

 

மனிதர்கள் மற்ற உயிர்களிடம் இருந்து கற்க வேண்டிய பாடம் இது

இன்சொல் இனிது.

 

ஆந்தைக்கு என்ன அத்தனை

 ஆந்தைக்கு என்ன அத்தனை

 

மூலிகை வைத்தியத்தில்

ஆந்தையை பிடித்து கஷாயம் வைத்து

 

என சொல்லி பாடல் வரும்

அது ஆந்தை அல்ல

 

பேராமுட்டி என்ற மூலிகை தான் அது.

காய்ச்சலை தணிக்கும் பேராமுட்டியை

 

ஆந்தை என்று சொல்லுவார்கள்.

சங்க இலக்கியத்தில்

பிசிராந்தையார் என புலவர் பெயர் வரும்

 

அவருக்கும்

ஆந்தைக்கும் தொடர்பு இல்லை

 

நாற்புறமும் தகவல் சேகரித்து

துப்பறியும் ரிப்போர்டர்களை ஆந்தையார் என்று சொல்லுவார்கள்

 

270 டிகிரி வரை கழுத்தை திருப்பும் ஆந்தை என்பதால்

ஆந்தைக்கும் அவருக்கும் தொடர்பு இல்லை

 

இப்படி ஆந்தையை உதாரணம் காட்டும் நம்மவர்கள்

ஆந்தையை உறவில் சேர்ப்பதில்லை.

 

உதாரனத்திர்காகவாவது காட்டுகிறார்களே என்பதில் பெருமை.

எல்லா உயிர்களையும் வாழ வைப்போம்.

வெள்ளை ஆந்தை

 

வெள்ளை ஆந்தை

 

 

ஆந்தையை தேடி

ஆய்வு செய்யும்

 

எண்ணமோ

நேரமோ இல்லை.

 

எண்ணியர்

திண்ணியராக பெறுவர்

 

என

வள்ளுவம் சொன்னது போல

 

நேற்றிரவு

மணி 11.15க்கு

 

பால்கனியில்

காற்று வாங்கி கொண்டு இருந்தேன்

 

ஒரு பறவை

வடக்கில் இருந்து தெற்காக

பறந்து வந்தது.

 

இரவில் என்ன

இந்த பறவை

 

என

ஒரு நிமிட சிந்தனையில்

 

 

பார்வையை அதன்

பக்கம் திரும்பினேன்.

 

அருகில் உள்ள

உயரமான கம்பியில்

உட்கார்ந்து கொண்டு

 

கண்களை உருட்டி உருட்டி

கழுத்தை திருப்பியபடி

 

பார்த்தது

பறந்து வந்த

 

வெள்ளை ஆந்தை.

வெளிச்சம் இல்லாத

 

இரவில்

இந்த சென்னை மாநகரில்

 

சத்தம் போடாமல்

தன் இருப்பை காட்டியது

 

ஆச்சரியமான

மகிழ்ச்சி தான்

 

என்றாலும்

 

ஆந்தை பலன் அறிய

ஆர்வமுடன்

 

சகுன சாத்திரத்தை

சட்டென புரட்டினேன்

 

என்ன பலன் வருமோ

என்ற பதட்டம் இருந்தது.

 

வெள்ளை ஆந்தை

இரவில் தென்படின்

 

பண வரவு என்று

பலன் வந்தது.

 

பௌர்ணமியில் கண்டால்

உள்ளுணர்வு மேம்படும்

 

என

சகுன பலன் வந்தது

 

ஆந்தையை கண்டது

அது பண வரவை தந்தது

 

என

இரட்டிப்பு மகிழ்ச்சியில்

 

தூங்க சென்றேன்

துயர் நீங்கி எழுந்தேன்.

 

இந்த நாளை

எனது குறிப்பேட்டில்

 

புக் மார்க் செய்து

பொக்கிஷமாக வைக்கிறேன்

 

(04-04-2023)

 

Announcement

விரைவில் வருகிறது.!!

