தியாக திருவுருவம் ஆண்களே..!!

 

 

உண்மைகள் கேவலமானதா?

உள்ளபடியே சொல்லுங்கள்!!?

 

தியாகம் செய்பவர்கள் ஆண்களா?

தி(சி)க்கி தவிக்கும் பெண்களா?

 

பட்டி மண்டப தலைப்பு போலிருந்தாலும்

பக்குவமாக சிந்திக்க வேண்டியதிது என்பதால்

 

சிந்திக்க எடுத்துக் கொள்வோம் இந்த

சிந்தனையை (be with open mind please)

 

பெண்கள் தான் தியாகம் செய்கின்றனர் என்ற

பிரம்மையிலேயே நாம் பழகிவிட்டோம்

 

உண்மையிலேயே தியாகம் செய்பவர்கள் “பெண்களை விட”

ஆண்களே என்றால் பெண்களை இகழ்வதாக

 

எண்ணக்கூடாது.. உண்மையை அறிய

எல்லோருக்கும் சொல்லவே இந்த  சிந்தனை

 

பெண்களை பற்றி அவர் தம் தியாகம் பற்றி நிறைய  படித்திருப்பீர்கள்...

ஆண்களைப் பற்றியும் இப்போது கொஞ்சம் தெரிந்து கொள்வோம்....

 

ஆண் இயற்கையின் மிக அழகான படைப்புகளில் ஒன்றாவான்.

அவன் விட்டுக்கொடுத்தலை மிகச் சிறிய வயதிலேயே தொடங்கி விடுகிறான்,

 

தன் தாய் தந்தை, சகோதரிக்காக குடும்ப சூழ்நிலையால்,.....

பின் தன் காதலை தன் குடும்ப நிலையை எண்ணி தியாகம் செய்கிறான்.

 

பள்ளி பருவத்தில் நண்பர்களுக்காக

பள்ளி வகுப்புகளை தியாகம் செய்கிறான்

 

வெளி உலகில் இவர்கள் (தன் மனைவி மற்றும் குழந்தைகள்) வாழ

வெளிநாடுகளில் வேலை செய்வதன் மூலம்

 

அன்பு மற்றும் சந்தோசத்தை தியாகம் செய்கிறான்.

அவன் மகளுக்காக மற்றும் சகோதரிக்காக

 

தன் எதிர்காலத்தை வங்கிகளில் கடன் வாங்குவதன் மூலம்

தனிமையில் கடனாளியாய் உருவாகிறான் ஆனால்

 

அதை அவர்களுக்காக திருப்பிச் செலுத்த தன் வாழ்நாள் முழுதும் தியாகம் தானே

அவன் தன் மனைவியின் ஆசைகள் மற்றும் குழந்தைகக்காக படிப்பு, திருமணம் என

 

எந்தவித குறையும் இல்லாமல் வைக்க தன்னையே தியாகம் செய்கிறான். அவன்

எத்தனை கஷ்டப்பட்டாலும், தன் தாய், மனைவி, தன் முதலாளி ஆகியோரின்

 

இசையை (திட்டுகள்) மன வேதனைகளால் சந்தோஷத்தை தியாகம் செய்கிறான்.

இவர்களின் கட்டுப்பாட்டுக்குள் சிறைபட்டு இறுதியில்

 

இவர்களுக்காக(மற்றவர்களுக்காக) வாழும் இவன்

இவனுக்காக வாழ்வதெங்கே.. (கனவில் கூட முடிவதில்லை)

 

பெண்களே உங்கள் வாழ்வில் ஒவ்வொரு ஆணையும் மதியுங்கள்.

அவன் உங்களுக்காக என்ன தியாகம் செய்துள்ளான் என்பதை புரிந்து கொள்ளுங்கள்

 

ஆண்களுக்கும் உணர்வுகள் உண்டு,

அதையும் மதியுங்கள்.

 

இன்னமும் சொல்லலாம்

இருந்தாலும் இந்த கற்பனையை சொல்லி நிறைவு செய்வோம்

 

பென்சில்:

என்னை மன்னிக்க வேண்டும்.

 

ரப்பர்:

எதற்காக மன்னிப்பு?

 

பென்சில்:

நான் தவறு செய்யும் போதெல்லாம் நீ சரி செய்கிறாய். ஆனால் ஒவ்வொரு முறையும் நீ தேய்ந்து போகிறாய். என்னால் தானே உனக்கு அந்த பாதிப்பு?

 

ரப்பர்:

நீ தவறு செய்யும்போது சரி செய்வதற்காகவே நான் படைக்கப் பட்டிருக்கிறேன். என் பணியை நான் செய்கிறேன்.அதில் எனக்குப் பூரண மகிழ்ச்சியே. எனக்குத் தெரியும்,நான் கொஞ்சம் கொஞ்சமாகத் தேய்ந்து ஒரு நாள் இல்லாமல் போய் விடுவேன்.அதன் பின் உனக்கு ஒரு புதிய ரப்பர் கிடைக்கும்.

 

இதுதான் வாழ்க்கை .. (பென்சிலை பெண்ணாகவும் ரப்பரை ஆணாகவும் கற்பனை செய்து கொள்க)

 

ஆண்களுள் பலர், பலருக்கு ரப்பராக இருக்கிறார்கள். வெளியே தெரியாமல்

தியாகத்தின் திருஉருவம் ஆண்களே என்றால் எந்த பெண்களும் வருத்தப்படவேண்டாம். உண்மையை அறிந்து அவர்களை அங்கீகரிக்க கற்றுக் கொள்ளுங்கள்..