தர்மம் வெல்லுமா?

 

 

வெல்லுமா... தர்மம்..

வென்றதா தர்மம்...

 

நமக்கு பிடிக்காதவர்களுக்கு தண்டனை கிடைத்தால்

நாம் சொல்வது தர்மம் வெல்லும் என்பது தான்

 

தர்மம் வெல்வதானால் எத்தனையோ பல

தவறு செய்தவர்கள் குளிர்அறையில்

 

குடும்பத்தோடு மகிழும் போது....

குட்டு விழுந்தவருக்கு கிடைத்த தண்டனை மட்டும்

 

தர்மம் வென்றது என சொல்வது

தவறல்லவா..

 

 

தவறு செய்யாதவர் யார் இந்த உலகில்

தவறி செய்வது தானே தவறு..

 

தவறு வேறு பிழை வேறு

தப்பு வேறு தானே

 

இதன் பொருள் தெரிந்தால்

இத்தனை தொல்லைகள் வருமா

 

எற்றென்று இரங்கு செய்யற்க

என்று தானே வள்ளுவம் சொல்கிறது

 

சோதிடரை கேட்டால்

சனி தான் காரணம் என கை நீட்டுவர்

 

சனிபுத்தி குருதிசையில்

சனிக்கிழமை எனவும்

 

ஜென்மத்தில் குரு என

சகலரும் பழமொழிகளை உதிர்ப்பர்

 

இவையெல்லாம் ஒரு புறம்

இருக்க மக்களின் நம்பிக்கையை

 

மதிக்காத நீதிகளும்… குற்றவாளிகள்

மட்டும் வெளியில் என்பதும் கேலியாக உள்ளது

 

தீர்ப்பளிக்க அதிகாரம் உள்ளவருக்கு

தீர்ப்பு வழங்கும் நிகழ்வு இங்கே நிகழ்ந்துள்ளது

 

பாவங்களை மன்னித்த

பரமனுக்கு தீர்ப்பு வழங்கப்பட்டிருக்கிறது

 

உங்களில் பாவம் செய்யாதவர்

உள்ளபடியே முதல் கல் எறியட்டடும்

 

என்று தீர்ப்பிட்டவருக்கு

என்ன நடந்தது என தெரியும் தானே

 

இருட்டு அறை என சொல்லும் அங்கே

இரு விழி இழந்தவரால்

 

அங்குள்ள கறுப்பு பூனையை

அது இல்லாத போது தேடி காண முடியுமா

 

மக்கள் கொடுக்கும் தீர்ப்பை விட

மகேசன் கொடுக்கும் தீர்ப்பே உயர்ந்தது

 

உள்ளே உள்ள அத்தனை பேரும் குற்றவாளி இல்லை

வெளியே உள்ள அத்தனை பேரும் புத்தன் காந்தி இல்லை

 

மாற்றங்கள் வரும்

மாறுதல்களும் வரும்

 

ஜெயிப்பவருக்கே வெற்றி உறுதி

ஜெபமே ஜெயம்