பெற்றதா..?. இழந்ததா...?

 

 

இழந்தவைகள் ஏராளம்

இன்னமும் சொல்லலாம் தாராளம்

 

குழந்தைகளாக இருந்த நாம்

குறும்பு சிறுவனான போது

 

மழலையை இழந்தோம்..

மறுமலர்ச்சி தான் இது என மகிழ்ந்தோம்

 

சிறுவன் வாலிபனான போது

சிந்திக்க கூட முடியாத எளிமையை மறந்தோம்

 

வாலிபத்தில் தொடங்கிய காதல்

வாழ்க்கையில் வாலிபத்தையே இழந்தோம்..

 

வளர்ச்சி தானே இதனை இழப்பு என

வாடுவானேன் என்பவர்கள் கொஞ்சம் யோசியுங்கள்

 

(நம் பிள்ளைகளை)

பெற்றுத் தரும் மனைவிக்காக

பெற்றோர்களை இழந்தோம்

 

மகனுக்காக பண்பாட்டை இழந்தோம்

மகளுக்காக நாகரீகத்தை இழந்தோம்

 

மனதுக்கு பிடிக்கபில்லையென

மணமான கணவனை (விவாகரத்து)இழந்தோம்

 

அண்மையில் விவாகரத்தான பெண்ணை சந்திக்கையில்

அவளிடம் கேட்டேன் உன் கணவர் எப்படி இருக்கிறார் என

 

கேட்ட அடுத்த வினாடி (வேறு ஒருவருடன் வந்த அவள்)

கேள்விக்கு பதிலளிப்பதாக (அவள் )

 

கணேசனை(பழைய கணவர்) விவாகரத்து செய்து விட்டேன்

குமாரை கல்யாணம் செய்துக்கிட்டேன் என குமாரை அறிமுகம் செய்தாள்

 

“கணேசன் தான் உன் கணவன் ஆனால் இப்போ

குமாரோடு வாழ்கிறேன் என சொல்” என்றதும்

 

நெருப்பு பார்வையை வீசிவிட்டு

நெளிந்தால் நம்மை விட்டு விலகுவதற்காக..

 

மாற்றங்கள் இப்படித்தான்

ஏமாற்றங்களாக இருக்கின்றன

 

தனக்கு வந்தால் சோதனை .

தவறாமல் மற்றவர்க்கு வந்தால் தண்டனை

 

என வாழ்ந்து கொண்டு வரும் நம் வாழ்வில்

எத்தனை இழப்புகள் எத்தனை இழப்புகள்..

 

நம் வாழ்வில் மட்டுமல்ல

நாம் இழந்தது…

 

வீடுகளுக்காக

விளை நிலங்களை இழந்தோம்

 

பசுத் தோல் பைகளுக்காக

பசுவையே இழந்தோம்

 

நகர்புற மேம்பாலங்களுக்காக

நாம் சாலையோர மரங்களை இழந்தோம்

 

மெட்ரோ ரயில் பணிகளுக்காக நம்

மெமரியில் உள்ள பல கட்டிடங்களை இழந்தோம்

 

(சென்னை) வடபழனியில் உள்ள

வந்தாரை வாழவைக்கும் முருகன் கோவில்

 

திருவிழா கூட மெட்ரோ ரயில் பணியினால்

திருவீதி உலா வழக்கம் போல் வரவில்லை

 

இப்படித்தான் நாம்

இழந்தது

 

கண்களை விற்று விட்டு

கண்கவர் சித்திரங்களை வாங்கி குவிக்கிறோம்

 

பணம் இல்லாத போது இருந்த பல

பணம் இருக்கும் போது மாறிவிடுகிறது

 

ஓட்டல்ல வேலைசெய்தாலும் வீட்ல வந்து சாப்பிடறவன் பணம் வந்ததும்

வீட்ல சமைச்சாலும் ஓட்டல்ல போய் சாப்பிடறான்

 

வயத்தை நிரப்ப சைக்கிள்ள ஓட்டிக்கிட்டு போனவன் பணம் வந்ததும்

வயத்தை குறைக்க சைக்கிள்ள ஓரே இடத்தில வைச்சுட்டு ஓட்டறான்

 

சோத்துக்காக அலைந்தவன் பணம் வந்ததும்

சொத்துக்காக அலைகிறான்

 

பணக்காரனாக நடந்து கொண்டவன் பணம் வந்ததும்

பணமில்லாத ஏழையாக காட்டிக் கொள்கிறான்

 

நிம்மதியாக இருக்கும் போது பணத்தை தேடுகிறான் பணம் வந்ததும்

நிம்மதியை தேடுகிறான்

 

 

இன்றைய இளைஞர்கள் நிம்மதியாக

இருக்கும் போது மனைவியை (பெண்) தேடுகிறார்கள்

 

மனைவி வந்தவுடன் நிம்மதியை தேடுகிறார்கள்

மனம் விட்டு சொல்ல முடியவில்லை அவ்வளவு தான்

 

இப்படி இழந்தது  எத்தனை எத்தனை

இருப்பதை வைத்து சந்தோஷபடுங்கள்

 

என்பவருக்காக இந்த சிந்தனையை சொல்லி

எண்ணங்களை பகிர்ந்து கொள்கிறோம்