கடன் வாங்கலாமா

 

கடன் என்றதுமே என்

“கடன் பணிசெய்து கிடப்பதே” என்ற

 

அப்பர் வாக்கினை அனைவரும்

அசைபோடுவர் இங்கு

 

கடன் என்பது கடனையல்ல

கடமையை குறிப்பது

 

இங்கே சொல்ல வருவது கடமையை அல்ல

இப்போ தேவையாய் உள்ள “கடன்”

 

கடன் வாங்கலாமா? வேண்டாமா?

கடனா வேண்டாம் என ஓடுபவரும் உண்டு

 

எவ்வளவு கொடுத்தாலும் இது போதாது

எத்தனை கொடுத்தாலும் இன்னும் வேணுமென

 

இருவேறு பட்டவர்

இவ்வுலகில் உண்டு

 

இந்த உடல்

இயற்கையிடமிருந்து நாம் பெற்ற கடன் தானே

 

வட்டியை கொடுப்பது போல

வாழ்நாளில் நற்செயல் செய்தால் கடன் அடையும்

 

வட்டியையும் தராமால் ஏமாற்றுபவர் போல

வாழ்நாளில் தீச்செயல் புரிந்தால் மீண்டும் பிறவி வரும்

 

மரத்தை கொடுத்து கடனாக

மழையை வாங்குகிறோம்

 

இப்போ எங்கே கொடுக்கின்றோம் என்கிறீரா

இதுவும் சரி. …. என்ன செய்ய

 

நம் பெற்றோர்களிடமிருந்து வாங்கிய கடனை

நம் பிள்ளைகளிடம் திருப்பி தருகிறோம். இப்படி

 

கடன் வாங்குவது

கவுரவத்திற்கு மட்டுமல்ல

 

நம்மை கவுரபடுத்திக்கொள்ள என

நாம் சொன்னால் வித்தியாசமாக பார்க்கவேண்டாம்

 

கடன் அட்டை ஒரு பிசாசு கொடுத்த

காசுக்கு மேலே வட்டி போட்டு வாங்கும் பேய் என

 

திட்டுபவராக இருந்தால் தொடர்ந்து படியுங்கள்

திண்ணமாக சொல்லுவீர்கள் இத்தனை பயனா என

 

பில் தேதி 20 என வைத்துக் கொண்டால்

பிரித்து வைத்துக் கொள்ளுங்கள் உங்கள்

 

செலவு 21 முதல் 25க்குள் கடன் அட்டை மூலம் என

செயல் படுத்திக்கொண்டால் இந்த செலவு தொகையை

 

அறுபது நாட்களுக்குப் பின் வட்டியில்லாமல்

அந்த தொகையை திருப்பி செலுத்தச் சொல்லுது கடனட்டை

 

இலட்சக்கணக்கில் வரையறை(limit) தந்திருப்பதால்

இது அத்தனையும் செலவு செய்ய கட்டாயமில்லை

 

மூட்டை அரிசி வாங்கி வைத்தால்

முழுவதையுமா நாம் சாப்பிடுகிறோம் அது போல

 

இலட்சங்கள் வரை தரும் கடன் அட்டைகள்

இலவசமாக கிடைக்கும் போது மறுக்கலாமா?

 

கடன் அட்டைகளை பயன்படுத்துங்கள் ஒன்றல்ல

கட்டாயம் இரண்டு அல்லது அதற்கு மேல்

 

ஏன் இரண்டு அல்லது அதற்கு மேல் தெரியுமா

ஏனெனில் ஒவ்வொரு அட்டைக்கான தேதியும்

 

வெவ்வேறு நாளில் வருவதால் செலவுகளை

வெவ்வேறு நாட்களுக்கு ஏற்ப அந்தெந்த அட்டைகளை

 

பயன்படுத்தினால் அத்தனை அட்டைகள் மூலமும்

பயன்கள் முழுமையாக கிடைக்கும்

 

எத்தனை திருப்பித் தர முடியுமா

அத்தனை செலவு செய்யுங்கள்

 

அதுவும் கடன் அட்டை மூலமாக

அப்போது தான் முழு பயனை அடைய முடியும்

 

“ஆகாறு அளவிட்டிதாயினும் கேடில்லை 
போகாறு அகலாக்கடை” என்ற

 

இந்த குறளில் சிக்கனமாக இருக்க சொல்லவில்லை. சொல்வதெல்லாம்

இந்த கடனட்டையை கவனமாக பயன் படுத்துவது பற்றி தான்

 

உங்களிடம் கடனட்டை இல்லையெனற்றால்

உடனே வாங்கிக் கொள்ளுங்கள்

 

ஒரு கடனட்டை தான் இருக்கிறதென்றால்

இன்னொரு கடட்டையை வாங்கிக் கொள்ளுங்கள்

 

என்ன அப்படி பார்கின்றீர்கள்

எல்லாம் இலவசமாக கிடைக்கிறது

 

அதனை கவனமாக பயன்படுத்தவேண்டும்

அப்போது தான் அதன் பயன் முழுமையாக கிடைக்கும்

 

கடன் அட்டை என்பது

கத்தியில் கையில் வைத்திருப்பது போல்

எந்த பக்கம் பிடித்துக் கொண்டிருக்கின்றீர்கள்

என்பதை பொறுத்தே அந்த கத்தியின் பயன்பாடு

 

கடன் அட்டைக்கு பணம் செலுத்துவதே முதல்

கடமையாக கொண்டால் எப்போதும் மகிழ்ச்சியே

 

“இந்தியா” நாட்டில் ஏன் இப்படி

“இத்தாலி”ய சிந்தனை என யோசிக்காமல்

 

சிந்திக்க சில என்ற பகுதியில்

சிறப்பானதொரு கடனட்டை பயன் பாடு பற்றி யோசியுங்களேன்