வெளிச்சத்திற்கு வாங்க 13

 

“வெளிச்சத்திற்கு வாங்க...”

-   13 -

 

முப்பது ஆண்டுகள்...

ஆம். முப்பது ஆண்டுகள் வாழ்ந்தவரும் இல்லை.. முப்பது ஆண்டுகள் வீழ்ந்தவரும் இல்லை என்று சொல்லுவார்கள். சோதிட சாத்திரத்தில் பெரிய கிரகம் குருவும் சனியும் தான், இதில்,  சூரியனை சனிபகவான் சுற்றி வரும் காலம் முப்பது ஆண்டுகள். கர்ம காரகனான சனிபகவானின் ஒரு சுற்றை வைத்து இந்த சோதிட பழமொழி வந்து இருக்கலாம், என்பது பலரின் கருத்து.

அவனிதனிலே பிறந்து மதலை எனவே தவழ்ந்து

என்பது அழகுபெறவே நடந்து - இளைஞோனாய்

 

அருமழலையே மிகுந்து குதலை மொழியே புகன்று

அதிவிதமதாய் வளர்ந்து - பதினாறாய்

 

பிறந்து, தவழ்ந்து, வளர்ந்து என்பதை சொல்லும், அருணகிரிநாதர் அருளிய பழனி திருப்புகழ்.

“...........முப்பதில் ஈர்ந்து ஒழிந்தாரே”. 

என்று திருமந்திரமும் முப்பது வரை தான் இளமை என்று சொல்கிறது., ஒளவைப் பாட்டியும்,

“முப்பதாம் ஆண்டு அளவில் மூன்று அற்று ஒருபொருளைத்

முப்பது வயது வரையில் தான் இளமை இருக்கும். முப்பதுக்கு பிறகு மூப்பு தான் முன் வந்து நிற்கும்.

தப்பாமல் தன்னுள் பெறான் ஆயின்.......”

 

என்று சொல்கிறார்.

 

இதில் முப்பது என்பதை குறிப்பாக சொல்ல தான் இந்த சிந்தனை. அது என்ன முப்பது என்று கேட்கறீங்களா?

இப்போ சொல்லுங்க நீங்கள் முப்பதை தாண்டியவரா... முப்பதுக்குள் இருப்பவரா?

முப்பது வயது வரையில் தான் இளமை இருக்கும். அந்த இளமை இதோ.. இதோ.. என்று பாடினாலும் பாடாவிட்டாலும் முப்பதுக்கு பிறகு மூப்பு தான் முன் வந்து நிற்கும்.

ஆனால் பாருங்க...

ஜாதகத்தில் சந்திரன் நிற்கும் இடம் தான் ராசி. இது அநேகமாக எல்லோருக்கும் தெரிந்து இருக்கும். இந்த ராசியிலோ அல்லது அதற்கு முன்போ அல்லது அதற்கு பின்னரோ கோச்சாரத்தில் சனி வந்து விட்டால் அதை தான் ஏழரை சனி என்று சொல்லுவாங்க.. ஒவ்வொரு கட்டத்திலும் இரண்டரை ஆண்டு என்ற கணக்கின் படி இந்த ராசிக்கு 12இல் ராசியில், ராசிக்கு இரண்டில் என்று ஏழரை சனி என்று  

இது மட்டுமா? ராசிக்கு எட்டாம் இடத்தில் சனி வந்துவிட்டால், அது அஷ்டம சனி என்று சொல்லுவாங்க.. ராசிக்கு நான்கில் சனி வந்து விட்டால் அதை அர்தாஷ்டம சனி (எட்டில் பாதி - நான்கு) என்று சொல்லுவாங்க..

இப்படி ஏழரை சனியோ, அர்தாஷ்டம சனியோ, அல்லது அஷ்டம சனியோ வந்து விட்டால், இந்த பத்தாண்டுகள் படாத பாடு பட்டு போயிடும்.

அதுவும் முப்பது வயதிற்குள் வந்து விட்டால், வேதனை, சோதனை, அமைதியின்மை, சோம்பல், எடுத்த எதிலும் தோல்வி, என இளமையில் முதுமையை அனுபவித்துக் கொண்டு இருப்பார்கள்.

போதும்டா சாமி... என்று அவரவர் ஜாதக அமைப்பை வைத்து கெடுபலன்கள் கூடுதலாகவோ, நற்பலன்கள் குறைவாக கிடைத்து விடும். இந்த சிக்கல் இல்லாமல் தப்பிக்க வழியே இல்லையா என்று கேட்டால், எல்லோருக்கும் இந்த வேதனை வாழும் ஒரு சமயத்தில் வந்தே தீரும்.. அது எப்போ வருகிறது என்பதை பொறுத்து, மன பக்குவம் ஏற்படும் என்பதை சொல்லி விடலாம்.

இது மட்டுமல்ல, சனி பெயர்ச்சியில் பார்வைகளையும் கவனத்தில் கொள்ள வேண்டும்.

அதே ... அதே தான்.. என்று சனியின் தாக்கத்தில் இருப்பவரா நீங்கள். வருந்த வேண்டாம்.

சில குறிப்பான வழிபாடுகள் செய்வது வந்தால், பிரச்சனையை குறைத்துக் கொள்ளலாம்.

