வெளிச்சத்திற்கு வாங்க 53

 

வெளிச்சத்திற்கு வாங்க

-   53 –

 

பரிகாரங்கள் என்றால் என்ன?  என தொடங்கியதுமே... சார் பரிகாரமா?

கொஞ்சம் இருங்க இதோ வந்துடறேன்னு சொல்லிட்டு போறவங்க தான் அதிகமாக இருப்பாங்க.. ஏன் என்று கேட்டால், “இதுவரை நான் செய்யாத பரிகாரம் இல்லை ஆனால் பாருங்க பிரச்சனைக்கு தீர்வு இல்லை” என்று. இன்னும் சிலர், “பிரச்சனை தீர தான் பரிகாரம் செய்கிறோம். ஆனால் பாருங்க இப்போ பிரச்சனை பூதாகாரமாக வந்து நிற்கிறது. எனக்கு நம்பிக்கையே போச்சு சார்” என்று நம்மிடம் குறைப்பட்டு கொள்வார்கள்.

      உண்மையில் ஒரு பரிகாரங்களை சொல்லும் போதும், அதை செய்யும் போதும் கவனிக்க வேண்டிய சில என உள்ளது அதனை பற்றி இந்த வாரம் சிந்திக்கலாம் என்று தோன்றியதை உங்களுடன் பகிர்ந்து கொள்கிறேன்.

சமூக வலைப்பதிவு, இலவசமாக கிடைக்கும் சானல் என ஏகப்பட்டது இப்போ கையடக்க பெட்டியில் கிடைக்கிறது . அவரவர்கள் படித்ததையோ, மற்றவர்கள் படைத்ததையோ பகிர்ந்து கொண்டு இருக்கிறார்கள். அதை சரி என்றோ தவறு என்றோ சொல்லவில்லை. மாறாக பரிகாரம் என்பதும் அதன் நிலை குறித்தும் மட்டுமே சிந்திக்க எடுத்துக் கொள்வோம்.

மணி, மந்திரம், ஒளஷதம் என்று சொல்வதை நீங்களும் கேட்டு இருக்கலாம். மணி என்பது சில வழிபாட்டு சாதனங்களையும், மந்திரம் என சில சில சொற்கள் வாக்கியங்கள் எனவும் பீஜ ஒலி சேர்த்து அல்லது சேர்க்காமல் என சில வற்றை சொல்ல சொல்வது ஒளஷதம் என்பது மருந்து என்று பொதுவாக சொல்லுவார்கள். அதை தவறு என்றோ சரி என்றோ கருத்து சொல்ல தேவையில்லை. நமது சிந்தனையில் வருவதை உங்களுடன் பகிர்ந்து கொள்கிறேன்.

இந்த மந்திரத்தை இத்தனை முறை சொல்ல வேண்டும். இந்த வேர்களை திரியாக்கி விளக்கு ஏற்ற வேண்டும் சில கனிகளில் தீபம் ஏற்றுதல், பூசணிக்காய், தேங்காய் என அவரவர்கள் விளக்கு ஏற்றுவது, எள்ளு பொட்டல விளக்கு, வெண் கடுகு விளக்கு, அடுத்தவர் ஏற்றிய விளக்கில் இவர்கள் ஏற்றுவது, என சொல்ல நிறையா இருக்கு. இன்னும் சில இடங்களில் இத்தனை விளக்கு ஏற்றினால் இன்ன பலன் என எழுதி போட்டு வியாபாரம் செய்து கொண்டு இருப்பார்கள். இத்தனையும் திருக்கோவில்களில் ஆங்காங்கே நடைபெறுவதை நாமும் பார்த்துக் கொண்டு இருப்போம். ஆனால் இவைகளை செய்யலாமா கூடாதா என்று எப்போதாவது நம்மில் எத்தனை பேர் சிந்தித்து இருப்போம்?

 

எல்லோரும் நன்றாக வளமை பெற்று வாழ வேண்டும் என்ற ஆவல் இயல்பானது தான்.. அது அவர்கள் உரிமையும் கூட. அந்த உரிமையை கேட்டு பெற நினைக்கும் நம்மில் எத்தனை பேர் கடமை செய்து இருப்போம் என்று மனசாட்சியை தட்டி கேட்டு பாருங்கள்.

ஆனால், பிரச்சனைகள் வரும் போது, அதை எதிர்கொள்ள பயந்து தப்பித்துக் கொள்ள அல்லது வேறு முறைகளை தேடி ஓடி ஒளிய தான் பலரும் நினைக்கிறார்கள்.  நாம் செய்த கர்ம வினை தானே என்று எத்தனை பேர் முதிர்ச்சியுடன் இருக்கிறார்கள் சொல்லுங்கள்.

    “நன்று ஆம்கால் நல்லவாக் காண்பவர்

    அன்று ஆம்கால் அல்லல் படுவது எவன்”.

என திருவள்ளுவர் நமக்கு இடித்து காட்டிய பிறகும் இதை சிந்திப்பவர்கள் உண்டோ?

புத்தகத்தை பார்த்து பரிகாரம் செய்வது, இலவச சானல்களில் சொல்வதை கேட்டு செய்வது என செய்வதெல்லாம், உடல் நலம் சரியில்லை என்றால், மருத்துவரை சந்திக்காமல், மருந்து கடையில் மாத்திரை வாங்கி சாப்பிடுவது போன்றது. சிலருக்கு கேட்கலாம் சிலருக்கு அது வேறு மாதிரி அமையலாம்.

