04. கங்கை சொல்லும் பாடம்.

 

• 4 –

               நான் நல்லவனா..? இல்லை கெட்டவனா? என்று எப்போதாவதுசுய பரிசோதனை செய்தது உண்டா? அதுக்கு எல்லாம் எங்கே சார் நேரம் என்று அங்காலைத்து கொள்பவர்கள் தான் அதிகம். இருந்தாலும் பொதுவாகவே எல்லோரும் ஒரு சிலரில் யாருக்காவது ஒரு விதத்தில் உதவியாக இருக்கலாம். அதே போல ஒரு சிலரில்  யாருக்காவது பிடிக்காதவராக அல்லது வேண்டாதவராக  இருக்கலாம்.  இன்னும் சிலர் சில சமயம் வேண்டாத வராகவும் சில சமயம் வேண்டியவராகவும் கூட இருப்பார்கள் அல்லது நடிப்பார்கள். 

               பொதுவாகவே இயல்பு என்ன என்றால், நமக்கு பிடித்ததை ஒருவர் சொல்லும் போது, அல்லது நாம் விரும்புவதை அவர்கள் செய்யும் போது, அவர் நமக்கு நல்லவர். அதுவே மாறுபட்டு இருந்தால் அவர் கெட்டவர், என்பதை நாம் மனதில் பதித்துக் கொண்டு, சிலரை பிடிக்காத வராகவும் சிலரை பிடித்தவராகவும் மனதில் படம் பிடித்து வைத்துக் கொள்வது வழக்கம். 

               ஆனால் பாருங்கள், புனித கங்கை உலக தொடர்புடைய எல்லா மக்களையும் தொட்டு தழுவி செல்கிறது. சிலர் பக்தர்களாக வணங்கி தொழுது புனித நீராடல் செய்வார்கள். மற்ற சிலர் உள்ளூர் மக்கள், அன்றாட தேவைக்கு கங்கை நீரை பயன்படுத்திக் கொள்வார்கள். தன்னை வணங்கி போற்றுகிறார்கள் என்றோ, தன்னை மதிக்காமல் இருப்பவர் களை உதாசீனபடுத்துவதோ இல்லை. யாராக இருந்தாலும் பாகுபாடு இல்லாமல், கங்கை அன்னை  வரவேற்கிறாள், பாகுபாடு இல்லாமல் சேவை செய்வதே தன் நோக்கம் என்பதைக் காட்டுகிறது, புனித கங்கையின் செயல்பாடுகள்  என்பதை நாம் புரிந்து கொள்ள வேண்டும். 

               புனித கங்கையின்தன்னலமற்ற தன்மை, நாம் எவ்வாறு பதிலுக்கு நடத்தப்பட்டாலும், கொடுக்கவும் வளர்க்கவும் கற்றுக்கொடுக்கிறது. நாம் புனித தன்மை அடைய வேண்டும் என்றால், எல்லோரையும் சமமாக பாவிக்கும் மன பக்குவம் வர வேண்டும். அப்படி ஒரு வாழ்க்கையை எவ்வாறு வாழ வேண்டும் என்பதை புனித கங்கை அழகாக பிரதிபலித்து  காட்டுகிறது:

               சிலர் தங்கள் ஆதாயத்திற்காக நம்மைபயன்படுத்திக் கொண்டு, அவர்கள் காரியம் முடிந்த பிறகு மறந்து விடு வார்கள்.             இன்னும் சிலர்  நாம் செய்த சிறு உதவிகளை நினைத்து நம்மை போற்றிக் கொண்டு இருப்பார்கள், மதிப் பார்கள், நன்றி காட்டுவார்கள். இயல்பாகவே மனித மனம் நம்மை மதிப்பவர்களை போற்றுவதும் எசுபவர்களை வெறுப்பதுமாக இருக்கும்.      இது போன்ற சூழல்களில் நம்மை ஏசுபவராக இருந்தாலும் சரி, நன்றி உணர்வு இல்லாதவராக இருந்தாலும் சரி, நம்மை போற்றி மதிப்பவர் களாக இருந்தாலும் சரி, கங்கையைப் போல, பெருமையோ துக்கமோ நம்மை ஆட்கொள்ள விடாமல், நம் கடமைக்கும் நோக்கத்துக்கும் உறுதியாய், அடக்கமாக, உண்மையாக இருக்க வேண்டும்  இதுவே, புனித கங்கை நமக்கு சொல்லி தரும் பாடமாக இருக்கட்டும்.