எனக்கு ஒரு இரங்கல் கடிதம்

 

முகம் தெரியாத நிலையில் சில
முகப்பு புத்தக நண்பர்கள் வகுப்பறை நண்பர்கள்

அவர்கள் விரும்பும் நேரத்தில் 
அன்போடு சில பேசுவார்கள்...

யாரும் என்னை நம்பி இல்லை
யாரையும் நம்பி நான் இல்லை

எனக்கு உறவுகள் என்று யாருமில்லை
எண்ணிச் சொல்லும் நண்பர்களும் இல்லை

வாழ்வது எதற்கு என தெரியாமல் 
வாழ்ந்து கொண்டு இருக்கின்றேன்

வாழ்ந்து சாதிக்கப் போவது ஏதுமில்லை எனினும் 
வாழ்ந்தாக வேண்டும் சாகும் வரை என்பதினால்

ஒருவருக்கும் தீங்கு நினைத்ததில்லை
ஒருவரையும் வெறுத்ததில்லை

உள்ளதை சொல்வேன் எண்ணத்தில் பட்டபடி
உள்ளபடியே சொன்னதை செய்வேன்

என்னை வெறுப்பவர்களும் உண்டு. அவர்
எவராக இருந்தாலும் விலகி விடுவேன்

தவறாக மனம் நோகும்படி எதையாவது பேசினால் 
தயங்காமல் மன்னிப்பு கேட்பேன் என்னிடம் தவறிருந்தால்

மற்றவர்களுக்கு தொந்திரவு செய்யாமல் என்

மனம் விரும்புவதை மட்டும் செய்வேன்

 

ஒழுக்கம் நிறைந்தவன் நான் என 
ஒரு போதும் சொன்னதில்லை எனினும்

ஒழுக்கத்தில் சிறந்தவன் என்பதை பழகும் 
ஒவ்வொருவரும் சொல்லி மகிழ்வார்கள்

எதற்காக வாழ்கிறேன் 
என்று தெரியாமல் வாழ்ந்து கொண்டிருக்கின்றேன்

சேவை மையங்களில்

சேர்ந்து விட எண்ணினேன்

 

அவர்களும் சேர்த்துக்கொள்ள தயங்குகிறார்கள்

அதற்கு காரணம் நான் ஒழுக்கமானவன் என்பதால்

 

அவர்கள் வெறுக்க வில்லை

அஞ்சுகிறார்கள் என்பது மட்டும் தெரிகிறது

 

 

 

நல்லா படிக்கிற பிள்ளைகளை மட்டும் சேர்த்துக்கொள்ளும்

நம்முடைய இன்றைய பள்ளிகள் போல அவர்களும்

 

இறப்பதற்கு அஞ்சும் சிலருக்கு முன்
இப்போவே இறப்பதற்கு தயாராக இருக்கிறேன்

 

இல்லாமையினால் சொல்லவில்லை.. எல்லாம் 
இருப்பதினால் சொல்கிறேன்...

உண்பதும் உறங்குவதும் 
உண்மையிலேயே இறைவனை வணங்குவதும் என

நாட்களை நடத்திக் கொண்டு இருக்கின்றேன்
நாளை நன்று நாளை நன்று என நானும்

உங்களோடு வாழ்ந்து கொண்டிருக்கின்றேன்
உணர்வுகளை உங்களோடு பகிர்ந்த கொண்டபடி...

சாவு மணி எனக்கு அடிக்கும் வரையில் 
சாதாரணவர் போல உங்கள் எண்ணத்தில்

வலம் 
வருவேன்

அனுதாபம் காட்டவோ

ஆதரவு வேண்டியோ இதை எழுதவில்லை

 

இறப்பதற்கு முன்

இதையாவது எழுதனும் என்று எழுதுகிறேன்

 

வயதிற்கும் சாவுக்கும் தொடர்பு இல்லை

வாழ்க்கையை வாழ்ந்துவிட்டால்

 

வாழ்வில் என்ன வேண்டும் என

வகைபடுத்தி பாருங்கள் எல்லாம் புரியும்

 

சாவதற்கு முன்

சமாதி கட்டிக்கொள்ள வேண்டும்

 

தற்கொலை செய்து கொள்ள மனம் இல்லை என்னை

கொலை செய்யும் அளவிற்கு யாருக்கும் நான் தீங்கு செய்தவன் இல்லை

 

இயற்கை மரணம் வரட்டும் என

இந்த கணம் வரை காத்துக்கொண்டிருக்கிறேன்

 

காலனை காலால் உதைப்பதாக சொன்னான் ஒருவன்

காலன் வருவான் என்று சிவனை கட்டிக்கொண்டான் அந்த சிறுவன்

 

அவர்களுக்குமுன் ஒவ்வொரு நாளும்

அந்த சிவகணங்களை எதிர் நோக்கி காத்திருக்கிறேன்

 

மீண்டும் பிறப்பு எனக்கு இல்லை என

மீண்டும் ஒரு முறை சொல்ல விரும்புகிறேன்

 

போர்டிங் பாஸ் உடன் காத்திருகிறேன்

போர்டிங் அறிவுப்பு வந்தவுடன் சென்று விடுவேன்

 

சென்று வருகிறேன் என

செல்லும் போது சொல்ல முடியாது என

 

இறந்து விட்டதாக சொல்ல கூட யாரும் இல்லை என்பதால்

இப்போதே சொல்லிவிடுகிறேன்

 

 அன்பிற்கும் உங்களின் நட்பான

ஆதரவுக்கும் நன்றிகள்

 

 

தங்கள் ஆதரவுக்கு நன்றிகள்

தவறி வந்த கருத்தல்ல அவை

 

உள்ளத்தின் ஆழத்தில் இருந்து வந்த

உண்மைகள் தாம்

 

மீண்டும் பிறவா நிலையை எனக்கு தரும் இந்த

மரணம் வருந்தும்படியான அவலம் இல்லை. தங்களின்

 

அன்பான வார்த்தைகளுக்கும்

ஆதரவான நட்பிற்கும்

 

நன்றிகள்

நன்றிகள்

 

இந்த பதிவிற்கான காரணம்

இந்த வாழ்க்கை போதும் என்ற எண்ணம் தான்

 

தனிமை என்னை  வருத்தவில்லை

தரமான ஆரோக்கியம் நிறைவாக இருக்கு

 

ஆசை எதிலும் இல்லை  என்பதினால்

அதிகம் சம்பாதிக்க எப்போதும் எண்ணியதில்லை

 

எனினும் இந்த வாழ்க்கை போதும் என்ற

எண்ணம் எண்ணத்தில் வந்தது பகிர்ந்துகொண்டேன்

 

இன்னொருமுறை நன்றிகளை

இங்கே சொல்லிக்கொள்கிறேன்

 

நான் யாருக்கும் தீங்கு செய்யவில்லை என்றால்

நமக்கு தீங்கு செய்பவர் இருக்கமாட்டார்கள் தானே

 

சில உண்மைகளை

சில சமயம் இப்படித்தான் சொல்ல வேண்டும்

 

சாகத்தானே வேண்டும் எல்லோரும் ஒரு நாள்

சாக நான் தயார் என்றால் ஏன் மகிழ்ச்சி உடன்

 

பாராட்டு வதற்கு பதில்

பயப்படுகிறார்கள் என்பது தான் புரியவில்லை

 

என் உணர்வுகளால் உங்களுக்கு மட்டும் சொல்கிறேன் 

நான் இறப்பதற்கு முன்னால் ....