சிந்திக்க சில..

 

பிறப்பும் இறப்புமே வாழ்வின்

சிறப்புகள்.. எனினும்

வாழ்வதன் நோக்கம் சாகும் வரை

வாழ்வது தானே.. எல்லோருக்கும் இது தானே

பணமிருக்கும் போது பற்றிக் கொள்ளும்

பண்பில்லாத உறவும் நட்பில்லாத சுற்றமும்

பணமில்லாத போது பக்கத்து வீடு வரை

பாதுகாப்பாக வந்து செல்கிறது.. பணமில்லையெனில்

விலகியே செல்வார்கள் அல்லது

விலக்கியும் வைப்பார்கள்..

உதவிகள் செய்தபோதும்

உட்கார வைத்து உபசரித்தபோதும்

மகிழ்ந்த உறவும் நட்பும்

மறுபயன் கருதியே அன்றி வேறில்லை

உலக சட்டமிது ஒருவராலும்

உரைத்து சொல்ல இன்னொரு ஐயன்ஸ்டின் தேவையில்லை

இதைவிட முக்கியம் மீண்டும் சக்கர சுழற்சியில்

இன்னல்கள் மாறி வசதி வந்த போது

விலகியவர்களும் விலக்கியவர்களும்

விவரமறிந்து உறவில் இணையும் போது

சேர்ப்பதா அல்லது

ஏற்ப்பதா என்ற சிந்தனையில் தான்

தவறுகள் பலர் செய்கின்றனர்

தண்டிப்பாருமுண்டு, பழி வாங்குவோருமுண்டு

போலியாக நட்பை போற்றுவாருமுண்டு

போகும் வரை வேண்டுமென “பனிப்போர்”(cold war) புரிவாருமுண்டு

உங்களுக்காக வாழ பழகிக் கொண்டால்

உண்மையிலேயே மகிழ்ச்சியாக வாழலாம்

அடுத்தவருக்காக வாழ பழகிவிட்டால்

அவஸ்தை படுவதற்கு தயாராகி கொள்ளவேண்டும்

நமக்காக மட்டுமே நாம் வாழ பழகி கொண்டால்

நாம் எளிமையாக இனிமையாக வாழலாம்

போலி கவுரவம் தேவையில்லை (அவ)மரியாதையை

போர்த்திக் கொள்ளவும் தேவையில்லை

நம்மால் பிறர்கு தொல்லையிராது அதனால்

நமக்கும் தொல்லையிராது மொத்தத்தில்

நன்மையே விளையும்

நமக்கும் பிறர்க்கும்

சேர்ந்து வாழ வேண்டாம் துன்பங்களை

சேர்த்துக் கொண்டு வாழ வேண்டாம்

பிரித்து வாழ வேண்டாம்

தனித்து வாழ பழகுவோம்

அப்போ..

 

கூடி வாழ்ந்தால்

கோடி நன்மை என்பது..

கேள்விக்குறியா என்ற

ஆச்சரியகுறியை சிந்திக்க தந்து..