வெளிச்சத்திற்கு வாங்க 21

 

“வெளிச்சத்திற்கு வாங்க...”

-   21 -

வேற்றுமையில் ஒற்றுமை தான் வளர்ச்சிக்கு அடித்தளம்.  விரல்கள் கைகளில் ஐந்து இருந்தும் அவை ஒவ்வொன்றும் ஒரு அளவில் தானே இருக்கிறது.

நம்ம கை தான், நம்ம விரல் தான், ஆனால் அவை ஒரே மாதிரியாகவா இருக்கிறது. இதே போல தான் கால்களிலும்.  விரல்கள் மட்டுமல்ல, மற்ற அக மற்றும் புற உறுப்புகளிலும் இப்படி தான் இவை ஒரு மாதிரியாக இருந்தாலும் ஒரே மாதிரியாக இருப்பதில்லை.

அடிப்படையில் பழக்கம், வழக்கம், வாழ்க்கை முறை என நாம் வேறுபட்டு இருப்பது இருந்தாலும் அன்பால், நட்பால், உணர்வால், ஒன்று தான் என்பதை சொல்லித் தானா தெரிய வேண்டும். இது புரியாத சிலர் எல்லா வற்றையும் ஒன்றாக இணைக்க நினைத்தால் அது சரியாக வருமா?

ஆட்டுக்கும் நான்கு கால்கள் தான், மாட்டுக்கும் நான்கு கால்கள் தான், இரண்டும் பால் கொடுப்பவை தான். இரண்டுக்கும் கொம்பு உள்ளது தான், ஆனால் ஆடு வேறு, மாடு வேறு தானே...

இவர், என்ன சொல்ல வருகிறார் என்று யோசிக்கிறீர்கள் புரிகிறது. சோதிடத்தில் ஒன்பது கிரகங்கள் தான் 12  ராசி கட்டங்கள் தான் ஆனால் அவை கையாளும் விதம் ஒவ்வொரு பகுதியிலும் வேறு மாதிரியாக இருக்கும் என்பது உங்களுக்கு தெரிந்து இருக்க வேண்டும் இல்லையா.

சில தென்னகத்தில் உள்ள சோதிடரிடம் வடநாட்டு முறையில் எழுதப்பட்ட ஜாதகத்தை கொடுத்தால் அவர்கள் தடுமாறுவார்கள், அதே போல தென்னகத்தில் எழுதப்பட்ட ஜாதகத்தை வட நாட்டு சோதிடரிடம் கொடுத்து பாருங்கள், நம்மிடம் அதை திருப்பி கொடுத்து விட்டு குறிப்புகளை கொண்டு அவர்களே ஜாதகம் கணித்து பலன் சொல்லுவார்கள்.

 ராசியோ, கிரகமோ, விதியோ, தசா புத்தியோ எல்லாம் அடிப்படையில் ஒன்று தான் ஆனாலும் அவற்றை அணுகும் முறை மாறுபடுகிறது அல்லவா..?

ஜோதிட புலமை பெற்ற தென்னகத்தில் உள்ள சோதிடர்கள் வட நாட்டு பாணியில் எழுதப்பட்ட ஜாதக கட்டங்களை எப்படி அணுகுவது என்பதை தெரிந்து கொள்ள வேண்டாமா? அதற்காக தான் இந்த சிந்தனை.

தென்னகத்தில் வரையப்பட்ட ஜாதக கட்டத்தில் ராசிகள் மாறாது மேஷத்தில் தொடங்கி மீனத்தில் முடியும். அவை கடிகார சுற்று  பகுதியில் வரிசையாக ஒவ்வொரு சதுர கட்டத்திலும் அமைந்து இருக்கும்.

திரிகோணமும், கேந்திரமும் இரு தரப்பினருக்கும் ஒன்று தான். ஆனால் வட நாட்டு பாணியில் எழுதப்பட்ட ஜாதக கட்டத்தின் அமைப்பே தென்னகத்தில் எழுதப்பட்டது போல இருக்காது. அதான் படிப்பதற்கும் பார்ப்பதற்கும் தென்னக சோதிடர்களுக்கு வேறு மாதிரி தெரியும். சிலருக்கு தடுமாற்றமும் ஏற்படும்.

