வெளிச்சத்திற்கு வாங்க 9

 

“வெளிச்சத்திற்கு வாங்க...”

-   9 -

 

வீட்டிற்கு ஒரு மரம் வளர்ப்போம்..!!

 

இல்லை.. இல்லை..

 

ஆளுக்கு ஒரு மரம் வைக்க வேண்டும் என்று தான் ஆசை சிலருக்கு வீட்டுக்கு பக்கத்தில் ஒரு தோட்டம் வைத்து என்று கனவு இருக்கும். சிலருக்கு சின்னதாக இடம் வாங்கினால் கௌரவ குறைச்சல் என்று வாங்காமல் இருந்து விடுவார்கள். வசதி நிறைந்தவர்கள் பெரியதாக இடம் வாங்கினால் அதை வைத்து பராமரிப்பது சிரமம் என்று பேசாமல் இருந்து விடுவார்கள்.

 

நாங்கள் எல்லாம் நகரத்தில் வாழ்கிறோம்.. எங்களுக்கு எங்கே நேரம் இருக்கு.யார் தண்ணீர் ஊற்றுவது என்று வயதான பிறகு ஊருக்கு வெளியே சின்னதாக இடம் வாங்கி என்று கற்பனை கட்டி அது நனவாகும் முன் வெளி நாட்டில் போய் செட்டில் ஆகிவிடுவார்கள்.

 

மொத்தத்தில் மரம் வைக்க வேண்டும் என்ற ஆசை மண்ணோடு புதைந்து விடும். மண்ணுக்குள் போட்ட விதை விருட்சமாவது போல, ஒரு சிலர் தான் விரும்பிய மரங்கள் மலர் செடிகள் என பட்டியலிட்டு, என்று இருப்பார்கள்..

 

உங்களுக்கு தான் இந்த செய்தி.. நீங்கள் விரும்பும் மரத்தை வைக்க போறீங்களா. அல்லது மண்ணுக்கு ஏற்ற மரத்தை வைக்க போறீங்களா என்று முடிவு செய்யுங்கள்.

 

மண் வகைகள் மொத்தம் ஒன்பது அவை, செம்மண், மணற்பாங்கான மண், மணற்குறு மண், குறு மண், களி மண், கரிசல்மண், செம்புறை மண், வண்டல் மண் அல்லது அடை மண் மற்றும் பாலை மண். ஒவ்வொன்றுக்கும் ஒரு கிரக காரத்தை வைத்து பார்த்தால் விவசாயத்தில் சோதிட சிந்தனைகளை பொருத்தி பார்த்து அதில் தடம் பதிக்கலாம். இப்போதெல்லாம் community farming என்ற முறை வந்து விட்டது. அதில்  காய்கறி, கீரைவகைகள், பழ மரங்கள், வணிக மரங்கள், பூ வகைகள்மூலிகை செடிகள் என தேவைக்கு ஏற்ப இட வசதிக்கு ஏற்ப மாடியில் கூட அமைத்துக் கொள்ளலாம். ஒரு தொட்டி, கொஞ்சம் மண், கொஞ்சம் தண்ணீர் போதும்.

 

சோதிடம் ஒரு கடல் எனபது போல விவசாயமும் ஒரு கடல். முன்பெல்லாம் குடும்பத்தில் மாமா ஊஞ்சலில் உட்கார்ந்து இருப்பார். மாமி அருகில் வந்து “ஏன்னா இன்னிக்கு என்ன சமைக்கட்டும்” என்று ஆலோசனை கேட்பார், மாமாவும் அன்றைய திதி நட்சத்திரம் பார்த்து இந்த காய் சமைத்து விடு என்று சொல்லுவார். சமையலும் சுவையாக இருக்கும் சாப்பாடும் ஆரோக்கியமாக இருக்கும். எந்த வைரஸ் பற்றிய செய்திகளும் அவர்களுக்கு தெரிந்து இருக்க வாய்ப்பு இல்லை.

 

ஆனால் இன்றைய நாளில்... மார்கெட்டில் எந்த காய் விலை குறைவாக கிடைக்கிறதோ அது மருந்து அடித்த காய்களாக இருந்தாலும், அதை விரும்பியோ விரும்பாமலோ சமைத்து பசிக்கு எதையோ சாப்பிடுவது பழக்க மாகி போச்சு.

 

இதில் நாமே காய்களை பயிரிட்டு, (அது மாடி அல்லது பால்கனி தோட்டமாகவும் இருக்கலாம்) நஞ்சு இல்லா காய்களை பறித்து சாப்பிட்டு என்றால் கேட்பதற்கு நன்றாக தான் உள்ளது மனம் இருந்தால் கூடவே கொஞ்சம் உழைப்பும் இருந்தால் இது சாத்தியமானதே.

 

இந்த வாரம் உருளைக்கிழங்கு வைத்து ஒரு செய்தி சொல்ல போறேன்.

