07. கங்கை சொல்லும் பாடம்.

  

- 7 - 

               கங்கை புனிதமானது என போற்றப் படுகிறது. கங்கை நீரை கொண்டு பல அறிவியல் ஆய்வுகள் நடந்து கொண்டு இருக்கிறது. பொதுவாக அது ஆன்மாவை தூய்மைப்படுத்தும் சக்தியாகக் நம்பபடுகிறது. ஆன்மீகப் பாதையில் தன்னை புதுப்பித்துக்கொள்ள, புனிததன்மையை அடைய என சில சிந்தனைகளுக்காக உலகம் முழுவதிலுமிருந்து யாத்ரீகர்கள் கங்கையில் புனித நீராடுகிறார்கள். ஒவ்வொரு முறையும் ஆற்றில் மூழ்கும் இந்த புனித செயல் உடல் தூய்மைக்கு மட்டுமல்ல, உள்ளத் தூய்மைக்கும் அடையாளமாகதொன்று தொட்டு நம்பபடுகிறது. 

               ஆன்மாவில் குவிந்துள்ள அழுக்குகளை, அது நம் கடந்த காலத்தில் செய்த தவறுகளாக இருக்கலாம், புரையோடி போன வருத்தங்களாக  இருக்கலாம், அல்லது நம்மைக் புனித நிலைக்கு உயர்த்திக் கொள்ள தடையாக உள்ள  பற்றுக் களாகவும்இருக்கலாம். இவற்றை தூய்மைப் படுத்தி புனிதப் படுத்துவதற்கான வாய்ப்பாக இந்த புனிதநதி நீராடல் என்பதை ஆன்மிக அன்பர்கள் அறிந்து இருப்பார்கள்.

               ஆனால் மனதையும் ஆன்மாவையும் உண்மையிலேயே தூய்மைப்படுத்துவது என்றால் என்ன? சுத்தம் செய்வது அல்லது புனிதமாக்குவது  என்பது ஒருமுறை செய்யக்கூடிய செயல் அல்ல என்பதை கங்கை நமக்குக் சொல்லி தருகிறது; நதியின் நீரோட்டம் போலவே இது ஒரு தொடர்ச்சியான செயல்முறையாகும். ஒரு முறை புனித நீராடி விட்டால் எல்லா பாவமும் ஓய்ந்து விட்டது என எண்ணுவது சரி  ஆகாது. ஒரு பாவம் ஒழிந்தால் இன்னொரு பாவம் செய்ய தயாராகி விடுவது தான் மனித இயல்பு. 

               அதனால் ஒவ்வொரு முறையும் நாம் ஆற்றில் மூழ்கும் போது, ​​உடல் அழுக்குகளை மட்டும் கழுவி நீக்கு வதில்லை; நாம் சுமந்து செல்லும் மனதிதில் உள்ள கெட்ட எண்ணங்களை, தவறான  உணர்ச்சிகளை புனிதப் படுத்துகிறோம். இப்படி  தன்னை புனிதமாக்கும்  செயல் முறை தொடர்ச்சியாக நடை பெற வேண்டும்.  ஆம் தினமும் முடியாது என்பதால், வருடம் தோறும் வந்து புனித கங்கையில் நீராடி நம்மை புனித்தபடுத்திக் கொள்ள வேண்டும். வருடம் தோறும் வர முடியாதவர்கள் முடிந்த போது கூட வரலாம். கும்பமேளா போன்ற முக்கிய சந்தர்பங் களில் கூட வரலாம். அதுவும் முடியாது என்றால் வாழ்வில் ஒரு முறையாவது செல்வது அவசியம் வந்து புனித கங்கையில் புனித நீராடுதல் செய்ய வேண்டும்என்ற உறுதி எடுத்துக் கொள்ளுங்கள். ஒவ்வொரு முறையும், ஒவ் வொரு புதிய சவாலிலும், ஒவ்வொரு முயற்சிகளிலும் நம் வெற்றி  பிரதிபலிக்கும். 

