வெளிச்சத்திற்கு வாங்க 14

 

“வெளிச்சத்திற்கு வாங்க...”

-   14 -

 

ஒரு தலைமுறையை உருவாக்கும் பொறுப்பு யாருக்கு இருக்கிறது என்று நினைகிறீர்கள்.. நிச்சயமாக பெண்களிடம் தான்.ஆனாலும் பாருங்க, நாளுக்கு நாள் நாகரீகம் மாறிடும் போது, நாமும் மாறிட வேண்டும் என்று நம்மை மாற்றுபவர்கள் பெண்களாக தான் இருப்பார்கள்.

போன தலைமுறை செய்த தவறுகளுக்கு இந்த தலைமுறையினர் தான் அனுபவிக்க வேண்டும் என்ற நிலையில் இருக்கும் போது, வசதியானதை செய்ய வேண்டுமா சரியானதை செய்ய வேண்டுமா என்று உங்களுக்குள் கேள்வி எழுப்பி பாருங்கள் உங்கள் விடைக்கு ஏற்ப அதனை முடிவு செய்யுங்கள்.

 

நீங்கள் செய்யும் முடிவு உங்களையோ உங்களை சுற்றி உள்ள உறவுகளையோ மட்டும் பாதிக்காது, அது ஒரு சமூகத்தையே பாதிக்கும் என்றால் யோசிக்க வேண்டிய விஷயமாக இருக்கிறது அல்லவா..

 

“தலைவாரி பூ சூடி உன்னை பாட சாலைக்கு போ என்று சொன்னாள் உன் அன்னை”

 

என்ற பாரதி தாசன் பாடல் ஒன்று நினைவுக்கு வருகிறது. இன்றைய நாளில் பெண்கள் அவிழ்ந்த கூந்தலுடன் தான் வெளியில் மட்டுமல்ல பலர் வீட்டிலும் இருக்கின்றனர், என்பதை பலரும் அவரவர் அனுபவத்தில் பார்த்து இருக்கலாம்.

 

சபையில் அவமான பட்ட பெண், திரௌபதி, விரித்த கூந்தலை முடியமாட்டேன் என்று சபதம் இட்டது உங்களுக்கும் தெரியும் தானே.

 

“விரித்த குஞ்சியர்” (கூந்தலை விரித்தபடி திரிபவர்களை அரக்கர்கள்) என்று அருணகிரியார் அருளிய திருப்பரங்குன்ற திருப்புகழில் சொல்லி இருப்பார்.

ஆக, பெண்கள், விரித்த கூந்தலுடன் இருக்க கூடாது, திரிய கூடாது என்று ஒவ்வொரு இடங்களிலும் சொல்லி இருக்கிறது என்பதை நாமும் அறிவோம்.

 

லுங்கி கட்டி கொண்டு வர கூடாது என்று சொல்லும் திருக்கோவில்களில் கூட, பெண்கள் விரித்த கூந்தலுடன் வந்தால் அனுமதி இல்லை என்று சொல்வதில்லை, என்பது தான் வருத்தமான விஷயம்.

 

சரி விரித்த கூந்தலை சோதிட பார்வையில் சிந்திப்போமா?  ஏவல், செய்வினை இவைகளில், தலை முடி, நகம் போன்ற கேதுவின் காரகங்கள் முதல் வரிசையில் இருக்கிறது என்பதை அந்த விஷயங்கள் தெரிந்தவர்களுக்கு புரியும்.

 

தலைமுடிக்கு காரகம் வகிக்கும் கிரகம் கேது. கேது என்றாலே நமக்கு எல்லாம் தெரியும், நவ கிரகங்களிலேயே மிகவும் பலம் பொருந்திய கிரகம் பிரச்னைக்கு கூடுதல் கரம் சேர்க்கும் கிரகம் கேது தான் என்று. குடும்ப ஸ்தானத்தில் (2 ம் இடத்தில்) கேது இருந்தால், அவர்களுக்கு மன வாழ்க்கை அமையாது, சிறப்பாக இருக்காது என்பதை பொதுவாக சொல்லி விடலாம்.

