வெளிச்சத்திற்கு வாங்க...

  

“வெளிச்சத்திற்கு வாங்க...”

ஜோதிடம் என்றதுமே, நமக்கு என்ன நடக்குமோ என்ற எதிர்பார்ப்பும், குரு பெயர்ச்சி, சனி பெயர்ச்சி, ராகு கேது பெயர்ச்சி என ஆண்டு முழுவதும் ஏதாவது ஒண்ணு வருகிறதே.. நமக்கு இது இப்படி நடந்து விட கூடாதே,  என்ற பயமும் அநேகமாக எல்லோருக்கும் இருக்கும்.

அடிப்படையில் சோதிட உண்மைகளை புரிந்து கொண்டு விட்டால், இது பற்றிய பயமோ கவலையோ இல்லாமல் இருக்கலாம் என்று பேசிப் பாருங்கள்.  உடனே, ஒருவர் குறுக்கே புகுந்து, என்னமோ சொல்றாங்களே என நானும் சோதிடம் படித்தேன் நாம ஒரு சோதிட விதி சொன்னால் அவுங்க ஒரு விதி சொல்றாங்க.. என்னமோ போங்க சார் ஒண்ணுமே புரியவில்லை என புலம்ப ஆரம்பித்து விடுவார்கள்.  

அட.. ஆமாம் சார் ..!! 

எங்களுக்கும் இது போல அனுபவம் இருக்குத்துள்ள என்று சொல்பவர்களுக்காக தான் இந்த பதிவு. 

அடிப்படையில் சோதிடம் ஒன்பது கிரகங்கள் தான். இல்லையா..!! 

அண்டத்தில் உள்ள பஞ்ச பூதங்கள் தான் இந்த பிண்டத்தில் உள்ளது சரி தானே..!!

இப்போ சரியாக புரிந்து கொள்வோம். ஒன்பது கிரகங்களில் ஒளி கிரகம் சூரியன் சந்திரன் என இரண்டு  சரி தானே. !!

இருள் அல்லது நிழல் கிரகங்கள் ராகு, கேது என இரண்டு.. 

மீதம் உள்ள ஐம்பெரும் ஆற்றல்களை குறிக்கும் கிரகங்கள் ஐந்து. 

இப்போ ஒன்பது கிரகங்கள் வந்து விட்டதா..?

இப்போ பாருங்க..!! ஒளியும் இருளும் தான் நம் வாழ்க்கை பயணத்தை அடையாளப்படுத்தி காட்டுகிறது. இதில் ஒளி நமக்கு முன்னாள் விழுந்தால், நிழல்  நமக்கு பின்னால் விழும் இல்லையா.. இந்த ஒளி நகர்ந்து கொண்டு வந்து நமக்கு பின்னால் வரும் போது, நிழல் நமக்கு முன்னாள் விழும் இது தானே அறிவியல். 

இந்த ஐம்பெரும் ஆற்றல்களில், எதன் மீது ஒளி முன்னே அல்லது பின்னே என விழுகிறதோ அதை ஒட்டி தான் நமது வாழ்க்கை பயணம்.  இப்போ எந்த கிரகத்தின் ஒளி எந்த நிழலை காட்டுகிறது என சொல்வது தான் ஜாதக கடிதம். (கட்டம் என சொல்லக் கூடாது)

இதில் நிழல் நமக்கு முன்னாள் வரும் போது, நாம் கொஞ்சம் விலகி கொள்ள வேண்டும் அல்லது திரும்பி நிற்க வேண்டும் அவ்வளவு தான் அது தான் பரிகாரம் என சொல்லும் குறிப்பு இதில் எந்த பரிகாரம் எப்போ செய்கிறோம்  எப்படி செய்கிறோம் என்பதை பொறுத்து பலன்களும் பயன்களும் கிடைக்கும்.  அது பற்றி தனியாக சிந்திப்போம். 

அதனால் தான் கோவிலில் மதிய வேளையில் சூரிய ஒளி கொடி மரத்திற்கு முன்பாக நிழல் விழும் அது சமயம் விழுந்து வணங்க கூடாது என்று தான் கோவிலை சாத்தி விடுவார்கள். ஆனால் நம்மில் பலரும் அய்யருக்கு  ஓய்வு தருவதற்காக கதவு அடைக்கப்படுவதாக நினைத்துக் கொண்டு இருப்பார்கள்.  இந்த வழிபாட்டு முறை பற்றி இன்னொரு சமயத்தில் சிந்திப்போம். 

