ஒதுக்கப்பட்ட உயிரினமா ஆமை..!!

 

ஒதுக்கப்பட்ட உயிரினமா ஆமை..!!

 

ஒதுக்கப்பட்ட

உயிரினமா ஆமை..!!

 

விலை பேசி

விற்பது தவறு என்று அரசு சொல்கிறது

 

அரிய வகை ஆமை என

அலட்சிய படுத்துபவர்கள் இங்கே.

 

ஆமை வந்த வீடும்

அமீனா வந்த வீடும்

 

என

 

தவறாக சித்தரித்து

தரணியில் பரப்பி விட்டார்கள்.

 

உருப்படாது ஆமை என்றால்

உலகில் விலை போவது ஏன்?

 

நீதி மன்ற வழக்கு, உத்திரவு, மேல்முறையீடு என

நீண்ட நாள் எடுத்துக் கொள்ளும் என்பதை சொல்ல

 

ஆமையின் வேகத்தை இங்கே சுட்டிக் காட்ட, சொன்ன

ஆமையை நம்மவர்கள் அமீனாவுடன் சேர்த்து விட்டார்கள்.

 

வைணவர் வணங்கும் விஷ்ணு

வையத்தில் எடுத்த இரண்டாவது அவதாரம் ஆமை.(கூர்ம)

 

 

திருமால் நிகழ்த்திய திருஅவதாரங்கள்

தீயவர்களை அழிக்க தான். ஆனால்,

 

கூர்ம (ஆமை) அவதாரத்தில் அவர் யாரையும்

கூர் செய்து காட்டவில்லை. மாறாக

 

அமிர்தம் கிடைக்க

அருள்பாலித்தார்.

 

அமிர்தம் மட்டுமல்ல,

ஆரோக்கியம் தரும் தன்வந்தரி,

 

அஷ்ட ஐஸ்வர்யம் தரும் இலக்குமி

அனைத்தையும் தரும் காமதேனு என

 

பாற்கடலை கடைந்த போது வந்தது என

புராணம் சொல்கிறது.

 

ஆமையால் அதிர்ஷடம்

அமிர்தம் போல இன்பம் வரும் என புரிகிறதா?

 

ஆனி மாதம் தேய்பிறை துவாதசியில்

ஆமை அவதராம் தோன்றியதால்

 

கூர்ம ஜெயந்தி என

கூர் நிறைந்த இந்துக்கள் கொண்டாடுகின்றனர்.

 

காஞ்சியில் உள்ள நம்ம

கச்சபேஸ்வரர் (கச்சபம்-ஆமை) ஆலயம்

 

ஆமை அவதாரம் செய்த பெருமாள்

அந்த வைகுந்த பதவி பெற்றதை சொல்லும்.

 

ஆயிரமாண்டுகள் பழமை வாய்ந்த இந்த

ஆலயம் காஞ்சியில் உள்ளது போல,

 

 

சிங்கார சென்னையில் உள்ள

சிவன் கோயில் கச்சாலீஸ்வரர் கோயில்

 

பாலாற்றில் வெள்ளம் வந்து – தன்

பாரத்தை சிவனிடம் பிரார்த்தனை செய்து - என

 

கச்சபேஸ்வரர் கோயிலுக்கும்

கச்சாலீஸ்வரர் கோயிலுக்கும் தொடர்பு உண்டு

 

ஆமையின் ஓட்டை சிவனார் புலி

ஆடைக்கு மேல் மாலையாக போட்டு இருப்பது

 

நம்மில் எத்தனை பேருக்கு தெரியும். இது

நலம் பயக்கும் செய்தி என்பதாவது தெரியுமா?

 

கூர்ம அவதாரத்தை வழிபட்டால்,

மன தைரியம் வரும் என்று சொல்லுவார்கள்.

 

வாசலின் வடக்கு பகுதியில் ஆமை வைத்தலென்பது

வாஸ்து சாஸ்திரத்தில் சொல்லும் ஒரு செய்தி.

 

ஐந்தையும் அடைக்கும் ஆமை நீண்ட நாட்கள் வாழும் – பொறி

ஐந்தையும் அடிக்கினால், மனிதன் ஆனந்த வாழ்வு பெறுவான்

 

இத்தனை சிறப்பு பெற்ற ஆமையை

இங்கே வெறுத்து ஒதுக்கலாமா?

 

 

 

கொஞ்சம் கூட கோபம் கொள்ளாத ஒரே உயிரினம்

கொஞ்சி விளையாட ஓடி வரும் செல்ல பிராணி – ஆமை.

 

வணங்குதற்குரிய உயிரினம் அது

வாழ போற்றி காக்க வேண்டிய உயிரினம்  என

 

புரிந்து கொண்டு இந்த

புவியில் அதனையும் வாழ வைப்போம்.