 

எப்போதுமே கேதுவை கட்டி வைக்க வேண்டும் ராகுவை அவிழ்த்து வைக்க வேண்டும், அது தான் ஆரோக்கியமான வாழ்வியல் முறை.

 

இந்த கேது கிரக காரக தன்மை கொண்ட அனைத்தும் கட்டி வைத்த படியே இருக்க வேண்டும் என்பது தான் குறிப்பு. அதனால் கேது கிரகம் காரகம் வகிக்கும், தலைமுடியை விரித்து படி பெண்கள் திரியாமல் அதை கட்டி வைக்க வேண்டும் என்பது தான் குறிப்பு.

 

இதனால் தான் பண்டைய நாட்களில், தலை முடியை சீவி, பின்னலிட்டு, ரிப்பன் வைத்து கட்டி வைப்பார்கள் ரப்பர் பேண்டு, அப்புறம் ஹேர் பேண்டு என்ற நிலை மாறி வெறும் கிளிப் என்ற நிலையும் கடந்து விரிந்த கூந்தலுடன் பெண்கள் செல்வது பிரச்சனை அவர்களுக்கும், வேண்டுமா என்ன?

 

பெண்கள் இப்போ விரித்த கூந்தலுடன் செல்வதால், அது அவர்களுக்கு மட்டும் அல்ல அடுத்த தலைமுறைக்கும் தவறான வழிகாட்டுதலை செய்து, ஒன்றை விட்டு விட்டு சென்று விடுவார்களோ என்ற பயம் சமூக அக்கறை உள்ளவர்களிடம் இல்லாமல் இல்லை.

சரி ஐயா, நீங்கள் சொன்னால் அவர்கள் கேட்க போகிறார்களா? என்று கேட்க வருகிறீர்கள் புரிகிறது. உண்மை தான்.. யாருமே சொல்லவில்லை என்றால் அவர்களுக்கு தவறு எது என்றே தெரியாமலே அதை செய்து கொண்டு தான் இருப்பார்கள். யாருமே சொல்லாவிட்டால் எப்படி? நாமாவது சொல்லி வைப்போமே,  என்ற எண்ணம் தான்.

தவறு தான் என்று தெரிந்து அவர்கள் தொடர்ந்து செய்வார்களே ஆனால், இனி செய்ய கூடாது என்ற எண்ணம் தானே வரும், அதுவே திருத்தமாக அமையும். இது தான் உண்மை. திருத்தம் அவர்களிடமே இருந்து வந்தால் தான் அது மாற்றத்தை ஏற்படுத்தும். அதனால் தவறுகளை சுட்டி காட்ட தயங்க கூடாது. சரியானதை எடுத்து சொல்ல மயங்க கூடாது.

 

உண்மையை சொல்வதானால், “சொன்னால் கேட்க கூடியவர்கள் பெண்கள்”. அவர்களுக்கு அவர்கள் ஏற்றுக் கொள்ளும் மன நிலையில், அந்த பாணியில்  சொல்ல வேண்டும் அவ்வளவு தான்.

 

தலை முடி மட்டுமல்ல.. நீளமான உடைகளும் கேது காரகம் வகிப்பது தான். உதாரணமாக, நீளமாக சேலை, சுடிதார் பேன்ட் இது போல, அதனால் தான் சேலை கட்டும் பெண்கள் அன்றைய நாளில், முந்தானையை முடிந்து இடுப்பில் செருகி வைப்பார்கள்.

 

கேதுவை கட்டி வைக்க வேண்டும் என்பது தான் குறிப்பு. இன்றைய நாளில் சேலை கட்டும் பெண்கள் குறைந்து விட்டது. கல்யாணத்தின் போது மட்டும் தான் சேலை கட்ட வேண்டும் என்பது எழுதாத சட்டமாகி விட்டது. அதுவும் காதல் கல்யாணம் பதிவு திருமணம் என்றால், அதற்கும் வேலை இல்லாமல் போய்விட்டது.

