வாழ்க்கை துன்பமயானதா?

 

 

 

கொஞ்சம் relax பண்ணிக்க

நெஞ்சத்தை இங்கு பதிக்கவும்

  

துன்பமானதா வாழ்க்கை

இன்பமானதா

 

இதற்கு பதில் என்னவாக

இருக்கும் என நினைக்கின்றீர்கள்

 

நிச்சயமாக வாழ்க்கை துன்பமயமானதே; இது

நிதர்சன உண்மை

 

இன்பமும்

துன்பமும் கலந்தது வாழ்க்கை  சரி

 

கிடைக்கும் சிறிதளவு இன்பத்தில்

கிட்டத்திட்ட அனைவரும் துன்பத்தை மறந்து இருக்கிறோம்

 

அட அப்படியா என சிந்திக்கும் போது தான்

அந்த உண்மை புரியும்..

 

“கண்ணிலே நீர் எதற்கு?” என

கவிஞரின் பாடலை கேட்டதுண்டோ

 

“காலமெல்லாம் அழுவதற்கு” என பதிலாக

கண்ணதாசனே சொல்வதும் தெரியும் அன்றோ

 

குழந்தை பிறந்த உடன் அழவில்லை எனில்

கூடியிருக்கும் அனைவரும் அழ வேண்டும் என்பார் வாரியார்

 

“செத்தால் அழுகை நிற்கிறது - உடன்

மற்றவர் அழுகை கேட்கிறது.” என

 

இதனை வாலியும் நயம் பட

இப்படி அழுகையை படம் பிடித்து காட்டுவார்

 

துன்பத்தைத் துடைக்க முயல்பவர்களும் உண்டு.

துணிவில்லாமல் தோல்வியை அடைந்து வருந்துபவரும் உண்டு

 

"துன்பம் நேர்கையில் யாழெடுத்து நீ இன்பம் சேர்க்க மாட்டாயா?” என்றும்

"துன்பக்கடலில் நீந்தும்போது தோணியாவது கீதம்”  என்றும்

 

சுழலவிட பாடல் பல உண்டு

சுக ராகம் சோகம் தானே என்ற பாரதிராசாவின் முதல் மரியாதை பாடலும்

 

சொல்வது இது தானே; சரி

சொல்ல வருவதெல்லாம் இது தான்

 

துன்பமயமானது தான் வாழ்க்கை இதில்

துளியும் மாற்றுக் கருத்து இல்லை

 

வெயிலில் “நீண்ட தொலைவு” செருப்பில்லாமல் நடப்பவர்

விழும் ஆல மர நிழலில்  “சிறிது நேரம்” இளைப்பாறுவது போல் தான் இன்பம்

 

துன்பத்தை கண்டு

துவண்டு விடவேண்டாம்  அதனை  எப்படி

 

தொலைப்பது என்ற

தெருவெல்லாம் தேடி அலைய வேண்டாம்

 

துன்பத்தை ஏற்றுக் கொள்ள பழகிக் கொண்டால் போதும்

துன்பத்திற்கே துன்பம் ஏற்பட்டு விடும்