அதை விளக்கி புரிந்து கொண்டு விட்டால் எந்த ஜாதகமாக இருந்தால் என்ன, படித்து பலன் சொல்லிவிட வேண்டியது தானே என்று மனதில் நம்பிக்கையும் தைரியமும் வந்து விடும் இல்லையா.

ஒரு பெரிய கட்டம் அதன் நான்கு மூலைகளை இணைத்து (diagnal) ஒரு நேர் கோடு வரைய வேண்டும். இது கோணமாக வந்து விடும். ஆக 90 டிகிரி அமைப்பில் நான்கு கோணம் வந்து விடும் அல்லவா.

அதே போல நான்கு பக்கத்திலும் ஒவ்வொரு பகுதியிலும் அதன் மைய பகுதியை எடுத்து அடுத்த பகுதியில் உள்ள மைய புள்ளியில் இணைக்க வேண்டும். இது கேந்திர அமைப்பில் வந்து விடும் அல்லவா.. அவ்வளவு தான் பண்ணிரெண்டு முக்கோண வீடுகள் வந்து விடும் இது தான் ராசி கட்டம். (படத்தில் உள்ளது கவனிக்கவும்.)

தென்னைக ஜாதக கட்டத்தில் ராசிகள் மாறாது முதல் ராசி மேஷம் என்றால் ஐந்தாம் ராசி சிம்மம் இப்படி தான் எல்லா ஜாதகத்திலும் இருக்கும். ஆனால் பாவகம் மாறும், காரணம் எந்த இலக்கின ஜாதகம் என்பதை வைத்து தானே பாவகத்தை குறித்து சொல்ல வேண்டும்.  ஆனால், வட நாட்டு முறையில் எழுதப்பட்ட ஜாதக கட்டத்தில் பாவகம் மாறாது ராசிகள் மாறும். இங்கே தான் சிலருக்கு தடுமாற்றம் வரும். இந்த அடிப்படையை புரிந்து கொண்டால் பலன் சொல்வது சுலபம்.

தென்னத்து சோதிடர்கள் பாவகத்தை லக்கினத்தில் இருந்து எண்ணி சொல்லுவார்கள்.வட நாட்டு சோதிடர்கள் ஜாதகத்தை பார்த்தவுடன் எந்தபாவகத்தில் எந்த கிரகம் உள்ளது என பொட்டில் அடித்தது போல சொல்லி விடுவார்கள். இவ்வளவு தான் வித்தியாசம்.

உதாரணமாக ஒரு ஜாதகத்தை வட நாட்டு மற்றும் தென்னக பாணியில் எழுதி காட்டி உள்ளது அதை படித்து நீங்கள் சுலபமாக புரிந்து கொள்ள முடியும்.

தமிழில் உள்ள சோதிட சிந்தனை முத்துக்களை உலகறிய செய்ய வேண்டும் என்றால், தென்னக சோதிடர்கள், பலதரப்பட்ட சோதிட அணுகுமுறைகளை தெரிந்து கொள்வதுடன், எதையும் கையாளும் திறமையுடன் இருக்க வேண்டும். ஊருக்கு நல்லது சொல்வோம் என்ற பாரதியின் வார்த்தைகளை மனதில் பதித்து, தமிழ் சிந்தனைகளை எந்த பாணியிலும் சொல்வதற்கு பழகி கொள்ள வேண்டும்.

தென்னக சோதிடர்கள் தென்னக எல்லையை கடந்து உலகம் முழுவதும் பிரகாசிக்க வேண்டும் என்ற நல்ல எண்ணத்தில் பிறந்தது தான் இந்த வார சிந்தனை.

நல்லதே நினைப்போம். நல்லதே நடக்கும்.