 

ஜாதகத்தில் சுக்கிரன் சுபத்துவம் பெற்று இருந்தால் அவர்கள் உருளைக்கிழங்கு பிரியர்களாக இருப்பார்கள் என்று கண்ணை மூடிக் கொண்டு சொல்லி விடலாம். மார்கெட்டில் கூட பாருங்கள் சுக்கிரன் மற்றும் சந்திரன் சம்பந்தப்பட்ட காய்கள் அதிகமாக விற்பனையாகும் உதாரணம் உருளைக்கிழங்கு, தக்காளி போன்றவை.

 

வட மாநிலத்தவர்களுக்கு உருளைக்கிழங்கு இல்லை என்றால் சாப்பாடே இல்லை. நாலு ரொட்டி கொஞ்சம் உருளைக்கிழங்கு சாகு போதும்.

 

சோதிட சாஸ்திரத்தில் அசுர குருவாக இருக்கும் சுக்கிரன், உயிர் காரகங்களை தூண்டி வாழ்க்கையில் பிடிப்பை ஏற்படுத்துவது போல உருளைக்கிழங்குக்கு சில அடிப்படையில் குணங்கள் உண்டு.

 

இது நுண்ணியிர் பெருக்கத்திற்கு இயற்கை விவசாயத்தில் பயன்படும். என்றால் ஆச்சரியமாக உள்ளதா? ஜடம் என்ற கொரியன் முறையில் நுண்ணியிர் பெருக்கத்திற்கு இதை தான் செய்கிறார்கள். இது மண் வளத்தை காத்து விளைச்சலையும் அமோகமாக தந்து விடும். சுக்கிரன் என்றால் அப்படி தானே. அடுக்கு மாடி வீடுகள் பல சக்கர வாகனங்கள் என்று சொல்லி தானா சுக்கிரனின் பெருமைகள் தெரிய வேண்டும்.

 

பல் முளைக்காத சின்ன குழந்தைகளுக்கு உருளைக்கிழங்கை, அப்படியே வேக வைத்து கொடுப்பார்கள். குழந்தைகளுக்கு பல் வேகமாக வந்து விடும்.. பெட்ரோலுக்கு மாற்றாக எத்தனால் கூட எடுப்பதாக சொல்கிறார்கள்.

 

எங்கே எல்லாம் சுக்கிரன் காரகத்துவம் இருக்கிறதோ, அங்கே எல்லாம், அழகும், ஆனந்தமும் விளையாடும்.

 

இந்த உருளைக்கிழங்கு முக அழகுக்கும் பயன்படுத்துவார்கள். கருப்பு வளையம் முழங்கையில் உள்ள கருப்பு என இவற்றிக்கு உருளைக்கிழங்கை தேய்த்தால் எந்த வேதியியல் க்ரீமும் இல்லாமல் கருப்பு நிறம் காணாமல் போயிடும். தோலில் இயல்பான தன்மை வந்து விடும். குளிப்பதற்கு முன் முகத்தில் பூசுவதால், முகம் ப்ளீச் செய்தது போல பளபள என்று ஆகி விடும்.

 

இப்படி சுக்கிரன் காரத்துவம் கொண்ட உருளைக்கிழங்குகை ஏதாவது ஒரு வடிவத்தில், வாரத்திற்கு இரண்டு முறையாவது எடுத்துக் கொள்ளாத குடும்பங்கள் குறைவு என்றே சொல்லி விடலாம்.

 

ஆப்பிள் கன்னம், உப்பிய கன்னம் இது எல்லாம் சோதிட குறிப்பில் சுக்கிரனை வைத்து சொல்லி விடலாம். அதற்கு சுக்கிரன் காரகத்துவம் கொண்ட உருளைக்கிழங்கு தான் துணை செய்யும் என்றால், வியப்பாக உள்ளது அல்லவா?

 

அன்றாட வாழ்வில் சோதிட முறைகளை பொருத்தி பார்த்தால், சோதிடம் என்ற கடலில் நீச்சல் பழகுவது எளிதாக மட்டுமல்ல, சுவையாகவும் இருக்கும்.

கால அளவு, இடத்தின் தன்மை, காய்கள் பயிரிடும் சூழல், பயிர் சுழற்சி முறை என்று சோதிட கணிப்பை கொண்டு அணுகினால், விவசாய விளைச்சலை விரல் விட்டு சொல்லிடலாம் என்றால் வியப்பாக தான் உள்ளது.

 

இப்போ கூட பாருங்கள். சென்னை பீச் பக்கம் போனால் ஸ்ப்ரிங் பொட்டடோ தான் குழந்தைகள் கூட விரும்பி சாப்பிடுவார்கள் என்றால் இதற்கு மேல என்ன சொல்லனும்னு நினைக்கறீங்க..

 

அடுத்த வாரம் இன்னொரு சிந்தனையுடன் இணைகிறேன். நம்பிக்கையுடன் இருங்கள். நல்லதே நடக்கும்.!  (தொடரும்)