05. கங்கை சொல்லும் பாடம்.

 - 5 -

               கம்பீரமாக பாய்ந்து ஓடும் கங்கையை ஒரு கனம் பாருங்கள். ஹரித்வார் நகரில் கங்கை ஆற்றின் கரை ஓரத்தில் நின்று கொண்டுகங்கையின் ஓட்டத்தை ரசிக்கும் போது, நமக்கு பெருகும் இன்பத்தை சொல்லி காட்ட முடியுமா என்றால் முடியாது தான்.  ஆனால், ஓடுகின்ற கங்கையின் ஆழத்தை கங்கை கரையின் ஓரத்தில் நின்று கொண்டு, மேல் பரப்பில் இருந்தபடியே ஒரு பார்வையில், கணித்து சொல்லி விட முடியுமா? 

               அலகாபாத் என்னும் பிரயாகராஜ் நகரில் திரிவேணி சங்கமத்தில் கங்கை யமுனை எனும் இரு நதிகளுக்கு ஊடாக, சரஸ்வதி எனும் நதி, ஆழத்தில் செல்வதாக நம்ப படுகிறது. அந்த சங்கமத்தில் ஒரு பலகையை கட்டி விட்டு இறங்கி நீராட வசதி செய்து வைத்து இருப்பார்கள். அந்த சரஸ்வதி நதியை யாரேனும் அதை கண்டது உண்டா?

               புனித கங்கை நதியின் மேற்பரப்பில் இருந்து கொண்டு, கங்கை நதியின் ஆழத்தை கணிக்கிட்டு சொல்ல முடியாது. என்பது நம்மில் பலரும் அறிந்தது தான். இதை தெரிந்த நம்மில் பலருக்கு இதன் மூலம் கங்கை நமக்கு சொல்லி தரும் பாடத்தை தெரிந்து கொள்ள வேண்டாமா? இந்த, உலகத்தில் நாம் யாரையும் அல்லது எதையும் மேலோட்ட மாக வைத்து அவரின் தன்மையை எடை போட கூடாது. 

               நாம் ஒருவரின் உடை, நடத்தை அல்லது சமூக அந்தஸ்து ஆகியவற்றின் அடிப்படையில் பொதுவாக ஒருவரை இவர் இப்படிப்பட்டவர் என முத்திரை குத்து கிறோம். அது எளிதாக இருப்பதால் அப்படி செய்கிறோம்.  ஆனால் உண்மையான ஞானமும் ஒழுக்கமும் மேற்பரப்பில் வெளிப்படுவது இல்லை.

               வாழ்க்கையில், மற்றவர்களின் தோற்றம், அவர்களின் வெளிப்புற நடத்தைகள் அல்லது அவர்களுடன் நாம் பகிர்ந்து கொள்ளும் தருணங்களை வைத்துஅவர்களின் இயல்பு தன்மையினை நாம் அறிந்து கொள்ள முடியும்.         

               ஒரு நபரை உண்மையாகப் புரிந்து கொள்ள, ஒருவர் அவரது எண்ணங்கள், அனுபவங்கள் இவற்றுடன் அவர் களுடன் அவர் தம் உள்உணர்வில்  அவருக்குள் இருக்கும் உலகில் பயணிக்க வேண்டும்.அப்போது தான் அவர்களை பற்றி ஓரளவு நாம் புரிந்து கொள்ள முடியும்.

               ஒரு நிமிடம், நீங்கள் தவறாகஒருவரை  மதிப்பிட்ட தருணங்களை நினைத்துப் பாருங்கள். நல்ல யோசனைகளை  சொல்லும்  சக ஊழியரை ஆர்வமற்றவர் என்று நினைத்து விட்டு பின் வருந்திய நிலையாகஇருக்கலாம்,  சிறந்த வழி காட்டியாக விளங்கிய கண்டிப்பான ஆசிரியரை, எத்தனை முறை தவறாக நாம் மனதில் சித்தரித்து பின் வருந்திய சூழலாக இருக்கட்டும்.இப்படி  பொறுமை இழந்த நிலையில், அல்லது தவறான பார்வையில்  மேலோட்டமாக அவர் தம் ஆழ்மன  எண்ணங்களை அறியாமல் நாம் தரும் மதிப்பீடு என்பது தவறு என்பதை அவரின் உண்மை தன்மை தெரிந்த பிறகே நமக்கு தெரிய வரும் இல்லையா.

               உண்மையான புத்திசாலிகள் தங்கள் அறிவின் ஆழத்தையோ, நற்குணத்தின் இயல்பையோ தேவை யில்லாமல் வெளிப்படுத்த மாட்டார்கள். அவர்களின் நடை முறை ஒழுக்கமே அதை காட்டிக் கொடுத்து விடும்.  அவர்களின்  அமைதியும், அடக்கமும், நல்ஒழுக்க சிந்தனை களும்  என, அவர்களின் தங்களின் செயல்கள்மூலம் அவர் தம் குணாதிசயங்கள் தாங்களேவெளிப்படுத்துவார்கள், பாய்ந்து ஓடும் கங்கை நதியை போல. "ஆழ்மனம் அமைதியானது தான், அவை கேட்பதிலும், கவனிப்பதிலும் மற்றும் கற்றுக்கொள்வதிலும் மிகவும் சுறுசுறுப்பாக இருக் கின்றன" என்பதை புரிந்து கொள்ளுங்கள்.

               கங்கையின் ஆழம் நம் ஒவ்வொருவருக்குள்ளும் எல்லையற்ற ஆற்றலைக் குறிக்கிறது. நதியைப் போலவே, நாம் ஆழமாக மூழ்கும் வரை நம்முடைய திறமைகளின் அளவை  எப்போதும் பார்க்க முடியாது. “உன்னில் இருக்கும் உன்னைக் காண” என உளவியல் அறிஞர்கள் நம்மை செதுக்கி செய்வார்கள். நம்மில் பலர் நம் வாழ்வின் மேற்பரப்பில் வாழ்கிறோம், நடைமுறைகளை கடந்து, நமது உண்மையான திறமைகளை ஒருபோதும் ஆராய முயற்சி செய்யவில்லை என்பதே உண்மை.  ஆழ்  மனதின் ஆற்றல் மேற்பரப்பில் பாய்ந்து ஓடும் வேகத்தில் வெளிப்படும்.  

               ஒருவரை சந்திக்கும் போது, ​​நீங்கள் பேசுவதை விட அதிகமாக கேளுங்கள். இவருக்கு என்ன தெரியும் என்ற ஏளனமான மனப்போக்கு எப்போதும் வேண்டாம். சவால்களை எதிர்கொள்ளும் போது, ஆழ் மனதின் ஆற்றலை  ஆராயுங்கள். Inner voice என்று ஆங்கிலத்தில் சொல்லுவார்களே அதை நினைவில் கொள்ளுங்கள், ஆழ்மனதின் ஆற்றல் ஒரு அரிய பொக்கிஷம், அதை மேல் நிலையில் இருந்து ஒரு போதும் அளவிட முயற்சி செய்ய முடியாது. கங்கை நதியும் தன் ஆழத்தை மேற்பரப்பில் இருந்து கண்டு தெரியும்படி நடந்து கொள்வதில்லை. அதனால், தேடுங்கள் கண்டு அடைவீர்கள் முடியும் என்றால் முடியும். அதை முடிக்க வேண்டியதே நமது ஊக்கமும் செயலுமாக இருக்க வேண்டும் என்பதில் உறுதி கொள்ளுங்கள்.