எதை கொடுக்க வேண்டும்.?

 

“கொடு” என்பதை விட இன்றைய நாளில்

“எடு” என்ற பழக்கமே அதிகம்

 

கொடுக்க மனமில்லாதவர்

கொடுமைகாரர்கள் என்றே சொல்லலாம்

 

தங்கமும் வெள்ளியும் இருந்தும் கூட

தனியாக இருக்கிறோம் என பயந்து கொண்டு

 

பயன் படுத்தாமல் அதனை பத்திரபடுத்தி

பாங்கு லாக்கரில் வைத்து விட்டு

 

வேலைக்காரர்களுக்கு பயந்து வாழும் கோழைகள்

வேளைக்கு உணவு வந்தால் போதும் என

 

வேலைக்காரர்களின் நலனில் அக்கரை கொள்ளாது

வேளையை ஓட்டிக் கொண்டிருக்கும் கோமாளிகள்

 

அடுத்தவருக்காக இரங்குவது போல சிலர் இருப்பர் ஆனால்

அவர் வீட்டு பணியாட்களை கடிந்து கொள்வார்

 

கொடுக்கிற காசுக்கு வேலை செய்யறதுல்லேன்னு வேற

காண்பவர்களிடமெல்லாம் வேறு புலம்புவர்

 

தங்கத்தையும் வெள்ளியையும்

பாங்கு லாக்கரில் வைத்து விட்டு

 

சேமிப்பு புத்தகத்தையும் தினம் தினம்

வைப்பு நிதி ரசீதையும் பார்த்து மகிழ்வர்

 

அனுபவிக்க மாட்டாத மனித ஜீவிகள் சொன்னாலும்

அறிந்து கொள்ள விரும்பாத அப்பாவிகள்

 

அவரவர் எண்ணப் படிதான் வாழ்க்கை என்பதற்காக

அவரவர் எண்ணமறிய ஒரு சின்ன கதையை இங்கே தருகிறோம்

 

சிந்திக்க சில என்ற பகுதியில்

சிறப்பானதொரு கதையை ருசியுங்கள் …. யோசியுங்கள்

 

சிறுவன் ஒருவன் தெருவில் நடந்து சென்று கொண்டிருக்கையில் விலை உயர்ந்த கார் ஒன்று நின்றுகொண்டிருப்பதை பார்த்தான்(audi car அல்லது bhart benz என வைத்துக் கொள்ளுங்கள்), ஆச்சர்யத்துடன் விழிகள் விரிய அதன் அருகில் சென்றான்.

 

இதை கவனித்த காரின் உள்ளே இருப்பவர் அச்சிறுவனை அழைத்து "என்ன காருல ஒரு ரவுண்டு அடிக்கலாமா" என்று கூறி அச்சிறுவனை காரில் சிறிது தூரம் அழைத்து சென்றார்.

 

சிறுவன் அவரை பார்த்து "கார் சூப்பரா இருக்கு அங்கிள்,  ரொம்ப விலையா இருக்குமே" என்று கேட்டான்.

 

அதற்கு அவர் "எனக்கு தெரியாது தம்பி, ஏன்னா இந்த காரை எனக்கு என் அண்ணன் வாங்கி கொடுத்தார்" என்றார், இதை கேட்டதும் சிறுவன் விழிகள் ஆச்சரியத்தில் விரிந்தன .....

 

இதை கவனித்த அவர் "நமக்கும் இது போல ஒரு அண்ணன் இருந்தா நல்லாஇருக்குமேன்னு" நினைக்கிறியா, என்று சிறுவனைப் பார்த்து கேட்டார்.

 

"அதில்லை, நான் அந்த அண்ணன் போல் இருக்கவேண்டும் என்று நினைத்துக் கொண்டிருக்கிறேன்" என்று சிறுவன் பதிலளித்தான்.

 

"அவரவர் எண்ணங்களைப் போலவே

அவரவர் வாழ்க்கை அமையும்"