புரியாத புதிரா

 

 

சர்கார் நடத்த வேண்டியவர்கள்

சர்கஸ் நடத்தினால்

 

கை தட்டி வரவேற்றவர்கள் இப்போ

கை கொட்டி தானே சிரிப்பார்கள்..

 

பொது நிர்வாகம் என்பது

பொது மக்களிடம் எல்லாவற்றையும் பேசுவதில்லை

 

சொல்லுக, சொல்லில் பய‌ன் உடைய, சொல்லற்க,
சொல்லில் பயன் இலாச் சொல்.

 

என்ற வள்ளுவர் தந்த இந்த குறளில்

எத்தனை “சொல்” பாருங்கள்

 

அய்ந்து முறை சொல் வரும்

அவை “என்ன” “எப்படி” “எப்போது” “எங்கே” “எதற்கு”

 

என அறிந்து பேச வேண்டும்

என்பதை சொல்லியே வந்தது

 

ஒரு குழந்தையால் அம்மாவோட பெரிய கைபையை (பேக்கை)

ஒரு போதும் எடுத்து நடக்க முடியாது ஆனாலும்

 

நான் தான் எடுத்து வருவேன் என அழுதால்

நமக்கென்ன என சில நிமிடம் அம்மா கொடுப்பார்கள்..

 

இந்த குழந்தையால் இது முடியாது என தெரிந்தும்

இதுவும் எடுத்துப் பார்த்து அம்மா முடியலேன்னு சொல்லும்

 

சில குழந்தைகள் உடனே சொல்லி அழும்

சில குழந்தைகள் 50 நாட்களில் சொல்லும்

 

இங்கு வீணானது மக்கள் பணம் மட்டுமல்ல

இவர் நடவடிக்கை விமர்சனம் செய்யும் நேரமும் தான்

 

 

மக்கள் பணத்தை வீணாக்கியமைக்கு

மக்களே இவர் வழக்கு பதிவு செய்யலாம்

 

ஊழ் அல்லாத வழி வராத வருமானத்தை விட

ஊர் மக்கள் பணம் இப்படி வீணாவது அதிகம் தானே

 

ஊட்ட சத்து மாத்திரை

உடலுக்கு நல்லது தான் ஆனால்

 

ஊட்ட சத்து மாத்திரையே

உணவாக முடியுமா..?

 

ஊழலை ஒழிக்க என அவருக்கு ஒரு கூட்டமெனில்

ஊழலை வளர்க்க என இவருக்கு அதைவிட பெருங்கூட்டம்

 

மண் குதிரை நம்பி ஆற்றில் இறங்குதல் என

மக்கள் மத்தியில் ஒரு சொல்லடை உண்டு

 

இந்த குதிரையை நம்பி இறங்கியவர்களை

இப்போ என்னவென்பது.. எங்கே போவது..

 

விஷம் கூட மருந்தாகும் அதற்காக

விஷமே கூடாது என்றால் எப்படி?

 

வலது கால் நடக்கும் போது

இடது கால் ஓய்வெடுக்கும்

 

சூரிய உதயம் என்றால்

சூரிய அஸ்தமனம் உண்டு

 

சிறிய சர்க்கரை கட்டியை எறும்பு எடுத்துச்செல்வதும்

சந்தன கட்டையை யானை எடுத்துச்செல்வதும் முரண் அல்ல

 

பறவை கொஞ்சமான உணவிற்காக எத்தனை கிமீ பறக்கிறது

பாசத்தை பணத்தின் மீது வைத்தவர் எப்படி சம்பாதிக்கிறார்

 

இவைகளை முரண் என பார்ப்பது எப்படி சரியாகும்

இவர் பல்முளைக்காத குழந்தையாய் இருந்து

 

பல்(லை உடைக்கும்) முளைத்த வாலிபராவதும்

பல் இழந்து வயோதிகராவதும் முரண் அல்ல..

 

வாழ்க்கையை சரியாக பார்க்கத் தெரியாதவர்கள் இவர்கள்

வழிமாறி போன நம் சகோததரர்கள்..

 

அதைவிட முக்கியம்

அவர் சொல்லும் முரண் நமக்கு

 

ஆர்வம் ஊட்டுகின்றது என தலை

ஆ(ட்)டும் பொம்மைகளும் உண்டு

 

வள்ளுவரிமே முரண் இருக்குது என

வாதாடுவார்கள்.. இவர்கள் மாறுவார்கள்

 

அதையும் அவர்கள் முரண் என்று சொல்வார்கள்

அவர்களுக்கு ஒரு செய்தி

 

படித்தால் அறிவு வராது.. வரவே வராது..

படித்தால் அறியாமை விலகும்..

 

அவர்கள் அறியாமை விலகி

அனுபவம் பெறும் போது மகிழ்வோம்..

 

அது புரியும்

அதுவரை காத்திருப்போம்