மாம்பழம் .. மாம்பழம் ..

 

 

இங்கிருந்து

இரண்டு மாம்பழம் எடுத்துக்கோங்கோ

 

இந்த சீசனல்ல

இதை சாப்பிடாட்டி எப்படி?

சுவையிலும் சரி

சொக்க வைக்கும் மனத்திலும் சரி

மாம்பழத்திற்கு ஈடு

மாம்பழம் மட்டுமே..

மாங்காய் வடு முதல் ஆவக்காய்

மாங்காய் வரை வீட்டில் இருக்கும் ஒரு ஆண்டு

எனினும் நமக்கு

என்னவோ இந்த மாம்பழ ஆசை விடுவதில்லை

பாதிரி மாம்பழம்

பழசானாலும் ருசிக்கும் என

தஞ்சை தோழர்கள் சொல்வார்கள்

தங்களுக்கு எப்படி இருந்தாலும்

மாம்பழத்தில் உள்ளது ப(ழ)ல ஜாதிகள்

மாம்பழத்தில் எனக்கு பிடித்தவை என

பட்டியலிட்டால் அத்தனையையும்

பகுதி பகுதியாக சொல்லலாம் எனினும்

என்னை கவர்ந்தவை

என சொல்ல வேண்டுமானால்

டஜன் கணக்கில் இருந்தாலும்

டாப் ஐந்து என பட்டியல் தருகிறேன்

• இம்மாம் பசன்ந்த்
• அல்போன்சா
• ருமானி என்ற வரிசையில்
• பங்கனபள்ளி மற்றும்
• பெங்களுரா வரையில்

எங்கள் வீட்டு மரத்தில்

எப்போதும் பெங்களுரா அ கிளிமூக்கு

நிறைய காய்த்து கொட்டும் வீட்டை விற்றதால்

நினைவில் தான் இவையெல்லாம் இப்போது..

விலை கொடுத்து வாங்கும் போது பழம்  

வீசும் மனத்தினால் அது ஒன்றும் பெரிதாக தெரியவில்லை

வைக்கோல் போட்டு புகை மூட்டி பழுக்க

வைத்த பழங்கள் இப்போ

கால்ஷியம் கார்பைடு (விஷ)கல்லை கட்டி

கனிய வைக்கிறார்கள் என்பது வருத்தம் தான்

சீசனில் வரும் பழம்

சீக்கிரத்தில் பழுத்து லாபம் சம்பாதிக்க

இப்படி ஒரு மாற்று சிந்தனை

இந்த வியாபாரிகளுக்கு

அம்மாவுக்கு பிடித்த பழம் மாம்பழம் என்பதால்

அன்பு வட்டத்தில் இருக்கும் அத்தனை பேருக்கும்

மாம்பழம் வாங்கி தருவது வழக்கம் அந்த நினைவில்

மாம்பழம் பற்றி உங்களுடன் பகிர்ந்து கொள்கிறேன்

உங்களுக்கு பிடித்த TOP 5 வகைகளை சுவையுடன்

உடனே எழுதி அனுப்பி சுவையுங்களேன் (எழுத்திலாவது)