தங்கள் வருகைக்கும் புரிதலுக்கும்

 நன்றி 

Thank U - for understanding

Coming Soon

ஆ....ஆந்தை

ஆ....ஆந்தை

 

ஆ.... ஆந்தையா... என

அத்துணை பேரும் விழிக்கிறார்கள்.

 

இரவில் விழித்து

பகலில் தூங்கும்

ஐடி மக்களை போல நானும்

 

இரவில் விழித்து

பகலில் தான் தூங்குகிறேன்.

 

உங்கள் குடும்பத்திற்கு அவர்கள் உதவுகிறார்கள்.

விவசாயிகளுக்கு நான் உதவுகிறேன்.

 

மனிதர்களை விட ஒழுக்கத்தில் சிறந்தவன் நான்.

ஒன்றுக்கு மேற்பட்ட மனைவிகள் எனக்கு இல்லை.

 

குழந்தை வளர்ப்பில் என்னை மிஞ்ச

இவ்வுலகில் எந்த உயிரும் இல்லை.

 

காட்டில் இருப்பவன் ஈசன் அவனைப்போலவே

கண்கள் எனக்கும் உண்டு மூன்று.

 

காட்டில் நான் இருந்தாலும்  ஈசனைப்போல

முக்கண் இருந்தாலும் என்னை ஒதுக்கி வைப்பதேன்.

 

நான் இல்லாமல் பஞ்ச பட்சி சோதிடத்தில்

சோதிடம் இல்லை-  தெரியுமா உங்களுக்கு?

 

உயிரில்லா பொறியை வைத்து எலி பிடிக்கும் விவசாயிகளே.

உயிருள்ள எனக்கு கூடு கட்டி தந்தால்,

 

எலியை மட்டும் பிடித்து

எல்லோரையும் வாழ வைப்பேனே.

 

எனக்குள் இருக்கும்

என்னை கொஞ்சம் பாருங்கள்.

 

பறப்பதிலும் மெதுவாக அமைதியாக இருக்கிறேன்.

தேவையில்லாமல் கத்துவதில்லை.

 

எனது குரலில் பல பொருள் இருக்கும் அதை

கவனித்தால் மட்டுமே உண்மை புரியும்.

 

அப சகுனம் நானில்லை. வரும் முன் உரைக்கும்

அந்த சோதிடனை போல தான் நானும்.

 

வௌவால் எனக்கு தீனி

அவர்களுக்கு அதுவே போனி

 

அதனால் சீனாவில் எனக்கு

அந்த நல்ல பெயர் இல்லை.

 

அதிர்ஷ்ட தேவதை யார் என

அமேசானில் தேடினால்..

 

அங்கே முதலில் வந்து நிற்பது

ஆந்தை பொம்மை தான்.

 

இந்து மத பஞ்சாங்கத்தில்

இடம் பிடித்த நான்...

 

இந்தியர்கள் மனதில் இன்னும்

இடம் பிடிக்கவில்லை.

 

திருமுறைகளிலும்

திருப்புகழிலும்

 

இடம் பிடித்த நான் மக்கள் மனங்களில்

இன்னும்  இடம் பிடிக்கவில்லை.

 

பஞ்ச தந்திர கதையில்

படம் பிடித்த என்னை.

 

பாவம் என பரிதாபபடாமல்

பிடித்து அடித்து விடுகிறார்கள்.

 

இந்தியாவில் என்ன பாவம் செய்தேன்

இங்கே ஏன் என்னை ஒதுக்குகிறார்கள்? புரியவில்லை

 

மனிதர்கள் இருக்கும் இடம் வேண்டாம் என

மரங்கள் இருக்குமிடத்தில் இருக்கும் நான்

 

உங்கள் நண்பன் என

உணர்ந்து கொள்ளுங்கள்.

 

என்றும் உங்களுடன்.

ஆந்தை.