               இந்த புனித படுத்துதல்  என்பது எதிர்மறையை விட்டு விடுவது மட்டுமல்ல, நேர்மறையான மாற்றத்தைத் கொண்டு வருவதும் ஆகும். இருளை முழுவதும் நீக்க முடியாது ஒளியை  ஏற்றி, இருளை அடங்கி இருக்கும் படி செய்வதை தான் புனித படுத்துதல் என சொல்லப்படுகிறது. கங்கை அது பாயும் நிலங்களை வளமாக்குவது  போல, நாமும் நம் மனதை நேர்மறையான எண்ணங்கள், செயல்கள் நல்ல உணர்வுகள் மற்றும் நோக்கங்களால் வாழக்கையை வளமாக்க  வேண்டும். நம் இதயங்களைத் தூய்மைப் படுத்துவதில் நாம் எவ்வளவு கவனம் செலுத்துகிறோமோ, அவ்வளவு அதிகமாக அன்பு, அமைதி மற்றும் அறிவு இருப்ப தற்கான  இடத்தை உருவாக்குகிறோம். நம்மைபிரதிபலிக்கும் பயிற்சி என்பது, புனித கங்கையில் நீராடுவது போன்றது, இது கவனச்சிதறல்கள் மற்றும் மன குழப்பங்களை நீக்க  உதவு கிறது.

               இருப்பினும், ஆத்மாவை, உண்மையான புனித படுத்து தல் என்பது,  வெளிப்புற சடங்குகளிலிருந்து மட்டும் வர வில்லை என்பதை புரிந்துகொள்ள வேண்டும்.  அது ஆழ் மனதில் இருந்து வர வேண்டும். கங்கை என்பது தெய்வீகத்தின் பிரதிபலிப்பு, அதுபோலவே நம் ஆழ்மனதின் எண்ணங்களும். புனித கங்கை நதியானது அசுத்தங்களால் கறைபடாதது போல, கடந்த காலத்தின் வெளிப்புற கவனச் சிதறல்கள் மற்றும் அறிந்தோ அறியாமலோ செய்த தவறு களால் நமது உண்மையான தன்மை காலங்கப்படாமல் உள்ளது. 

               நமது கடந்த கால செயல்கள் அல்லதுதவற விட்ட வாய்ப்புகள் எடுத்த முயற்சிகளில்  தோல்விஎன எதுவும் நம்மை நம்முடைய வளர்ச்சியை தடுப்பதற்கு தடையாக இருக்க கூடாது  என்பதை கங்கை நமக்கு சொல்லும் பாடமாக நம்மால்  உணர முடிகிறது.

               கங்கை நதி தன் நிலப்பரப்பிற்கு ஏற்ப தன்னை மாற்றிக் கொண்டு பாய்ந்து ஒடுவதைப் போல, நம் ஆழ்மனதில் இருந்து வரும் ஞானத்திற்கு நாம் சரணடைய பழகி கொள்ள வேண்டும். நாம் எடுக்கும் முடிவுகளின்  மீதான கட்டுப் பாட்டை தளர்த்தி, மாற்றத்திற்கு ஏற்ப அதன் போக்கில் முடிவு எடுக்க பழகி கொள்ள வேண்டும். இது செயலற்ற தாகவோ அல்லது நம் சூழ்நிலைகளை  விட்டு விலகு வதாகவோ பொருள் அல்ல, என்பதை அடிப்படையில் புரிந்து கொள்ள வேண்டும்.

               மன்னிக்கும் மானப்பான்மையே மனதை தூய்மைப் படுத்தும் செயலாகும். தூக்கி வீசப்பட்ட குப்பைகளைகங்கை பொருட்படுத்தாமல் பாய்ந்து ஓடுவது போல, நாமும் நம்மை கட்டி பிணைக்கும் வெறுப்பு, வேதனையான அனுபவங்கள், எதிர்மறை உணர்ச்சிகள் மற்றும் நச்சு சூழல்கள் இவைகளில் இருந்து இயல்பாக விடுபட வேண்டும். அதுவே கங்கை கற்று தரும் பாடம்.  கோபத்தை மறந்து  நமக்கு தீங்கு செய்த வர்களை மன்னிக்க கற்றுக்கொள்ள வேண்டும். அப்போது தான் கடந்த காலச் சுமை நம்மைத் தடுத்து நிறுத்தாமல் நாம்  சுதந்திரமாக முன்னேற துணை செய்யும்.