இந்த ஐம்பெரும் ஆற்றல்களை குறிக்கும் செயல்கள், முயற்சி நம்பிக்கை, ஆரோக்கியம், சௌபாக்கியம்,  சந்தோஷம் இந்த செயல்களில் ஒளியும் நிழலும் மாறி மாறி செயல்படும்போது வாழ்வில் இன்பமும் துன்பமும்  நிகழ்கிறது. இதில் நிழல் எவ்வளவு நாள் இருக்கும் ஒளி  எவ்வளவு நாள் இருக்கும் என்பதை அவரவர் ஜாதகத்தில் இருந்து அனுபவம் உள்ள சோதிடர்கள் குறித்து சொல்லுவார்கள். 

இருளில் இருப்பவர்கள் வெளிச்சத்திற்கு வர வேண்டும். வெளிச்சத்தில் இருப்பவர்கள் ஒரு சமயம் இருளில் இருப்பதை அனுபவித்தாக வேண்டும் என்பதை மின்வெட்டு காலத்தில் நாம் பார்த்து இருப்போம். சிலர் வீட்டில் மின் வெட்டு வந்து மின் இணைப்பு வரும் வரை இருளில் இருக்கும். சிலர் வீட்டில் inverter  அல்லது சோலார் போல போட்டு இருப்பார்கள் மின் வெட்டு வந்த உடன் சில வினாடிகளில் மாற்று சக்த்தியால் மின் இணைப்பு கிடைத்து விடும். அந்த சில வினாடிகள் இருளில் இருப்பார்கள். 

இந்த வாழ்க்கை அனுபவங்களை புரிந்து கொண்டால் சோதிடம் சிரமம் இல்லை. எழுதி வைத்து மனப்பாடம் செய்யம் விதிகளும் கடினம் இல்லை. 

சரிங்க ஐயா..!! எப்போதுமே வெளிச்சத்தில் இருக்க ஏதாவது வழி சொல்லுங்க என கேட்க வருகிறீர்கள் புரிகிறது. 

வெளிச்சமான இடத்தில் இருந்து விட்டால், (maal ல் இருபதாக கற்பனை செய்து கொள்ள போறீங்க...) நம்மை சுற்றிலும் வெளிச்சம் இருக்கும் தானே..  அந்த ஒலி நிறைந்த இறைவனை தியானித்து எப்போதும் இறை சிந்தனையில் இருந்தால் ஒளியுடன் சேர்ந்த நாம் இருளில் இருந்து விலகி இருக்கலாம். 

இருளில் இருந்து விலகி இருந்தால், இன்பமே எந்நாளும் துன்பம் இல்லை என அப்பர் பெருமான் சொல்வது போல எப்போதும் மகிழ்ச்சியுடன் கவலையின்றி இருக்கலாம். 

“அவன் கால் பட்டு அழிந்தது என் தலைமேல் அயன் கையெழுத்தே”

என்று அருணகிரிநாதர் அடிக்கோடிட்டு சொல்வதும், 

“அவை நல்ல நல்ல அடியார் அவர்க்கு மிகவே” என்று சம்பந்த பெருமான் கோளறு பதிகத்தில் குறித்து சொல்லி இருப்பதும்,

“அல்லல் என் செய்யும், அருவினை என் செய்யும்” என அப்பர் தேவாரத்தில் சொல்லி இருப்பதும்,

“”வான நாடனே வழித்துணை மருந்தே” என சுந்தரமூர்த்தி சுவாமிகளும்,

“நாள் என் செய்யும், வினை தான் என் செய்யும்” என கந்தர் அலங்காரமும்,

“மாதமும், தின, வாரமும், திதி, யோகமும், பல நாள்களும், படர்மாதிரம் திரி கோள்களும், கழல் பேணும் அன்பர்கள் பால் நலம் தர” என பாம்பன் சுவாமிகளும்,

“ஊழையும் உப்பக்கம் காண்பர் உலைவின்றித் தாழாது உஞற்று பவர்” என்று திருவள்ளுவரும் சொல்வது இது தான். 

இருளில் இருப்பவர்களே ..!!  "வெளிச்சத்திற்கு வாங்க " வெளிச்சத்திற்கு வர வழி தெரிய உங்கள் நம்பிக்க்குரிய சோதிடரை அணுகி ஆலோசனை பெறுங்கள். நம்பிக்கையோடு இருங்கள். 

நல்லதே நினைப்போம். நல்லதே நடக்கும்.