அவசரமில்லை - ஆமை

  

அவசரமில்லை - ஆமை

 

அவசர உலகில் ..

அனைவரும்..

 

நிற்க எனக்கு நேரமில்லை

நெடுந்தூரம் போக வேண்டும் என

 

ஓடிக்கொண்டு இருக்கிறார்கள்

ஓய்வாக உட்கார்ந்து விடுகிறார்கள்.

 

சமூக வலைதளத்தில்..

சம்பந்தமே இல்லாமல்

 

கமென்ட் தருவதை

கட்டாய வழக்கமாக கொண்டாடுகின்றனர்.

 

ஒரு நிமிடம் இருங்கள் .

ஒங்களுக்கு ஒரு விஷயம்..

 

நீண்ட நாள் வாழ வேண்டுமா?

நீடித்த புகழ் வேண்டுமா?

 

உலகில் உங்கள் விலை

உயரமான இடத்தில் இருக்க வேண்டுமா

 

அப்படி என்றால்.

ஆமையை பாருங்கள்..

 

சத்தம் போடாத ஆமை

சட்டென ஓடாது..

 

 

கடலில் இருக்கும் போதும்

கடற்கரை மணலில் உலவும் போதும்

 

அமைதியாக, மெதுவாக

ஆனந்தமாக, உலகில்

 

நீண்ட நாள் வாழும் உயிரினம்

நிச்சயமாக "ஆமை" மட்டும் தான்.

 

விலையும் அதிகம்

விவரமானவர்களுக்கு தெரியும்-இதில்

 

சுவையும் அதிகம்

சத்தும் உள்ளது

 

அமெரிக்க அதிபர் வில்லியம் டாஃபெட் உணவு தட்டிலும்

ஆமைக்கறி இருந்து இருக்கிறது.

 

நீங்கள்

நீண்ட நாள் வாழ வேண்டுமா?

 

பேசாத ஆமையை பாருங்கள்

பேச்சை குறையுங்கள்.

 

மௌனம் ஞானத்தின் அடையாளம் என்கிறது

மெத்த படித்த வேத நூல்கள்.

 

நீண்ட நாள் வெற்றியை தக்கவைத்துக் கொள்ள வேண்டுமா?

நீந்தும் ஆமையை பாருங்கள்.

  

செயலில் மெதுவாக

சிந்தனையில் வலுவாக

 

வெற்றி இலக்கை மட்டும்

வெறியாக கொண்டால்

 

வெற்றி நிச்சயம் - இது

வேத சத்தியம்.

 

அன்பை மட்டும்

அடித்தளமாக கொண்ட ஆமை

 

கொஞ்சம் கூட கோபம் கொள்ளாமல்

கொஞ்சி விளையாட ஓடி வரும் செல்லப் பிராணி.

 

அன்பை மட்டும் மனதில் விதைத்து

ஆளையே கொல்லும் கோபத்தை விடுத்தால்

 

அகிலம் போற்றும் வாழ்வை

ஆனந்தமாக பெறலாம்

 

இருக்கும் போதும்.

இறந்த பிறகும்...

 

ஆமை கற்றுத் தரும் பாடம் இது

"ஆமாம்" என்று சொல்ல வேண்டாமா.

 

ஆமையை காப்போம்

நன்மையே விளையும்.

"நஞ்சு அல்ல அமுது "

புத்தகம் பற்றிய உங்கள் எண்ணக் கருத்துக்களை இங்கே பகிர்ந்து கொள்ளலாம்

GIVE FEEDBACK