ஒழுக்கம் உணவு வழிபாடு என்ற நிலையில் உறுதியாக இருந்து விட்டால், கிட்ட வந்த தொல்லைகள் எட்டியோ போகும். எது வந்த போதும், இனி இல்லை பயமே என்ற எண்ணம் மேலோங்கி நிற்கும்.

ஒழுக்க நிலையில் என்ன செய்ய வேண்டும் என்றால், அவரவர் வாழ்க்கை சூழலிற்கு ஏற்ப அதை செய்து கொள்ளலாம் என்றாலும் மூன்று முக்கியமானவைகளை கை கொள்ள வேண்டுமுதலாவதாக, இது முடியாதே மாற்று ஏற்பாடு ஏதாவது செய்து கொள்ளலாமா என்று compromise இல்லாமல், அப்படியே செய்ய வேண்டும்.

முதலாவதாக, வைகறையில் துயில் எழு வேண்டும். அதாங்க காலையில் சூரிய உதயத்திற்கு முன் எழுந்து உங்கள் வேலைகளை தொடங்க வேண்டும்.

இரண்டாவதாக, குறைந்த பட்சமாகவாவது நடந்து செல்ல வேண்டும். கவுரவமான பணியில் இருப்பவர்கள், எப்போதும் காரிலேயே சுற்றுபவர்கள், அல்லது  நடக்க கூச்ச படுபவர்களாக இருந்தால், குறைந்த பட்சம் அலுவலகங்களில், லிப்ட் பயன்படுத்துவதை தவிர்க்க வேண்டும்.

மூன்றாவதாக தினமும் குறைந்தபட்சம் மூன்று மணி நேரம் மௌன விரதம் பேசாமல் இருக்க வேண்டும். வாய் பேச்சு மட்டும் தானே என்று டிவியை பார்த்துக் கொண்டு இருக்க கூடாது. பேப்பரில் எழுதி காண்பிப்பது என்பது போல இருக்க கூடாது. வாய் பேச்சு மட்டுமல்ல மனதும் அடங்கியே இருக்க வேண்டும்.

இந்த மூன்று ஒழுக்க நிலைகளை கடைப்பிடிக்க முடியும் என்றால், இந்த ஏழரை, அஷ்டம மற்றும் அர்த்தஷ்டமா சனி காலங்களில், பிரச்சனை உங்களை விட்டு விலகுகிறது என்பதை நீங்களே உணர்வு பூர்வமாக பார்க்கலாம்.

சரி உணவில் என்ன கட்டுப்பாடு என்று கேட்க வருகிறீர்கள் புரிகிறது. ரொம்ப சுலபமானது தான் செய்வதும் சிக்கல் இல்லை, சுவையாக சாப்பிடுவதிலும் சிக்கல் இல்லவே இல்லை..

ஆமாங்க, இட்லி தான், முழு உளுந்து போட்டு கூடவே வெந்தயமும் சேர்த்து, அரைத்த மாவிலே இட்லி அவித்து சாப்பிட வேண்டும். இதெல்லாம் கடையில் வாங்குகிற மாவில் இருக்குமா என்று கேட்காதீங்க..

இட்லி மட்டுமல்ல அதிகமான அவித்த உணவுகளை எடுத்துக் கொள்ளுங்கள். வெள்ளை எள்ளை வாரம் ஒருமுறையாவது உணவில் சேர்ந்து இருக்கட்டும்.

வழிபாடு அவரவர் மதம் அல்லது குடும்ப வழக்கப்படி அல்லது  விருப்பபடி இருக்கலாம் என்றாலும், சில குறிப்புகளை தருகிறேன், உங்களுக்கு திருப்தியாக இருந்தால் அதை செயல்படுத்திக் கொள்ளலாம்.

திருஞானசம்பந்தர் அருளிய தேவார பதிகத்தில்,

போகம் ஆர்த்த பூண் முலையாள் தன்னோடும் பொன் அகலம்

பாகம் ஆர்த்த பைங்கண் வெள் ஏற்று அண்ணல், பரமேட்டி,

ஆகம் ஆர்த்த தோல் உடையன், கோவண ஆடையின் மேல்

நாகம் ஆர்த்த நம்பெருமான், மேயது நள்ளாறே.

 

என தொடங்கும் திருநள்ளாறு பதிகத்தினை இருவேளையும் பாடி வழிபாடு இயற்ற வேண்டும்.  தமிழால் முடியாதது எதுவும் இல்லை என்பதை ஆணித்தரமாக நம்புங்கள். இன்னொரு சந்தர்ப்பத்தில் தமிழில் எப்படி பாடல்கள் பரிகாரத்திற்கு துணை செய்கிறது என்று தனியாக சிந்திக்கலாம்.

முருக பெருமானை வழிபாடு செய்யும் அன்பர்கள், பாம்பன் சுவாமிகள் அருளிய “திருமலை” திருப்பதிகத்தை படியுங்கள்.

இவைகளை படிப்பதற்கு சில மணி துளிகள் போதும், இப்போதுள்ள தொழில் நுட்பத்தில், ஆடியோவில் திரும்ப திரும்ப கேட்டால் போதும், மனனம் ஆகிவிடும்.

ஆக, ஒழுக்கம், உணவு, வழிபாடு என்ற நிலையில் உறுதியாக இருந்தால், சனி பகவானால் ஏற்படும் தொல்லையில் இருந்து விடுபடலாம்.

 

நம்பிக்கையுடன் இருங்கள். நல்லதே நடக்கும்.!