 

சுடிதாரில் பாருங்கள் ஒன்றை ஒன்று சார்ந்து இருக்காது, சுடிதார் பேன்ட், டாப்ஸ் உடன் சேராமால் தனியாக இருக்கும். துப்பட்டா டாப்ஸ் உடன் சேராமல் தனியாக இருக்கும்.

 

இப்படி ஒன்றை ஒன்று சேராமல் இருந்தால், மனம் ஒன்றாத வாழ்க்கைக்கு அல்லவா வழி காட்டும். இந்த சுடிதார் கலாச்சாரம், சின்ன குழந்தைகளிடம் கூட அதுவும் கிராமத்து குழந்தைகளிடம் கூட பரவலாக வளர்ந்து விட்டது. பள்ளிகளில் கூட சீருடையாக வைத்து விட்டார்கள் என்றால் வருந்தாமல் இருக்க தான் முடியுமா என்ன.!?

மெல்லிய துணிகளை கொண்டு, கேதுவின் காரகமாக உடைகளை வடிவமைத்து,  இது தான் பேஷன், இது தான் பாதுகாப்பு என்றால் சோதிட பார்வையில் இது நிம்மதியற்ற குழப்பமான வாழ்க்கைக்கு தடையை தான் கொடுக்கும், என்பதை மதி நிறைந்தவர்கள் மறுக்க மாட்டார்கள்.

 

வீட்டில் வழிபாடு செய்யும் போது கூட ஒற்றை ஆடைகளை அணிய கூடாது என்பது தான் ஆச்சாரம், என்பதை நாம் அறிவோம் அல்லவா.

 

நீளமான துணிகள் எல்லாம் கேதுவின் காரகம் தான் பேன்ட், நைட்டி, துப்பட்டா என ஒரு குட்டி பட்டியலே தரலாம். உணர்வுகளின் வெளிப்பாடு தான் உடைகள். அதை சொல்வது தான் தமிழ் கலாச்சாரம். அதன் படி வாழ்க்கை அமைந்தால் வாழ்வில் மகிழ்ச்சி மட்டுமல்ல. ஆனந்தமும் கொண்டாடும் இடமாக வீடு இருக்கும்.

 

வளமான நிம்மதியான வாழ்வுக்கு தடை செய்யும் கேதுவை அதன் காரகமாக உள்ள சுடிதார், நைட்டி, விரித்த கூந்தல் என வீட்டுக்குள் விருந்தாளி போல வரவழைத்தால், வரக்கூடிய கெடுபலன்களை எழுதி தான் சொல்ல வேண்டுமா என்ன.?!

 

சரி பெண்கள் உடைகளை பற்றி மட்டும் சொல்றீங்களே ஆண்களை உடைகளை பற்றி சிந்திக்க வேண்டாமா என்று கேட்பது காதில் விழுகிறது, அதை இன்னொரு சந்தர்ப்பத்தில் பகிர்ந்து கொள்வோம்.

 

இது வரை எப்படி இருந்தாலும் சரி, உடனே மாற முடியாவிட்டாலும் சரி, அடுத்த தலைமுறையினரை உருவாக்கும் மிகப்பெரிய பொறுப்பில் உள்ள பெண்கள் தங்களை மாற்றிக் கொண்டு, நல்வழி காட்டுவார்கள் என்று நம்புவோம். ஒரே நாளில் மாற முடியாது தான்,

 

முதலில் விரித்த கூந்தலுடன் செல்வதை தவிர்ப்போம் அதை தொடர்ந்து ஒவ்வொன்றாக செயல்படுத்துவோம் என்று ஆரோக்கியமான அடுத்த  தலைமுறை உருவாக வேண்டும் என்ற பொறுப்பில் உள்ள ஒவ்வொரு பெண்ணினமும் நினைத்தால் இது சாத்தியப்படும். புரிந்தவர்கள் புத்திசாலிகள்.

 

நம்பிக்கையுடன் இருங்கள். நல்லதே நடக்கும்.!