உடல் கூறு முறை ஒன்றாக இருந்தாலும், அதன் செயல்பாட்டு முறை நமது வாழ்க்கை முறைக்கு ஏற்ப நிச்சயமாக மாறுபடும் என்பதை மறுப்பவர் இருக்க முடியாது அது போல தான் பரிகார முறைகளும். இந்த பரிகாரம் இந்த குலத்திற்கு இந்த ஜாதகருக்கு பொருந்துமா என்று ஆய்வு செய்த பிறகே அனுபவமிக்க சோதிடர் சொல்லுவார்கள். பொதுவாக சொல்லக் கூடிய இறை வழிபாட்டு முறையை யாரும் சொல்லலாம். அதை யாரும் செய்யலாம் என்பதில் மாற்று கருத்து இருக்க முடியாது.

இந்த சமித்து இந்த ஹோமத்திற்கு என சொல்வது போல, இந்த அரிசி இந்த வகை சாப்பாட்டிற்கு என்று சொல்வது போல, இந்த பிரச்சனைக்கு இந்தவகையில் பரிகாரம் செய்ய வேண்டும் என்பது ஒரு முறை.

புரிதல்களுக்காக இப்படி சொல்கிறேன் உங்கள் அனுபவத்தில் சரியாக உள்ளதா என்று சரி பார்த்துக் கொள்ளுங்கள். ரிஷிகள் சொன்ன வழிமுறைகளை பின்பற்றி செய்வது ஹோமம் செய்தல் யாகம் செய்தல் நெருப்பில் இடுதல் அல்லது நீரில் கரைத்தல் என்பது போல இருக்கும். சித்தர்கள் சொல்வதை பார்த்தால் மூலிகை செடிகள் வழியாக பூசைகள் இருப்பது போல இருக்கும். இதில் இது தான் சரி அல்லது அது தான் சரி என்று வாதம் செய்ய கூடாது.நமது ஜாதக கட்டத்தில் ஏற்புடைய கிரக நிலைக்கு ஏற்ப உங்கள் நம்பிக்கைக்குரிய சோதிடர் சொல்வதை புரிந்து கொள்வது போல இருக்க வேண்டும்.

 

சனி செவ்வாய் சேர்க்கை பெற்றால் இல்லறம் எப்படி சிறக்கும். குரு ராகு சேர்க்கை என்றால் நல்ல பழக்கம் எப்படி வரும். இப்படி சொல்ல நிறைய இருக்கிறது.

எப்படி ஒருவர் 100% நல்லவரும் இல்லை 100% கெட்டவரும் இல்லை என்பதை நடைமுறையில் தெரிந்து கொள்கிறோமோ,. அது போல தான் வினைப்பலன்களும், அவைகளை சரியான விகிதத்தில் கலந்து தான் இறைவன் ஆணை இட்டு இருப்பார்கள். அந்த ஆணையை நவகிரகங்கள் செயல்படுத்தும். அதனால் ஒரு கிரகம் நல்லது மட்டுமே செய்யும் என்றோ தீயதை மட்டுமே செய்யும் என்றோ சொல்லி விட கூடாது. சுப கிரகம் குரு அதனால் வரும் தீமையும் உண்டு. பாவ கிரகம் சனி அதனால் வரும் நன்மையையும் உண்டு எனபதை  புரிந்து கொண்டால் மற்றது சுலபாக புரியும்.

தமிழால் முடியாதது எதுவும் இல்லை. மூவர் முதலிகள், தமிழில் ஒரு பாட்டு பாடி மூடிய கோவில் கதவுகளை திறந்து இருக்கிறார்கள், இறந்து போனவர்களை  உயிருடன் மீட்டு பெற்று இருக்கிறார்கள். தமிழ்க்கிழவி ஒளவையார், பட்டு போன பலா மரத்தை ஒரு செந்தமிழ் பாட்டு பாடி மீட்டு தந்து இருக்கிறார்.

இராப்பத்து உற்சவத்தில் பெருமாள் பாசுரம் செவிமடுக்கும் சடங்கு இன்றும் நடைபெறுவது நாம் அறிவோம். சைவ கோவில்களில் வடமொழி பூசனைகள் இருந்தாலும் பஞ்ச புராணம் பாடாமல் பூசைகள் அங்கே முழுமை அடைவதில்லை என்பதை நாம் அறிவோம்.

நமது பரிகார முறைகள் தமிழ் வழி பாடலாக இருக்கும், சில வழிபாட்டு முறைகளாக இருக்கும், உணவு பழக்கமாக இருக்கும், உணர்வு முறை மற்றும் ஒழுக்க நிலைகளாக இருக்கும். இது போல அவரவர்கள் ஒரு சில முறையை கை கொண்டு இருப்பார்கள். என்பதை புரிந்து கொண்டு, அவர்கள் அப்படி சொல்கிறார்களே இவர்கள் இப்படி சொல்கிறார்களே என்று உங்கள் இயலாமைக்கு காரணம் சொல்லிக்கொண்டு இராமல், உங்கள் நம்பிக்கைக்குரிய சோதிடர் சொல்வதை கேட்டு செயல்படுங்கள்.

 

நல்லதே நினைப்போம். நல்லதே நடக்கும்.